Monday, December 3, 2007

حنان وحنين

كلمة ذكرت أمامى بالأمس وبترن فى ودانى كتير لغاية دلوقتى
إذا أكرمت الكريم ملكته وإذا أكرمت اللئيم تمردَ
المقولة دى غريبة فعلا، هل فعلا ممكن بعد متكرم اللى قدامك قوى وتضحى بوقتك وسعادتك وكيانك علشانه فى لحظة يتقلب عليك ويبقى ضدك ويرضى على نفسه بعد كل ده إنه يطعنك فى ضهرك
للدرجة دى ممكن الحقد الداخلى للبشر يأذى المودة والرحمة والحب والعشرة
------
وعلى الجهة الآخرى من المعنى نجد انك بمجرد متكرم الكريم تلاقيه دايما وقت الحاجة بين ايديك وبيقولك انا اللى ربك باعتهولك علشان أخفف عنك وآخد بإيدك لبر الآمان، أنا اللى ممكن تتكل عليه ومتخافشى انك تتأذى أو تتهان، أنا اللى لو قدرت هضحى بحياتى وسعادتى علشان إنت تكون راضى ومرتاح ياللى كرمتنى فى يوم
حقيقى حقيقى سبحان الله
===
الحنان مش كلمة بس
الحنان لو حتى نظرة فيها كل شىء يتحس
سبحان الله كل واحد بيبقى جواه كمية حنان إن كان لوالديه ولا لأولاده ولا لطفل صغير جميل او لشخص مريض او شخصية تكون كبيرة فى السن، بتلاقينا كلنا بنتصرف بمنتهى التلقائية والطبيعية علشان نحنحن عليه ونساعده على قد منقدر ونستمتع بوجودنا معاه
تفتكرو ممكن الواحد يعيش وهو بيفتقد صفة الحنان، إنه يقرر ومن نفسه انه ميوهبش أى حد من حواليه حنان من اللى ربنا زارعه جوانا، ويا ترى اللى عنده إدراك لنعمة الحنان يقدر يتطور إزاى بنعمة ربنا دى علشان يساعد الكل وهل لو وهبلهم كل حنانه هيستغلوه وفى لحظة يلاقيهم مقلوبين ضده، انا مش عارفة بصراحة
===
الحنين
---
كل شخص دايما بيكون جواه حنين لشىء، سواء حنين لفترة طفولة او مراهقة او جامعة، سواء صديق والزمن فرق ما بينهم، أو حتى اللى بيسافر وبيكون عنده حنين لبلده، وكمان عندنا اللى بيحن لبلده الريفية أو لعبة كان بيلعبها فى الشارع مع أصحابه أو حتى إنه يبنى بيت من الرمل بجانب موجات البحر
السخرية بقى أن ناس كتير قوى عندها حنين للضحكة اللى بتطلع من القلب

84 comments:

المهـ إلي الله ـاجر said...

جزاك الله خيرا
مقال يطرح تساؤلت وحقائق لا بد من وضعها في الأعتبار

ودائما حسن الخلق هو الفائز الاول والأخير

وكما قال الإمام الشافعي

من بَرَك فَقَد أوثقك ، وَمَن جَفَاك فَقَد أطلق

Yahia said...

اكيد معاكي حق ، بس المهم أزاي نعرف اللئيم قبل ما نتعامل معاه عشان منتأثرش ونزعل ونحس بالظلم. لازم الانسان يون حريص وبرده ميخونش اللي قدامه. في ناس ماشية بمبدأ كل الناس وحشه حتى يثبتوا العكس وناس تانيه ماشية بمبدأ كل الناس كويسه حتى يثبتوا العكس ومن رأي أن الاحسن نمشي بمبدأ حرص من أخوك ولا تخونه (بشكله الواسع)

shahy said...

حنان وحنين

انتي فظيعة في اختيارك لموضوعاتك

الحنان دي كلمة جميلة قوي ودافية انتي عارفة انا بحب الحنان قوي وبحب اشوفة في كل اللي حولي
وانتي طبعا كلامك صحيح في ناس مش بتقدر قيمة الحنية وبتستغل دة كويس ربنا يبعدهم عننا

الحنين
مش عارفة اقولك علية اية بس هو برضة زي ماانتي قولتي حنين لأيام الجامعة او للطفولة المشردة لكن الضحكة اللي من القلب انا بلاقيها لما بروح عند ماما

تحياتي يا دوبة يا جميلة

دكتور حر said...

موضوع جميل يا هبه تسلم الأيادي

تعرفي الشعور بالحنيه زي ما بيقولوا مش موجود في الغرب بصورة واسعه جدا
كل العلاقات عندهم جامده وناشفه
عشان كده تلاقي انتحار واكتئاب وحاجات من دي كتير

اما عن الحنين
يظل الإنسان طول حياته يحن الى ما فات منه ويحن الى الماضي غالبا ودائما ما نحن الى كل شيء في الماضي الناس اللي ماتت والاعمال اللي كنا بنعملها والحاجات اللي كنا بنشوفها

بوست محرك للأشجان
دمت بخير

Anonymous said...

اولا احيكى على البوست وفكرته والسياق بتاعه
بيتمرد علشان بيحس انى الكرم من جانب المكرم ضعف وطيبه قلب فبيقول مهما اتمردت حيكرمنى تانى وهكذا وكمان لانى اللئيم ما اتعودش يعطى عايز ياخد بس
انما الكريم بطبعه بيعطى وبدون حساب وعارف وقت الحاجه الانسان بيكون عامل ازاى ففى حاله انه بيكرم من قبل الاخر بيشيل الجميل فوق راسه بالبلدى

رحــــيـل said...

عزيزتى هبه
الحنان بجد صفة كويسه جدا بس عارفه انا اوقات بتمنى اكون قاسية من غير لما ضميرى يئنبنى
اوقات الناس بيفسروا الحنان على انه ضعف
وساعات ناس كتير فعلا مش تستاهل

اما الحنين
فهو شعور صعب بجد جدا
لان ديما حنينا بيكون لشئ فات صعب نلاقيه تانى

خالص تحياتى

mohand said...

السلام عليكم
اه فيه جاحدين كتير قوي

وفيه ناس بخيله حتي في مشاعرها


وفي ناس بخيلة في مشاعرها بس وحنانها


اما بالنسبة للحنين



الحنين لحاجات كتير قوي

Soooo said...

