Thursday, November 22, 2007

دموع

كل واحد بييجى عليه وقت وبيبقى نفسه يبكى
أوقات بيمسك نفسه ويمنع نفسه من البكا
وأوقات مبيتحملش والبكا بيبقى أقوى منه
طبعا مش عيب ولا حرام اننا نبكى
راجل او ست
لكن العيب اننا نكتم آلامنا جوانا ومنطلعهاش
اننا نبكى من غير صوت
اننا نخنق نفسنا على الرغم ان ربنا أعطانا نعمة جميلة
اننا نطلع الشحنات والألام السيئة فى نقاط مياة بسيطة مبسطة تخرج وتنساب بمنتهى السهولة لتمسح وتزيل كل آثار الندم والخوف والحزن والحرمان
إذا لم تسطتع أن تعلن غضبك جهراً
إذا لم تستطع أن تسيطر على آلامك
إذا لم تستطع تحقيق أحلامك
إذا ظهرت لك علامات اليأس والقهر
إبكى
إبكى
ولكن
من بعد البكاء فلتقى بكل الهموم جانبا وبكل المشاعر الساخطة والسيئة
إلقى بمخلفات الحياة والطبيعة التى تقوم بإلقائها على أكتافنا لتزيد من حمولنا فى الحياة
ولكن فلتبدأ من جديد
أبدأ بخطوات ثابتة نحو المستقبل المشرق ولتسمتع بكل مباهج الحياة والنعم التى يغمرنا بها الله دائما وأبدا

47 comments:

كاميليا بهاء الدين said...

كلام جمييييييل

بس المهم التنفيذ
المشكلة إنه بعد البكاء بيكون برضو بكاء ،، وبكاء
والهموم مش بترضى ابداً تنزل من علي اكتافنا
لكن بنحاول .. علشان نعيش

بوست جميل اوى
يعبر عن حقيقة هامة .. تمتلئ بها هذه الايام
او هذا الزمن
البكــــــــاء

تحياتى ياقمر
آنا اول تعليق علشان كنت مستنياكى تكتبى

كاميليا

shahy said...

دوبة الجميلة

انتي عاملة دعوة للبكاء
هو فعلا البكاء بيريح كتير وبيغسل العين والقلب انتي عارفة انا بحس ان اللي مش بيبكي بيبقى قلبة جامد
وكما قلتي اهم حاجة ان الواحد يرجع يفكر ويحمد ربنا على كل نعمة

تحياتي ياام يوسف ودايما كلامك بيبقى لة معنى حلو قوي

mohand said...

السلام عليكم

طيب واللي ميعرفش يبكي

وخصوصا لو قدام الناس

صدقيني بيكون صعب قوي انك نفسك تبكي

وللاسف متقدريش

تحياتي

فرنسا هانم said...

هبه يا عسوله
ازيك وحشانى
هتروحى منى فين ؟
كده مسكاكى وكده مسكاكى
تعالى سلمى نفسك احسن
بوسه لخالتو
اسمعى بقى
البكاء والدموع
حاجه فى غايه الاهميه
لان البكاء بينفس عن النفس
ومن يكبت بكاءه
خطر جدا عليه
لانه يسبب امراض نفسيه خطيره

الطائر الحزين said...

رزقنا الله هذه النعمة

يارييييييييييييييت
نعرف

Yahia said...

البكاء شيء عظيم جداً وفعلاً نعمه يمكن كتير منا مش عارفها، والبكاء أنواع كتير منها بكاء الخوف من الله والندم والقهر والظلم والفرح، البكاء بيكون في حالات المشاعر الشديدة بغض النظر عن كونها ‘يجابية أو سلبية بس في الأخر بتساعدنا اننا نخفف من وطأة الإنفعالات اللي جونا، كما معظم النساء بيبكوا بسهوله والعكس مع الرجاله ويمكن ده بيعكس عادات وتقاليد نشأنا عليها كلنا بعنى أن البكاء ضعف واحتياج و‘حنا يا رجاله طبعا أقوياء ومش محتاجين لحد بس الواقع أن كل واحد مننا محتاج لحتى لحظة بكاء منفردا وإنشاء الله هيشعر بأرتياح .... وأنا كمان شخصياً نفسي الاقي لحظة زي دي ...... بس برده صعب.

