Thursday, July 26, 2007

استراتيجية تحقيق الأهداف

استراتيجية تحقيق الأهداف ======== لكل منا أهداف في هذه الحياة..ما أهدافك؟
====
فكر معي في الأمرليس الأمر صعبا على فكرةلو كنت لا تعرف أهدافك، إليك هذه الطريقة البسيطة لتحديدهايمكنك أن تغمض عينيك وتتخيل نفسك بعد 10 أعوام من الآن.. الصورة التي تتمناها هي.. ببساطة.. أهدافك التي تريد تحقيقهاتخيل نفسك وفكر.. كيف ستكون في المستقبل؟ما الذي تتمناه لنفسك في هذه الفترة؟
*******
تحديد الأهداف لكل منا أهداف كثيرة في هذه الحياة.. الكثيرون يشكون إليّ من مشكلة عجيبة، وهي أنهم لا يعرفون كيف يحددون أهدافهملا يوجد شخص ليس عنده أهداف.. هذه هي الحقيقة.. لو وجدت مصباح علاء الدين، فماذا ستطلب من الجنيّ؟هذه الطلبات -ببساطة- هي أهدافك
*******
شيء ما معظم الناس يعيشون في هذه الحياة باستراتيجية عجيبة جدا.. وهي الانتظار..معظم الناس يعيشون في انتظار شيء ما.. شيء سيجعلهم أغنياء أو مشاهير أو –ببساطة- أكثر سعادةما هذا الشيء؟
-----------
لا أحد يعلم لو سألت شخصا تعيسا: ما حل مشاكلك؟ سيجيب: بكرة تفرج بكرة إمتى بالضبط؟ لا أحد يعلم هؤلاء الناس لا يفعلون شيئا.. يرضون بأحوالهم التي لا يريدونها.. ويعزون أنفسهم بصورة خيالية في أذهانهم يأملون أن تتحقق يوما مامتى ستتحقق أو كيف؟ لا أحد يعلم دعني أخبرك بحقيقة بيني وبينك هل تعرف أن هناك الملايين، بل المليارات من الناس.. يموتون دون أن تتحقق أهدافهم؟حقيقة مرعبة هي، لو أردت رأيى هل أنت من هذا النوع من الناس؟ أعني هؤلاء المنتظرين لشيء ما؟
*************
أجب على هذا السؤال وكن صريحا مع نفسك هؤلاء ليسوا راضين عن أوضاعهم.. لأنهم ينتظرون أن تأتي معجزة إلهية ما لتخرجهم مما هم فيه الله سبحانه وتعالى سيساعدهم وسيبارك لهم ويوفقهم ويفتح لهم الأبواب المغلقة.. إذا سعوا نحو أهدافهم إلا أنه –سبحانه- لن يجعل السماء تمطر ذهبا وهم جالسون في بيوتهم في استرخاء قل لي هل أنت من هؤلاء؟
*******
خذ هذه الحكمة البسيطة وفكر فيها مافيش حاجة بتحصل لوحدها بمعنى آخرماذا فعلت كي تحقق أهدافك التي فكرت فيها في بداية الرسالة؟هل تنتظر أن تتحقق هذه الأهداف وحدها..أم أنك سائر في الطريق نحو تحقيقها؟؟هذا هو السؤال..لو لم تكن قد حددت خطة أو طريقة لتحقيق حلمك، فقد حان الوقت
*******
صديقي القارئ..أنت الآن تعرف أهدافك، وعرفت أنها لن تتحقق وحدها.. فماذا تنتظر؟ قم الآن وخذ خطوة في اتجاه تحقيق ما تريد قم بالمكالمة الهاتفية التي كان يجب أن تقوم بها منذ زمن.. اسأل عن الدورة التي يجب أن تلتحق بها.. أو كلم الشخص الذي كان لابد أن تكلمه.. روح المشوار اللي كان لازم تروحه.. أو...ابدأ الآن.. انهض وحقق هدفك ألا تعرف أننا نعيش في هذه الدنيا حياة واحدة فقط وأن علينا أن نجعلها أفضل حياة ممكنة؟ ******* -د.شـريف عـرفة-

20 comments:

الراقص مع الذئاب said...