يااااه يا دوبا
جيتي عالجرح والله

عارفه .. مش باشكر في نفسي ولا بتاع
بس الحمدلله علاقتي بالناس حواليا كويسه
حتى مع الصنايعيه كويسه
لكن ساعات بلاقيني خدت على قفايه قلم اصلي
يفضل معلم على قفايا
واقول ابدا .. انا هبقى شرير بقى
ماعرفش

ماعتقدش ان في انسان مافيهوش طبع الحنان
حتى لو كان مجرم وقتال قتله

جوايا حنين طبعا
بس عمري ما هحسه زي زمان
حنيني لامي الله يرحمها
ويرحمنا برحمته يارب


سلاموووووز

كاميليا بهاء الدين said...

مش عارفة اقولك ايه
بس فعلا الحنان بداخل كل انسان، لكن فيه البعض بيستخسر يطلع الحنان ده، وبيستبدله بقسوة، وكآن القسوة هى اللى ممكن تخليه يملك اللى قدامه،
والحنين بيكون لحاجات الكتير زى اللى قولتيها ، وساعات بيكون فيه حاجات لسه مش دخلت حياتك ومع ذلك تشعرى بحنين ليها من كتر ما تخيلتيها، حنين لمتخيلات.

غريبه الدنيا .. وغريب آمر بعض البشر

تحياتى على البوست الجميل ده

كاميليا

Unknown said...

موضوع جميل جدا بدايه
افتكر اننا محتاجين الاتنين سوا الحنان والحنين

santofa said...

السلام عليكم جميعا
انا يمكن اول مرة ليااكتب فى البوست او يمكن اول مرةاكتب وحد يقرا اللى كتبته بس يمكن انا عملت كده علشان عاوزاكم كلكم تساعدونى انى اصالح دوبة لانى عارفة ان هى بتحبكم كلكم وان ممكن يكون ليكم تاثير عليها ومعلش اذا كنت هطول عليكم بس احب اعرفكم ان ممكن اكون انا السبب فى البوست دء بس صدقنى انا عمرى ما كنت اتخيل ان انا ممكن نزعل من بعض وصدقنى الموقف هو اللى كان غلس وغريب وملعبك وفرض علينا حاجات ملهاش لازمة بس لازم تعرفى ان انتى بالنسبلى اختى وصاحبتى مش مرات اخو جوزى ومتهيالى احنا طول عمرنا بنتعامل بالاسلوب دء واللى فعلا عمرى مهعرف الاقى واحدة زيك تانى وبعدين متهيالى ان انتى عارفة ان انا مش وحشة يمكن باكون غبية ومتهورة فى رد فعلى وانا مضايقة ومبعرفش اتصرف بدبلوماسية واعالج الموقف كويس بس برضه انتى عارفة حالتى فى الفترة دء عاملة ايه ومش متظبطة ازاى واذا كنتى انتى اخت حبيبتى اللى تستحملنى مين هيستحملنى واضح ان احنا خدنا عين شكلها البت شاهى الوحشة مش هنكلمها تانى يا وحشة يا شاهى ىبعدين يا بوبة هتخلى موقف واحد حصل بينا يضيع كل الحاجات الجميلة والعلاقة اللى الكل بيحسدنا عليها تضيع كده فى موقف بسيط هبة بجد بجد انا مش عاوزة اخسرك وانا فعلا بحبك وبعدين دء ربنا بيسامح انتى مش هتسامحى وكان مفيش حاجة حصلت ونشيل الموقف السخيف دء من حياتنا ومن ذاكرتنا علشان خاطر يوسف اللى بيحب ممش هتساعدونى ولا لا
سلام والى لقاء قريب ان شاء الله فى ظروف احسن من كده
MEMESH

احساس لسه حى said...

عزيزتى
انتى عارفة كلامك صح اصل اللئيم سواء اكرمتيه او لم تكرميه مش هيحس ولا هيعرف قيمة اللى عملتيه معاه لاكن الكريم باقل شئ صغير تعمليه يكبر فى عينيه ومهما بتعملى من حاجات صغيرة بيشوفها كبيرة امال لو اكرمتيه هيحس بايه وهيشوفك ايه المهم مش مفروض علينا نمنع كرمنا عن حد ولا جدعنتنا بالذات لو انسان محتاج والثواب عند الله اولا واخيرا وده الاهم
اما الحنان كلمه ونظرة وموقف ولازم مهما حولنا نقسا نخلى شعرة حنان جوانا بالذات على الضعيف
اكيد الحنيين هو الحب حب شئ غايبب عنا لاننا لو اللى غايب مش بنحبه مش هنحس بالحنين نحيته خالص لاكن طول ما احنا بنحبه طول ما هيفضل الحنينم جوانا نحيته مهما طال بعاده عنا مهما طالت وساعات السنين بنحن للشئ ده نحن للمكان والبيت ولحاجدتات كتير فى ذكريتنا
بجد بوست جميل لانسانه اكيد رقيقه
تحياتى يا قمر
سلام

Ehab said...

حنان وحنين

حلو قوي اسم البوست

كلنا جوانا حنان بس الناس بطلت تستعمله
اصله بقى وسيلة استغلال رخيصه قوي
اني استغل حب انسان قريب مني علشان عارف انه حنانه هيغلبه وانه هيديني اكتر ما انا استحق
اني انهب مشاعره وحنانه

اعتقد ان سرقة الحنان برده جريمه تستحق العقاب


حنين
لما سافرت بلدنا وقابلت الناس هناك كتير قوي مكنتش اعرفهم
بس لما قعدت وسطهم وحسيت بحبهم في عيونهم حسيت بحنين كبير قوي ليهم
واني مش عارف ابعد عنهم تاني

حنين حسيته لما بعدي جنب بيتنا القديم
حنين مش حسيته لما عديت جنب مدرستي القديمه ولا جامعتي
يمكن علشان الحنين مش للمكان الحنين للناس اللي كانت في المكان

سلاااااااااااااااام

Anonymous said...

الو الو هل تسمعنى

nice words

Unknown said...

اولا تسلم ايديك، وشكرا ع الزيارة الجميلة
خللي بالك بقى من اللئام وانت بتتعاملي معاهم
شوفي الحياة زي لعبة السلم والتعبان
الاول لعبتي اللعبة دي؟

فيها ناس زي السلم لما نقابلها تطلعنا لفوق، حتى لو معنويا
وفيها ناس مش سلم، لما نقابلها، لازم نكون حذرين

بس خللي بالك يا حاجة هبة

الحياة لازم هنتعامل فيها مع الكل، والمهم إن التعابين اللي في لعبة السلم والتعبان، ما تخلناش ننسحب من اللعبة أبداً
بس نتعلم المرة اللي بعدها نلعب صح

تحياتي لخواطرك الوجدانية

Anonymous said...

