Monday, December 24, 2007

فلتسقط الستات

امبارح وانا بتصفح فى جريدة لقيت مقالة حلوة قوى كاتبها نبيل فاروق اللى بيكتب الرويات المخيفة دى بس الموضوع حيوى للغاية وحبيت نتناقش فيه بموضوعية وبعيدا عن تحكم الرأى للرجل الشرقى وكذلك تمسك المرأة برأيها بعناد والموضوع كما هو آت
=====
أعترف هنا وربما لأول مرة أننى كنت فى بداياتى واحداً من هذا الفريق الرافض، وكنت أرهق زوجتى المسكينة وهى طبيبة بشرية بضيقى من عملها وإضاعتها وقتها فيه وككل رجل كنت أربط هذا الواجب والتقاليد والدين وخلافه وكانت تحاول إقناعى تارة وتثور على تارة أخرى، ولكنها لم تتوقف عن العمل وحسناً فعلت،
فبعد إصرارى على عدم عمل المرأة، واجهت موقفين، جعلا كيانى وأفكارى كلها تهتز...أولهما مع قريبة للأسرة من بعيد...مات زوجها الشاب فجأة ولم تكن تملك مورد رزق أو تعمل فى أى مجال، مما أدخلها فى مشكلات لا حصر لها ...إضطرتها بعد أقل من عام إلى الزواج من شخص لا تميل حتى إليه، لمجرد أنه ينفق عليها ويرعاها ويرعى ابنتها الصغيرة من زوجها الذى كانت تحبه من كل قلبها
والموقف الثانى أصابنى شخصياً، مع مرورى بأزمة فشل كلوى جعلتنى أعيد ترتيب أفكارى لأكتشف أن أكثر ما كان يشد فى أزرى هو ثقتى بأن زوجتى تعمل وان مورد الرزق لن ينقطع حتى لو واجهت العجز أو الموت عندئذ كان لابد من أن أنظر إلى الأمور من زاوية أخرى..نظرت إلى النساء فى هذا الزمن... إلى الفتيات والصغيرات والمراهقات وتبين لى أن الصورة قد اختلفت تمام عما كان ف زمن شبابى وأن أنثى اليو لم تعد تشبه حتى أنثى أمس....فكل البنات فوق العشرين يسعين إلى العمل والنجاح والتفوق ويقتحمن مجالات جديدة وأعمالاً كان يعجز عنها الرجال فى الماضى وأصبحن أكثر تحرراً بكثير مما كانت عليه أمهاتهن وأكثر إقداماً وشجاعة وحفاظاً على أنفسهن من ذئاب البشر ولكن الفريق إياه لم يستطع إستيعاب هذا أو هضمه وما زال مصراً على ان ما يحدث هو فساد إستشرى فى المجتمع وانحلال أخلاقى يهدد الحياة الأسرية ومصيبة دينية ....سينهار معها الدين..ويضيع الإيمان والأطرف أنهم اعتبروا حرية المرأة نوعاً من الغزو الفكرى الغربى ومحاولة للأمركة وحاجات كتير أقلها يودى السجن
والطريف أنهم عندما حاولت مناقشة أمر الرافضين وسألته إذا ما كان يفضل عمل المرأة فى أى مجال أم إنحلالها وسقوطها لانعدام فرص العمل ....أجابنى بكل صراحة أنها لا ينبغى أن تعمل مهما كانت الأسباب ....وعندما سألته وماذا عن إحتمالات سقوطها لو لم يكن ليها مورد رزق....فهتف بكل غضبه وإنفعاله.....فلتسقط الستات

53 comments:

الدرويش المرووش said...

عاوزة رأيي في اية يا ابلة
انا متفقة مع الأستاذ نبيل في كلامة
انا صحيح مش بشتغل بس مش علشان مقتنعة ان النساء لازم يقعدو في البيت
لا علشان عارفة اني خيبة قوية ومش هاعرف اخلي بالي من البيت والاولاد والشغل في وقت واحد

.........

فلتسقط الستات
هههههههههه
والنبي الراجل اللي قال كدة غلبان قوي
لو سقطت الستات هايعملوا اية الرجالة
هههههههه
ربنا يرحمنا من الجهل والتخلف

تحياتي يا ام يوسف

shahy said...

التعليق اللي فات بتاعي
وبعد لما كتبتة لقيت ابو الدراويش داخل بأسمة وخفت اغير الاسم لبعدين التعليق يتمسح
فقلت ابعتة وبعدين اكتبلك انة كلامي
نيهاااااااا

فرنسا هانم said...

فلتسقط الستات
انا مع الرجل ده
فلتسقط الستات
نعم
فلتسقط الستات
اىىىىىىىىىىىىىىى
ايه ده يادوبه
الضرب ده جاى منين
اىىىىىىىىىى
استنوا
استنوا
مش نتفاهم الاول
سيبونى اتكلم
بسم الله الرحمن الرحيم
اخوانى واخواتى
طيب خلاص هقصر
متزقوش
انا قصدى
فلتسقط الستات المفرطات فى حقوقها
فلتسقط الستات اللاتى يخدمن مثل هذا الجرذ الذى يفضل سقوط الانثى فى الرذيله افضل من عملها
انها لا يمت للانسانيه بصله
من هى الانثى ايها العبقرى ؟؟؟؟
انها امك واختك وابنتك وخالتك وجدتك وعمتك
ان كنت تفضل سقوطهن على العمل
فانت ديوس
واعوز بالله من الرجل الديوس
هبه
ياهبه
فورتى دمى
قومى اعمليلى 15 كوبايه نسكافيه
وهاتى لقمه على الماشى علشان جوعت
وقولى لولاد الايه ميلعبوش فى العجله عبقال منزل
كنت فين يابت بقالك كام يوم ؟

الـسـيـدة نـون said...

اوباااااااااا
انتى جيتى على الجرح يا هبهوبة
انا المقالة دى وجعتنى اوى
انا هاموت واشتغل
واه بعترف انى هاموت واشتغل علشان اعملى قرش للزمن
مش علشان اثبت ذانى والكلام الكبيرده
لانى شايفة انى بثبت ذاتى من خلال تربيتى لابنى ومن خلال انى اكون زوجة كويسة لهانى ومن خلال البلوج بتاعى اللى عملته من فترة صغنونة
لكن الشغل بالنسبالى دلوقتى انى عايزة اعمل فلوس
اه الحمد الله مش محتاجة الفلوس دى حاليا علشان اتعشى بيها ولا اساعد بيها هانى
بس انا خايفة
خايفة من حاجات كتير
خايفة اتحط فى موقف اكون فيه لوحدى واكون مضطرة انى اقبل اى شغلانة علشان اجيب المم ليا ولابنى
طب دلوقتى انا بتأرنن على الشغل اللى بيجى واقعد اقول لأ ده مواعيده وحشة ولأ ده مرتبه اى كلام
لكن لو فرضنا لا قدر الله انى اتحطيت فى موقف وحش ما انا هاضطر اقبل اى شغلانة بأى مرتب بوقت لايناسبنى
وطبعا انا اقصد اى شغلانة شريفة
المقالة دى ياهبهوبة وجعتنى اوى
وبصراحة محتارة
انا كنت خلاص قررت انى مش هادور على شغل الفترة دى علشان شريف
لكن المقالة دى لعبت فى دماغى وهتخلينى افكر انى اشتغل وبلاش ارننة
محدش عارف ممكن بكرة يحصل فيه ايه
وبصراحة عايزة رايك
بما انك عندك بيبى زى حالاتى انتى رايك ايه فى الموضوع ده


موضوع جامد اوى يا هبهوبة
وشكرا لانك نقلتهولنا
تحياتى
اختك خيخة

الطائر الحزين said...