السلام عليكم
الحمد لله حجزت اول كومنت
نيجي بقي لموضوع الاهداف
عن نفسي انا مليش اي هدف
يمكن كان زمان هدفي اتخرج من معتقل ابو غريب اللي اسمه كلية الهندسة
والحمد لله عملتها
قلت بعدها اي حاجة هتحصل مش هتفرق معايا
وعايش يوم بيوم
يعني دخلت الجيش ضابط
همي كله ان اليوم اللي انا فيه يخلص
مفكرتش بصراحة بعد 10 سنين ايه ممكن يحصل او انا هبقي ايه
مليش اهتمامات مادية...والدليل علي كدا انا مرتبي في كلية الضباط الاحتياط دلوقتي 90 جنيه...إن شاء الله بعد التخرج هيوصل ل1000جنيه
حلوين اوي ونعمة من عند ربنا


كل اللي اتمناه اني احط راسي علي المخدة بالليل انام من غير اي تفكير ولا شيل اي هم
والحمد لله انا عايش الفترة ديه

يمكن اكون غلط...
بس المهم اني مش عاوز افكر بكره فيه ايه مدام الناهرده لسا مخلص


دكتور شريف عرفة ممكن يكون بيتكلم صح....بس بصراحة انا عمري ما هعمل اللي بيقولوه دا
اوجع دماغي لييييييييييه؟؟؟


اشكرك يا استاذة هبة علي الموضوع

سلام

الشنكوتي الكبير said...

يعني هو الواحد لما يدور على الكورس اللي كان ناوي ياخده ويعمل الخطوات اللي كانت هتحققله المستقبل اللي عايزه فين الفايده ساعات لما الواحد بيحس ان اقرب الناس ليه مشع اجبهم انه يخطط لحياته بمزاجه ويختار لنفسه اللي هو عايزه تفتكري يبقى ليه نفس يدور ويخطط وتحرك ناحية بكره بقوه
صدقيني مفيش حاجه اصعب من انك تحس انك بتبني نفسك عشان تتباع في الآخر زي الجواري اقرب الناس ليك عايزينك تنجح بس عشان يفتخروا بيك ويحققوا احلامهم بيك انا مش بقول مش من حقهم يعلقوا امال علينا لكن من حقنا اننا نعيش حياتنا زي ما هم عاشوا حياتنا مش يقولولنا اصلنا ملحقناش نحقق احلامنا فعايزين نحققها بيكم طيب احنا نحقق احلامنا فين نغصب على اللي بعدينا برده يعيشوا حلمنا اللي مقدرناش نعيشه
يا ستي بلاش الحماسه الذايده في تحقيق الأحلام دي
انت بتفضل تحسن من نفسك سنين وفي الأخر تكتشف انك مش هتستمتع باللي عملته لكن هتتباع زي الجواري
سامحيني على ردي الخنيق
بس انا قولت اللي عندي
تحياتي يا طيبه
سلااااااااااااااااااااام

3abdo me7tas said...

ياااااااااه كل ده فى قلبك يا حول ولا قوة الا بالله
ههههههه
بجد موضوع مهم جدا ويا رب يتحقق اللى فى دماغى
دلوقتى انا عايز اعرف مين اللى سرق البلوج بتاعك هو العفش اللى كان فيه راح فين بجد انا حاسس انى دخلت شقة مسروقة
انا مليش كلام كتير المرة دى بس بجد انا عايز انام لما أصحى ابقى اقول رأيي بصراحة فى الموضوع
salamoooooz
سلميلى على يوسف

sendbad said...

كلامك جميل جدا ونطقي علينا بالاخذ بالاسباب وعلي الله التوفيق انما ميرضش شوية خيال نبعد بيهم عن الواقع المر
تحياتي

Doba said...

