Thursday, August 2, 2007

فين تاجى - راح فين

السلام والتحية لكل من يزور مدونتى الصغيرة أتانى أكتر من تاج من أكتر من صديق - شنكوتى وعبده محتاس وترو لف - بيبو - وكنت بحاول أهرب بصراحة ولكنهم تزايدو كثيرا وأصبحوا ثلاثة ولقد أجمعت أسئلتهم جميعا ولأننى أعتبر التاج ما هو إلا مرآة لوصف صاحب المدونة – فلقد أجبته بمنتهى الأمانة والصدق – فقط أحب أن أخبركم إننى أحبكم جميعاً فى الله ============================ اسم مدونتك؟ Doba
لماذا اخترته.. وماهي نيتك من وراء اختياره؟
برىء يا بيه والله – بس ده اسم الدلع بتاعى من وانا صغيرة
هل فكرت في إغلاق مدونتك؟ والسبب؟ لا حول ولا قوة إلا بالله – انا مفكرتش بصراحة بس النق اللى بينزل فوق نفوخى ممكن يخلينى فيوم افكر
صورتك في المدونة ورمزيتها ؟؟ أنا حاطه صورة مرسومة لبنت انا مسمياها نور – حبيت الصورة دى قوى ومن يوم مشوفتها وهيه معايا عالموبايل والديسك توب فى الكمبيوتر وكمان على المدونة – حساها فيها نفس بصه عينى وشايفانى من جوايا قوووى
لما دخلت عالم التدوين من الاساس؟
جلست لساعات وأيام وأسابيع مجرد قارئة ومتابعة للكثيرين واستمتعت بقراءة موضوعاتهم كثيرا وبمشاركتى بتعليقى على موضوعاتهم ومن هنا جائتنى رغبة ملحة للمشاركة بشكل فعال – واهو ادينى بحاول وسط العمالقة – بس انا عارفة نفسى مش كاتبة ولا نيلة بس بحب المدونيين وكتاباتهم جدا
جمله قيلت لك فى وصف مدونتك؟
مش قادرة اقول كلمة محددة ولكن يكفى أن بعضهم يستمتع بها وهذا يكفينى
التعليقات بالنسبه لك ,اهميتها؟ مشاركة وتبادل آراء وصداقة متنوعة الأفكار والمشاعر
احلى بوست كتبته ...ضع اللينك , ثم اذكر لماذا؟
أحلى بوست على الرغم من مرارته جوايا كان – البحر ما أحلاه – لكنه كان بيعبر بشكل قوى عن كل ما دار بمشاعرى فى ذاك الحين – فأشعر بأنه يمس قلبى كلما قرأته == ملحوظة == مش هعرف احط اللينك لانى مبعرفشى قوى فى حركات المدونة – يكفينى حبها – مش لازم بقى التقنيات العالية دى
أفضل بوست قرأته؟ وضع لينكه؟ صعب أنه يكون بوست واحد لأن لو الواحد كل مهيدعبس جواه هيلاقى حاجة احلى – حاولت اطلع حاجة واحدة بس لا يمكن
أفضل مدونة قرأتها؟
كثيرووووووووون ولكن كل منهم أوقات يضع أشياء تتوافق معك ومع شخصيتك واوقات أخرى لا تجد نفسك بين السطور وتجد التعليق الوحيد لديك هو – لا تعليق – جميع المدونات التى توجد فيها تعليقاتى فجميعها قريبة من قلبى
حد قل ادبه فى التعليق إيه رد فعلك؟
والله موضوع قله الأدب دى برده مجرد آراء ثم فى الأول والآخر اللى بيقل أدبه فهو اللى قليل الأدب انا اتضايق ليه – يروح يظبط أدبه وييجى – لكن الكلام بشكل موضوعى متحضر – ما أجمله ويا أهلا ومراحب كمان