التوازن هذا هو المهم

لماذا النساء لا تعتبر البيت عملا

والمرأة تعمل اذا احتاجت او احتاجها العمل

تحياتى

رئيس جمهوريه نفسى said...

اولا عايزين نتفق انى الستات عموما موضوع الشغل بتعهم من عدمه لو اتحسب بالعقل وبدون النظر لموضوع سقوطها اولا من حق الست تشتغل حتى لو مش محتاجه مورد رزق الست نص المجتمع يا عالم وخروج الست للعمل بالاصافه للربح المادى حيضيف ليها خبرات حتنقلها بسهوله لاولادها وده حيزود خبراتها بس بشرط انى شغلها لا يتعارض مع بيتها وا اولادها

الـسـيـدة نـون said...

هبهوبة
انا بعتلك ميل معرفش وصل ولا لأ
لو وصل قوليلى لو ماوصلش قوليلى برضه
لانى بصراحة مش ناوية اعيد اللى كتبته تانى فى الميل لانه كان كلام كتير اوى

اختك خيخة

Unknown said...

والله يا ست الكل انا متفقه معاه تماما فى الكلام ده
بس مش موافقه على حكايه فلتسقط الستات دى
لانه زى ما قال سواء اشتغلت او قعدت
فهى عماد البيت برضه
والتوازن مطلوب برضه
يعنى لو شغل المراه هيطغى على بيتها يبقى بيتها اولى ولو بيتها هيقوم على شغلها يبقى لا مفر
المهم فى النهايه البيت
لان ده اساسها ورسالتها فى الحياه
تحياتى على الفكره الجامده كالعاده

Omar... [ خروشات ] said...

انا جيت يا استاذة هبة

موش صاحبى بس اللى عنده اربعين سنة
انا كمان 39 بشرطة

المهم

المشكلة يا كريمة العنصرين ليست فى الرجل او المراة

فكرى بشويش هتقفشى المشكلة فين

بس فكرى
و النبى فكرى شوية

ها؟

قفشتيها؟

انا موش مع فرنسا ولا مع ام شريف فى توجيه اللوم فقط للرجل الشرقى المريض


يا ست الكل دى ثقافة امة

نتاج حضارة مبتسرة

تراكم عقد نفسية

نشئة غير قويمة


اكمل؟

بلاش الا يبقى دمى تقيل

سلاموو عليكم

سابرينا said...

لسه جميل وأنساني نبيل فاروق
عندما يرتكب خطأ .يعترف به
مش زي غيره
thanks 4 sharing.

mohand said...

السلام عليكم
بعلق وبعد عدد لا بأس به من المتفقين مع الاستاذ نبيل

مع اني معارضه

بس مش معارضه في الوقت الحالي لان حال البلد وحشه
وعموما لو زوجها موافق واتكلموا سوا خلاص تشتغل
واحد زي حالاتي بقي مش عايز زوجتي تشتغل خلاص اتفق معاها من قبل الزواج
واهو الكلمة تربط

بس في اعمال بقي انا اساند المرأة قوي انها تشتغل فيها

تحياتي




وطبعا هتعارضوني

دكتور حر said...

فليسقطوا كلهم ما عدا اتنين

مش مشكله

لكن اعتقد ان الموضوع مش لونين فقط يا هبه

الموضوع بيفرق من بيت لبيت ومن واحد لواحد ومن وضع لوضع

وأكيد انتي متفقه معايا في كده

لكن يبقى الاتفاق على مبدأ
أن ضوابط الخروج لابد ان تكون موجوده
وبعد كده اللي يحصل يحصل

كل سنه وانت طيبه

بس يعني ايه دوبا

no chance said...

بسم الله
شوفى انا مش ضد عمل المراة
بس لما افكر فى الموضوع بجد وبواقعية بلاقى نفسى قدام حقيقة مخيفة وهى
اننا فى مجتمع غير امن والسعار الجنسى وكل المشاكل اللى بتخلينى اخاف على كل بنت وطبعا مش الحل ان البنات تقعد فى البيت لازم تحتك بالمجتمع ايا كان شكله بس برجع واخاف عليها من فتن المجتمع
يعنى ببساطة مع احترامى لجنس المراة وانها لازم تاخد حريتها كاملة بس بخاف عليها من انياب المجتمع الغاشم

وطبعا مفيش حاجة اسمها تسقط الستات وكل راجل بيقول كدة امما بيكون متخلف او عنده عقدة نقص من الستات

تقبلى تحياتى

Yahia said...

طبعا الستات لازم يشتغلوا وهن نص المجتمع والكلام ده اتقال في افلام كتتتتير قبل كده، لكن أن تحقق المرأة التوزان بين بيتها وشغلها تقريباً كده (وانا مبحبش اجمل أو اجمع في كلامي كل حاجة بس ما علينا) مش ممكن. اللي هتلاقيها في شغلها ناجحة أكيد هيكون على حساب حاجة تانيه واللي هتكون في بيتها شاطره أكيد هتكون في شغلها مش قد كده. هي الدنيا كده ومحدش بيعرف ينجح في كل نواحي الحياة وبما أن معظمكن مبسوط ان الاعتراف بالحق فضيله وبما أن معظم اللي علقوا لم يمانعوا في شغل المرأة فأرجوا أت تعترفن (بالتشديد على نون النسوه) بالفشل أو التقصير في أحد الجانبين.

سلام يا ست الكل (وبلاش تسيح بقى نكمل في البيت)

Anonymous said...

أختى الفاضلة /هبه
لا تنسى أن الزوجة فى البيت المسلم هى الملكة بمعنى الكلمة و أن تربية الأبناء هو أمر جلل عظيم ،فالأم هى المدرسة الحقيقية فى تربية جيل يستطيع تحرير القدس الشريف .
أخيك أبو خالد

عصفور المدينة said...

السلام عليكم ورحمة الله

أختي الفاضلة لعلك متأكدة أنني أول واحد قرأ هذه التدوينة وإذا لم تكوني كذلك فأؤكد لك

حقيقة كلام الدكتور في هذا الموضوع بعيد جدا عن التوازن وخاصة أنه ربما كتبه أو أقصد راجع مواقفه بعد تجربة

بداية أنوه أنني لست ضد المرأة وعندما أتكلم أتكلم من واقع ديني
لا يحق لنا أن نطلق أحكام عمومية بخصوص موضوع عمل المرأة وأيضا لا ينبغي وضع كل قضايا المرأة في بوتقة واحدة وجعلها مقياس للتقدم والرقي

وأيضا لا ينبغي افتعال معركة ومظاهرة يهتف فيها الرجال تسقط الستات وانا اتفجأت من ان اللي قال تسقط قصده تسقط في الرذيلة

بداية حانتقد وبشدة وسندي إلى جانب علمي بالواقع تعليقات الأخوات أيضا

من قال أن أنثى اليوم أقوى من أنثى الأمس وإن الدنيا اتغيرت

نعم يا أستاذة لقد تغير المجتمع فعلا
قلت المروءة وازداد الأشرار طغيانا وبجاحة وأكبر شاهد سائقي الميكروباصات

