Sunday, October 25, 2009

الحمد لله

كان لدى يقين بأن صغيرى بين يدى الله وهو الحافظ له وهو من يحسم الصالح له ولكن
وعلى الرغم من هذا اليقين إلا ان هناك تلك المشاعر الانسانية والتى عبارة عن أسواط تضربنى وتعذبنى بأننى ليست لدى المقدرة لحمايته أو كف الأذى عنه
الحمد لله لقد تخطى المرحلة الخطرة ولكن يظل قلبى قلق من أن يصابه مكروه، أذكر نفسى دوما بأنه لن يصيبه إلا ما يكتبه الله ولن يحفظه إلا الله وله الحمد على نعمته الكريمة
يزداد الانسان عمقاً بالتفكير أنه فى لحظة من اللحظات على إستعداد كامل لتقديم أى تنازلات فى سبيل حماية الصغار، ولكن هل نستفيد فعلياً وعمليا من هذه النعم فيما بعد بالإهتمام بها والحفاظ عليها والتركيز على أن ننشىء جيل معتد بدينه ومحافظ عليه، أتمنى أن يظل قلقى على حاله حتى يتسنى لى أن أربى أبنائى بشكل يرضينى فيما بعد
أشكر لكم دعواتكم وإهتمامكم بالسؤال عنى وعن عمر وأطمنئنكم أنه ولله الحمد فى حالة مستقرة الآن وبين أحضانى
اللهم لك الحمد والشكر كما ينبغى لجلال وجهك وعظيم سلطانك

28 comments:

shahy said...

حمد لله على سلامتة
ربنا يحفظة ويخليهولك هو ويوسف بأذن الله

كما قلت لكي من قبل
حتى لو كنت شيفاكي قوية من برة بس
وعارفة انك من جوة بتتقطعي
احب اشوفك دايما قوية علشان في ناس كتير بتقوى وتصبر بقوتك وانتي مش واخدة بالك

بوسيلي عمر

سلام

بت خيخة وأي كلام said...

لولولولولولولولولولولولوى

حاول تفتكرنى said...

الحمد لله

من العجب أن مثل هذا الكلام ، تردده امهاتنا

بنفس الدرجة من الخوف والحب والرغبة فى التربية السليمة

كل المشاعر النبيلة فى الوجود موجودة تحت عنوان واحد
(الأمومة)

حمد لله على سلامتكم

ňįĝŗő said...

ألف حمد و شكر ليك يا رب
ربنا يباركلك فيه يا هبة يا هانم
و تكون دايماً مطمئنة عليه هو و يوسف

وقّعتني كلمة " صغيري " دي
يا خبر ابيض
دي حلوة أوي أوي اوي
يا رب ما تحرمنيش

حمد لله على سلامتكم يا هبة هانم

في حفظ الله و رعايته



يلا سلام

لماضة said...

الف لا بأس عليه
ربنا يتم شفاه على خير يارب

آخر العنقود said...

حمدلله على سلامته وسلامتك ياهبة
شافه الله وعافاه يارب

ربنا يخليهولك ويباركلك فيه وفى يوسف
دمت بكل الخير

فاتيما said...

الف مليون مبروك يا دوبى
دلوقتى اقدر اقولها
من غير ما تكون ناقصة
و لا سنتوفة
انا من الناس
اللى فرحتهم مضاعفة
الأول ... عشانك
و كمان ....عشان عمر افندى القمر
و عشان كل ام
زى ما خيخة قالت
من حقها إن صغيرها يكون ف حضنها
مش ف أى مكان تانى أبدااااا
ربنا يحفظه هوه و يوسف
من أى سوء
و يفرحك بيه
يا رب
الف مليار
حمدلله على سلامته
و سلامتك يا حبيبتى
بوسة ليكى و الف حضونة عشان الولاد
الله
حلوة قوى كلمة الولاد دى !!!!

واحدة مفروسة said...

حمدا لله على سلامته يا دوبا
و ربنا يديله الصحة و يباركلك فيه هو و اخوه و يعينك على حسن تربيتهم يارب

koko said...

الف الف سلامه .. ربنا يحفظه و يخليه و يبارك لك فيه يا رب .. و يفرحك بيه و يفرحوا بيكى .. آمين

دودو said...

الف الف حمد الله على سلامتك يا دوبا

ربنا يقدرك على تربيته تربيه صالحه ومتتحرميش منهم ابدا يا رب

أميرة علي كوكب مهجور said...

ده احلي خبر الف حمدلله ع سلامته وربنا يحميه ويخليه ويبارك فيه يارب

mimi said...