السلام عليكم جميعا
يمكن دء اول مرة اكتب تعليق فى البوست او انى اكتب اللى جوايا وحد يقراه بس انا عملت كده علشان انا السبب فى انى خليت دوبة تكتب كده بس انا والله مش لئيمة ولا من النوع اللى ممكن يطعن اقرب الناس فى ضهرهموبالذات اذا كان بيحبهم وانا فعلا بحب دوبة جدا زى مبحب اخواتى لان هى فعلا اختى الجادعة قوى مش مرات اخو جوزى ويمكن عمر محد شافنا الا وافتكرنا اخوات لان احنا فعلا كده وعلى فكرة انا اسفة اذا كنت هطول عليكم
بس هدقنى يا هبة انا عمرى ما كنت افكر ان انا اجرحك او اطعنك فى ضهرك زى مبتقولى هو الموقف اللى غبى وغريب وملعبك ومش مفهوم سامحنى عمرى مصدق ان اكون سبب زعلك انتى عارفة العلاقة ما بينا كانت عاملة ازاى معقولة تبوظ نخسرها من اول موقف نتعرضله عامة انا مقدرش استغنى عنك لانك اختى يمكن انا لما بكون مضايقة ببقى غبية ومتهورة ومبعرفش افكر بدبلوماسية زيك وبعدين انتى عارفة الظروف والحالة اللى انا فيها اذا مكانش انتى اللى هتستحملنى مين هيستحملنى انا عارفة انى كنت غبية بس سامحنى الموقف اللى كان غبى على فكرة انا بتكلم هنا علشان عاوزاكم تساعدونى انى اصالح دوبة وبعدين علشان خاطر يوشف اللى انتى عارفة هو بيحب ممش ازاى اهون عليكى تسبينى لوحدى من غيرك تبقى انتى وجوزى لا مستحملش سامحنى للمرة الالف انا فعلا بحبك قوى وغالية عليا قوى وفى حاجات مبينا جميلة قوى مينفعش تضيع بسهولة كدة احنا لينا حياة طويلة قوى مع بعض مش عايزين نخسرها فى بدايتها وبعدين انتى طول عمرك دماغك اكبر منى وبتعرفى تتصرفى صح سامحنى فى اول غلطة اعملها معاكى يا ترى هتساعدونى لو سمحتم
والسلام عليكم والى لقاء قريب ان شاء الله فى ظروف احسن من كده
شيماء

كاميليا بهاء الدين said...

الحبيبة دوبا

(اتقى شر من احسنت اليه) هذه ايضاً جملة تأتى على اذهاننا كلما صدمنا فى شخص كان قريباً منا ونال من اهتمامناً الكثير..

كم هو مؤلم ان تمد يدك بالمساعدة وبعد ان يأخذ طالب المساعدة مابين يديك لايصافحها شكراً بل يضربها غدراً..

أما عن الحنان.. فهو ليس كلمة بس كما قولتى.. أحياناً نشعر بالحنان من أشخاص اصدقاء مقربين من قلوبنا حتى ولو كانوا على بعد آلاف الأميال.. ولكن حنانهم يصل إلينا.. بل واحياناً نشعر بضمتهم لنا..

والحنين.. قد يكون لاشخاص نحبهم وافتقدناهم.. او مكان عشنا به اسعد سنوات عمرنا.. او حتى شئ جماد كنا نملكه فى صغرنا او بداية شبابنا..

بوست شجى للغاية .. جعلنى اتأمل وافكر فى ناس كتير .. على نقيضين .. ناس أبيض .. وناس أسود.. وفيه ناس رمادى كمان.

لك حبى وتقديرى واحترامى

كاميليا

Anonymous said...

متأكد أنك سوف تصفحين عنها فأنتى قلب كبير نادر فى هذة الأيام.. و لا أجاملك حين أقول أصلك طيب و من زمن جميل وأرجو أن تنالى أجر العافين عن الناس. أخيك أبو خالد..

البِـئرُ والظمّأْ said...

هبهوب ازيك يا قمر
يا رب تكوني بخير



هبه انتي رجعتيني لورا قوي .. و لحنيني لبيتنا القديم



بوست رقيق


زيزي

Ehab said...

انا كنت كاتب كومنت هنا
راح فين
ما علينا
اقول تاني

الحنان شيء جميل قوي بس لما يكون لناس تستاهله
الحنان شيء ممكن نمنحه
لكن الحنين مش بإيدينا
ده احساس جوانا ولينا لوحدنا
بس الحنين زي لما اسافر بلدنا واقعد وسط ناس بسيطه قوي وتحبني قوي
علشان كده لما ابقى حاسس اني لوحدي قوي او غريب عن الناس
بحس حنين شديد اني اكون وسطيهم


تحياتي
سلااااااااااااااااام

son's egypt said...

السلام عليكم
نا ممكن اتفق في موضوع اذا اكرمت الكريم
وقد لا اتفق معه
لامه احيانا ممكن الواحد يقدم احسان يقابل قدامه اساءة
بس مش فيكل الحالات
لانها بتختلف حسب طبيعة الاشخاص
وبعدين مهما الواحد كان فينا قوي وبيظهر كده
لازم في يوم الحنان اللي جوانا يظهر لان ديه طبيعية البشر
وكلنا بنحن لايام كنا بنحبها ودايما بنفتكرها

http://kasperb4.blogspot.com/ said...

بالنسبة للتساؤل في أول البوست يؤسفني اني أأكد لحضرتك انه فعلا بيحصل اليومين دول انك تعملي معروف في بني آدم وتبصي تلاقيه بعد فترة من الزمن ينسى كل اللي عملتيه معاه ويبيع كل شيء ويبان الجانب الدنيء اللي عنده
انا بقولها وانا متأسف انها بتحصل بس لأنها حصلت معايا فعلا
فحقا

إذا أكرمت الكريم ملكته وإذا أكرمت اللئيم تمردَ

تقبلي تحيتي

عــلاء ســالـــم said...

السلام عليكم

بالنسبة للمقولة فهي تحمل الكثير من الصحه .
من المعروف إن الناس بتختلف ردود أفعالهم وأساليبهم في التعامل على حسب الأخلاق اللي نشؤوا عليها وعلى حسب طبعاهم وسماتهم الشخصيه .
ولا أظن إن فيه حد يقدر يقيم الإنسان اللي قدامه قبل التعامل معاه علشان يصنفه هل هو من النوع الكريم ولا اللئيم ولا وسط مابين الإتنين.