الراقص مع الذئاب

يا سيدى مبروك على خروجك من الجيش مقدما بس على الأقل شوف هتقضى حياتك بعد كده ازاى - فين طموحك كرجل شرقى - جواز بيت عربية

ولا اقولك انت قلت اهم حاجة - انك تنام عالمخدة وانت بالك مرتاح - بجد مفيش احس ولا اهم من رضا الضمير والبال المرتاح - استامتع بس بالنهاردة على قد متقدر

اشكرك لمرورك وتحياتى
================
الشنكوتى الكبير

مالك يا بنى حزين وبائس قوى ليه كده
كل الآباء دائما بيحلمو وبيتمنو انهم يحققو احلامهم من خلال أبنائهم بس ده ميمنعكشى ابدا من انك تحقق احلامك وتقنعهم باللى انت عاوزه وزى مكتبت اللى جواك وطول مفيه حوار بينكو اكيد هيكون فيه تواصل

بس اهم حاجة يا ايهاب انك تكون نفسك وتكون حاجة انت بتحبها قوى لانك لو معملتش كده هتعيش تعيس جدا طول عمرك - اعمل انتفاضة وحقق حلمك بس طبعا برضاهم اولا وبحساب خطواتك جيدا

أمنايتى بتحقيق كل الاحلام والآمال ورضا الوالدين - سلام

Doba said...

abdo mehtas

مستنياك يا سيدى لما تنام وتصحى وتيجى تعلقلنا بحلمك وبهدفك وطموحك - معلشى بقى خليها عليك العفش المرة دى اتسرق بس بعفش تانى حبيت اشرككم فيه واستضيفكو عليه - واتمنى ذوقى يعجبكم

تحياتى وتصبح على خيييييييييير
خخخخخخخخخخخخخخخخخخخ
=====================
sendbad

ربنا بيدينا معطيات ونعم كتير علشان نحقق بيهم الخيال البعيد لكن مع صبر ومثابرة لنيل وتحقيق الآمال البعيدة واسعى يا عبد وانا اسعى معاك طبعا

ربنا يوفقك دائما وابدا ويارب كده اشوفك دايما مبسوط وسعيد

تحياتى واشكركم
هبة

S H A H said...


دي مودموزيل هبة

تحياتي الرقيقة اليكي مع أجمل باقة منتقاة في العالم من الورود اقدمها اليك مقبلا يديكي مع انحناءة احترام لجمالك
---------------------------------
ايه الحلاوة دي يا شاه و الله انا حبتني
---------------------------------
نرجع تاني بقى و نصحى من الحلم, الكومبليموه اللي فات ده عشان انا بعز السرطان

-----------------------------------


البوست بجد جميل و فعلا المشكلة احنا بنعمل ايه دلوقتي عشان نشوف نفسنا بعد 10 سنين

تخيلي عن نفسي لقيتني زي ما انا و اعباء الحياة بس زادات عليا

يمكن عشان مبقتش عامل حساب بكرة

و اصرف ما في الجيب يأتيك ما في الغيب

سرطان فييس بقى

خلينا نشوفك بقى

و سلام مؤقت

klmat said...

هو كلام جميل ان الواحد يبقى عنده هدف
واحد عايز يشتغل فى مجاله
لو خريج تجاره مثلاصعب فى ظل الأعداد المتخرجه
يشتغل فى مجاله. المهندس اللى دخل الجيش ظابط ل3 سنوات بمرتب 90 لو فكر
عايز المده تخلص ومحبط طبعا
خصوصا ومجالات العمل مش كتير وان وجدت
بمرتب ضعيف ما يسمحش بتحقيق امال عريضه . المهم الوسيله اللى نقدر نحقق بها الهدف فى فجوه بين الهدف وامكانيه تحقيقه
نبتدى بالهداف القريبه سنتين تلاته مثلا
ممكن يكون هدفنا اننا نرضى ربنا
ونطيعه ونعرف دينا
بس الامال العريضه فى ظروفنا صعب
الكل عايز يسافر
الموضوع عايز تفكير
تحياتى

الشنكوتي الكبير said...