أسوأ مدونة؟ إلى الآن قرأت الكثير من الموضوعات ولكن أكثر ما أزعجنى هو إنتشار الحديث عن المثليات والخروج عن الآداب العامة للدين – فجميع الأديان تتسم بالسماحة والوضوح ولا داعى للمهاترات – فأى مدونة تتطرق لمهاترات وضيعة فلا يوجد مكان لى بين سطورها
أسوأ بوست أسوأ مدون؟ مليش الحرية انى أعلق لأى شخص بالدرجة دى وإنى أحكم عليه بأنه الأسوأ – ولكن كل ما يسعنى أن أحتفظ بتعليقى لنفسى ولا أدخل مدونته مرة أخرى
هيحصل ايه لإيميلك لما تموتى ؟؟ الله أعلم – بس هكتب فى وصيتى أنه يتقسم على الورثة – هههههههه مش عارفة بس أعتقد أنه لا يوجد من يهتم أن يتطرق لمشاعرى وأفكارى لهذه الدرجة – فهيروح مع اللى راحو – او احسن اكتب فى الوصية يشغلوا فيها قرآن ويسيبوها
اديتى الباسوورد لحد قبل كده؟
لالالالالالالا
كانت إيه طبيعة علاقتك بيه؟ سبق وإنى قلت لأ – هقعد بقى أعيد وأزيد – أجيب صحة منين لكل ده كح كح كح كح الصحة ولت بقى يا اولاد – يلا حسن الختام بقى اسمك ؟ هبة – والدلع دوبه واللى يحب يقول حاجة من عنده أهلا وسهلا فيه لقب تانى الناس بيقولوهولى دلوقتى وهو لقب عزيز جدا طبعا وهو أم يووووووووووووسف
اسم مشهور ببيه وسط اصحابك؟ هبة
عمرك؟؟ سبعة وعشرون عاما ونص شهر كده بالتمام والكمال والله
برجك ؟؟ برج السرطان دراستك؟؟ مجالك؟؟ ليسانس آداب – قسم حضارة أوروبية قديمة – جامعة عين شمس Sales Coordinator
شخصيتك نوعها إيه؟ إنسانة متشائمة فى الظروف الطبيعية ولكن بشكل عام متفائلة جدا - بحب جوزى وابنى وبيتى - وبحب الحياة وعارفة ومتأكده ان ربنا مدينا نعم كتير قوى لازم نستمتع بيها على قد منقدر – بحب الناس قوى وخاصة المقربين جدا
السفر بالنسبة لك؟ أى مكان فيه بحر بالنسبة لى مكان ممتع للغاية – السفر خارج مصر – بصراحة مبقدرش ومبتجيليش الجرأة إنى أفكر فى الموضوع ده
وقت فراغك بتعملى فيه إيه؟ مج نيسكافيه أو فنجان قهوة مظبوط كده مع كتاب حلو ومكان هادىء وموسيقى مميزة وده يبقى احلى وقت – يقما بقعد ألعب أنا والواد يوسف ابنى – او أخرج مع صديقات السوء أنتيماتى المود بتاعك؟ متقلبة المزاج دائما وأبدا ممكن حاجة عبيطة قوى تخلينى فى منتهى السعادة وحاجة كبيرة قوى المفروض تزعلنى تلاقيها مبتأثرشى خالص – بس لما دماغى بتقفل ببقى عندية بشدة وده بيطلع أسوأ ما فى هبة
الاكلة المفضلة؟ هو أنا بحب حاجات كتير مفضلة وبستمتع بيها قوى بس أكترهم يعنى واسمحولى اخليهم ثلاث أكلات وهم الجمبرى – السمك – الفراخ المشوية
الصفات اللي أخدتها من بابا؟ بصراحة معرفهوش لأنه توفى وانا عندى سنة ونص لكنهم بيقولولى إنى أخدت عناده وطيبته الشديده
الصفات التي أخدتها من ماما ؟ ماما حبيبتى علمتنى أنا وأخواتى ازاى نحب بعض بجد ونخاف على بعض – وازاى نتعامل مع المجتمع بنوع من التسامح والود والكلمة الطيبة – ربنا يديلها الصحة ويدخلها الجنة يارب