وعلشان كده الإنسان الحويط هو اللي يعمل الخير لوجه الله فقط ولا ينتظر من الناس ختى عدم الإساءة.
فالإنسان بطبيعته وبفطرته لا يحفظ الجميل وإلا فما وجدنا إنسان واحد يعصي الله الذي خلقه ورزقه وأكرمه.

نصيحتي ليكي إنك تعملي الخير وترميه البحر.
ولو كان المقابل هو الشر من الناس فإن الله لا يضيع أجر من أحسن عملاً.

بالنسبه للحنين فهو شعور متأصل في الإنسان
فدائماً نظن أنه ليس بالإمكان أن نكون أحسن مما فات.
ونحن دائماً إلى الماضي حتى ولو كنا غير مستمتعين به في وقته.

no chance said...

استاذة هبة
شوفى
الحنان معنى جميل اوى وسامى اوى
بس المبالغة فيه متعبة اوى
لان الناس بقت بجد تجردت من معانى انسانية كتير والمادةعمتهم وخلتهم يبصو للمصلحة الخاصة والمادة بس
اما الحنين فهو شئ موجود والمبالغة فيه
غلط اوى لان الحنين واالتفكير فيما مضى كتير بتبعد عن الواقع
والحنين درجات عند الناس وبيوصل اوقات لانه يكون مرض مزمن عند الواحد لمما

الواحد يفكر فى الماضى بشكل مبالغ فيه
اخيرا موضوع جميل اوى واختيارك للافاظ حلو اوى والعنوان حلو
خالص تحياتى

فرنسا هانم said...

هبه يا عسل
ازيك وحشااااااااااااانى سبعميه خمسه وسبعين مره
لا
سبعميت الف
لا
سبعميت مليون مره
خالتك فرنسا جات تنط تانى
وتجرى فى المدونه بتاعتك
وجبت ليكى معايا
شويه سمك سويسى معتبر
يستهلوا بقك

Hadota ... حدوتة said...

البوست جميل اوى
واحلى ما فيه انه مكتوب باحساسك


هوا بوست عامل زى فضفضة

لفت نظرى كلامك عن الحنان
وكنت عاوزة اعلن على الهوا كده ان غالبا اللى بيتكلم كتير مش بيعمل حاجة
الحياة افعال

وبالنسبة للحنين فانا بحن لكل زكرى فى حياتى

حتى لو ساعة عدت

ودا السبب اللى خلانى فتحت مدونتى ورجعت لها

انا فسرت دا بالحنين اللى انتى اتكلمتى عنه



تحياتى
بوست مميز جدا

حل وسط said...

فيه ناس تستاهل
وفيه ناس ماتستاهلش
وعموما كل واحد من حقة فرصة واتنين
بعد كده يتشطب باستيكه

حنيني لبيتنا القديم
ولشاعرنا قبل ما يغيروه
ولولاد الجيران اللي كنا بنلعب معهم تحت قدام البيت ولما كبرنا مابقيناش بنعرف بعض

فى القلب said...

الله يا دوبا محدش كان هيشرح معانى الكلمات دى بكل الحساسيه دى ألا أنتى

أنتى عاليه أوى فى أحساسك بالأشياء و المعانى

ولــــــــــو said...

طبعا انتي مش محتاجه رأيي ف البوست
اكيد رائع
وانا مش هاعلق بغير ان ساعات المواقف والضغوط بتدفعنا اننا نتصرف عكس طبيعتنا

عفا الله عما سلف
تحياتي

الراقـــص مع الذئـــــاب said...

السلام عليكم ورحمة الله وبركاته
ازيك يا ام يوسف
جزاك الله خيرا علي السؤال

الموضوع اكثر من رائع يا اختي الكريمة


الحنان والرحمة والحنين هما الاآدمية...وسبحان الله تلاقيهم كمان في غير الادمي
اللهم ارزقنا حست الخلق

دمتي في خير اختي الكريمة

الطائر الحزين said...

اعلم انه محزن ان يخيب ظنك فى شخص مقرب لكن اخلاص النيه لله فى العمل وان كل الكرم وكل الاحسان وكل الحب ان طان مردة لنيه خالصة لله هون الامر كثيرا

تحياتى

محمد العدوي said...

عرفت ازاي

أنا واحشني قوي ضحكة طالعة من القلب .


الواحد عاد بينسى آخر مرة ضحك ضحكة زي دي امتى .


كل الود

Unknown said...

اذا كان هناك شخص بطبعه كريم
فما بالك بطبعه مع من اكرمه
وعلى الجانب الاخر
فالشخص اللئيم صعب ان تتوقع منه خير
ولا تستطيع تغييره بكرم
بالعكس ربما زاده الكرم جشعا ولئما

ربنا يزيدنا ويزيدك كرم و حنان

الربان said...

تحياتي

فعلا اللئيم دائم التمرد...لانه ببساطه بيحسد علي النعم...و يري انه الاحق بها من سواه.

الحنان شعور جميل و نبيل...لكن للاسف شحيح هذه الايام الا من رحم ربي....و لنتذكر ان أمرأة دخلت النار في قطة حبستها...و أن رجل دخل الجنه لانه سقي كلب....

لم نفقد فقط الشعور بالحنان، لكن أيضا
أصبحنا نبحث عما ينغص حياة الاخرين..
من عبث في المواصلات العامة او مضايقات
في العمل....زمان اذا طلعت الترام او الاتوبيس سيدة أو مسن...الكل يتسابق
و يترك مكانه...الان الكل يتجاهل...لا بل و البعض يتفنن ان يضايق خلق الله

تحياتي و تمنياتي

شيرين said...

لابد من الحرص يعني حرص من اخوك ولاتخونه يعني مفيش داعي نعامل الناس بانهم وحشين حتى يثبتوا العكس ومفيش داعي نعاملهم كويسين حتى يثبتو العكس برضوا الحرص ضروري جدا ... وبجد الناس دلوقتي مبقتش زي ما كنت بسمع زمان

اما الحنين والحنان فده اسم مسلسل بتاع عمرو الشريف يااروبة ههههههههه

تحياتي وسلاموووووووووزي ليوسف

micheal said...

مقال رائع أسلوبها الادبي البسيط شدني جدا و وصلي المعني بوضوح
أحييكي

أبوسويلم said...

