Wednesday, July 18, 2007

البحر..........ما أحلاه

يمكن أكون هتكلم على نفس الموضوع التابع للمصيف الجميل اللى شاركت فيه ولكن نفسى اتكلم فى أكتر حاجة أسعدتنى للغاية وخلتنى - رغم أنف الآخرين - أستمتع بشكل غير عادى وهو
البحر وأمواجه
سبحان من أبدع هذا الشىء الرائع - أنا نفسى أعرف ايه سر البحر الواحد بيكون جواه طاقة كبيرة ويروح يقف قدام البحر يلاقى طاقته كلها السلبية بتتبدد أمامه وبيمشى من هناك وهو قلبه مفتوح لكل الدنيا والواحد لو كان مبسوط أو فرحان وجواه مشاعر جميلة بيروح قدام البحر وبيحس أنه قادر جدا ونفسه قوى ياخد البحر كله بين أحضانه وبيبقى جواه طاقة وحب تقضى الدنيا كلها
فى اليوم الكئيب الذى مررت به إنهالت دموعى بقوة وبغزارة ولم أحتمل الإنتظار فطلبت من زوجى الذهاب للشاطىء وبالفعل ذهبنا معاً - ولكننى وفور أن نظرت لأمواجه المتلاطمه على الصخور الكبيرة المكعبة - بدأت فى ثورة من البكاء والنحيب المتواصل وكأن البحر يأخذنى بين أحضانه ويشعرنى بمدى إحساسه بمشاعرى وكأنه يبدأ فى الطبطبة على أكتافى وتمتزج دموعى بمياه بحره الواسعة - شعرت وكأننى أفرغت كل شحنة البغض والكراهية التى كادت وأن تعتصرنى من داخلى لشعورى بأننى مقهورة داخلياً وليست لدى القدرة حتى على التنفس
ولكن سرعان ما بدأت فى الهدوء وكأنه يقول لى هيا فلتهمى ولتقفى من جديد لتخطو وكأنك طفل يبدأ فى المشى خطوة خطوة فتهدأ رياحك التى تجتاحنى ولتبدأى الآن ومعى فى بث نسيمك الجميل الذى عهدته معكى طوال السنين - تعالى مرة أخرى إليا لبثك الحب والطمأنينة والشجن اللذيذ ولتستمتعى مرة أخرى بكل ما أقدمه إليكى - هيا فلتثبتى ولتعرفى أنكى أقوى من أن تكسرك الظروف والبشر وضغائنهم الضعيفة التى مثل السوس الى ينخر فى البنيان القوى
هيا ومن الآن فلتعاهدينى على أن تكونى قوية وألا تجعلى رياح السخط والغيرة والامتهان أن تعلو فوق حبك وأملك ورضاكى بكل ما يكتبه الله لكى ولتعلمى يا صديقتى الصدوق أن الله لا يبعث لكى إلا بكل ما يفيدك فى الحياة وأنه ربما وضعك بهذا الموقف لتتعلمى من القريب ومن البعيد ويوضح لكى نوايا الآخرين فرب ضارة نافعة
بدأت فى أن ألملم دموعى ومشاعرى المبعثرة مرة أخرى وقررت أن أخوض المعركة للنهاية ولكن وأنا فى منتهى القوة فلقد بعث الله لى برذاذ المياه المنبعث من الأمواج المتناثرة لتجلعنى أفوق من أحزانى ووجدته يقدم لى الزهور والرياحين ويقول لى أنها الدنيا الفانية فلتفرحى بما أنعم الله به عليكى وبدأت فى الحديث مع نفسى ومعه ومرت ساعات وأنا أمامه ووجدت نفسى فى النهاية وأنا أخطو خطواتى للرجوع لما كنت فيه - وجدتنى قوية متماسكة واثقة من كل قدراتى علمت مكامن القوة لدى وتمسكت بها وأدركت نقاط ضعفى وتغاضيت عنها لرغبتى الشديدة فى الإستمتاع بوقتى للنهاية - رغم أنف الآخرين - وبالفعل رحلت وأنا ضاحكة سعيدة شاكرة حامدة متوسلة لله رب العالمين - الله الذى حبابنا بهذه القوة المهولة والتى تسمى البحر
ومع يوم آخر يمر وجدت نفسى كلما نظرت إليه ابتسمت ووجدتنى أشكره لوقوفه معى ومشاركته لأحزانى قبل أفراحى ووجدتنى أبتسم مرة أخرى وأجدد معه عهدى على التمسك بالسعادة والأمل والرضا بقضاء الله فى أى وقت
جلست فى هدوء وسط فنجان القهوة الخاص بى وكتاب شيكاجو الذى أقرأه لأول مرة بعدما وجدت الكثيرين يفضلونه وتركت نفسى بين يديه تأخذنى لعالم الأحلام الجميل الملىء بالسعادة ترى هل يفعل بى البحر كل هذه الأفاعيل لى وحدى أم أنه يشارككم أنتم أيضاً أوقاتكم وأحلامكم - خبرونى بالله عليكم لأعرف هل حقيقى ما أشعر به من حب شديد وتعلق أشد صحيح أم هو من فعل أحلامى
تحياتى وأمنياتى بتحقيق كل ما هو مبهج وغالى على نفس كل منكم
هبة

