Wednesday, August 29, 2007

كشف المستور

في بداية الأمر أود أن أقدم نفسي لكم، أسمي يحيى زوج الأستاذة هبة (المشهورة بدوبه على المدونات بالمناسبة لا أحب هذا الاسم) هذه الفكرة ممتازة طبعا وإن كنت قد قرأت عنها منذ حوالي أسبوعين في قصة للكاتب المؤلف أحمد خالد توفيق حيث أشار في قصته بعنوان “قصة تكملها أنت” إلى أن فكرة وجود قصة واحدة ولها أكثر من مؤلف ظهرت منذ حوالي خمسون عاماً على يد الأديب العالمي نجيب محفوظ حيث أنه كتب بداية القصة ثم مررها لأحد كتاب ذلك العصر ليكملها وهكذا مرت القصة على عشرة مؤلفين ثم عادت مرة أخرى لنجيب محفوظ فوجدها شيء أخر تماماً. على أية حال إليكم الفصل الخاص بهبة حيث أنها طلبت مساعدتي في كتابته بدلاً منها ----------------------------------------------------------------- الفصل الخامس
========
كشف المستور
=== وبالفعل تحركنا سريعا كي نختبئ وراء مجموعة صخور متوسطة الحجم وتبعتنا الفتاة خلف تلك الصخور. في بداية الأمر ظننا أنهم سوف يثورون لاختفاء صديقنا إبراهيم ولكنهم لم ينتبهوا لذلك حيث أن الليل قد أسدل ستائره وهم كانوا يترنحون ويتبادلون النكات البذيئة نتيجة الخمر. وهنا تمتم إبراهيم بآية الشكر والحمد لله على أنهم لم يلاحظوا اختفائه فقطعه عليَ مستنكرا خوفه ومتهماً إياه بمسئولية ما حدث لهم منذ البداية حيث أنه كان اقتراحه بزيارة آلة الزمان (قلعة قايتباي) ثم تم اختطافه بدون أدنى مقاومه منه مما أدى بهم إلى ذلك الموقف. قبل أن يستكمل عليَ هجومه الحاد الموجه إلى إبراهيم أوقفه أحمد بإشارة صارمة من يده قائلاً: ماذا تقول؟ هل تلك الأحداث أثرت على أعصابك إلى هذا الحد؟ تماسك يا رجل!! ...؟؟ دعونا الآن نفكر بهدوء ماذا نفعل وكيف صار بنا الأمر إلى هنا. في البداية كنا في طريقنا إلى قلعة قايتباي لرؤية معالمها وهنا قطعه إبراهيم قائلا: لقد شربنا (تمر هندي) من البائع المتجول قبل دخولنا للقلعة مباشرة فهل يمكن أن نكون قد أصبنا بهلوسه جماعية فنظر إليه عليَ وعيناه حمروتان من شدة الغضب قائلاً: أصمت وإلا أذقتك طعم قبضتي حتى تتيقن أنها حقيقة كيف تكون هلوسه جماعية بكل تلك التفاصيل وكيف ... قاطعه أحمد للمرة الثانية قائلا: يجب ألا نغفل أي تفاصيل أو احتمالات بالفعل يمكن أن نكون تحت تأثير هلوسه جماعية فقد قرأت عن تجربة مشابه لذلك تمت في معمل ألماني أثناء الحرب العالمية الثانية كذلك الأحلام تكون حقيقة لدرجة كبيرة جدا حتى نستيقظ ونتيقن أنها حقيقة ألم تقرأ لأرسطو ونظرية الشك؟ رد عليَ مستهزأ: طبعا قرأت أنا أشك إذن أنا دبوس. لم ترق لأحد تلك الدعابة عدا الفتاة السمراء التي كتمت ضحكتها بيديها الرقيقتين وهنا انتبه ثلاثتهم لأمر تلك الفتاة وبدأ أحمد في تحليل الموقف مجدداً وتوجه بسؤال مباشر لتلك الفتاة طلب منها أن تعرفهم بنفسها؟ قالت الفتاة بصوت أنثوي ناعم أسمي "مريم مختار" وأبلغ من العمر 26 عام مصرية .... فقاطعها إبراهيم متسائلا: آنسة أم متزوجة؟ قبل أن تجيب لكمه عليَ في وجهة بقبضته قائلاً بحزم: لا تتكلم مرة أخرى. أجابت مريم آنسة. سألها أحمد عن أي معلومات يمكن أن تعرفها تساعدهم على الخروج من ذلك المأزق أو تساعدهم على حل ذلك اللغز. هنا ألقت مريم بقنبلة جعلت الجميع صامتين كأن على رؤوسهم الطير قالت: أنا قادمة من عام 2075 ...............!! ونظرت إليهم لتجدهم جميعهم محدقين فيها تماما بأعينهم بعد دقائق أستجمع أحمد تركيزه وسألها في ضيق هل يمكن لكي أن تساعدينا أم لا؟ قالت لهم سوف أقول لكم كل ما أعرفه وبدأت مريم في سرد القصة من البداية. قالت: أنا اعمل ضمن فريق أبحاث علمية متخصص في التراث التاريخي لمصر وقد كان يرأس فريقنا العالم الجليل هاني رأفت صاحب نظرية ترابط الحضارات والتراث الدال عليها وبالطبع أنتم لم تسمعوا عن تلك النظرية حيث أنها ظهرت عام 2060 و كما هو واضح أنتم من رواد بدايات الألفية الثانية،..... بالفعل أخذت تلك النظرية في الوضوح وبدأنا نثبت صحتها حيث بدأ بحثنا بداية من الأهرامات وأبو الهول ومرورا بحفريات المقطم ثم منارة الإسكندرية وأخيرا قلعة قايتباي. فقبل توجهنا إلى القلعة وجدنا على فنار الإسكندرية ما يؤكد أن تصميم القلعة تم بشكل متطور جدا عما كانت عليه التكنولوجيا والعلوم في ذلك الوقت وبالمناسبة هذا ما تم اكتشافه في أغلب الآثار التي بحثنا عنها وفي هذا اليوم ذهبنا إلى قلعة قايتباي وأنقسم فريق العمل إلى مجموعتين وكانت مجموعتي تضم دكتور هاني رأفت والمساعد حسن الذي قابلتموه في البيت وأثناء بحثنا في القلعة هبط بنا جزء من الأرضية ووجدنا أنفسنا في ذلك الزمان حيث مر علينا إلى الآن حوالي ستة أشهر ونحن نحاول أن نعود إلى زماننا وبالمصادفة اكتشفنا مجموعة المتمردين الذين يسعون إلى قلب الحكم العباسي والاستيلاء على العرش بقيادة زعيمهم الأطحل بن النعمان وهنا توجسنا خيفة أن ينجح الأطحل في ذلك حيث أنهم يقوموا بخطف من يرونهم يصلحون لذلك ليتم تجنيدهم من خلال المال أو النساء أو حتى بتهديد أسرهم في بعض الأحيان حتى يفعلوا ما يطلبه منهم زعيمهم. حتى تلك النقطة كانت المجموعة تسمعها باهتمام بالغ وأفواههم مفتوحة وعقول تائهة وفجأة أنتبه احد أفراد المتمردين لاختفاء إبراهيم وصاح بصوت غاضب إبراهيم اختفى يا رجاله وأمرهم زعيمهم الأطحل بن النعمان بأن يقلبوا كل حجر بحثاً عنه ومن سوف يجده له مكافأة كبيرة فنظر الأصدقاء إلى بعضهم ونظروا إلى مريم التي لمعت عيناه ببريق مخيف.....؟؟؟ ==================
ومن هنا ألقى بالقنبلة الجديدة مع الفصل السادس للسيد المحترم ذو الحركات العبقرية والخدع السينمائية اللأستاذ
وأسمع تصفيق حاااااااااااااااااد يا جدع
وكمان عيارين فى الهوا
مع شكر خاص جدا جدا للأستاذ المحترم يحيى على مجهوداته الجليلة
لمتابعة القصة منذ البداية