هى دى الدنيا
خير وشر
كرم ولؤم
وعلى فكرة البيت ده من اجمل ما قيل فى الحكمة
اما الحنين
ففعلا اصعب واعز شىء ممكن نحن له
هو الضحكة اللى من القلب
لانها بقت نادرة جدا
ربنا يجعل كل ايامك ضحك وسعادة
والسلام

Yasser Hussein said...

موضوع ملفت ويستحق المتابعة
في انتظار المزيد من الموضوعات القوية
وعلى فكرة بالتجربة إذا أكرمت اللئيم تمرد
وإذا أكرمت الكريم ملكته
خالص تحياتي

Anonymous said...

تعرفي ياهبة فكرني مثل اذا اكرمت الكريم بموقف حصلي ان كان في حب جامد متوجه لانسانة معينة وفي الاخر القيني بالنسبة لها زي اي حد دي موقف كان كفيل باني اتكسرت قوي من جوايا وممكن افتكره كتير لما بسمع الحكمة او المثل الي انتي قلتيه اما بالنسبة للحنان فانا بحس في حضن امي الاولنية وامي التانية والحنين لايام مكنش فيها مسؤلية ولا مشاكل وكانت فيها الشقاوةوالضحكة وبس

مدحت محمد said...

دوبة
هبة خلاص عشان خاطرنا سامحيها
هو المعروف اساسا
السلايف على طول
فى خناقات بينهم
انا بهدى النفوس بس طبعا
وبعدين اعتذرت خلاص بقى
بابا الله يرحمه كان دايما يقلى
حرص ومتخونش
فى اى شىء طبعا
انا بتكلم بوجه عام
فى ايه انا لخبط ولا ايه
المسامح كريم
سلام

walaa said...

اصعب شىء فى الدنيا انك تحبى بكل اخلاص وتلاقى الثمن الخيانه
شعور فوق الو صف والخيال

تحياتى لك ولاء

Unknown said...

هبة بصي بقى
شيماء جت لغاية عندك ، وقالت كل الكلام ده وواضح إن علاقتكم أكبر بكتير جدا من مواقف بتحصل

حضرتك افتكري بكرة لما أولادك وأولاد عمهم هيكونوا مع بعض
وانتم بعد عمر طويل طبعا
هتكونوا عواجيز الفرح، بكل اللي مر عليكم

وساعتها يمكن يكون فيه حاجة تانية غير المدونات

طالما إنها جت عندك يبقى تقومي بالواجب

بيتهيألي إنها ما عملتش فيكي إللي عمله أخوات سيدنا يوسف

بس في النهاية: قالهم لا تثريب عليكم اليوم يغفر الله لكم

أنا آسف ع التعليق الأول، اسأت الفهم والتعبير وتسرعت

يلا يا هبة بقى .. الصلح خير،
صلة الرحم، أهم بكتير جدا من أخد موقف


أقولك على حاجة، مش أنت حسيتي عندي إني في المدونة، أنا بحب أهلي كتير
تفتكري مفيش خلافات قوية حصلت بينا، حصلت زي أي حد في الدنيا

بس احنا كان عندنا شوية مبادئ مش عارف جبناهم منين
اولها: ليس الواصل كالمكافئ، يعني ايه؟
يعني اللي بيصل رحمه، غير اللي بيرد الزيارة ولا يرد الهدية، ولا حتى يرد الضحكة
اللي بيصل الرحم، هو اللي بيصل حاجة مقطوعة

الحاجة التانية اللي عندنا من غير ما نعرف هو احنا جيبناها منين برضه

إن كسب القلوب، أولى من كسب المواقف خاصة في حالات صلة الرحم

يعني لو فيه بيني وبين أخويا خلال، وهو تصرف خطأ، وممكن أرد عليه ، وأكسب الموقف، أو اتحمل شوية واكسب قلبه
صدقيني بيكون المكسب لينا كلنا مش أنا وهو بس
أنا وهو وأولادي وأولاده وكل العائلة، ويمكن المجتمع كمان

قلبك أبيض يا هبة

أقولك نكتة بدل العياط اللي عيطتيه عندي ده

لأ ابقي أدخلي على موقع مصراوي واقرأي مليون نكتة هناك، يلا بقى والله العظيم قاعد في اجتماع، وباهرتل، والناس فاكرة إن باكتب استراتيجية على الجهاز

Rosa said...

والله يا هوبه هو كل جزء في البوست ينفع يبقى موضوع لوحده يحتاج للتعليق
بس هعلق على الجزء الاول دا
فعلا المقوله دي صحيحه جدا جدا
انا كنت زمان عندي ثقه تامه انك لما تدي حب و اتهمام ورعايه لاي شخصيه في الدنيا مش ممكن يكون في مقابله حاجه غير العرفان و التقدير و انه مهما ان لئيم فأكيد بالحب هيتحول كريم
لكن فعلااثبتت الايام و التجارب ان المقوله دي صح ميه في الميه
تحياتي للموضع الرائع دا فعلا
:)

klmat said...

عزيزتى هبه
كل سنه وانتى طيبه
المقوله صحيحه جدا الكريم دايما مسامح
ويفتكر من طبطب عليه ولو بكلمه حلوه اما اللئيم لما بنكرمه
بيشعر بدونيه فيحقد
بس نتعلم نكرم مين واللى غلط فى حقنا
وكان بطبعه اللؤم نسامحه ونتجاهله
وده اقوى عقاب اما لو كانت غلطه
احنا بشر مش ملايكه ممكن ندى فرصه تانيه مع الحرص
اما الحنان فده شعور جميل مافيش اجمل من القلب الحنين ودى بتبقى طبيعه فى البنى ادم
الحنيه بتكون بلقائيه وفى ناس بطبيعتها قاسيه حتى على اقرب الناس لها
اما الحنين اعتقد ان اغلبنا بيشعر بحنين
لكل حاجه حلوه فى ماضيه
وللضحكه الصافيه
تدوينه جميله
تحياتى وسلامى

Unknown said...

هبه
انا كل ما اكتب كومنت عندك مش بلاقيه
ايه الحكايه
ولا مش عوزانى اعلق عندك

مصطفى حسان said...

رائعه فكرة المزج بين
الأمثال الشعبية أو ابيات الشعر الحكمية وبين الواقع الملموس

فعلا هناك بعض الجمل التي تختصر مقالات طوال

مثل

ما حك جلدك مثل ظفرك

ومنها خرج المثل الشعبي

الضفر ما يطلعش من اللحم

وحاجات كتير

جميل البوست ده

في انتظار الجديد

تحياتي

3abdo me7tas said...