تحياتي

klmat said...

عزيزتى دوبا
كلامك جميل ومريح طبعا مش عيب ابدا
اننا نبكى لكن احيانا بدارى دموعى
علشان مش عايزه حد ينعى همى
او مش عايزه حد يعرف سبب بكائى
بس ممكن ابكى لوحدى
البكاء بيخفف عنا لكن كتره
بيصدع ويتعب العين
لكن نحاول من جديد ده جميل
بوست جميل
ويارب مايجيب بكا
تحياتى وسلامى

مدحت محمد said...

هبة
البكاء
كتير بنبكى
حقيقى غصب عننا
وساعات كتير بنكتم جوانا
انا عن نفسى اكتر بكا بيريحنى
اللى بيكون لله
مش لهم دنيا
الدموع غالية
ولازم لما تنزل تنزل لغالى
وساعات كتير انا بكتم بكائى لفترات
بس بلاقيها بتنزل غصب عنى
فى اوقات مبقدرش امسك نفسى فيها من البكا
تحياتى للبوست الحزين ده

Eric Matt said...


ولازم نستحم بالدموع لنغسل الحزن والألم

لكن كما تقول كاميليا

لازم التنفيذ

تحياتي من ماناساس البلد

Unknown said...

دوبة
حلو اوي البكاء بس ما تزوديش منه
الفرح جميل وسعيد
والدنيا فيها حاجات جميلة اوي
شرفيني بالزيارة، بس من غير عياط

Soooo said...

في اغنيه بتاعة منير بتقول ابكي

الحقيقه زمان كنت باعرف ابكي
انما دلوقتي بتجيلي خنقة ماقبل البكا واحاول ابكي ماعرفش
تقريبا من كتر مانا بكيت زمان مش عارف ابكي كبكاء بكاء
وباكتفي بدمعه او دمعتين ينزلو من عيني وخلاص

وبعدين انا باكره البكاء كبكاء
لانه يعتبر ضعف
وللاسف .. احنا في زمن لو ضعفنا فيه قدام اي حد حتى اقرب الناس لينا .. هيستغلو ده اسوأ استغلال
حتى لو واحد بكي قدام مراته
هتستغل ده في اول مشكله تحصل مابينهم وتقول عليه انه ضعيف وبكي قدامها


الحقيقه هو موضوع جميل وكده
بس برضه لكام انشا .. ينفع لو احنا عايشين في دولة يوتوبيا الفاضله
مش في ارض الواقع



سلاموووووووووووز

Anonymous said...

والله ياهوبة المسألة مش في البكاء احنا بنعرف نعيط حلو وحلو قوي كمان دي طبيعة الشعب ده في الفرح بيبكي وفي النكد بيبكي المهم بعد كده ايه اننا نتوقف بس عند اللحظات البكاء مكتوفين اليد لانقدم ولا نؤخر هو ده المهم لان اغلبنا بيكون عايش جوه الدمعة وبس بيقعد يشوف منجواها مبيحولش يطلع برة ويشوف العالم من حواليه سلامي ليكي وليوسف

أبوسويلم said...

معاك حق تماما
البكاء ممن المشاعر الانسانية الجميلة التى تسبب راحة شديدة للنفس
لكن المهم كما قلت ان نلقى الهموم جانبا ونبدا من جديد
تدوينة جميلة
سلام

hoda omran said...




يا عندليب ما تخافش من غنوتك

قول شكوتك و احكي علي بلوتك

الغنوه مش ح تموتك إنمــــــــــا

كتم الغنا هو اللي ح يموتــــــــك

عجبي !!!