23 comments:

shahy said...

يابنت اللذين
اية دة
انتي طلعتي كاتبة ماهرة

انا كأني شيفاكي وانتي واقفة على البحر

بس برافو عليكي

ما شاء الله علشان الحسد اصل انتي نجمك خفيف

سلام يا دوبة يا جميلة

Mirage said...

اه الصراحة زى ماقالت شاهى وصفك جميل قوى

بس هو البحر دايما بيبقى ملهم للشعراء وسبب لابداع كثير من الكتاب

بس عايز اعرف رأيك فى شيكاجو

وايه موضوع القهر اللى انتى بتتكلمى فيه ده وايه اسبابه

truelove said...

بوست هايل يابوب وده شعور كلنا بنحس بيه واكيد ليه تفسير ان الانسان بيحس انه صغير قوي بكل همومه وكل اللي جواه قدام البحر الهايل ليه علشان كده بنروق وبنحس اننا غسلنا همومنا كلها فيه تحياتي ليكي ياقمر وليوسف

الشنكوتي الكبير said...

دوبه يا قمر
نورتي اسكندريه
انا لما سافرت وكنت مكتئب جدا اول ما شوفت البحر كنت عايز ارمي نفسي وسط الموج والصخور حسيت ان حضنهم احن من الدنيا المزعجه بس جمالهم طمني وفرحني ورجعت وانا جوايا طاقه كبيره اواصل
بجد اتمنى ليكي السعاده وبرافو عليكي انك عرفتي تروحي تشوفي البحر وترمي الهموم جواه
تحياتي يا اميرتي
سلااااااااااااام

sendbad said...

اللي انتي فيه حاليا هبه من الله عز وجل هبة القوة والتحدي وعدم الانكسار والاخذ بالاسباب ربنا يديم عليكي هذه الحالة جميل اوي البوست والكلمات القوية اللي فيه والمعاني الرقيقة
تحياتي

الراقص مع الذئاب said...

السلام عليكم
هي عدوي البحر والامواج وصلت هنا
طيييييييب
انا هنزل بتلقي إن شاء الله البوست اللي جاي عشان امبارح راجع من علي البحر الساعة 2 بلليل
وبجد بجد بجد لو كان معايا الف ورقة كنت خلصتهم كلام
مع اني كنت لوحدي

البوست جميل والكلام جميل والاحساس اجمل

دمتي في خير إن شاء الله الله

Doba said...