أم يوسف
يااااااااااه
من زمان أوى مجتش هنا بس معلش والله انتى عرافه الظروف
المهم ازى يوسف وأبو يوسف ازيك انتى
فعلا
صعب على الإنسان انه يضحى بحاجات كتير عشان شخص تانى والشخص التانى ده يضربة فى ضهرة ويجرى
إسأل مجرب ولا تسألشى طبيب
بوست جميل
كالعادة
;)

walaa said...

دلوقتى إذا أكرمت الكريم ملكته وإذا أكرمت اللئيم تمردَالمقولة دى غريبة فعلا، هل فعلا ممكن بعد متكرم اللى قدامك قوى وتضحى بوقتك وسعادتك وكيانك علشانه فى لحظة يتقلب عليك ويبقى ضدك ويرضى على نفسه بعد كل ده إنه يطعنك فى ضهركللدرجة دى ممكن



بكل اسف شديد أيوه فى نا س حتى متستهلش تديها نظرة حب

سندباد said...

ممكن جدا طبعا وما اكثر من يطعنوا في الضهر ولله الامر من قبل ومن بعد

Soooo said...

ايه ده بقى
؟؟؟؟؟
طب وكتاب الله .. والله العظيم انا فاكر اني قريت الموضوع وكتبت تعليق

ياجدعان هو انا خرفت خلاص ولا الزهايمر لحس نافوخي ولا ايه
؟؟؟؟

عموما هحاول اقول التعليق مره تانيه


انا معاكي في كل كلمه قلتيها بجد والله
والموضوع ده بيسببلي الم فوق ماتتصوري
ساعات باتعامل مع الناس عادي يعني مش بطيبه مصطنعه ولا بتاع والاقيهم بيروحو لازقينني قلم على قفايه عشان احرم اتعامل بالطيبه دي
واقول انا خلاص مش هبقى طيب وهبقى شرير وابن وابن وابن
ومره واحده الاقيني رحت دييييب .. ملسوع على قفايا تاني
اتارين حتى وانا شرير .. في حتة طيبه

اكونش عبيط وانا مش واخد بالي؟؟؟؟؟



سلامووووووووووز

الـسـيـدة نـون said...

انا كنت ناوية اعلق على الموضوع
بس وانا بلقى نظرة كدة على التعليقات
لقيت شيماء مرات اخو جوزك كاتبالك اعتذار ففهمت ان البوست ليه علاقة بمشكلة بينك وبينها
فارجو انكم تحلوها لان واضح ان البنت ندمانة انها غلطت فى حقك
وكمان يا هبهوبة يا سكرة انتى قلبك كبير
واللى قلبه كبير يسامح علطول
يلا العبوا مع بعض ومتتخنقووووووووووووووووش
اختك خيخة
صحيح يا هبة
النسكافيه الشهر ده على حسابى

Doba said...

أولا وقبل كل شىء أعتذر لكل الاصدقاء على عدم تعليقى من بدرى

بالاضافة الى انى بعتذر لانى لعبت فى السيتينج بتاعت المدونة فمسحلى بعض من التعليقات واعتذار خاص للماضة وسووو والله فعلا انا ممسحتش التعليقات بس كان فيه مشكلة - اختكو غشيمة سيتينج مش عارفة ليه بتلعب وهيه متعرفش

نبتدى نسمى باسم اللع ونعلق على كل الحبايب والاصدقاء

ولكم منى كل الحب والشكر والتقدير
هبة

Doba said...

المهاجر إلى الله

جميل قوى من بَرَك فَقَد أوثقك ، وَمَن جَفَاك فَقَد أطلق

بجد حلو قوى - لو كل شخص استعان بحسن الخلق والله الدنيا هتفضل بخير طول العمر

تحياتى لمرورك الكريم

Doba said...

انت اكتر انسان عارفنى وعارف انى مش بعرف اخلى الشخص وحش لغاية ميبان العكس انا دايما بتبع العكس

كل الناس حلوين والوحش بيطلع فى الآخر وحش لنفسه وهو اللى بياخد السيئة والعقاب

واضح انى لازم اتبع مبدأ حرص ولا تخون - خليك معايا لغاية متعلم واقدر انفذه فى حياتى

اشكرك يا غالى

Doba said...

شاهى

الموضوعات كلها والله يا شاهى بتيجى من الاحتكاكت اليومية مع الآخرين مش أكتر

دايما حنينة يا رب يا شاهى وحاولى انتى كمان تتبعى نفس المبدأ حرص ولا تون لانك طلعتى خايبة زيى

الحمد لله انك بتلاقى الضحكة من القلب
ربنا يخلى أنوش ودايما مجمعاكو فى الفرح يارب

تحياتى يا صديقتى الغالية

Doba said...

دكتور حر

تصدق والله معاك حق - بره كلهم عندهم كمية برود غريب فعلا - كل واحد عايش لنفسه وبس

الحمد لله على حنية قلوبنا وحبنا لبعض ربنا يديمها يارب

مقصدشى والله احرك الاشجان بس انا قصدى اننا نرجع بتفكيرنا لحاجات حلوة بنفتقدها فى حياتنا نستمد منها التفاؤل علشان نبص لبكرة صح

تحياتى واشكرك لمرورك

Doba said...

الو الو هل تسمعنى
شكرا يا هبة علشان جربتيلى التعليقات اللى كانت بايظة

ربنا ميحرمنى منك

تحياتى يا بقلوظة

Doba said...

يوميات عيل مصرى

جميلة قوى موضوع السلم والتعبان اللى قلت عليها كتير من اصحابى قروها وعجبتهم جدا

الواحد بيتعلم منك دايما بجد
وأعطيت مثال لابد من ان نحتذى به جميعا

لازم تعابين الحياة متخرجناش من اللعبة

اشكرك حقيقى لوجودك وكلامك

Doba said...

شيماء

اهلا بيكى فى اول تعليق ليكى فى المدونة
وبما انك شهدتى الجميع فاحب انى اقلك اننى مش زعلانة

حقيقى مش زعلانة
ربنا بيسامح فما بالك بالبشر

ولكن أحب فقط أن أضع أمامك ما يلى لتضعيه نصب عينيكى

إن بعض الظن إثم

ولكى منى كل تحياتى وامنياتى بأن تجمعى انتى وزوجك على كل الخير

اشكرك لتعليقك الكريم ولكلماتك التى اعلم جيدا انها صادقة

Doba said...