حاسب من الاحزان و حاســـــــب لها

حاسب علي رقابيك من حبلـــــــــــها

راح تنتهي و لابد راح تنتهــــــــــي

مش انتهت أحزان من قبلهــــــــــا؟

عجبي !!!

Lemonada said...

اولا الشكل الجديد مريححححححح جدا للمدونة
ثانية البكاء دي نعمة لازم طول اليوم نشكر ربنا عليها
عارف غير ان البكاء بيرحنا هو كمان دمع العين اكبر واحسن مطهر للعين على وجه الكرة الارضية
:)
تحياتي

micheal said...

كلام جميل كله حكم
تحياتي

Doaa Ebrahim Aaql said...

ازيك يا هبة
وحشانى خالص يا قمر

البكاء نعمة كبيرة
لا يشعر بها إلا من افتقدها

نعم هناك من يفتقدها
هناك من يريد ان يبكى
لكنه لا يستطيع


جميلة أووى نصائحك تلك

تحياتى
وطمنينى عليكى

البِـئرُ والظمّأْ said...

هبهوب يا قمر
سلام الله عليكي يا رب تكوني بخير


عندك حق يا قمر
بس الي يسمع بقا الكلام ده
هل فعلا بعد ما هنبكي هنرمي كل حاجه كانت مدايقانا ورانا و نبدأ من جديد
هنغسل همومنا بالبكاء ؟؟




انا عن نفسي بستريح قوي ما ببكي
عايزة ابكي طيب
ليه فكرتيني :(

ما تغيبيش يا قمر


زيزي

son's egypt said...

السلام عليكم
فعلا كل واحد منا بيجي عليه وقت انه يكون عاوز يعيط
بالعكس ده العياط بيغسل
الهموم
واللي يعقول عكس كده بيكون غلطان
بالعكس الواحد لما بيعط بيحس بارتياح
انه غسل همومه

ابو صهيب ( الجمعاوي الاصيل)سابقاً said...

ان البكاء من اهم الوسائل المريحة للانسان حينما يكون هناك هم ما بداخله ولكن لا يقف الانسان عند البكاء فحسب ولكن لابد من اخذ خطوات عملية لاجلاء هذا الهم والله ولي التوفيق
صاحب مدونة ميخا
ندعوكم لمعرفة اخر انجازات السيد احمد نظيف في مدونة ميخا
وسلام

رحــــيـل said...

هبه
انا من اول ما جيت عندك وان بجد بيعجبنى جدا اختيارك للمواضيع

شوفى بقى انا اكتر واحده بشجع موضوع البكا ده شئ مريح جدا
انا مش عارفه ليه الناس بتفتكره سلبيه وضعف
مع انى شايفه انه شئ طبيعى وانسانى جدا دى غريزه فينا
تحياااااااتى هبة

Anonymous said...

الفاضلة Doba
تعليقى بسيط أنت إنسانة من زمن جميل ، أخيك أبوخالد و أسف على تعليقى بدون إذن.

Anonymous said...

ممكن البكا يكون نهاية لحظة قديمة
ورقة بتتقطع وتترمي
وبداية حياة جديدة
نضيفة
مغسولة
لك تحيتي

Ehab said...