زادت حالات الاغتصاب أم قلت طبعا كلنا عارفين

قسوة الحياة وصعوبتها ادت أم قلت الزحام زاد أم قل حجم العمل ومجهوداته زادت أم قلت

ثم من قال إن الرجال فقط هم من يصابون بالفشل الكلوي ومن يرزق الأسرة التي يكون الرجل مريضا والمرأة مريضة

فعلا ظهر هذا الكلام كثيرا لأن المجتمع أصبح غير متكافل أصلا والعيشة أصبحت صعبة ولكن ليس دائما عمل المرأة الذي يحل المشاكل
أكرر لست ضد عمل المرأة ولكن ضد ابتذال المرأة وبهدلة المرأة
وضد الراجل اللي قال تسقط الستات أصلها مش معركة وطول مافيه حس المعركة ده مش حيبقى فيه توازن في القرارات

ليه حتلاقي المرأة عايزة تشتغل لمجرد إنها تثبت ذاتها
والراجل مش عايزها تثبت ذاتها عشان الأقطاب المتشابهة وكدة

نلغي الأول حس المعركة ده ويكون فيه قرارات مشتركة مدروسة أيضا بعيدا عن الفوبيا
سواء فوبيا الرزق فوبيا الشخصية وإثبات الذات فوبيا الطلاق والشحططة
فوبيا الإحساس بالنقص
فوبيا تهمة التأخر

وتكون المعايير شرعية وتشاورية واستخارة وموازنة المصلحة والمفسدة ويوم ما ييجي اليوم اللي واحدة ست تضطر تشتغل يتاخد القرار بشجاعة ودراسة
وبرضه يوم ما تيجي الست اللي قررت تشتغل وتكتشف إنها زهقت من الشحططة وتقول في نفسها بلا إثبات ذات
وهي عبارة سمعتها من عدة ستات

أن تمتلك الشجاعة وتقول لازم أقعد ويم ما تحس إن واجباتها الشرعية هي مقصرة فيها أعني واجباتها تجاه تربية الأبناء


مش عاجبني أبدا المثالين المأساويين اللي ذكرهم الدكتور المثالين فيهم نوع من اللعب على عواطف وفوبيا الرزق
وأصلا ده ضد التوكل

وزي ما أكدت وطيب ولما تصاب المرأة بمرض خطير والرجل من يرزق الأبناء
ولما تقرر المرأة والرجل أن تعمل المرأة ثم لا تجد عملا من يرزقهم
وكيف تثبت المرأة ذاتها في هذه الحالة ؟؟ تموت تنتهي؟ تسقط؟

المواضيع مش كدة خالص وزي ما قال إخواني وأخواتي
مش ابيض واسود
وعلى فكرة بقى أنا اعرف ناس كثير متعصبين ضد عمل المرأة بس مفيش حد منهم بهذه الطريقة الدراماتيكية بالعكس بيقولوا عند الضرورة مش يقولوا تسقط في الرذيلة بس ما تشتغلش


برضه لما باشوف كلمة الرجل الشرقي دي في أي مقالة أو موضوع على طول باقفل مخي بالترباس واعرف إن المقال مرجعيته مش منطقية ولكن مرجعيته شرق متخلف وغرب متقدم ولازم الشرقي يبقى زي الغربي عشان يعني يبقى غربي
طب مافيه غربيات نفسهم يقعدوا في البيت وفيه غربيات فرحانين بالقعدة في البيت

برضه مش موضوعي إني أتحامل على عمل المرأة ولا المرأة وبعدين مواضيع المرأة عامة المفروض إنها مش تهم كل الناس يعني لما نيجي نقول مثلا عمل المرأة أنا ماليش دعوة لأني مش مفتي ولا مفكر ولا منظر مثلا يعني

لا ممكن أقول عمل زوجتي عمل أختي عمل أمي عمل فلانة التي استشارتني مثلا

لكن اطلع كدة وامسك ميكروفون واقول عمل المرأة واجب وخو روح الحياة وأمل الأمة ومنقذ الرجال المرضى

الله المستعان
والله انا مش بازعق اوعى حد يفتكرني بازعق

ملحوظة هامة زوجتي من مدمنات د نبيل قرأت ه1ا المقال واستغربت من لا منطقية الكلام وخاصة عندما قال أن أنثي اليوم أكثر حفاظا على أنفسهن من ذئاب البشر


تذكرت بهذه المناسبة عندما كنت صغيرا وكان راجل يعاكس ست كان عرضة إنه ينضرب من أصغر عيل من عيال الحي أو من أي حد من المارة

ولمحت أيضا التنقل بمنتهى العفوية بين مصطلحي حرية المرأة وعمل المرأة وهو تنقل عليه ملاحظات كثيرة

آسف للإطالة
وأكرر أنا لست منفعلا بس مستعجل وما دققتش الكلام بعد كتابته فخايف اكون باين اني منفعل

Ehab said...

نعم فلتسقط الستات

هههههههههه
هم يضحك وهم يبكي

المهم انا برده شايف ان عمل المرأه مسأله نسبيه يعني مينفعش اقول عنها انها غلط على طول او صح على طول لأن الدنيا اه صحيح فيها متشابهات كتير لكن برده ليست عباره عن مجموعة قوالب ثابته على نفس الظروف والقواعد يعني كل موقف له ابعاده واسبابه

يعني مثلا فكرة عمل المرأه فكره مش وحشه وشيء مهم جدا في المجتمع مش بس علشان السباب الشخصيه اللي هو قالها لكن لأسباب مجتمعيه كبيره جدا زي ان فيه وظائف الأفضل ان تقوم بها سيدات علشان محدش يقول عيب وغلط يعني مثلا طبيبة النساء والتوليد برغم ان افضل واشهر اطباء النساء والولاده رجاله ان المفروض واحسن يكونوا ستات والمفروض الستات هي اللي تكون اقوى في المجال ده مثال اخر الشرطه النسائي طبعا كلنا بنفطس من الضحك لما نشوف بنت او ست لابسه لبس عسكري وبتشتغل في البوليس والشرطه يعني مع ان ده شيء مهم جدا لأن في مواقف كتير بتكون حجه هايله للستات الحراميه انها ترفض التفتيش بحجة انها مينفعش ظابط يلمسها وممكن برده تكون ست مش حراميه ومن حقها متنكشفش الا على ست زيها
واشكال تانيه وامثله كتير على اهمية عمل المرأه ومش معنى كده اني بقول انها تنحصر في كام وظيفه كفايه عليها لأ بالعكس جميل انها تدخل في كل مجال جايز نلاقي في يوم واحده اخترعت حاجه ترفع راسنا بدل الوكسه اللي احنا فيها دي

المهم في النهايه ان موضوع العمل ده بالأتفاق بين الزوجين وبالتراضي
عن نفسي زوجتي محبش انها تشتغل مش علشان انا اناني بس وعايزها تفضالي طول الوقت
لأ علشان انا عارف ان معظم الشغل هتتعرض فيه لمضايقات وحاجات انا وهي في غنى عنها
وفي الأخر احب اقول اني مبسوط اني رغيت وغلست على هوبه
عارف انها مبتحبسش الرغي
ههههههههههههههههه

كل سنه وانتم طيبين

سلاااااااااااااااااااااااام

Dr.khaled said...

كلام طيب...
لكن الاصل ان الست تقعد في البيت...ولاتحرج منه ..الا لضرورة..
اماموضوع الرزق والتحجج بيه...فاعتقدانه مش سبب....
الراجل ممكن يسمح -مثلا - لزوجته بالخروجح...لأنهامدرسة في مدرسة فيها بنات...أوإنها طبيبة تعالج النساء...
يعني الأمورالضرورية...
أماإننا نقول ان الست تخرج للشغل علشان لوفرض وان مفيش حد بيعولها فأكيد دي حالات قليلة-مقارنة بالغالب- وطبعا لا ينبني عليه أصل..فضلا عن فرع...