اكتر ست حاجات بكرهها؟ الخيانة – لأنها بتموتنى وبتقتلنى قوى بجد مبستحملهاش خالص وخاصة لو من حبيب أو من صديق ساعتها هتجيلكم فاجعة بهبة مدمرة تماما الكدب – لأنه بيخلى الشخص اللى قدامى بيسقط تماما من نظرى وساعتها مهما عمل فى المستقبل بيتنيه فى درجة منحطة فى نظرى البخل – لأن البخيل مادياً بيكون بخل فى مشاعره – وأنا مقدرشى أعيش من غير مشاعر حلوة حواليا النكد – بحب الناس تحب حياتها وتستمتع بيها على قد متقدر القسوة – ليه الواحد يقسى على اللى قدامه مدام قادر بكلمة حلوة وبسيطة يزرع الحب والطمأنينه فى نفوسهم إحساسى بالقهر أو إحساسى بعدم مقدرتى على مساعدة الآخرين
اكتر ست حاجات بحبها؟
الله ورسوله والنعم التى حبانا بها جميعا يوسف – إبنى الحبيب يحيى – زوجى العزيز ماما واخواتى نسمة وغادة – اصدقاء العمر
هبة
أصدقاء المدونات
الشغل بالنسبة لك؟ مكان من خلاله يمكن القدرة على التواصل فى الحياة والتعلم والاستفادة بشكل مادى ومعنوى وثقافى انت سعيد؟ الحمد لله على كل شىء عجبت لأمر المرء أمره كله خير إذا أصابه مصيبة صبر واحتسب فكان خيراً له – وإذا أصابه خيراً حمد وشكر فكان خيراً له إزاى بقى الواحد ميكونشى مبسوط بعد ده كله
لو اجتمعت انت وحسني مبارك في غرفة واحده؟
تذكر الله الواحد الأحد واخشاه فإنه يمهل ولا يهمل
لو معاك مليون ونص جنيه......تعمل بيهم ايه؟
كل لما بقعد افر واقول لو ربنا ادانى فلوس اكتر هل هيبقى عندى المقدرة زى دلوقتى على مساعد الفقراء ولا هيصيبنى الغرور وسأصبح بلا قلب – اللهم عافينا يارب تصدقوا – انا مش عاوزاهم خاااالص
بتحب مصر؟ بحبها قوى وبحب ترابها فيكفى قول الله عنها – ادخلوها أمنين خير مصر كبير قوى بس للى بيحمد ربنا وبيتقيه ويخشاه ولا ينقم على حاله
بتحبى البنات؟
بحبهم جدا ونفسى ى بنوته صغنونة العب بيها وأربيها صح علشان أدخل بيها الجنة
مسلم؟ الحمد لله
مين اكتر شخصية ما تقدرش تستغنى عنها في حياتك؟وليه؟
ما نحن إلا ودائع الله على الأرض ولكننى أحب أن يشاركنى دربى يحيى ويوسف وكل شخص يكمن فى داخله حب لشخصية هبة – الحب فى الله – والذى يجمعنا فى ظل الله يوم لا ظل إلا ظله – شخصان تحابا فى الله
ايه اكتر موقف محرج اتعرضت ليه في حياتك؟واتصرفت ازاي؟ يوم لم أستطع أن أواجه من أساء لى وأعلمه بمدى شعورى بالأسف عليه بعتبر ده اكتر احراج ليا فى حياتى ايه الأمنية اللي بتدعي ربنا دايما انه يحققها لك؟ إنه يكون راضى عنى وأنه يحبب فيا خلقه – وإنى أكون زوجة صالحة وأم لديها القدرة على تربية ولدها تربية جيدة يرضى عنها الله ويارب دايما أكون سعيدة وراضية بكل اللى يقسمهولى ويبعد عنى الشيطان اللهم آمين
التاج امرره لمين ؟ إلى كل من يريد أن يضع بصمة خاصة لحياته ليعرف من خلالها أصدقاءه من يكون تحياتى هبة