ايه ده
عياط ايه وبكاء ايه
يا شيخه انتي متعرفيش
مش انا اكتشفت حاجه فظيعه قوي
العياط صرح العلماء انه مفيش منه فايده
صرح العلماء انك لما تحس انك اتظلمت او تعبان او مقهور متعيطش
عارفه ليه لأنك ببساطه قوي هتفكر نفسك بالمشكله مش اكتر ولا اقل
كنت زمان بقول مش عيب ان الواحد يعيط سواء راجل او ست
وانا نفسي كنت بعيط
ولعلمك انا بعيط قدام اي حد
بس ده زمان

اصلي لقيت انه مبيجيبش نتيجه خالص
لقيت انك لما تستقوي كده وتكبري دماغك
الدنيا بقت احسن كتير

لكن لو البكى ده هيساعد فعلا في اني اتحسن شويه واستجمع قوتي يبقى مفيد جدا وهايل
انما مشكلتنا اننا بنندمج قوي مع الراحه النفسيه بتاعة البكاء
ومبننتقلش للمرحله التاليه
وهي اننا ناخد موقف
بنندمج قوي مع الدموع اللي بتغسل جروحنا وبننسى اننا المفروض بعد غسل الجرح اننا نعالجه ونحميه من اي اصابه تانيه

يعني ببساطه انا موافقك ان الدموع بتريح قوي وبتهون قوي المشاكل
لكن منقضيش بقيت عمرنا نبكي

لا يفيد البكاء على اللبن المسكوب

حاجه اخيره
بعض الشياء لا تستحق دموعنا

سلااااااااااااااااااااااام

Rosa said...

تسلم ايدك يا دوبا
بجد كنت محتاجه اسمع الكلام دا قوي
مسني جدا
مرسي بجد عليه
:)

Anonymous said...

ليه كده ياماما ده انا عايزة حد يقويني ويقولي سد ياماما سد انا دموعي قريبة اوي مني وبحاول امنعها اصلا ... اهئ اهئ اهئ


بس فعلا البكاء بيريح دي حقيقة احيانا الواحد بيكون مخنوق اوي ومش عارف يبكي ولما يبكي يرتاح فعلا

تحياتي وسلامي ليوسف حبيبي

الـسـيـدة نـون said...

المشكلة انى ببكى وبعد ماخلص بكا
بلاقى لسه
مش مرتاحة
ولسه مش عارفة ارمى همومى على جنب

ولــــــــــو said...

الدموع بالنسبه لينا زي المطر بالنسبه للسما
الدنيا بتبقى غيوب وتراب وفجأه تمطر وبعدها الشمس تظهر والدنيا تتملى نور

لكن الدموع مش بس بتبقى ف الحزن لكن احنا بنبكي اكتر واحنا فرحانين
شعب كئيب صحيح
كلامك حلو جدا
كالعاده

Anonymous said...

انا احيانا بتمنى انى ابكى وبحب انى ابكى بس للاسف مقدرش اى نعم اخر مره بكيت كانت فى شهر رمضان ودى كانت من بعده فتره طويله قوى
المهم بحب فى دموعى بحس انها نوع من انواع التطهر وبحس اكتر انى لسه انسان عايش وبحس وبحزن وببكى وبعد البكاء بستنى انى فى يوم حفرح

فى القلب said...

يا جميله ورقيقه ومشرقه

كلماتك العذبه تدل على عمق معدنك وأصالته

فلتسعدى بحياتك ألى الابد

سندباد said...

هي الدنيا كده مفيش مقياس ثابت ولا حقيقة ثابتة لازم نعرف طعم البكا علشان نحمد ربنا علي الضحكة
تحياتي ليكي

kikooooooooo said...

جامد أوي البوست أول ماتقراه تحس إنك داخل علي جو كئيب وأنا كنت هنقل علي بلوج تاني حقيقة علي طول لأني اليومين دول بحاول أبعد عن كل حاجة بتدعو الي الشجن لكن في الآخر قلت الحمد لله
إنه التفاؤل
تحياتي ليكي وياريت نبقي كلنا متفائلين يارب وبلاش كآبة يا بشر

كان معكم ..,
كيكووووووووو

دكتور حر said...