ولكم التقدير والاحترام

نفرتيتي said...

ب

نفرتيتي said...

بصراحةعلما باني بشتغل فعدم الشغل للست هيريحها عشان تهتم ببيتها وجوزها وبنفسها وبشوف بيتها ده بردوه شغل لكن لو هي محتاجة يبقي الشغل اشرف لها واحسن ومفيد لها وبرده اثبات لوجودها والا ايه

نفرتيتي said...

امني تزوريني

فرنسا هانم said...

من فرنسا هانم الى عصفور المدينه
عبر البحار
سيدى ابو يحيى
نحن نحترم كلماتك جدا
ومدونتك جدا جدا
وانت شخصيا جدا جدا جدا
لكن الاختلاف فى الراى لا يفسد للود قضيه

احب ان اقول لحضرتك ان المقصود من السقوط فى التدوينه وفى الكلام الاخير هو السقوط فى الرذيله


وسألته إذا ما كان يفضل عمل المرأة فى أى مجال أم إنحلالها وسقوطها لانعدام فرص العمل ....أجابنى بكل صراحة أنها لا ينبغى أن تعمل مهما كانت الأسباب ....وعندما سألته وماذا عن إحتمالات سقوطها لو لم يكن ليها مورد رزق....فهتف بكل غضبه
وإنفعاله.....فلتسقط الستات
ومعنى الكلام واضح وهو السقوط فى الرذيله
ثم
بعد قرأتى لكلام سيادتك مره واثنان
لم استطيع الخروج بنتيجه محدده
هل سيادتك مع عمل المرأه ام ضده ؟
وانت قد تحدثت ان لو سألك احد عن عمل المرأه ستتكلم عن السائل فقط
بمعنى ان الاجابه لن تكون على النساء عامه

استاذنا الكبير
عمل المرأه ضروره
فمثلا حضرتك تفضل ان يقوم بالكشف الطبى النسائى على زوجتك طبيب ام طبيبه ؟؟
وتفضل ان يدرس لبناتك فى سن المراهقه مدرس ام مدرسه ؟
وان كان هناك تفتيش فى مطار او ميناء
تفضل النساء لتفتيش النساء ام الرجال
دع حضرتك من كل هذا
ولنفترض ان واحده مثلى لم تتزوج
تجوع ام تعمل ؟
واخرى مات زوجها وكبر سنها ولم تعد مؤهله للزواج تموت ام تعمل ؟
وثالثه مرض زوجها بغير الفشل الكلوى الذى اعترضت عليه وليس له مورد رزق تجوع هى وهو ام تعمل ؟؟
ورابعه تزوج عليها زوجها وداخت فى المحاكم ولم تحصل منه على ما يسد حاجتها
تعمل ام لا ؟؟
وخامسه لا يستطيع والدها ان يجهزها لضيق ذات يده
وهو امر كثير هذه الايام
تعمل لتجهيز نفسها ام لا ؟؟؟؟
وسادسا وسابعا وثامنا
الامثله كثيره سيدى
وهذا ما توجب عمل المرأه
وانا لا ارى فى عمل المرأه غضاضه
ان كانت تحتاجه
اما
لاثبات الذات
فهذا زحام بلا داعى
وشكرا لحضرتك
اختى العزيزه دوبا
هبه
اشكرك
لافساح مدونتك لى
ولو انى كتبت بدون اذنك
معلش
استاذن المره الجايه

Unknown said...

أنا عارف أنك طيبة يا ام يوسف وهتقدري إني لسة واصل من المطار من ساعتين بس حبيت اعدي على الناس واسلم عليهم وأشكرهم على السؤال جميل

عندي حاجة عاوز اقولها في الموضوع ورجاء لا تحسبوها تعليق
لو انت من سكان القاهرة وبتنزلي وسط البلد، يبقى اخطفي رجليكي لغاية دار المعارف اللي في شارع شريف في وسط البلد، وهاتي كتاب للدكتور حسان حتحوت اسمه
رسالة إلى العقل العربي المسلم
والراجل بكل بساطة بيناقش كام قضية عمالين كلنا نعيد اثارتهم، يمكن يكون فيه جواب للموضوع
أنا الحقيقة .. مع عدم التفرقة في نزول الست أو عدم نزولها بمزاجها للعمل
بس زي ما قلت مش عارف عندك ولا عند نوران .. الست لازم تبقى منتجة، وتكون قادرة على الكسب
وده مهم
الدكتور حسان متكلم كويس جدا جدا عن الموضوع
اعتقد لو حد من الأفاضل اللي قراو التدوينة يتبرع ميشوفلنا الكتاب نكون شاكرين جدا، لنه للأسف مش معايا
أو تستنوا علي شوية لم أفوء وابعت اجيبه

فتلحيا الستات .. كل الستات

السـيد شبـل said...

عزيزتى هبه ... موضوع غايه ف الروعه ... المشكله ياعزيزتى اننا كلنا نتحدث عن غيرنا فالرجال يتحدثون عن حقوق النساء ... والنساء يركزن على نظرة الرجل لهم ... والبعض يتحدث عن الكل والعكس صحيح ..
ومازال هناك العديد من هؤلاء المتخلفين الذين لا يستوعبون الحياه .. ويرفضون اعمال عقولهم كما امرهم الله ... هؤلاء لا يفكرون ولا يدركون ولا يعقلون ... وهم فقط ينعقون ويسيرون ف " القطيع ".. المصيبة ياعزيزتى ان هؤلاء الأنعام اصبحت لهم الكلمه واصبح لهم صوت يرددون به كلام الآخرين

اخيرا :
ليست كل النساء مثل بعضهن .. فمنهم من تريد العمل وهذا حقها بالطبع ومنهن من لاتريد الا العمل داخل اسرتها وهذا ايضا عمل شريف ومن حقها ...
ومن هم " الستات " اللائى يجب اسقاطهم من هم .. حيث انى احيانا اشعر انهم يتحدثون عن نساء غير امهاتنا واخواتنا
خالص خالص تحياتى .. وتمنياتى بدوام التوفيق

walaa said...

بصى يا دوبه انا مش ضد عمل المرأه بس والله عمل المرأه مجهود عليها قوى لانها بتشتغل زيها زى الراجل وزياده كمان اينعم بثبت نفسها فى العمل بس يتخسر حاجات قصدها كتير منها

صحتها لان بتقوم بمجهودين كبار قوى وهما البيت والعمل ثانيا يا اما هتتمل فى البت والاولاد والزوج يااما العمل وصعب قوى انها توفق بين الاتنين وبعدين تربية الاولاد فى هذا العصر صعبه قوى
وعلى فكره مامتى سيده عامله بس مش بحب اكون زيها عارفه ليه ؟
لانها خسرت صحتها بدرى وكمان جمالها وكل ده علشان ايه

تحياتى لك ولاء

كاميليا بهاء الدين said...