معلش يا هبهوب طلعت حنقتي عندك وعفرت الدنيا بزعلي بس اهو هي دي فائدة الأصدقاء ربنا يصبرك علينا
تسلمي لنا دائما
سلااااااااااااااااااااااام

واحدة من الناس said...

طيب كلام جميل كلام معقول مقدرش أقول حاجه عنه لكن بجد بحس انه كلام نظرى لما بغمض عينى بشوف صوره مشوشه مش واضحه معالمها أكيد أول ما أشوفها واضحه هاموت عشان أحققها بس لما توضح بحاول أهو وربنا يعينا جميعا
تحياتى على بوستك الجميل
شيماء:)

تامر حسين said...

بجد موضوع غايه في الروعه
تحياتي
علي فكره في مفاجأه في المدونه بتاعتي ياريت اشوف تعليقك بجد هيفرق كتير معايا الردود الي هتيجي

Doba said...

شاه

على فكرة انا مدام هبة - مش مودموازيل هبة - ثم شكرا شكرا عالورد انت عارف كل النساء هايفين جدا وبيعشقو الورد جدا - ثم لما يتقدم زى مقدمته كده - فلقد احمررت خجلا يا افندم من ذوق سيادتك واسمع سلام كبير لبرج السرطان يا جددددددددددددع

ماشى يا عم الفييس بس السرطان بخيل اساسا وبيحب يكنز الفلوس على قلبه - اطلع من دول انا عارفاك - المهم حاول انك ترسم طريقك لبكرة

اشكرك يا استاذ على مرورك الكريم
====================
klmat

هو حقيقى موضوع محتاج تفكير لكن مالشباب بيبصو بس تحت رجليهم عمرهم مهيكون عندهم المقدرة انهم يتقمو او يتطلعو لبكرة او يرسمو احلامهم ويحققوها

لازم حبة طموح مع مقدرة وتخطيط على تحقيق الطموح ده وطبعا كل ده مبيتحققش غير برضا ربنا علينا ومن خلال طاعته وعبادته

تحياتى لمرورك وتعليقك الكريم
================
الشنكوتى الكبير

انا مش زعلانة منك خالص والله انا فعلا حسيت انى خبطتك على جرح بيألمك سامحنى - انا موجودة كصديقة طول الوقت يا استاذ - اتعفرت انت بس وملكش دعوة ابدا - مدونتى المعفرتة ترحب بك فى اى وقت وللكل أيضاً

تحياتى ويارب تكون بقيت كويس - ابقى سيبلى تعليقك علشان الكل يطمن على شنكوتيا
===================
واحدة من الناس

اولا انا عاجبنى طريقى تفكيرك جدا - من خلال التعليقات والمدونة - شكرا لمرورك

لكن خيال حبيبى المجهول - مقدرش اقول حاجة عنه - تكمله لكلامك المجهول فى ايد ربنا هو العالم بيه - بس الواحد يرسم طموح ويسعى لتحقيقه زى مقولتى واسعى يا عبد وانا اسعى معاك

تحياتى يا شيماء
=================
تامر حسين

ايه ياعم الاغنيات الجامدة دى - كل زائرى مدونتى الكرام ارجو من سيادتكم الذهاب إلى مدونة تامر حسين والسماع لأغنيته المميزة بصوته العذب وإبداء آرائكم عليها - انا عجبتنى جدا والله

تحياتى واشكركم
هبة

وينكى said...