شاهى

انا لا كاتبه ولا حاجة - انا بس حاولت اسيب مشاعرى وحاجة حقيقى حسيت بيها - وبالنسبة للحسد ربك هو الحافظ خليها على الله

تحياتى يا شوشو
هبة
===================
ميراج

شعراء وكتاب مرة واحدة - يا عم انا بليدة اصلا فى الكتابة - بس زى مقلت هو احساس اجتاحنى وحبيت اخرجه

شيكاجو لسه مخلصتهاش والله - خلصت تلتيها بس هيه حلوة إلى الآن شدانى بس للأسف معنديش وقت كتير - اول لما اخلصها هقولك رأيى بصراحة

أما القهر - فده نتاج طبيعى لغيرة المرأة وخاصة لما تكون الغيرة ناتجة عن فرحك وسعادتك ورغبتك فى قضاء وقت مميز وعدم قدرتك على الدفاع - الله يسامحها بقى - ما علينا

مستنية بوستك الجديد - تحيات وسلامى
=====================
truelove

فعلا معاكى حق يمكن علشان البحر كبيييييييييير قوى الواحد بيحس انه صغير قوى وان همومه اقل بكتير من انها تقف قدام البحر ده

سلامك وصل يا استاذه
تحياتى

Doba said...

الشنكوتى الكبير

أشكرك يا استاذ انت على تعلقك الجامد ده - مستنية البوست الجديد يا افندى فاهم - متتأخرشى

تحياتى
=================
sendbad

كل الكلام الحلو ده عليا - أخجلتنى كلماتك ولكنى أشكرك على وصفى بهبة القوة عجبتنى جدا - وسأتماسك للنهارية رغم تحدى الآخرين - ان شاء الله طبعا

تحياتى يا طائر دائما وابدا
================
الراقص مع الذئاب

أشكرك على تعليقك ومرورك الكريم - وبحييك للمرة التانية على بوستك الجديد جامد جدا - خلى بالك من العدى - بس والله عدوى لذيذة جدا الواحد بيحس انه بيها بيخف مش بيمرض وياريت كان معاك ورق علشان نشوف الامكانيات الجبارة

زسلملى عالصول مصطفى - تحياتى
================
أشكركم جميعا من كل قلبى
هبة

klmat said...

كلام جميل واسلوب رائع واحساس مرهف والحمد لله انك تغلبتي على احزانك وربنا يحميكى ويحفظ اسرتك.
انا شخصيا بحب البحر اوى وبخاف منه جداوبشعر بسعاده ونشوى لما بكون فى البحر خصوصا فى الغروب والشروق .البحر بيفكرنا بعظمه وقوه الخالق والمشى على البحر وسيله فعاله لراحه النفس
تحياتى لك

Sharm said...

احيانا بنزل اخرج .. اشوف البحر و اشكيله همومي

البحر شئ جميل و صديق مخلص و عدو غادر

صاحب البوابــة said...

اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي

3abdo me7tas said...

ازيك يا هبه يا رب تكونى بخير وازى يوسف وأبو يوسف عشان محدش يزعل منى :) انا بقى تعليقى على البوست ده مش هيبقى هنا انا بعد ما قريت البوست ده جه فى دماغى حاجات كتير اوى اوى وعشان كده البوست بتاعك أوحانى ببوست جديد انا هحطه النهاردة باذن الله عندى فى البلوج لانه مهم جدا يا ريت تيجي وتقريه عشان تعرفى انك لما بتشوفى البحر بترتاحى ليه موضوع جميل ولازم أسمع رأيك فيه انتى والحاجة شاهى اللى مش راضية تنسي القلم اللى انا آخدته على وشى :) هستناكى

الطائر الحزين said...

السلام عليكم

اننا نرى البحر باعيننا بما يقتضية حالنا ان احتاجناه كان رفيقنا أو نلقى عليه اللوم بتقلبه الدائم غير المستقر
وهذا التقلب أناس تراه تجديد أو أخرون يخشون فجأتة
تحياتى واهلا بك قوية دوما

Doba said...

kelmat

أشكرك - بقى كل اللام الحلو ده عنى
نفس احساسك والله أما البحر - وفعلا الواحد سبحان الله بيبقى عنده طاقة كبيرة علشان يمشى بالساعات وهو ولا هو دريان