ولازالت القضية تشغل الرجال
وتشغل حواء ايضاً
فأحياناً تتمنى حواء ان تعود الى بيتها معززة مكرمة
تجلس خلف النافذة وفى يدها مفرش تقوم بتطريزه
وتستمع الى احد المسلسلات فى الراديو
لأنها
رغم عملها ومشاكل العمل وزحام الشوارع
واستيقاظها مبكراً وعدوها حتى لاتتآخر
لم يعفها ذلك عن بقية واجباتها من أعباء البيت والأسرة
فعملها كان مزيداً من الاعباء حتى تحمى نفسها وأسرتها
وتوفر حياه أكثر رفاهية وراحة لهم

فهل هذه الحواء تستحق.. فلتسقط الستات؟
هنا فقط.. سنقول.. أجرها علي الله.

كعادتك يادوبا
بوست فى الصميم

لكى حبى

كاميليا

son's egypt said...

السلام عليكم
ان في رايي ان المراة من حقها انها تثبت ذاتها في العمل ولكن اذا كان هذا العمل سيؤثر عيل حياتها واولادها وزوجها فانا لا اؤيد هذا الراي

Soooo said...

بصي يا ام يوسف

عمل المرأه طالما فيه منفعه للمجتمع بشكل عام ولاسرتها بشكل خاص .. يعتبر واجب لابد منه
ولكن لو في حالة اهتمامها بعملها على حساب اسرتها ككل .. يبقى هنا ده خطأ ويجب ان يتوقف فورا

زمان لما كنت شاب كلي تفاؤل وبافكر في الجواز والحوارات دي كنت بقول اني مش عايز مراتي تشتغل عشان ماتتبهدلش .. سواءا في مواصلات او في تعاملات مع ناس كتير مريضه او غيره .. بل وكنت افكر اني افتح مشروع ليها .. مشروع خاص بيها وانا اعتبر شريك بنسبة رأي المال .. قال يعني كنت هبقى مليونير مثلا وافتحلها مشروع خاص بيها

لما كبرت شوية بقى وانا لسه برضه يحذوني الامل في الجواز قلت لو طبيعة شغلها حاجه من اتنين زي انها تبقى طبيبة او انها تبقى مدرسه في هيئة التدريس فانا هكون معاها واشجعها

دلوقتي بقى يا ام يوسف .. مش فارقه
اللي عايز يشتغل يشتغل
بس اهم حاجه
مايشتغلنيش


سلامووووووووووووووووووز

عصفور المدينة said...

البروتوكول المتبع أن المعلقين لا يردوا على بعض وأعتقد أن رأيي محدد وواضح المعالم بس عشان متوازن مابانش إنه في أي جانب
ودي الحقيقة إن الحق مش في أحد الجانبين الطرفيين بل في الوسط

klmat said...

كل سنه وانت طيبه
وحبايبك بخير واحييكى على اموضوع
المهم ده .المفروض حتى اللى مش مقتنع
بشغل المرأه وبعد حكايه الارمله اللى
تضطر للزواج علشان حد يصرف عليها
لازم يغير رأيه حمايه لها من السؤال
واغلب الستات اللى بيشتغلوا اكثر وعى واهتمام وتنظيم بيوتهم وفى ستات فى البيت بتضيع وقتها بين النوم والتليفون تحيا
الستات الملتزمه المنتجه وبعدين الست لما بتشتغل مش بتبقى قاعده لزوجها على الواحده ومافيش اجمل من ان الأتنين يتعاونوا طولت عليكى
تحيااااتى

نداء said...

بجد جامد مووووووووووووووووووووووت

paranoia,magnetic & dramatic girl said...

لو سقطت المرأة لسقط الرجل تباعا

Anonymous said...

بصي ياهوبة يمكن لحد قريب جدا وقبل ما اخلص الكلية كنت مؤمنة بموضوع عدم عمل المراة والافضل انها تفضى لبيتها ولزوجها ورعايته بس لما اتخرجت وعرفت الحياة وعملت عليها زووووووووم عرفت أن شغلي هيوفرلي وسيلة برضه اسعد بيها زوجي ان مش اعدله على كل كبيرة وصغيرة اشباعي لطموحي وحاجتي المعنوية والمادية هينعكس قوي على تعاملي معاه ممكن قوي من خلال عملي اوطد علاقتي بيه من خلال تبادل هدايا ما بنا وابعاد كتيرة الخلاصة ياهوبة عمل المراة مادام في الحدود الشرعية ملهوش اي اضرار الا اذا لم يتيح لها عدم التوازن

همسات دافئه said...

سلام عليكم
شوفى ياست الكل طبعا انا مع عمل المرأه بس مش عشان مورد رزق فقط وده مهمه جدا والقصه الى حكاها اكبر دليل لأنها فعلن سعات بتلاقى نفسها مش عارف تعمل حاجه لأنها اتعلمت انها تتكل على حد .نفس الظروف برده لو جوزها لا قدر الله طلقها
بس الشغل مش مجرد ناحيه ماديه ده كيان ان الواحده تحلم وتنجح وتكسب ده احساس رائع حرام تحرم نفسها منه
ولكن
فى حاله الجواز يبقى لاء اذا أثر على ولادها وجوزها والله فى رجاله(ربنا يوعدنا بيهم كده)بيقبلوا تقصير مراتاتهم بس ده مش قاعده وربنا لما يحاسبها هيحسبها عليهم اولا واكيد برضه بالإتفاق فبل الجواز أهم حاجه ان محدش يظلم التانى
موضوعك تحفه
تحياتى
شيماء:)

فرنسا هانم said...

دوبه
هبه
انتى فين ؟؟؟؟؟؟؟؟
الغيبه كده طولت قوى
وانا قلقانه عليكى جدا جدا
كده مش هينفع
طمنينى عليكى ارجوكى
اختك الكبيره
فرنسا هانم

محمد العدوي said...

بسم الله ما شاء الله

سيرة الستات بتطول الردود كدة ..

ثم طول عمر الستات ايدهم بإيد الراجل في القرى تحديدا علشان تجيب لقمتها ولقمة عيالها او تساعده وتوفر عليه اجرة نفر من الانفار

دا انتو متبهدلين بهدلة .


كل سنة والستات بخير .

Anonymous said...

هههههههههه فلتسقط الستات هما الرجالة كده لما يزنقوا وميعرفوش يردوا يقولوا فلتسقط الستات

انا في رأيي ان الست في الاول والاخر ملهاش غير بيتها هو راي يمكن ميعجبش كتير من النساء بس لو في واحدة عرفت توفق بين بيتها وشغلها فده ممتاز جدا ويارتني لما اتجوز اعرف ادي الاثنين حقهم الشغل والبيت بس اعتقد اني هفشل في كده

تحياتي

Doba said...