تصدقي انه كلام جميل

لكن انا فعلا ما بعرفش ابكي في سهوله

مش عارف ليه
زاظن عشان كده جالي الضغط

لكن والله فعلا اول مره اخد بالي ان البكاء نعمه

وهو فعلا نعمه عظيمه حتى طبيا
وخاصة للعيال الصغيره

ربنا يكرمك

لكن طبعا كما قلت ان اهم شيء ان الواحد ميقفش عند البكا

اشكرك على الزياره وتنورينا دايما ان شاء الله

Soooo said...

خبر ايه يا هوبا
مختفيه ليه كده يابنت الناس
وفين الجديد


ربنا يرجعك لينا بالسلامه يارب




سلاموووووووووز

L M A R said...

ولكن فلتبدأ من جديد

اجمل جملة

تحياتى

ody911 said...

الكلام حلو

بس التنفيز صعب

تخيلى بقة إنك مش قادرة تبكى


آه

للأسف


ياله ربنا يفرجها

وعادى بقة
أودى

ody911 said...

بلوج هايل فعلا

تحياتى
أودى
عادى بقة

Lemonada said...

عارفة نفس اعيط بجد بس عارفة اعيط شكل الدموع خلص من عيني :(
ما علينا بس بوست جامد
تحياتي

Doba said...

كاميليا

الواحد مش هيتنيه يعيط طول عمره يا كاميليا - لا الحزن بيتنيه طول العمر ولا الفرح برده بس الاهم اننا لما يجيلنا الفرح نستمتع بيه ولو حونا ممكن نبكى بس نقفل حزننا لغاية كده وكفاية بقى

وحشتينى
تحياتى
------------
شاهى

انا مش عاملة دعوة للبكاء ولا حاجة ولكننى عاملة دعوة لترك الهموم جانبا والتقدم للأمام ودى اهم بدايات التفاؤل والحياة

الموضوع مش موضوع قلب جامد قد مهو عدم استغلال لنعمة ربنا

واشكرك يا قطة على احلى يوم قضيته معاكى ومع أنوش الجميلة

تحياتى
-------------
mohand

مش لازم تبكى قدام الناس بس اللى لازم فعلا انك متكبتش مشاعرك الوحشة وتسيبها تعذب فيك كتير كده

كل حاجة بتيجى مع المحاولة يا مهند - ربنا بيدينا النعمة بس احنا اللى مش بنعرف نستخدمها صح

تحياتى واشكرك لتعليقك الجميل
-------------
فرنسا حبيبتشى
وانتى والله وحشتينى كتير ومدونتك ساكتة كده ولا حس ولا خبر جرى ايه يا بنت استخبيتى فين

ومعاكى كل الحق الواحد لو مش بيبكى بيجيله اولها الضغط او حاجات تانية كتير

دمتى لى بكل الحب أهديكى أمنياتى
تحياتى
-------------
الطائر الحزين

أشعر من خلال تعليقاتك انت وزجتك الكريمة انكم من العئلات التى قررت أن ترضى الله فيما تفعل وتربى ابنائها بما يرضى الله ومن هو قريب من الله يعلم جيدا كيف يستفيد من نعمه

ربنا يحققلك كل اللى بتتمناه لأسرتك ويرزفك العفو من الله كما ترجو دائما

تحياتى الى ام الأبناء
-------------
yahia

لما ربنا خلق لنا النعمة دى مقالشى انها للسيدات فقط ولكنه حباها للإنسان وعلى كل انسان ان يتمتع بنعم الله كما ينبغى ولا يستطيع احد أن يحرم ما أحله الله لنا

انتو بس اللى بتكابرو يا رجالة

أسعدنى تعليقك كثيرا
تحياتى
-------------
klmat

البكاء شىء طبيعى وكل واحد عنده المقدرة انه يستغله كما يشاء وما دمتى لا تبغين ان تبكى أمام الآخرين فلكى ما شئتى ولكن اهم شىء ألا تحتفظى بالمشاعر السيئة داخلك - اريها وامضى قدما للأمام