52 comments:

قلوب حائرة said...

ههههههههههههههه انا اول تعليق يا وحشة بس انا عارفة ده كله عنك وانتي عارف ليه لاننا ولاد برج واحد بس ربنا يخليك ماما يارب ويتم عليها الصحة الدائمة يابوبة

الباحث عن الحقيقة said...

تشرفت بالتعرف على حضرتك

من قراءة التاج يتضح لنا كما انتى بسيطة وحنونه ومتسامحه ومحبه للجميع فانتى تستخدمى كلمات هادئة وناعمة فى التعبير عن مشاعرك وعن نفسك والمحيطين بيكى

ربنا يخليلك يوسف وابو يوسف

واسمحيلى ادعوكى وادعو المشاركين للاطلالة على مدونتى المستجده فى عالم التدوين

mohand said...

السلام عليكم

بالنسبة لموضوع ازاي تحطي لينك

بصي
وانتي بتكتبي البوست
هتلاقي جنب تظبيط الخط والفونتات وكده
في حلقتين في بعض

تظللي الكلمة اللي عايزه تعمليلها الرابط

وتدوسي علي الحلقتين اللي فوق دول
هيفتحك مربع
تحطي فيه اللينك اللي عايزاه رابط

وتدوسي اوك

وتمت العملية بنجاح

-----------------
بالنسبة للبوست
اجاباتك جميله وتنم عن شخصية تتمتع برضا وحب ودين

Doba said...

قلوب حائرة

ربنا يخليكى ليا والله انتى وبرجك وشكرا عالدعوات الحلوة دى

تحياتى
=================
الباحاث عن الحقيقة

أهلا بك مدون جديد بين المدونين
أشكرك كثيرا كثيرا على كل الوصف الحلو ده - سآتى حالا لزيارة مدونتك

تحياتى
=================
مهند

اسمك حلو قوى على فكرة
بجد وحقيقى شكرا جزيلا انك عرفتنى حاجة جديدة تابعة للمدونات - هو العيب عندى الحقيقى انا اللى كسولة ومبدورشى بس اتعلمت اهو حاجة جديدة - أشكرك مرة أخرى - انا مستمتعة قوى على فكرة بمدونتك - وكمان شكر وتقدير لمرورك

تحياتى وسلامى
هبة

أيامنا الحلوة said...

طب ما انتي عاقلة وزي الفل اهوه امال لما بكلمك على البتاع الماسنجر ده ايه اللي بيجرالك ... هههههه

بجد حلوة اوي اجابتك ودماغك عجباني

تحياتي وارجوكي ارجوكي بوسيلي يوسف

shahy said...

بجد بجد بجد
انا سعيدة جدا اني عرفتك وانا قلت لك قبل كدة اني احبك في الله وهاقولها تاني وتالت ومليون اني احبك في الله ومش لاقية كلام تاني اقولة

سلاموز يا ام يوسف

عصفور المدينة said...

جزاك الله خيرا
وأعجبتني ردودك وانتمائك الأسري ونفسية هادئة
وأعجبني أكثر تعليقك حضرتك عند الأستاذ الباحث عن الحقيقة أحسنت بارك الله فيك

وينكى said...

عسوووووووووووووووله
احلى حاجه فى التاج ده انه بيقربنا من بعض وبيعرفنا على بعض أكتر
انا هاجاوب الأسئله اللى ماجاوبتهاش قبل كده..واللى جاوبتها هابقى احط البوست بتاعها
اوكى

3abdo me7tas said...

لا يا ستى وانا مالى انا مليش دعوه بالتاجات انا لسه طالع من واحد دلوقتى بصراحة اجاباتك لذيذة اوى يا ام يوسف بس بصراحة لو كان اسمى موجود فى اللسته بتاع التمرير كنت جاوت لاكن انا مش موجود عشان كده انا ههرب
ادعيلي يا ام يوسف انا بجد مخنوق اوى ويا ريت كل اللى يقرى تعليقى يدعليلى ان ربنا يرحمنى من اللى انا فيه ويهدينى يا رب
:(

احمد رفعت said...

ادينا بندردش ورانا ايه :))))

beeboo said...

هاي بوب
اسلوبك هايل
عجبتني اوي مدونتك
ياريت تزوري المدونة بتاعتي
احب اعرف رأيك فيها
باي
سلميلي علي يوسف

The Groom said...


احييكي يا هبة وربنا يباركلك

لكن المشكلة اني جاوبت التاج ده من زمان لاني جات عليا فترة جاوبت 7 تاجات في اسبوع تقريبا

ربنا يكرمك يا رب

:)

سلامي ليوسف ويحيى

تحياتي لك من ماناساس البلد

ولــــــــــو said...

اول زياره للمدونه الاقي تاج كومبو
وانا عامل دايت
بصراحه اكتشفت مدونه جميله تستحق المتابعه وصاحبتها شخصيه ليها اسلوب متفرد
عجبني اوي الرد على تمرير التاج
احسنت يا ام يوسف
تحياتي

Islamist Bloke said...