51 comments:

فى القلب said...

تصفييييييييييييييييق حاد
للأستاذ يحيى وزوجته المدونه دوبا
واللهى الفصل ده عجبنى جداً
وفيه ساسبنس عالى وحبكه دراميه
بالتوفيق

S H A H said...

بوصو بقى انتو الاتنين

مسيو يحي و دوبة هانم

انتو بجد دبستوني تدبيسة اخر اجرام و شيلتوني همها بجد

انا حبيت بس اقول اني استلمت الرسالة خلاص


لسة مقرتش و لافصل

اوصل البيت و امخمخ و اشوف القصة بدايتها عشان نعرف نعلق و نكتب

انا اخر مرة كتبت كان موضوع انشاء و انا في ثانوي

نرجع بقى14 سنة وراء و نشوف كنا بنعمل ايه

و اخير بجد بشكركم لاختياري للفصل السادس

وعينيا دلوقتي كلها شر و انا بفكر في الفصل السابع على مين

سلام مؤقت

Ehab said...

والله الجدع يحي ده طلع فنان جامد قوي اقفلي انتي يا هبه وخليه يكمل بدالك وانتي ركزي على الطبيخ ربنا يوفقك
كاتب القصه بأسلوب محترف وبعدين فكر الناس بالأحداث بأسلوب جميل قوي
هو صحيح خلى البنت سمراء وانا كنت عايزها بيضاء بس مش مشكله تتعوض في المزه الجايه
عموما تحياتي ليه على اسلوبه الجميل وربنا يسعدكم
سلاااااااااااااااام

Mirage said...

طيب انا عايز فصل اكمله انا


ممكن ؟

S H A H said...

انا ممكن اتنازلك عن فصلي يا ميراج :))))))))))

keda-sponsor said...

كده القصه بقت حاجه تانيه خالص ... واضح أن الأستاذ يحيى أساسا أديب .... الأسلوب.. طريق الكلام .... الفكره
أنا متأكد أن ده أحسن فصل في القصه كلها
شكرا على إهتمام حضرتك

سلاااااام

Unknown said...

اسلوب زوجك جميل وسهل وبسيط قوي
وكمان
اسمة
جميل لاني بحب الاسم دة وكمان بحب اسم ابنك
يعني بتمني اكون زيك كدا
ادعيلي
يادوبة
ويارب يوفقك في حياتك
وحلو انك بترمي الفصول علي البلوجرية

شمعة أمـــــل said...

بجد القصة بقت تحفه
شكرا ليك يا دوبه انك عرفتينا بأديب كبير زى الاستاذ يحيى
الاحداث بقت روعه
وفيها اثارة وتشويق جميله اوى
ربنا معاك يا شاه
تدبيسه جامده
ربنا معاك

klmat said...

ماشاء الله
القصه تشد من اولها
انا لسه حابدا اقرأ الفصل
الاول بس بدايه قويه
احييك ياستاذ يحي
وتحياتى لدوبا
اللى دعتنى للاستمتاع
بقرأه الفصه
كل سنه وانتم طيبين
تحياتى وسلامى

NeRmeeN said...

هههههه على فكرة القصة ابتدت تحلو ..تسلم ايد اللى كتب الفصل ده....بس انتو كده عاملين تفرشوا فيهم و توسعوا فيها وخايفة ماتعرفوش تلموها :ي
يلا ربنا معاكوا ان شاء الله

تحياتى

أبوسويلم said...

علشان اكون صريح معاكم اقصد الاخ يحيى ومدام هبة
انا ماليش اطلاقا فى روايات الجيب وعمرى ما قرأتها للاسف طبعا
لكن حقيقى ان لمست براعة فى تسلسل الاحداث وتناسق فى الحوار
وعليه اهنى الاخ يحى عبى براعته الادبية واهنى الاخت هبة على زوجها البارع جدا
سلام

ولــــــــــو said...

الله
انا بصراحه ماقريتش غير الجزء ده
بس بصراحه تمام المواهب دي كانت فين
انا هاروح اقرا من الاول وبعدين ارجع اعلق تاني
تحياتي لكما

ما علينا said...

طيب مين ياخد الامتياز
يا دوبا

انت ولا الاستاذ / يحي

ولا اقولك انتم الاتنين تاخدوا كل واحد امتياز

انت طبعا يا اروبة لانك
عرفت ازاي تستغلي الراجل
وايه نشنتي ونشانك رشق

ما شاء الله فتح فتحة جامدة
في القصة
لا وايه تسلسل كدا واحداث علمية

والاستاذ يحي يستحق الامتياز على براعته

ويا عيني عليك يا شاه
بصراحة
انا لا احسده
صعب جدا ان الواحد
يكمل قصة حد تاني بدأها

بصراحة انتم قمتم بعمل رائع


سلام يا جميل

safa7_karmooz said...

جااااااااااامد جدا

ده كلام قليل عالحبكة اللى عكت القصة اكتر

بجد ارفع القبعه واسقف من هنا للصبح بجد

:D

Yahia said...

فى القلب

ايه الكلام الكبير ده يا باشا اخجلتم تواضعنا والله. ان شاء الله يكون لينا لقاء تاني في موضوعات جديدة زي دي.

شكراً

يحيى

Yahia said...

s h a h

مفيش تدبيس ولا حاجة، لو عايز مساعدة ممكن اديك رقم تلفوني وانا اسعاري مش غاليه

Yahia said...

الشنكوتى الكبير

والله فكرت الطبيخ دي كويسه بس للأسف هتبقى صعبة شوية عليها. أما بخصوص البنت البيضه اللي بقت سمرا انت عارف اللاوعي بيتحكم في الواحد وانا كنت بكتب بأنطلاق من غير سيطرة كبيرة لممخي فعشان كده كتبت أن البنت سمرا زي ما انا بحب في اللاوعي.