وللصداع تعملى فنجان قهوة وتاخدى اتنين أسبرين تبقى زى الفل

هههههههههههه
تحياتى
--------------
doha

البكا لله بيون من غير أغراض بيكون حب وخوف لله وده ما احلاه وما أصعبه برده

أهم حاجة بعد البكا ان الواحد ياخد خطوات للأمام وميقعدشى يبص وراه وينعى اللى راح

تحياتى
-----------
the groom

نفذ كما تشاء وكيفما ترى ولكن أن تبدأ من جديد فتلك هى الصعوبة

تحياتى
-------------
يوميات عيل مصرى

انا والله كل غرضى ان كل واحد يستمتع باللى ربنا رزقه بيه لاقصى درجة علشان يكون مبسوط

تحياتى وهاجى من غير دموع حاضر
واشكرك على كل بوستاتك
--------------
soooo

الصديق العزيز اللى بهدلنى سؤال عليا
والله انا بخير بس فعلا كنت مطحونة فى شغلى وبيتى وما الى ذلك من مسؤوليات

البكاء للبكاء فعلا بيعتبر ضعف
انا مش بقول نبكى لما نكون ضعفا انا بقول لما تتزايد علينا الحمول والهموم بشكل فعلا لا يحتمله مشاعرك او عقلك يبقى مفيش مفر غير ليه ومنه نقوم ونتحرك بس

وهرجع واقولك مش اى ست تستطيع أن تقدر دموع زوجها - لما الراجل بيكون صعب عليه جدا انه يبكى وييجى بين ايد مراته ويبكى فلازم وضرورى تنزل تحت رجله وتراضيه لان الكيان المهول اللى هيه بتستخبى وبتتحامى فيه محتاج بس لكل حنيتها وحبها فى اللحظة دى واللى تضيع لحظة زى دى من ايديها تبقى اغبى مخلوقة فى الدنيا

انا بحاول اخلق المدينة الفاضلة بتاعتى بس بليها معتدلة وزى مفيها شر بحط فيها الخير وربنا بيقولى انا معاكى هتعوزى ايه تانى لو اديتك حاجة حلوة افرحى ولو وحشة يبقى تخطيها بالصبر والشاجعة واتمسكى بيا اكتر

سلام يا صديقى وشكرا تانى لسؤالك عليا
تحياتى يا عجوز
قال عجوز قال
---------------
قلوب حائرة

مش انتى عارفة فين المشكلة يبقى على الاقل ابدأى من نفسك وتقدمى للأما وطول مفيه دموع خدى قرارك بانك اقوى منها بمراحل وبصى للناحية الطيبة من الموضوع

وحشتينى قوى على فكرة
تحياتى
--------------
أبو سويلم

بالطبع لابد ان نبدأ من جديد وما فائدة الدموع اذا لم نبدأ من جديد

أشكرك جزيلا
تحياتى
------------
همسات

بالظبط يا هدهود جبتى المفيد بابيات الجميل صلاح جاهين

وحشتينى
تحياتى
------------
lemonada

شكرا شكرا على اولا
ومعاكى حق طبعا انه مطهر قوى للعين

اشكرك وتحياتى
-----------
micheal

اشكرك جدا لمرورك وتعليق
تحياتى
---------
princess dodo

ازيك يا برنسيسة دودو والله انتى كمان وحشتينى وكلامك الجميل كمان بس الظروف بقى

من لا يستطيع يجب ان يتعلم كيف يبكى
اشكرك لسؤالك وإطمئنى فانا بخير وارجو ان تكونى كذلك بخير

تحياتى
-----------
meekness

حلوة قوى كلمة سلام الله عليكى
المشكلة يا زيزى فى القدرة على اتخاذ القرار والتنفيذ

انا بكيت فهل عندى المقدرة بقى انى اخد قرارى بانى اكون وهكون افضل ولا لا هو ده المقلب