أولا وقبل كل شىء انا أحببت انى أضيف رأيى الشخصى فى موضوع البوست وهو ما لم أذكره إلى الآن

انا لما قريت مقالة الأستاذ نبيل فاروق عجبنى فيها انه بعد مكان متخذ قرار بأن عمل المرأة سىء ومن الواجب عدم عملها، أحببت أن أرى تعليقاتكم وآرائكم بخصوص الموضوع ورؤية الاختلافات الجوهرية للموضوع

بداية عمل المرأة لا يتوجب معه قانون محدد يجب أن نتماشى معه، فإسلامياً على المرأة أن تعمل بمنزلها وترعى أسرتها وتطيع زوجها وتنتج ما تنتج من خلال منزلها مع رعايتها الكاملة لحقوق بتها وزوجها وأولادها وكذلك يتوجب عليها أن تكون منتجة تعمل عملا يفيد الأسرة كالحياكة والغزل وما إلى ذلك

الآن ومع اختلاف الوقت والزمن يظل عمل المرأة قائم وأساسى بنفس الشروط ألا وهى أن تتوفر أن تراعى وتتقى الله فيما تنتجه بعملها وأن تعلم ان من أهم الشروط الواجب توافرها أن لا تنقص من احتياجات الأسرة الأساسية والتى بدونها يختل كيان الأسرة

اذا ما كانت كفاءة المرأة تتسع للأحتواء كافة الأمور ولديها المقدرة على الأنتاج والعمل فنرتقى للنقطة التى تليها ألا وهى توافر الأمان لها كأنثى بالعمل وأن يحافظ المحيطون على كينونتها كأمرأة

كالعمل مثلا بمهنة الطب أو التدريس وما إلى ذلك

نأتى لنقطة هامة وهى الاحتياج الفعلى للعمل للمرأة اذا ما كانت لا تجد من يعولها او من تشابه بها الظروف كما ذكر بموقفى الاستاذ نبيل فاروق وهنا أذكر أيضا سوء الأحوال الاقتصادية ببلدنا فى الوقت الحالى والذى يؤثر على الأسرة بشكل فعال فى وجود العامل المادى الذى يساعد فى تكوين كيان الأسرة من تربية وكساء وطعام وما الى ذلك

أحب فى النهاية أن أذكر أن لكل أسرة احتيجاتها ولكل رجل طبيعة تفكير ولكل أمرأة متطلبات فبعضهن لديه من الطموح والقدرة على الانتاج الكثير ومن خلالها ينجحون فى ان يعادلو ما بين متطلبات الحياة

ومنهن من قدرتها تكون بين متطلبات الأسرة وتربية الأبناء وهى من أسمى المهام

لا يوجد قاعدة واحدة فى أساس عمل المرأة من عدمه ومن طالب بأن تسقط المرأة فهو لم يقصد أن تسقط بالرذيلة ولكن تسقط من وتختفى وتتلاشى من المجتمع ولكن هيهات فبدونها لا يستقيم الرجل وبدونه لا تكتمل الحياة

ولكم منى كل التحيات والتشكرات لتعليقاتكم المثمرة والمطعمة بأفضل الآراء والخبرات الشخصية

تحياتى إليكم جميعا
وأدام الله دائما الود بيننا

هبة

رحــــيـل said...

عزيزتى هبه
كل سنه وانتى بخير وسعاده
الموضوع ده بجد صعب قوى لان انا ديما لما بفكر فيه بحس انى عندى شخصيتين
الاولى
انى اساسا انا شخصيه طموحه جدا بحب الشغل قوى وبنجح فى اى شغل انا بشتغل فيه
واحقق ذاتى
والتانيه
انى لما افكر انى فى ممكن اتجوز يكون زوجى ولادى وبيتى هما كل حاجه بالنسبالى عشان مقصرش فى حقهم فى يوم ابدا وانى اى وقت انا هقضيه فى شغل من حقهم هما
مش عارفه بجد انا ممكن انجح ازاى واحقق المعادله دى
خالص تحياتى وتقديرى

Doba said...

الدرويش المرووش أو شاهى حرامية بلوج جوزها

انتى مش خيبة ولا حاجة ولكن اختيا وقدرة المرأة على الاهتمام ببيتها وزوجها من أفضل وأسمى المهام

هو فعلا الراجل غلبان قوى اللى قال تسقط الستات ربنا يعينه يعينه خالص

ههههههههههههههه

تحياتى يا اوفى شاهى
--------------------
فرنسا هانم

تعالى هنا يا بت انتى
بقى انا زقيتك عند خيخة
ده انتى هتتقطعى النهاردة

بقى انا فكيت الكهربا من على كيس النيسكافيه علشان الضيوف تشرب وتمزمز وجاية تقوليلى زقيتك

طيب تعالى وانا هكربك
وكمان بتقولى تسقط الستات

ده انتى هتاكلى ضرررررررب
===========
عودة الى الواقع
========
طبعا اللى ينادى ويطلب بسقوط المرأة فى الرذيلة ما هو الا انسان عديم الخلق وديوث لا يخاف على أمته وبصراحة اللى زى ده مش لازم اصلا يتاخد برأيه

اشكرك يا قمر
تحياتى
-------------------
بت خيخة وأى كلام

طبعا احن اتكلمنا وقلنا فى الموضوع ده بالذات كتييييييييييييييير قوى ولا انتى ايه رأيك

عجبنى بوستك جدا لدرجة انى معرفتش اعلقلك حلو قوى

تحياتى يا ام شريف
وبوسيهولى بوسة جامدة قوى
-----------------
الطائر الحزين

طبعا التوازن مطلوب وهو الأساس هنستفيد ايه لما الواحد يجيب عائد مادى وقدامه يخسر حاجات فى غاية الأهمية

تحياتى وسلامى لأم الأبناء
----------------
رئيس جمهورية نفسى

لو كان العمل مفيد ومثمر ويعود بخبرات مفيدة تؤثر فى نضج عقل المرأة ويعود بالايجاب على اسرتها فنعم يحيا عمل المرأة

تحياتى واشكرك
----------------
بت خيخة واى كلام

الايميل وصل ورديت عليه بعريضة مطولة
تحياتى
---------------
لماضة

مظبوط كلام سيادتك يا داكتورة
والله وطنط طلعتلنا داكتورة زى الفل

اللهى ربنا يوفقك ويبراك فيكى يارب يا لماضة

خد من قلبى وسر

تحياتى
---------------
خروشات عمر

جميل والله ان انتو الاتنين عندكم 40 سنة وكلكم حب للحياة - انا عجبنى جدا ضحكته اللى بتطلع بنقاء برغم اى شى لان ده بيتطلب رضا من ربنا ورضى بقضاءه غير عادى

نورتنى يا افندم
حلوة قوى
ثقافة أمة
و حضارة مبتسرة
وتراكم عقد نفسية
ونشئة غير قويمة

تفكتر بعد الكلمتين الجامدين دول فيه مستقبل لاولادنا لما يتربو وسط الناس بالعقلية دى

ساقع هنا لعمر بيه يا ولد بسرعة
تحياتى
----------------
sabrina

انا معرفش كتير عنه بصراحة بس هو فعلا قليلين اللى بيعترفو بأخطائهم من الرجال لانها بتتطلب جرأة غير عادية

تحياتى واشكرك لتعليقك
--------------
mohand

جميل إنك من المعارضين وبتعرتف بكده والله وانك بتقول ان اعمال تستلزم عمل المرأة ده كلام جميل برده

اتمنى انك تجد زوجة وفية تقبل بمتطلباتك فى عدم العمل عن قريب

الاختلاف فى الرأى لا يفسد للود قضية وكلها آراء ورغبات واكيد ستجد من يشاركك إياها

امنياتى بكل التوفيق
--------------
دكتور حر

هما مين بقى الاتنين اللى مش عاوزهم يسقطو قول بالذوق احسنلك بدل متقول ادام الظابط

صح طبعا الموضوع بيفرق من حالة لحالة وكل أسرة تبعاً لاتفاقهم على العمل من عدمه لان بخروج المرأة يتوجب على الرجل قبول فروق ناتجة وهنا يتوجب الاتفاق المبدئى

دوبه اسم انا بحبه كانو اخواتى بينادونى بيه زمان ولما جيت المدونات حبيت اخواتى اللى هنا ينادونى بيه