سلام

Yahia said...

keda-sponser

بلاش موضوع حضرتك ده عشان انا مش كبير قوي كده انا يا دوبك هكمل 27 سنه في 10 نوفمبر الجاي.

تحياتي

يحيى

Yahia said...

mirage

ربنا يرزقك بفصل ان شاء الله

يحيى

Yahia said...

$my hope

شكرا جدا على زوقك انا كمان بحب اسم يحيى مش عشان اسمي بس عشان الاسم ده ربنا هو اللي سماه لسيدنا ذكريا (لم نجعل له من قبل سميا) وطبعا يوسف اسم جميل جدا وبحب كمان مريم وهاجر بس طبعا مش بحب قوي الاحطل بن النعمان

سلام

يحيى

Yahia said...

شمعة أمل

شكرا جدا على ذوقك ومجملتك أن شاء الله شاه يضيف عليها بشكل مميز


سلام

يحيى

Yahia said...

Klmat

فعلا الفكرة جميله جدا وبتخلي المجموعة كلها تشارك بعض في الافكار وممكن من كتابات كل واحد يظهر اتجاهات الفكرية وصفاته الشخصية في الحياة

شكرا

Yahia said...

nermeen

يا أخت نرمين لا تقلقي المواهب كتتتتير وان شاء الله القصه تتلم ونلاقي قفله حلوه ليها


تحياتي

Yahia said...

أبو سويلم

من احسن الحاجات اللي الواحد ممكن يعملها هي القراءة حتى لو قصص جيب. عشان فعلا بتخلي الواحد يستفيد ولو معلومه صغيره كمان بتساعد على نمو الخيال وده مطلوب جدا في العالم الزحمه المخنوق اللي احنا عيشينه

سلام

Yahia said...

ولو

جميل جدا الاسم ده وخصوصا ان فيه تحدي بس اتمنى انه ميكنش زي الراجل القصير اللي في مسرحية الهمجي اللي كان بيقول متقدرش

سلام

Yahia said...

ما علينا

يا اخ ما علينا (برده اسم جميل قوي بس ليه سؤال ليك هل انت ماجد صحبي؟؟) متحيرش نفسك واديني انا الامتياز

شكرا

Yahia said...

safa7 karmooz

اشكرك جدا وان شاء الله العك يتلم ونلاقي قصه كامله ليها بداية ونهاية


سلام

سندباد said...

فكرة جديدة من نوعها انا قريت اول فصلين اديني فرصة اكمل علشان اعرف ادي التعليق المناسب
تحياتي

3abdo me7tas said...

انا لسه هقرى كل ده
دا انا وانا فى الدراسة معملتهاش
:'(

ما علينا said...

يا خبر

اخ وماجد كمان

والله العظيم ما حصل

انا الاخت ماعلينا
وتشهد دوبا على ذلك

وبعدين انا هابقى بخيلة ليه
انا اديتكم انتم الاتنين الامتياز
هي لاستغلالها الممتاز لك
وحضرتك لابداعك في القصة

وانا مش ماجد صاحبك

Doba said...

ما علينا

معلش يا بنتى العتب عالنظر
صديق يحيى لديه مدونة تحمل نفس الاسم ومن هنا حدث الاختلاط

اشكرك وبشدة عالامتياز والدرجة الحلوة دى - بس شوفتينى لما استغليته مش انا شاطرة بذمتك

عقبال مشوفك مستغلة فظيعة كده
تحياتى واشكرك
هبة

Doba said...

سندباد

مقولتليش تعليقك يعنى كل ده بتقرا بقية الفصول - هاخدك غياب المرة دى

منورنى دايما
=================
عبده محتاس

انا هنزلك القصة كمقرر دراسى علشان تعرف تقول رأيك كويس - ثم مش احسن من فيلم الرعب اللى بتخض بيه الزوار بتوعك

هتكمل القصة امتى يلا مستنية اهو

تحياتى
هبة

Eric Matt said...


ما شاء الله

حلو الاسلوب وجميل

لكن انا شايف ان الاطحل ده اسم ظريف قوي

ربنا يكرمكم

تحياتي لكم من ماناساس البلد وواصلوا المجهود التمام

انتظار مؤقت said...

ده ايه ده يا استاذ يحي ده انت اديب قديم فين المدونه بتاعتك ابعت العنوان بسرعه و تحياتي للاستاذه هبه و بلاش دوبه عشان انت مش بتحب الاسم ده و ابنوكو العزيز
تحياتي

Anonymous said...