عاااااااا يلا نبكى سوا بقى
هههههههههههه اضحكى يا بنتى محدش وخد منها حاجة غير الكلمة الطيبة

تحياتى ومنورانى
---------------
son's egypt

جميل قوى تعليقك اشكرك عليه وطبعا معاك حق فى كل اللى قلته ومنرنى طبعا
--------------
الجمعاوى الأصيل

جميل قوىو اخذ خطوات عملية لاجلاء هذا الهم - هو ده بالظبط اللى اقصده

شاطر وبرافو عليك هنديلك نجمة
نورتنى واشكرك
تحياتى
--------------
raheel

اشكرك والله فعلا وموضوعاتى كلها بتييجى من خلال آراكم ومواضيعكم فى مدوناتكم يعنى فى الآخر الفضل يرجع لكم انتم

بما انك شايفة كده برده ومشجعة فيلا تيجى نعمل جمعية يلا نبكى وهنكسب دهب

اشكرك وتحياتى
-------------
أبو خالد

اشكرك لمرورك الكريم ولتعليقك واشكرك كثر على مجاملتك الرقيقة

وحضرتك تنور فى اى وقت بتعليقك
تحياتى
------------
مصطفى السيد سمير

جميلة قوى كلماتك جدا حقيقى
تسلم ايدك

أشكرك ونورتنى وتحياتى
-----------
الشنكوتى الكبير

نعمل دعوة يا سيدى شنكوتى افندى ونقول هلمو بنا للمرحلة الثانية من البكاء

وطبعا فيه حاجات متستحقش الدموع يبقى ببساطة منبكيش ساعتها

بس الا قولى انت متضايق ليه كده
تحياتى
--------------
rosa

محتاجة ليه تسمعى الكلام ده - قوليلى قوليلى - تعالى لعمو يا حبيبتى

يارب تكونى بخير
تحياتى
------------
أيامنا الحلوة

وتتسدى ليه يا حبيبتشى جعرى براحتك وبعدين تعالى ماما تسمعك

لكن هنقعد نعيط ليل ونهار عالاطلال يبقى لا - وطبعا لازم نرتاح مش طلعنا طاقة سيئة من جوانا

وحشتييييييييينى ووحشتى يوسف حبيبك
تحياتى
---------------
بت خيخة وأى كلام

القرارر
المشكلة فى القرار
كونى قوية ونفذى اللى فكرتى فيه وانتى بتعيطى علشان تطلعى شحنتك

تحياتى
-----------
ولو

ده احنا شعب عسل وقلوبنا بيضة وزى الفل ولما بنبكى واحنا فرحانيين بيكون من حلاوة وطيبة قلوبنا

تحياتى واشكرك حقيقى
---------
رئيس جمهورية نفسى

جميل والله انه الواحد يعيش من خلال فترات حزنه وينتظر من بعدها لحظات فرحه

جميل تعليقك للغاية
تحياتى
-------
فى القلب

وحشتينى يا سارقة العيون والقلوب وبتجرى - الله يسامحك وحشتينى

اشكرك وتحياتى
---------
sendbad

طبعا طبعا يا استاذ سندباد لفلناانت الدنيا وتعالى بكلمتين حلوين كول كل الجو

أسعدنى مرورك
تحياتى وسلامى لجهينة
-----------
kikotalaat

انا مش كئيبة يا عم انت انا واحدة باحثة عن السعادة وعن مصادرها لو عندك حاجة كده ابعتلى

اصل مفيش حاجة تستاهل
كان معكم
دوبا

تحياتى يا اللى نفسك تكون مذيع
----------
دكتور حر

انت فعلا جالك الضغط من كتر مانتا ضاغط مشاعرك جواك شوفت الداكتورة هبة شخصتلك المرض ازاى