كاميليا

حلوة جدا الكلمة دى - بجد اتقى شر من أحسنت إليه - لان حقيقى الصدمة بتكون لها وقع صعب جدا على النفس

الحياة دائما وابدا مليئة بالناس من ذى اللون الرمادى فاحذرى فى التعامل معهم واستمتعى بوجودك ضمن ذى اللون الابيض وابتعدى عن ذى اللون الاسود

اشكرك لمرورك ولتعليقك المثمر

Doba said...

أبو خالد

اولا اشكرك لمرورك ولتعليقك الكريم
ثانيا لقد صفحت عنها بالفعل وليعلم الله بما فى القلوب

اشكرك على مجاملتك الرقيقة وكلماتك المعبرة يارب ينالنا سويا اجر العافين عن الناس

تحياتى وتقديرى

Doba said...

meekness

زيزى حبيبتى

روحى زورى بيتكم القديم واستمتعى بوجودك فيه واخلقى احلى جو فى بيتكم الجديد

انا بخير ويارب تكونى انتى بخير
تحياتى يا قمرة

Doba said...

الشنكوتى الكبير

معلش يا ايهاب
اختك غشيمة مدونات وطرقعت التعليقات اللى فاتت - معلش تعبناك هنبقا نجيبلك كوباية شاى بدل فاقد

سيبك انت انا عارفة ان انت اكبر حنين ليك انك تفضل دايما قدام البحر فى اسكندرية - مش كده ولا ايه

تحياتى وشكرا جدا

Doba said...

son's egypt

'طبعا طبيعة الاشخاص بتفرق فى ردود أفعالم ولتربيتهم عامل مهم جدا ولخبراتهم الذاتية

بس الانسان اللى بيبقى جواه شر صعب قووى انك بسهولة تقلبه لخير

اوقات الواحد بيندم لانه بيدى حنانه لناس متستاهلش ولكن للأسف مهياش زراير ينفع اننا ندوس عليها ونقول بطلى حنان وحنية

تحياتى واشكرك

Doba said...

آلام وآمال

طبعا طبعا بيحصل ان ناس كتير بتقابل الخير بالشر - بس انا معتقدش اننا علشان نرد ده يبقى نبطل نعمل خير ونعطى حنية وحب للى قدامنا لانى انا فى تصورى شايفة ان الغلط بيكون منهم مش مننا

تحياتى واشكرك لتعليقك جدا

Doba said...

alaa salim

طبعا الأخلاق لها عامل قوى جدا فى التحكم فى ردود الأفعال وكذلك الطباع والسمات الشخصية
وطبعا معاك حق فى اننا لازم نوهب الخير اللى بنعمله لوجه الله علشان منتعبش لما نتضرب فى ضهرنا هنقول اهو كله بثوابه ونكبر دماغنا وخلاص

والله انا فعلا بعد كده هعمل الخير وهرميه البحر وربك هو اللى بيدى الثواب على مقدار العمل الصالح

اشكرك لمرورك الكريم
تحياتى

Doba said...

no chance

يعنى انت بتفضل بشكل مطلق وجود الحنان والحنين ولكن بدون المبالغة فيه

مظبوط

اكيد الاعتدال فى كل شىء مطلوب جدا

اشكرك للمرورك ولتعليقك الكريم

Doba said...

فرنسا يا غالية

والله وانتشى كمان اكتر
ده انا بحبك قوى يا فرنسا مدام جايبالى سمك وسويسى كمان

ثم ياختشى ده الواجب علينا احنا اللى لازم نشيل ونحملك يا حبيبتشى

تقومى بالسلامة يا غالية
تحياتى

Doba said...

حدوتة

لقد تشرفت كثيرا بمعرفتك الشخصية
جميل انك رجعتى فتحتى المدونة لانك مش هتلاقى احن من ناسها وحنينك ليها احلى ما فيها

تحياتى يا سكرة

Doba said...

لولا الملامة

صح
فى دى معاك حق

لازم ندى فرصة وبعدها نستخدم الاستيكة
بس اصل قلبى حونين ومش بعرف استخدمها

البيت القديم اللى بيضم فترات الطفولة بيبقى احلى فترة واحسن ذكريات

تحياتى لمرورك وتعليقك

Doba said...

فى القلب

اهلا بيكى والبقاء لله فى حماكى العزيز ويارب حماتك تكون طيبة وبخير يارب

اشكرك لتعليقك ولمروك يا قطة ولكلماتك الغالية

تحياتى

Doba said...

ولو

دائما وابدا محتاجة تعليقاتكم على المواضيع

حاضر يا افندم سمعت الكلام وعفا الله عما سلف واشكرك جزيلا ويارب دائما تكون بخير

تحياتى

Doba said...

الراقص مع الذئاب

الف حمدا لله على سلامتك ويارب تكون بخير انت واسرتك

واكيد بدون ادميتنا اى بدون حنان وحنين مفيش اخلاق

اللهم ارزقنا حسن الخلق واياكم
تحياتى واشكرك لمرورك وتعليقك

Doba said...

الطائر الحزين

والله انا قررت اعمل كده بعد متعبت - قررت انى اللى اعمله من خير اوجهه للع تعالى وهو خير من كل النواحى

اشكرك لمرورك جدا وسلامى لراجية عفو الله ام الأبناء وانا أيضا منتظرة افتتاح مدونتها

تحياتى

Doba said...

محمد العدوى

يارب يا محمد يرزقك باحلى ضحكة من القلب تكون منورة حياتك كلها قوول آمين

طلع كل الحزن واضحك - محدش واخد منها حاجة خالص

تحياتى واشكرك لمرورك

Doba said...

mask

اه والله تخيل لما تكرم كريم والله انا عندى فى حياتى الشخصية دى ومهما عملت مش بقدر ولا هقدر اوفيها حقها بجد

يارب يزيدنا ويزيك حنان وكرم يارب

تحياتى واشكرك لمرورك ولتعليقك

Doba said...

الربان

اللؤم ده صفة بشعة لمن يتصف بها وربنا معاه بقى فيها على كل الوزر اللى بيتحمله

كل واحد لو أعطى الحنان من عنده الدنيا هتبقى فل الفل

تحياتى يا سيادة القبطان
ربنا ميحرمنا من ودك وزيارتك

Doba said...