كل سنه وانت وكل الأمه الاسلاميه بخير بمناسبة شهر رمضان
وعندى للجميع خبر هام
حفلة جامده جدا ياريت تحضروها
والتفاصيل على مدونتى الصغنونه

mohand said...

السلام عليكم

الفكره جميله
ربنا يوفقكم

بس انا مش من النوع اللي بحب التشويق

يعني لما اقري قصه ابقي عارف ان نهايتها قربت لكن اقري وانا مستني الباقيه لا دي مقدرش عليها بصراحه
تحياتي

3abdo me7tas said...

لالالالا كده فيه تفريقة عنصرية

انا رديت وفيه اتنين بعدى ليه انتى تردى عليهم وانا فى الآخر مليش دعوه انا عايز آكل
قصدى أنا عايز حقى

وعلى العموم انا نزلت الجوء التانى من قصص الرعب
نيهاهاهاها
بس لو فيه حد اقل من 8 سنين يا ريت ميجيش احسن

انا مستنيكى عشان عايز اعرف ايه التعليق بتاعك على البوست

فى القلب said...

فين الجديد يا قمر

Desert cat said...

تسلسل الاحداث هايل
وما زلت متابعه ان شاء الله

الشينيور said...

واحشتينى جات اسلم عليكى علشان كده


و كمان هسأل بابا اللأهلى هيلعب أمته



ماشى


باى أنا بلعب على الكومبيوتر

انتظار مؤقت said...

كل عام و انتو بخير

Doba said...

the groom

هايل والله ان اسم الاطحل بن نعمان عاجبك - أسماء عجيبة - بس من تفانيين جوزى الغالى

ربنا يوفقك يا رب يا عبد الله فى مانساس البلد وترجع بالف سلامة وكل عام وانت والاسرة طيبين

تحياتى

Doba said...

انتظار مؤقت

لينك مدونة يحيى موجود بين التعليقات واشكرك لمرورك الكريم ويارب تكون بقيت بخير - ابقى طمننا عليك

تحياتى وكل سنة وانت طيب

Doba said...

وينكى

انا هسميكى من هنا ورايح حبيبة الجماهير - كل سنة وانتى طيبة ويارب الحفلة تكون عدت بمنتهى الجمال

تحياتى يا وينكاية

Doba said...

mohand

الحمد لله ان الفكرة عجبتك - وهنعملك مخصوص يا سيدى قصة من اولها لاخرها علشان منتعبكشى ونشوقك - نورتنى يا مهند وكل سمة وانت والاسرة بخير

تحياتى

Doba said...

عبده محتاس افندى

تعالى يا عم واحنا نديلك اكلك - اقصد حقك - انت على فكرة متعمد انك ترعبنى بالقصص بتاعتك علشان كده جايلى مخصوص عموما ماشى ماشى هاجى واجيب معايا عفريتين هدية - انا عندى سبع سنين بس - يا خساااااااارة كان نفسى اجى

يلا حصل خير انشاء الله
تحياتى وكل سنة وانت طيب والاسرة كلها بخير ويارب تكون ظروفك السيئة مرت بسلام

سلامى

Doba said...

فى القلب

شكرا للمرور الكريم والجديد بإذن الله بعد رمضان إن شاء الله

تحياتى وكل سنة والامة بخير

Doba said...

desert cat

شكرا للمرور الكريم واحنا كمان والله متابعين بس شاه مش راضى يطلعلنا الفصل الجديد - الله يسامحه بقى

كل سنة وانتم بخير وصحة وسعادة

Doba said...

الشينيوووووووووور

حبيبى الجميل وصديقى الصغير منورنى وأسعدت يومى كتييييييييير قوى لما جيت ولقيتك كتبتلى انى وحشتك

انا خلاص هعتبر نفسى صاحبتك الانتيم ونبقى نقعد نرغى سوا - قول لماما تعمل اكونت عالهوت ميل وانا اكلمك للصبح

ابقى قولى الاهلى هيلعب امتى علشان جوزى يحيى وابنى يوسف بيحبوه جدا جدا

قولى بتحب لعب ايه عالكمبيوتر
سلاموز يا حوده

Doba said...

انتظار مؤقت

كل سنة وانت طيب وبخير وسعادة دايما يارب وكل الاسرة بخير

تحياتى

Doba said...

رمضان كريم
وكل سنة وانتم طيبين
لا إل إلا أنت سبحانك إنى كنت من الظالمين

تحياتى لكل من أنار مدونتى الصغير بتعلقاته الجميلة

هبة