انتى كمان بتحبي السمك؟

بتحبي تاكلى سمك اية بأة؟

اوعى تكوني من قبيلة النيليات اللى مش بياكلوا غير عشيرة البلطي

اجاباتك ظريفة.........مباشرة اوى كأنك بتكتبي ابليكيشن او سي في.........موضوع غريب فى حد ذاته بس ظريف

والسلام

S H A H said...

طول عمري اقول السرطان سرطان برده و بيبان عليه

دوبة

هاتي المليون و نوص اللي ممكن يضيعوكوي دول و انا اشيل ذنبهم

سلام مؤقت

الشنكوتي الكبير said...

الى العزيزه دوبه
عسولة المدونات فتحت قلبها بس بعد اذنك ممكن اقول فين الجديد كلنا عارفين انك انسانه رائعه وصديقه جميله وام طيبه كل دي حاجات ممكن كلنا نشهد بيها ليكي احنا عارفين ان الشخصيات الجميله نادره في حياتنا بس اول مره اعرف ان والدك توفى وانتي صغيره قوي اقبلي تعازيي وان كانت متأخره ربنا يبارك في ولدتك
بجد يا هبهوب كنا عايزين اخبار مفاجأه يعني حاجات تشد زي الجرايد الصفراء كده تكوني مثلا بتشتغلي ممثله او جاسوسه بس في السر
هههههههههههههه
ربنا يسعدك ويباركلك في اسرتك ويرزقك بالبنوته الجميله اخت ليوسف
ربنا يكرمك
بجد انا فخور اني بعتبر نفسي اخ ليكي يا عسوله
سلااااااااااااااااااااام

Doba said...

أيامنا الحلوة

الواحد مش لازم يبقى عاقل طول الوقت - مش لام برده يتجنن مع أصحابه وحبايبه ولا أيه - بعنيكى ابنى مش بيبوس حد - عييييييييييييب

متشكرين يا ذوق ان دماغى عجبتك وربنا يخليكو ليا يا اصحاب الدماغ العالية

تحياتى

Doba said...

shahy

يا ستى والله والله وانا كمان بحبك فى الله - ويسعدنى جدا انى اكون على مستوى صداقتكو وفرحانة وسعيدة بيها جدا كمان - مستنية ردك يا هانم انتى عالتاج - اوعى تزوغى بقى - عاوزين الكل يتعرف على مين شاهى بجد وبحق وحقيقى

تحياتى يا أم شينيور

Doba said...

عصفور المدينة

ربنا يبارك فيك - أشكرك لزيارة مدونتى المتواضعة - انا زى مقلت والله مبحبش التدخل فى اراء الدين والسياسة - هعتبره انا شخصيا قلة وعى منى - وذلك لعدم التقليل من شأن أى مدونة - الهدوء النفسى والله ما هو إلا رضا من ربنا والحمد لله على كل شىء

تحياتى يا افندم

Doba said...

وينكى

شكرا والله انتى اللى عسل يا صغنونة من غير فذلكة - وبوستاتك وحفلاتك والدعوة ليهم هما اللى يستاهلو ان الواحد يرفعلهم القبعة والله

هستناكى لما تحلى باقى الأسئلة - على فكرة انا اول معرفتى بالتاج من خلال المدونات كان كل واحد بيقول تاج وينكى - لدرجى انى استغربت هو انتى مين ودورت ودعبست - هو مين اللى اخترع حكاية التاج دى - هيه فعلا بتقربنا من بعضنا وبتعرفنا بالشخصيات الداخلية

تحياتى يا صغنونة يا وينكى

Doba said...

عبده محتاس

سيادتك يا افندم السبب فى التاج - انا مش هعلق على تعليقك غير لما ترجعلنا وتقول انك بقيت بخير - ياريت تطمنا عليك حتى ولو بإيميل شخصى - وعسى أن تكرهو شيئاً وهو خير لكم - تماسك يا أخى العزيز - مستنياك وطمنا قريب لو سمحت - دعواتكم يا مدونيين

تحياتى ومستنياك

Doba said...

أحمد رفعت

مندردش ورانا ايه - بس مدونتك حلوة قوى يا احمد حقيقى من اكتر المدونات تألقاً - تحياتى لمرورك
===============
beeboo

انا جاى وغلاوتك لاجى - هركب تاكسى بسرعة وهاجى بس هقول ردودى بصراحة مليش دعوة بقى

أشكرك لمرورك الكريم
تحياتى

Doba said...