الف حمد الله علي سلامة عمووووور

يارب يكون بخير يارب
وتطمني عليه وتحققي فيه كل اللي تتمنيه

ويخليلك يويف ... ويحيي وماما يا رب

وتبقي أسعد خلق الله علشان انتي تستاهلي كده

أنا مقصرة معاكي

بس بجهز ورقي مسافرة تاني

سامحيني معلش

مووووووووواه

صاحب المضيفة said...

حمد لله على السلامة ويارب يرزقك بره ويجعله قرة عينك يارب

كل التحية

حاجات جوايا said...

الف حمد وشكر لله على سلامتك وسلامة عمر يا دوبا
ربنا يباركلك فيه وفى اخوه ويصرف عنهم وعنك وعن باباهم كل سوء يارب العالمين

حمدا لله على السلامة مرة تانية يا جميل

عبد من عباد الله said...

ربنا يخليه ليكي و يخليكي ليه و يرزقك بالزريه الصالحه و تقدري تربيهم كويس ان شاء الله ...

عموماً مفيش ام تقدر متخفش على ولادها ، اما بالنسبه للتربيه فكل ما حتكوني انتي صاحبه دماغ و عقل هادئ و راقي و مثقف و متفتح طبيعي جداً انه حيتعلم منك و ياخد منك كتير ، لكن احذري من انك تعملي حاجه و تقوليله عكسها ..

علمياً ، شخصيه الانسان الاساسيه و الاعمده اللي بتقوم عليها شخصيته و صفاته بتتكون كلها في السبع سنين الاولى من حياته ، اللي هى مع الاسف بكون احنا بنعامله على اساس انه كائن لسه مش فاهم اي حاجه في ايه و بنعمل قدامه كل حاجه على اساس انه لسه صغير ...

على العموم ربنا يكرمك ان شاء الله و تسمعي منهم احلى كلمة ماما في الدنيا

مدحت محمد said...

سلامته الف سلامة

الطائر الحزين said...

سلمة الله من كل سوء وجعلة قرة عين لك

طهقان said...

هو كان فيه إيه ؟

خواطر شابة said...

الحمد لله على سلامته والحمد لله انه عاد لحضنك سالما أتم الله شفائه على خير
الحمد لله الدي جعل الشدة لاتدوم بقدر ما يدوم الرخاء

الشنكوتي الكبير said...

ربنا يحفظه ليكم ويخليكم لبعض انتي واسرتك كلها

تحياتي ليكي وليهم كلهم

سلاااااااااااااااااااااام
اخوكي ايهاب

فاتيما said...

دوبى يا حبيبتى
ازيك و ازى يسوفة العسل
و عمر القمرررررر
اخباركم إيه؟؟
وش الخير قوس قزح بتقول
هنعمل لقاء حريماتى بعد البؤجة
انبسطت قوى .. يكون عمر كبر شويتين عشان تجيبيه معاكى
ناخده فى حضننا شوية
و ندلعه شويتين
و نتونس بيكى تلات اربع شويات
أنا ؟
بخير يا حبيبتى
المهم انتى تكونى بخير
و سلامى لماما و لأبو العيال
الله .. حلوة العيال دى
كل ما آجى أكتبها أنشكح قوى
ربنا يحرسمهم يا رب
بوسة و حضونات ليكى و ليهم يا ميس

همس الاحباب said...

حمدلله على سلامتك وسلامة عمر
وكل سنة وانتى طيبة
وعيد سعيد عليكى وعلى اسرتك الكريمة

فاتيما said...

عيد سعيد عليكى يا دوبى
انتى و يحى و العياااااال
بحبك

ňįĝŗő said...

هبة هانم
كل سنة و انت طيبة و بخير يا رب
كل سنة و الأمورين الحلوين يوسف و عمر بصحة و في خير
كل سنة و انت و باباهم جنبهم و هما جنبكم
كل سنة و انتم مطّمنين عليهم
كل سنة و انتم طيبين يا هبة هانم


يلا سلام

(احمد سكر ) said...

الف سلامه لابنك

وكل سنه وحضرتك طيبه

حضرتك مش باينه ليه ؟

IBN BAHYA said...

كل سنة وأنت بخير ..
كل عام وكلكم طيبين ..
أرق تحياتي ..

saragebaly said...

شفى الله صغيرك من كل مرض وحماه من كل مكروه

ربنا يحفظه من كل شر يارب
هو
واطفال المسلمين اجمعين

تحياتي لكـِ
ولصغيرك

في رعايه الله

سارة

Omar... [ خروشات ] said...

يا عمر

سامحنى على تاخرى فى السئوال عنك يا بنى


عذرى الوحيد انى كنت غائبا لفترة طويلة

نسال الله ان يحفظك و يديم عليك الصحة و الهناء

اشاركك الاسم يا بنى و هذا اسعدنى اكتشاف اسمك


فلك اطيب الامانى و لاسرتك خالص الاحترام


عمر المصرى