على فكرة جوزى مبيحبش الاسم ده بس انا مسجلة اسمى عالموبايل بيه

رخامة بقى تقول ايه

نورتنى يا دكتور
---------------
no chance

وامتى كان الزمي مفيهوش ناس سيئة وسرقة وقتل ومعارضة وتحرش

الحاجات دى موجودة على طول باختلاف الاماكن مفيش حاجة آمنة مية فى المية ومفيش حاجة وحشة وسيئة برده

الخوف حاجة ردها اننا نخلى بالنا ونحافظ لن الرعب بيخلى الواحد يقفل على نفسه وميتقدمش لقدام أبدا

تقدر تديلها الحصن والخبرة اللى تحتاجها علشان تتقدم مش تقفل عليها وتقول انا بحميكى

نورتنى يا افندم
تحياتى
------------
yahia

مظبوط كلامك مفيش حد بيقدر يكون ناجح فى كل نواحى الحياة وكذلك الرجال لا يستطيعو ان يضمنوا تمام النجاح فى كل أمور الحياة واتمنى أن يتحلو بالمقدرة كذلك على الاعتراف بأنهم ليسو طوال الوقت على صواب

بالطبع من آن لآخر يوجد عدم توازن فى الأمور ولكن يبقى التفاهم والود بين الزوجين لاستعادة كيان الاسرة لكينونتها كما كانت والا فعلى اللأسر السلام

تمام يا افندم
الغدا جاهز
تؤمرنيش بحاجة تانية قبل منزل الشغل

وش متغاظ
وبيضحك لجوه

تحياتى يا زوجى العزيز
---------------
أبو خالد

بالطبع الأم هى مدرسة تربية الأبناء ولكن يبقى أن تكون منتجة لاسرتها وان توجب العمل لنجاة أسرتها فحسناً تفعل

تحياتى

Dr Emad said...

كلامه طبعا صحيح ميه الميه
انا شخصيا مش علمانى
ولا بفكر فكر غربى ولا حاجه
بس فى الاخر الست دى(اللى هى امى واختى ومراتى)
انسانه
ومن حقها تعيش زيها زى الراجل بالظبط
لازم يكون لها شخصيتها المستقله
وكمان وشها اللى تتعرف منه
(وانا مش ضد النقاب)
وكمان حقها فى انها توظف قدراتها فى عمل يفيدنا كلنا ويفيدها

وكمان ليه احنا قلقانين دايما من خروج الستات
وكاننا متاكدين ان اخلاقهم وحشه
ولو خرجوا م البيت هيحصل كذا وكذا وكذا
لا
انا شايف ان فى الاف النمازج العامله المحترمه بل ملايين
الدنيا بخير
وتحيا الستات الملتزمات والرجاله الملتزمين(صح)

Doba said...

عصفور المدينة

إسمح لى بأن اختار من بين كلماتك ما أستطيع ان ارد به على تعليقك وهو مشاركتى لرأيك بأن تكون المعايير شرعية وتشاورية واستخارة وموازنة المصلحة والمفسدة ويوم ما ييجي اليوم اللي واحدة ست تضطر تشتغل يتاخد القرار بشجاعة ودراسة
وبرضه يوم ما تيجي الست اللي قررت تشتغل وتكتشف إنها زهقت من الشحططة وتقول في نفسها بلا إثبات ذات أن تمتلك الشجاعة وتقول لازم أقعد ويوم ما تحس إن واجباتها الشرعية هي مقصرة فيها أعني واجباتها تجاه تربية الأبناء

ده كلام بصراحة جميل جدا واتفق معاك فيه وكذلك ان الموضوع متشعب للغاية ولكل حالة ثوابتها التى تمشى على طريقها

تحياتى واشكرك للغاية على تعليقك الغنى الوفى
-----------------
الشنكوتى الكبير

بالطبع مطلوب عمل المرأة فى مهن كالطب والتدريس وما الى ذلك من مهن مؤثرة على النساء بشكل عام وكذلك الشرطة النسائية

وبالطبع يجب التراضى بين الزوجين والاتفاق على شرعية العمل وتأثيره بالسلب او الايجاب على كيان الأسرة

وارغى براحتك يا عم مدونة اختك برضه ولو انا مستحملتش مين اللى يستحمل

وش متغاظ وهيولع فيك
ههههههههههه

تحياتى واشكرك
-----------------
خالد

اشكرك على تعليقك الموجز المحتوى على كل الآراء على حسب كل حالة

تحياتى
------------
نفرتيتي

هو أريح طبعا القاعدة فى البيت واحسن واكرم للمرأة بس احنا بنقول لو اتوجب عليها ده فيبقى برده اهلا وسهلا بشروط

مدونتك امورة زيك
نورتينى
تحياتى
-----------

فرنسا هانم

الى غواصة فرنسا هانم
الو عمليات
الو عمليات
حوووووووول

بالطبع عصفور المدينة بنحترمه جدا آرائه وتعليقاته بس انتى بتختلفى على ايه

اعتقد ان عصفور المدينة مش تبع عمل المرأة او ضده لكنه يصدر رأيه تبعا للموقف الذى يتطلب عمل المرأة أو لا يتطلب وهو على ما اعتقد يعى جيدا كل الظروف التى ذكرتيها

البيت بيتك تنورى فى اى وقت وكلنا لازم نتبادل الآراء وإلا لم أنشئنا هذه المدونات

اشكرك ونورتينى
سلام
--------------
يوميات عيل مصرى

الحمد لله على سلامتك وده شىء يسعدنى انك اول لما تيجى تعدى وتزورنا وترمى السلام وتطمنا على اسرتك

عجبتنى قوى كلمتك ان الست لازم تبقى منتجة بشكل او بآخر وعجبنى جدا جدا ردك عند نوران

ربنا يسهل ولو قدرت اجيب الكتاب ده وهبقى اشارككم بيه

تحياتى واشكرك جزيلا
---------------
السيد شبل

اشكرك لتعليقك الوجيز ولنضجك الفكرى
تحياتى
-----------
walaa

كل بنت بتكوم ماماتها ام عاملة بتطلع بتكره انها تشتغل يمكن لافتقار الحنان منهاواليها

الموضوع جدلى لانه بيختلف من ست والتانية لان كتير بيبقى ربنا مديلهم طاقة على الانتاج والعطاء اكتر من ناس تانيين

تحياتى واشكرك
--------------
كاميليا
الغالية دائما
بنوتى الحبيبة

اه والله يا كوكى جيتى على نقطة مهمة اللى هيه على الغرم ان الست بتشتغل الا انها عليها أعباء كتير لا يشارك فيها الرجل المصرى خاصة تبعا لسوء النشئة ولفيلم سى السيد - الله يسامحه بقى اللى عمله

الرسول عليه الصلاة والسلام كان فى خدمة أهل بيته ودول كل واحد يقولك انتى اتجننتى اجيبلك ده ليه ولا اعمل ده ليه انا مكنتش بعمل اى حاجاة فى بيت اهلى

ربنا يعافينا من العقلية المتأخرة دى

تحياتى يا كامى
---------------
son'e egypt

طبعا طبعا مظبوط كلام سيادتك يا افندم
اشكرك لتعليقك
تحياتى
-----------
soooo

جميل تعليقك بانها تعمل كما تشاء دون التقصير طالما فى مصلحة الاسرة

ممكن لما تبقى مليونير تبقى تخلينى اشتغل مع مراتك فى المشروع بتاعها لو سمحت وجميل قوى على فكرة انك تخلى اللى قدامك يشتغلك من آن لآخر بتبقى متعة لانك بتتفرج على بلاهة الآخرين