اهلا بجرووم وبمانساس البلد

والله المدونة نورت بيك جدا - ربنا يبارك فيك وترجع لبلدك بالسلامة إن شاء الله وتتجوز العروسة اللى ماماتها داعيالها بالزواج من زوج صالح زيك

تحياتى

Doba said...

ولو

أشكرك والله على المرور الكريم - والتاج مش كومب ولا حاجة ده دايت جدا- بس يلا عاوزين الاجابات بقى بسرعة علشان نتعرف على ولو اكتر

تحياتى
=====================
Islamist Bloke

انا بحب السمك بكل انواعه بس اقلهم حبا لقلبى هو البلطى بصراحة بحس انا ملهوش طعم مميز - انا والله حبيت بس اجاوب بمنتى البساطة والصراحة فى نفس الوقت يمكن علشان كده طلع شكله زى السى فى - المرة الجاية نعمله حبت أنوار ونضرب صاروخين فى الجو يعملو منظر برده واغنيتين حلوين كده

تحياتى

Doba said...

s h a h

مالهم السرطان بقى مش عاجبينك ليه - ولا مليييييييييييم هتاخده يا شاه - غير لما تقولى هتعمل بيهم ايه

يا عم الواحد بيبقى معاه اتنين جنيه ونص بيحتاس هيجيب بيهم ايه ولا ايه

اقصد طبعا شيكولاتة ولا عصير ولا بونبون - دى مطالب الاستاذ يوسف لوحده

تحياتى يا شاه

Doba said...

الشنكوتى الكبير قوى

انت من الذين تسببوا فى قعادى قدام الجهاز كتييييييييييير اعتصر فى ذهنى علشان اكتب التاج ده - روح الله يسامحك

قال جاسوسة قال - ياعم انا عاوزة اربى الواد ابنى - كفاية حركة التجسس اللى بعملها انا وهو وانا بدور عليه وهو تحت السرير ولا وهو مستخبى جوه الدولاب ولا فى المطبخ

تحياتى يا صديقى واخى العزيز
هبة

sendbad said...

جميل اجاباتك
تحياتي

همسات said...

اكتر ست حاجات بتكريها هى نفس الحاجات اللى بكرهها ووقت فراغك مزاااج القهوة واصحاب السوء
:)
فى تواصل بقة سرطان زى بعض
:)

ahmedmyangel said...

استطيع ان اتعرف اكثر على شخصيتك من خلال هذه الاجابات وافضلها واكثرها جمالا على الاطلاق بخصوص امورنا الحياتيه هو كرهك للنكد اللهم دمها عليك نعمة

Doba said...

سندباد

أشكرك لمرورك - ويارب تنورنى دايما
================
همسات

اول مرة اعرف انك سرطان - بس يلا تعالى بسرعة هعزمك على مج نيسكافيه انما ايه - تحفة انا بعمله يجنن

مستنياكى يا همساية
================
ahmedmyangel

اللهم ابعد النكد عن الكل يارب - دايما منورنى ومتألق يا أحمد كالعادة

تحياتى للجميع
هبة

mimi said...

ردودك حلوة وصادقة قوي
عندنا حاجات مشتركةكتير
سازورك من وقت لآخر تحياتي

Doba said...

mimi

يسعدنى ويشرفى وجود اشياء مشتركة مابيننا - وهستنى زيارتك دايما - الكنكة بالقهوة عالنار تعالى بسرعة نشربها سوا قبل الوش ميروح - الا انتى بتشربيها ايه

تحياتى
هبة

Shreif fahmy said...

متشكر جدا على زيارتك لمدونتي وترك تعليقك الكريم مع ترحيبي بيكي ياسيدتي في أي وقت وكنت أطمع في معرفة رأيك في بوست من ثلاثة أجزاء عنوانه
عفوا حبيبي متقدرش ومتعرفش
الجزء الاول
http://sfahmy78.blogspot.com/2007/06/blog-post.html
الجزء الثاني
http://sfahmy78.blogspot.com/2007/06/blog-post_19.html
الجزء الثالث
http://sfahmy78.blogspot.com/2007/06/blog-post_27.html

شماعة said...

ردود ظريفة حبتين بس انا أول مرة أخش عندك علي المدونة عن طرق الصدفة بس موضوع جمل وردود اجمل

klmat said...