باحييكى على اختيار الموضوع الجامد ده
موضوع تحقيق الاهداف ممكن يكون مشكله كبيره لان مش اى حد بيقدر يحدد نقطة البدايه هاتبقى ايه وازاى
فيه ناس خايفه تفشل عشان كده استبدلت الواقع بالحلم
يعنى ممكن لو فكرت اقول كمان عشر سنين عاوز اكون كذا وكذا
يااااااه عشان اوصل محتاجه لشغل كتير قويييي
لأ خلينى بقى لما تجيلى الفرصه لحد عندى
انا من رأيي ان حتى لو بدات ومشيت غلط فدا بدايه كويسه لانك حددت الغلط ومش هاتعمله تانى
وهى كلها خبره اولا واخيرا

شاب نفسه يحقق حلمه said...

انا واحد من دول
تحياتي ليكي

mraghy said...

جميل جدا البوست ده يا مدام هبه

بس ياترى فعلا نقدر نحدد اهدافنا و نفضل باقيين عليها يعني

اعتقد ان كل وقت و كل عمر له اهدافه

اي نعم نقدر نحدد اهدافنا و يمكن كمان نقدر نحقق بعضها او كلها
بس ياترى هانرضى عن اللي حققناه و الا هانقول بس لو عملنا كذا كان زماننا كذا
تقبلي مروري

الشنكوتي الكبير said...

دوبه العزيزه
انا الحمد لله احسن دلوقتي كتير تسلمي يا غاليه على السؤال وبعدين مادام اصدقائي لسه جنبي وحبي لحبيبتي لم يمسه مكروه يبقى الحياه لسه ممكن تتعاش مهما حصل هو بس الواحد ساعات بيحب يعيط شويه ويصرخ زي العيال عشان يخرج الكبت والا هنفرقع بس عادي يعني كله تمام الحمد لله وشكرا على صداقتك الجميله في كل وقت

هو انتي دايما فاقسه الشباب كده الواد يجيب ورد تقومي تعمليله تحليل فيزيقي حنكلوني وتقولي بخيل وحركات يا بنت سيبي الناس تعيش شويه
هههههههههههههه
بس بجد عسل يا هبهوب
تحياتي يا اختي
سلاااااااااااااااااام

أيامنا الحلوة said...

ضع الهدف أمامك ثم أطلق عليه الرصاص ... ويصابت ياخابت ...

كل واحد بيحط هدف قدامو وبيحاول تحقيقو وبالفعل بيعمل اللي يقدر عليه ويصابت ياخابت بس لو هو مصمم على تحقيق هدفو هيحققوا فعلا بالعزيمة والاصرار

بس تصوري بقى انا عمري ما فكرت انا هكون ايه بعد عشر سنين.... هروح افكر واجيلك تاني

تحياتي ياقمر البوست مفيد جدا لانو دعوة للتفكير في المستقبل

Doba said...

وينكى

معاكى كل الحق فى كل اللى قلتيه
وزى مقلتى - انتى صغنونة بس اتفذلكى براحتك لان فذلكتك الكبار مبيعرفوش يوصلولها

تحياتى يا سكر
هبة

Doba said...

شاب نفسه يحقق حلمه

يارب تكون كده دايما وتحقق كل اللى بتتمناه - واوعى اى حاجة تمنعك عن تحقيق اهدافك -- تحياتى
============
maraghy

اشكرك لمرورك الكريم - ولكن الدأب على تحقيق الاهداف ما هو الا نوع من السعى وعلى الله ان يوفق ويمنح بركته علينا ويحقق الاهداف - او تتوقف هذه الاهداف لكى نحقق غيرها هكذا - الحياة تدوور

تحياتى
============
الشنكوتى الكبير

ماشية معاك يا عم انت وحبيبتك - اه بنق عليكو

مليش دعوة انا عاوزة بوكيه ورد ويكون كبييييييييير - المهم انك تكون بخير ومتبقاش زعلان من اى حاجة

تحياتى يا شقيق

Doba said...

أيامنا الحلوة

يلا فكرى بسرعة وتعالى اتحفينا بيكى هتكونى ايه بعد عشر سنوات - من النهاردة - من يوم ميلادك يا بطوطة

تحياتى -- هبة