أشكرك لمرورك ومدونتك تحفة وتعليقى عليها سيأتى بعد الفاصل

تحياتى وأهلا ومرحباً بكى دائما
==========================
Sharm

معك كل الحق فهو أيضاً عدو غادر - تصدق والله انا كنت بخاف جدا اركب فيه مركب ومازلت حتى الآن - سبحان الله فيما خلق

أشكرك وتحياتى
=====================
صاحب البوابة

فتحلق كما تشاء يكفينا مرورك الكريم - سآتى حلا لرؤية البوست الجديد والتعليق عليه بإذن الله

تحياتى
===================
Abdo mehtas

انا جاية جالا - فرافيرووووووووووووو
لما نشوف بقى مين كاتب احلى عالبحر

تحدى الأقوياء
بس عموما انا لا قوية ولا نيلة - أكيد بوستك أروع - هروح وهقولك وان كان على شاهى - فربك كبير وكفاية عليها العناكب اللى مالية عندها المدونة

هىهىهىهىهىهى
تحياتى
==================
الطائر الحزين

صحيح ما كتبته ولكننا نحتاجه صديق - أو انا بشكل خاص بحبه كصديق اكتر - أو بمعنى آخر التحدث من خلاله فهو تقرب نوعا ما من قوة الخالق والتشبع بالايمان الذى يعطى القدرة للتواصل والمتابعة - اشكركم كثيرا على منحى كل هذه القوة والتى أستمدها من خلالكم

تحياتى
===============
أشكركم كثيرا كثيرا
هبة

وينكى said...

البحر وكل القوى الكونيه اللى بتحملها ال3 حروف دول
جواه طاقه غريبه فى امتصاص الاحزان
انا سعيده ان البحر مسح الامك كلها وبقيتى اقوى
باقولك ايه ماتروحى تسكنى جنب البحر على طول؟:)
اتمنالك السعاده على طول

mohand said...

السلام عليكم
طعا البحر في كل اوقاته جميل
عارفه حلو وغدار
حنين وقاسي
هادي وغاضب
كل حاجه فيه تخليكي تسرحي اصلا
-------------
يا تري شيكاجو قومتك من الحلم علي كابوس مفزع ولا ايه ؟

اصل لو كل اللي بيروحو يتعلموا بيعملوا كده

خليهم هنا يزرعوا الارض احسن

تحياتي

mohamedgado said...

اجمل حاجه فى الدنيا دى ابحر
لما بكون مهموم ببقى عاوز اوصله باى طريقه
اسلوبك را ئع فى سرد الموضوع وترتيب الافكار
احييكى على مدونتك الجميله دى
وسلام

امام الجيل said...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

وينكى said...

حفلة أيامنا الحلوه يوم 27 يوليو الساعه 8:30 فى ساقية الصاوى
اكبر تجمع بلوجرى اوعى يفوتكو
Blogger Radio Station

همسات said...

انا بعشق البحر
ياسلام لو تسمعيها من نجاة مرة ومنير مرة
تحفة
جميل اوى ياقمر
:)
ربنا يدوم عليكى حالة الهدوء النفسى

Doba said...

اه يا وينكى

يا ما نفسى قوى اسكن جنب البحر
ادعيلى كده - هحاول اجى بعد بكرة ساقية الصاوى ربنا يسهل

اشكرك وتحياتى
===============
مهند

شيكاجو كئيبة شوية بس التفاصيل اللى بيحاكيها علاء الاسوانى تحفة طبعا - البحر جمييييييييل قوى وياريت الواحد فعلا قريب منه

تحياتى وشكرا لمرورك
==============
Mohamedgado

أشكرك لان مدونتى عجبتك وابقى خدنى معاك البحر لو هتروح اتفسح هناك

تحياتى
=============
أمام الجيل

شكرا للمرور وسأحاول بقدر استطاعتى المشاركة - تحياتى
============
همسات

الاغنية من الاتنين جميلة - بس انا بحبها من منير اكتر - وأشكرك يا همساية
===========
تحياتى للكل وشكرا جزيلا
هبة

sendbad said...

انا بطمن عليكي بس

Ert3ashat said...

توبيك جميل
مع اني مش بحب البحر خالص

احب اشوفوه وقت الغروب بس