تحياتى
------------
عصفور المدينة

انت فعلا تعليقك واضح ولكن الهدف من طرح الموضوع توضيح بيان اأفكار والآراء وكلنا بنفيد ونستفيد

تحياتى يا افندم

Doba said...

klmat

والله انتى ذكرتى نوعية للمرأة اللى بتقعد فى البيت بدون شغل وهيه بالشكل ده مثال سىء للغاية على اسرتها ومجتمعها فاللى تقعد لجوزها عالواحد وليل ونهار عالتليفزيون - هتربى ولادها امتى وتصون جوزها ازاى

اشكرك لتعليقك
تحياتى
--------------
نداء

اشكرك لتعليقك ولزيارتك
تحياتى
------------
dido redo ado

بالبع بسقوط المرأة يسقط الرجل فهى عماد الأسرة

اشكرك لزيتك ولتعليقك
تحياتى
------------
قلوب حائرة

انتى من الأمثلة اللى بقول عليها عندها طموح وقدرة على تلبية احتياجات الاسرة بس طبعا لازم يكون باقتناع من الطرف التانى وموافقة تامة

وطبعا لابد توافر الحدود الشرعية بتاعته

اشكرك وتحياتى
البت الحامل بتسلم عليكى وبتقولك وحشتيها
---------------
همسات دافئة

لعمل المرأة حالات وظروف وكل حالة بتختلف من شخص لآخر

ولابد ان تتكيف المرأة على حسب ظروفها واحتياجاتها او بشكل مطلق لا نستطيع ان نحكم جدلا باهمية عمل المرأة او لا

اشكرك لتعليقك
تحياتى
--------------
فرنسا هانم

شكلك كده لهفتى النيساكفيه وجايالى علشان اجيب وانا جاية

حت الفيشة اللى جيت اكهربك منها السلوك لمست وفرقعت فى وشى

الله يسامحك

انا بخير بس كنت أجازة
انا جااااااااااى
فرافييييييييروووووووو

شكرا يا قمر على سؤالك
ربنا ميحرمنى من سؤالاتكم

تحياتى
----------------
محمد العدوى

تصدق اه والله
احنا مطحونيين طحنة جامدة جدا
والرجالة مبتقدرش

الا مش انت من الرجالة
انت بتقدر ليه

تعالى هنا
فين مراتك علشان اقولها وافتن عليك

نورتنى
تحياتى
--------------
أيامنا الحلوة

انتى بقى يا شيرى من الستات اللى بتحب تأنتخ فى البيت - بس المهم انها تكون أنتخة بفايدة

نورتينى وعقبال مفرح فيكى قريب
قولى آمين

يلا باى
-----------------
اشكركم جميعا كثيرا كثيرا
أحبكم جدا فى الله
تحياتى
هبة

Doba said...

رحيل

يمكن خوفك مبنى على اساس عدم الدخول فى التجربة

لما تتجوزى هتعرفى قد ايه قدرتك على العطاء ومن هنا هتاخدى قرارك

ربنا يوفقك دايما يارب
----------------

دكتور عماد

اهلا بيك زائر جديد ومع تعليق قوى يشدد ويوصى بعمل الاثنين فى حدود مشروعة مع التزام كل الاطراف لبعضها

اشكرك لزيارتك وتعليقك
تحياتى
هبة

الـسـيـدة نـون said...

هههههههههههههههههه
عجبنى مووت تعليقك على جوزك
وخصوصا الوش المتغاظ وبيضحك لجوة
ربنا يخليكوا لبعض
ومقلتليش لما نزلت من عند شاهى نميتوا عليا وقلتوا ايه
تلاقيكم قعدتوا تقطعوا فى فروتى

تحياتى ليكى يا دوبا
بوسيلى يوسف بوسة كبيرة خالص
وكل سنة وانتى طيبة
اختك خيخة

Ahmed Al-Sabbagh said...

____0000000000______0000000000_____
__000________000__000________000___
_000___________0000___________000__
000_____________00_____________000_
000________Happy New Year______000_
000_____________FOR____________000_
_000____________ALL___________000__
__000________________________000___
___000___Ahmed Al-Sabbagh___000____
_____000_______2008_______000______
_______000______________000________
_________000__________000__________
____________000____000_____________
______________00__00_______________
________________00_________________
________________ 0 ________________

Anonymous said...

Gostei muito desse post e seu blog é muito interessante, vou passar por aqui sempre =) Depois dá uma passada lá no meu site, que é sobre o CresceNet, espero que goste. O endereço dele é http://www.provedorcrescenet.com . Um abraço.

ولــــــــــو said...

الاول عايز اقول كل سنه وانتي بألف خير ويارب تشوفي الاستاذ يوسف حاجه كبيره جدا
تانيا انا باحب الدكتور نبيل جدا واي حاجه يقولها يبقى انا موافق عليها
بس هارجع اقرا واشوف يمكن بيقول حاجه توديني ف داهيه

فى القلب said...

غريبه أى أقراء الموضوع بعدجلوسى امس مع جارتى التى مات زوجها وأربع أشهر
وتريد الزو ج من أبنه خالتها المتقدم اليها
لاحتياجها المادى
و أبنتها أبنهالخامسهعشر معترضه على ذلك فعلا يا هبه موضوع مهم جدا

micheal said...

أنا شخصيا بميل الي عمل المرأه و ضروره تحقيق كيانها و مفيش حاجه اسمها تقعد تربي العيال في البيت..ده رأي الشخصي بس يمكن عشان مش ناوي علي جواز فبالتالي مش فارق معايا
:)
تحياتي

3ala asm masr said...

هو ده بقى اللى انا مبحبوش
ان الرجل يبقى ضد شغل المراه ويفضل ينكش عشان يبينلها انها مقصره وانا متخلقتش غير عشان تربى العيال
يا استاذ المراه كل المجتمع
هى نصه وهى اللى بتربى النص التانى
ازاى عايز المجتمع يستغنى ان النص اللى ممكن يفيده واكيد بيفيده

Doba said...

بت خيخة وأى كلام

هتجيبلنا الضر يا بنتى
هو مأخدش باله تقومى تفكريه

متكلمناش والله عليكى خالص
انا بس اللى طلع عينى وانا مروحة ودعيت عليكم

بوسيلى شوريف صديقى الصدوق
تحياتى
-----------
أحمد الصباغ

كل سنة وانت بخير وسعادة ويارب تحقق كل اللى بتتمناه فى العام الجديد

تحياتى
--------
ولو

وانت طيب يا افندم
بما انك قريت ها
شكلك كده لقيت نفسك اتدبست ومعلقتش عالموضوع

هستنى رأيك فى الموضوع ده
يلا باى
---------
فى القلب

أوشة النعنوشة
وحشتينا ومفتقدينك عالساحة جدا
اتمنى جارتك تكون بخير وتاخد القرار الأصوب ليها ولصالح أولادها

تحياتى
---------
micheal

أولا كل سنة وانت طيب
ثانيا عمل المرأة مهم وزى مقولنا على حسب متقدر تعمل توازن

ثم انا مستنية اهو لما تتجوز علشان اعرف هتوافق ولا ايه النظام

تحياتى
---------
على اسم مصر

جميل والله وحلو جدا لقينا حد جديد بينصر هذه القضية بس فعلا المراة هيه نصف المتجتمع واللى بتربى النص التانى

تفتكر عرفت تربى؟؟

سؤال هتضرب عليه
بس ما علينا

تحياتى
هبة

micheal said...

لأ...متستنيش لاني مش ناوي خالص بجد
:)
تحياتي لكي