اجابتك جميله اوى يادوبه
وفيها صدق زى مدونتك
تحياتى وسلامى

الراقص مع الذئاب said...

السلام عليكم

ماشاء الله اجابات جميلة اوي يا ام يوسف
واسمحيلي اني اناديكي بالاسم دا علي طول
دمتي في خير

Doba said...

شريف فهمى

اشكرك لمرورك الكريم وهاجى اقرا اللينكات كلها اللى كتبتها وهسيبلك تعليقى باذن الله

تحياتى
=================
شماعة

اشكرك للذوق العالى وللكلام الجميل وتحياتى - هبة

Doba said...

klmat

اشكرك على تعليقك اللطيف ومرورك الكريم - تحياتى يا استاذة
===============
الراقص مع الذئاب

فينك يا استاذ - اهلا بيك بعد غياب
اشكرك لمرورك واسم ام يوسف بيسعدنى جدا - يوسف ده حبيب الروح - عقبالك

تحياتى

Anonymous said...

الشباب بقى هايف بشكل!!؟؟؟

اسلام رفاعى said...

عذرا للتحليق خارج السرب
من اجل رفع الظلم عن المظلومين
ادعوكى للمشاركة فى حملة رفع الظلم عن طلاب الاسكندرية المختطفين
التفاصيل بمدونتى

wahed said...

اجابات جميله تحياتي

بلا أمل said...

أنا دخلت يا هبة المدونة صدفة لكن حبيت بعد لما قرأت التاج اقولك انك شخصية جميلة أوي انت زوجه وأم وسعيدة بالدرجه دي ! جميل أوي وأنت بسيطه أوي.. ياريت كل بنت تحلم بحياة هادئة وبسيطه وسعيدة وعلشان كده تقوم تكون بتفكر وبتجتهد طول شهور دراستها وعلشان كمان يكون لها فرصه ترتبط بانسان مثقف وطيب تقضي معاه أيام حلوة مش انها تكون أي بنت وخلاص وبتعمل أي حاجة وخلاص.. اقبلي تحياتي

Noony said...

دووووووباااااا

على فكرة انتي شخصية جميلة أوي
وعلى فكرة، أنا بحبك في الله

ربنا يكرمك يا رب ويرضى عنك ويخلي ليكي ابنك يوسف يا رب

:)
نوني
(أنا براءة من التاج دة لأني جاوبته قبل كدة مع تلاتة كمان في بوست واحد)
مفترية أنا هههههههههه

sendbad said...

فين الجديد

wahed said...

مفيش موضوعات جديه

عاوزين حاجات جديده

S H A H said...

انتي فين يا ام يوسف؟؟

بقالك مدة كدة مختفية

مفيش بوست جديد و لا ايه؟؟

Doba said...

اسلام الرفاعى

الله الموفق وتحياتى
=================
wahed

أشكرك لذوقك الكريم وتحياتى
===============
بلا أمل

أشكرك لمرورك الكريم واطلب منك تغيير اسم المدونة لتصبحى كل الأمل بدلا من بلا أمل - كذلك أتمنى لكل فتاة عقل ناضج ومثمر مثلك تماما

تحياتى

Doba said...

noony

أشكرك جزيلا وأحبك أيضا فى الله وماشى يا ستى انتى براءة من التاج ده يا مفترية التاجات -- تحياتى
==================
sendbad

الجديد نزل يا افندم تحت امرك واشكرك لمرورك الكريم
===============
wahed

موجود ومستنية رايك الجامد جدا وبوضوح
تحياتى
================
s h a h

مستنى ايه يا بيه الجديد نزل ولسه مسمعتش رأيك كله

عاوزة كل المعاميق تطلع
تحياتى يا مان

اشكركم كثيرا كثيرا
هبة

Anonymous said...

زعلت أوي لما مش لقيت أسمي وسط أصحابك ،، رغم ان أسمك في اوائل قائمة أصدقائي
مش هقوللك أنا مين
انا بنت من شبرا ـ عرفتيني ؟

غمض عينيك said...

اجابات في الجون

شخصية عاقلة وراسية ومقبلة ع الحياه

وفي نفس الوقت مش بتقول خالص انك ممكن تكوني متشائمة

كل تاج وانتي طيبة

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

will said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品