شيرين

ماشى ماشى
بتتريقى عليا علشان باخد اسم المسلسل
اصل انا بيعجبنى عمر الشريف قوى بسمتقوليش لحد

ههههههههه
وهنحرص من الناس حاضر بس عموما الوحش وحش لنفسه مش لينا

تحياتى يا قمر
واشكرك كتيييير

Omar... [ خروشات ] said...

اهوا حنيين للضحكة اللى بتطلع من القلب دى اهم و اندر انواع الحنيين الايام دى

Doba said...

micheal

أشكرك لمرورك وللتعليق الجميل

تحياتى
-----------------
أبوسويلم

صح هيه دى الدنيا فعلا
مجموعة لخبطيكة من المشاعر والاحاسيس ويوم كده ويوم كده

يلا تعالى ندور عالضحكة اللى من القلب ونخليها مرسومة دايما

تحياتى واشكرك جدا
------------
ياسر حسين

أهلا بيك مرة تانية لعالم التعليق فى عالم هبة - واشكرك لمرورك وتعليقك

تحياتى
------------
قلوب حائرة

اشكرك يا قطقوطة على تعليقك واوعى تشيلى من حد ارمى ورا ضهرك واوعى تخافى

خليها على الله مهو كل الحلو بنعمله لله

تحياتى يا سكرة
وحشتينا ابقى لمينا بقى
------------
دوحه

والله سامحتها خلاص
ربنا كريم وبيدى لكل واحد على قد عمله وانا والله بعامل ربنا وهو العالم بنفوس البشر

اشكرك لتعليقك جدا
تحياتى
-------------
wallaa

شعور بشع لغاية لما تدى واللى قدامك يخون بس ربنا عالم بالحال

اشكرك لتعليقك ومرورك
تحياتى
-----------
يوميات عيل مصرى
والله يا سيدى الفاضل قمت بالواجب كله وسامحت وربنا بيدى الثواب وبيكافىء كل شخص بنواياه

على العموم انا والله عايشة بحب للناس وبعيش وبستمتع اكتر لما بعرف ان اللى بحبهم مبسوطين

وربنا كريم وبيسامح جدا
انتو كلكم مجموعة هايلة وبحبكم كلكم جدا

تحياتى يا افندم
---------------

اعتذر للبقية سأعلق على بقية الاصدقاء غدا وذلك لوصول ابنى من الحضانة ولازم اروح من الشغل

Doba said...

rosa

هقولك زى مقالولى يا روزا حرصى ولا تخونى كده احسن واصح وكمان عاملى الكل تبعا لمرضاة الله ووجهى عملك الصالح له

تحياتى يا احلى روزا
واشكرك لتعليقك جدا
-------------
klmat

اهلا بحبيبة الكل
الحمد لله ان التدوينة عجبتك وعقبال الباقيين

اشكرك لمرورك ولتعليقك الجميل
تحياتى
-------------
لماضة حبيبتى
والله ممسحت تعليقك مقدرشى امسح تعليق بنتى الداكتورة لماضة - هو انا اتجننت

ده شرف ليا يا استاذة لما تعلقى عندى بس اختك غشيمة سيتينج وبوظت لتعليقات عفوا خطأ غير مقصود

وبناء عليه يجب ان تتكرمى وتعيدى التعليق تانى بطل محط السيخ المحمى فى صرصور ودنك

تحياتى يا بنتوتة
-------------
darsh

والله يا درش مهياش مقصودة خالص
انا بكتب اللى بيججى على بالى مش حاجة عمدا مع سبق الاصرار والترصد يعنى

حلو قوى ما حك جلدك مثل ظفرك - زوجى يتبع هذه المقولة دائما وابدا ويارب اتعلم زيه

تحياتى واشكرك لمرورك وتعليقك
-------------

عبده محتاااااااااس

كفارة يا راجل
عود أحمد
حمد الله عالسلامة

يااااه ده الدنيا مضلمة والله ومبروك على ابو كاميرا يا عمونا وعقبالنا كده

انا هعلق بس بكرة بإذن الرحمن
خليها على الله يا استاذى الفاضل وخلى اللى يطعن فى الضهر يتحاسب من ربنا براحته - خلينا احنا طيبين لله

تحياتى ونورتنى بجد
--------------
walaa

فعلا فيه ناس كتير كده - بس هل انتى عندك المقدر انك تفرقى ببساطة بينهم وتعرفى مين اللى تديله حب ومحبة ومين اللى تديله ضهرك؟؟

انا عن نفسى بتخدع كتير
انتى زيى ولا ايه النظام؟؟

تحياتى واشكرك لمرورك الكريم
-----------
sendbad

لله الامر من قبل ومن بعد
انا شايفة ان كل حاجة وليها سببها ومن احد اسباب قوتنا اننا بنمر بلحظات الضعف علشان نقوى على الازمات فيما بعد

تحياتى وسلامى لجى جى
واشكرك لمرورك وتعليقك
------------
soooo

على الرغم انى انا اللى بوظت السيتينج والتعليقات مشوفتهاش الا انى هعتبر ان عندك زهايمر وهعاملك على هذا الاساس يا ابو قلب ابيض

مش تقول اننا بنترزع على قفانا زى بعض
انا كل مرة اقول مش هقع الواقعة دى تانى وبرضو الاقينى بعيط على اللى راح

شكلنا كلنا عاقلين بس فى عالم العبط
خلينا طيبين احسن منبقا شريرين واهو كله بثوابه

تحياتى يا ابو كرش
مقولتش كعبول اهو

سلامنتوز
تحياتى وشكرا
--------------
بت خيخة واى كلام

متابعة جيدة يا بت يا خيخة
شاطرة والله

اهو يا طنط اتصالحنا وهنلعب مع بعض انا شاطرة وبسمع كلام البت الخيخة

انا عملت كل ده بس لانك قلتى ان النيسكافيه على حسابك
بس لو سمحتى عاوزين نشربه فى بيتك وعلى الكنبة اللى بتتفتح سرير بتاعت الواد شريف السكر

تحياتى يا اجدع خيخة
واشكرك لتعليقك
هبة

Doba said...

Omar... خروشات

مفيش احلى منها والله اللى بتطلع من القلب

والله بكل حاجة
أينعم مش سهل الوصول ليها بس لازم نحاول

تحياتى واشكرك لمرورك
هبة

Unknown said...

ههههههه
ماشى يا حماتى اصلى خلاص خطبت يوسف بعد اذنك طبعا
البوست الجاى بقى وعليكى خير
انا نسيت الكلا
الكلام
كل سنه وانتى طيبه يا ست الكل

الـسـيـدة نـون said...

انا زعلانة
سلام