البكاء نعمة طبعا وجميلة جدا بس ازاى نستخدمها هيه دى الحداقة

اشكرك لمرورك ومدونتك جميلة وهتلاقينى هناك كتير بإذن الرحمن

تحياتى
------------
soooo

انا هنا هنا يا ابن الحلالالال الجديد هينزل كمان يومين كده ولا حاجة

اشكرك
----------
alabdelrahman

اشكرك ولتبدأ انت أيضا من جديد

تحياتى
--------
ody911

مقدرتيش تنفذى اتصلى 911 زى مانتى كاتبه

ده مفيش اسهل من البكا بس انتى جربى واشكرك لمرورك ولتعليقك

تحياتى
-----------
lemonada

الدموع عمرها مبتخلص من العيون
بس واضح ان احزانك اقل بكتير قوى من انها تتحول لدموع - يبقى خدى القرار بانك تكونى قوية بدل متعيطى فى الأول

نورتينى واشكرك
تحياتى
هبة

truelove said...

ايه ياهبة لاحس ولا خبر وسؤال والله انا ماكنت عاوزة افرض نفسي عليكي خالص بس يابنتي مش للدرجة دي في ايه لابتسالي ولا بتتواجدي ان شاء الله يكون المانع خير

احساس لسه حى said...

عزيزتى
عارفه البكاء ده دوا جميل اوى
بس المهم نبكى ليه وعلشان ايه وميين اللى يستاهل البكاء علشانه
ساعات ناس مش بتعرف تمسك دموعها ولو راجل ممكن يكون مشكله
لاننا من احنا صغيرين بيقولوا فى راجل بيعيط بس للاسف فى رجاله كتيرة بتعيط
موضوع جميل
سلام

Noony said...

البكاء تفريغ شحنات سلبية....عشان ميفضلش غير الإيجابية
ومن ثم تبدأ الحياة الوردية

عندك حق في كل كلمة قلتيها
مع إني من الناس اللي بتبكي لجوه لغاية لما دماغي بتنفجر..وطبعاً دة مش بيحل حاجة بالعكس بيتعبني أكتر

ما علينا
ازاي يوسف صديقي؟؟؟

:)
نوني

ابو العربى said...

رائع فعلا البكاء بيريح كتير بس مفيش فيده لازم الهموم تفضل موجوده

ربنا يبعد عنك الهموم

تحياتى

Doba said...

هبة
الحائرة دايما يقلبها

عولم بأونيك الغياب يا افندم وجارى تنفيذ عملية الوجود
نعتذر عن هذا العطل لأسباب خارجة عن الارادة

تحياتى
-----------
إحساس لسه حى

والله انا مليش دعوة بالتقاليد الفارغة بتاعت المجتمع - دى نعمة ربنا أنعم علينا بيها ولا زم نستمتع بيها ونسمع الكلام

اشكرك لمرورك
تحياتى
-----------
نوونى

وحشتينى
يوسف بيوبسك بوسات كتير كتير

بس يا نونا دماغك هيه اللى هتفرقع فى الآخر مش دماغ حد تانى

تحياتى يا قمر
---------
ضد الظلم

أشكرك لمرورك وتعليقك
بس احنا عندنا طرق كتير جدا للتغلب على الهموم

تحياتى
هبة

Unknown said...

لا لا لا لا دموع ايه وبكا ايه
انا احب الفرفشه
والضحك
والهزار
ومحبش العكننه
ولو جتلك مصيبه طنش ومتعيطش
ولو شفت الجزيره اقلب ومتركزش
ولو شفت طابور عيش اعمل نفسك مش شايف
المهم متعيطش
والدليل اني مليش في الدموع مدونتي زياره سريعه هاتتاكدي من كلامي

غمض عينيك said...

اكيد البكا مش ضعف
بالعكس
دا قبل مابيغسل العين بيغسل النفس
المهم انه ميبقاش شيمة وعادة وملجأ نهرب بيه
يكون زي ما انتي بتقولي نبكي وبعدها نبتدي من جديد

Ehab said...

كل سنه وانتي طيبه