Wednesday, September 12, 2007

أجمل إحساس فى الكون

بجد بجد أجمل إحساس فى الكون انك تعشق وبجنون
إحساسى النهاردة لا يوصف - بجد مش عارفة اقولكم انا قد ايه فرحانة وسعيدة ومنشكحة وطايرة
ابنى حبيبى بقى عنده
ثلاث سنوات
هيييييييييييييييه
مكنتش اتخيل من زمان ان فى يوم من الأيام هلاقى ان فى حياتى حد يكون غالى عليا للدرجة اللى تخليك فعلا تضحى بحياتك علشانه وانك تفديه بجد بعمرك
حاجة غريبة فعلا لما بكون زهقانة ولا تعبانة تلاقيه بيحس بيا على طول وييجى ينكشنى علشان العب معاه ومعاه والله الاوقات دايما جميلة - طبعا طبعا فيه زعيق وجعير وعصبية موجودة برده بس يبقى جمال نعمة ربنا فى وجود طفل فى البيت يعطى له رونق وطعم خاص
يوسف حبيبى كبر يا رجالة وبقى عنده 3 سنوات مش عارفة والله شكلى كمان سنة ولا اتنين هيجيلى سكتة قلبية من كتر مانا فرحانة انه بيكبر حبة حبة
يارب يقدرنى يارب وأقدر أربى إبن بار بأبويه وعبد صالح لربه وانسان جدير باحترام المجتمع
كل عام وكل المدونيين وأصدقائى الأعزاء بصحة وحب وسعادة وخير
ويارب كل اللى فى نفسه أمنية أو أمل ربنا يحققهمله
رمضان كريم
هبة

160 comments:

Anonymous said...

كل سنه وانتي طيبه و بعوده الايام وان شاء الله النيس بوي يوسف يبقه في المدرسه
بس كده بابا يوسف هيغير منه
الاطفال اجمل شيء في الوجود مابالك لو ابنك
يارب يخليه و يكون صالح لدينه و بلده

Anonymous said...

هبة حبيبتي كل سنة ويوسف بالف صحة وسلامة ويارب السنة الجاية يكون ليه اخ او اخت عسولة زيه كده وربنا يحرصه من كل شر ويجعله بار بيك وبيحي يارب وعبد صالح لربه يارب ويجعله تقيا يارب يارب وعقبالي ياااااااااااااارب " قلوب حائرة "

فى القلب said...

أموووووووووووووو له
وعسسسسسسسسسسسسسسسسسوله
ونظره عينها طيبه أوووووىىىىى
ربنا يخليه و يبارك فيه
وكل سنه و العائله كلها بالف صحه و سعاده

shahy said...

كل سنة وانتي ويوسف ويحيى بألف خير وصحة وسعادة

انا نزلت مخصوص علشان اقول ليوسف
كل سنة وانت طيب وعقبال 93 سنة اعتقد كفاية
ياة ياهبة بكرة ان شاء الله تشوفية كبير قوي وتفرحي بية

بوسيهولي من هنا ومن هنا وهديتة محفوظة ابقى اجيبهالة مع الشيكولاتة البيضا ان شاء الله

سلاموز

ولــــــــــو said...

كل سنه وانتي وهو وكل عيلتكم بالف خير
كده الاحتفال احتفالين
عقبال ان شاء الله مايتم 100 سنه
ربنا يخليهولكم

real love said...

كل سنة وانتى طيبة ويوسف وكل العيلة بخير وسلاموليوسف عقبال ميت سنة وهو بصحة وبخير يارب ويكبر وتشوفيه أحلى شاب في الدنيا وتفرحي بيه الله حلو أوي احساس الأمومة
يارب نلحق نجربه

وانا جاية اعزمك على مدونتى
واقول كل سنة وانتى طيبة
ومن بكرا هانزل كله ديني
.......................
أرق تحياتي
ريال لف

mohand said...

السلام عليكم
بارك الله فيه
ويخليه ويكون ابن بار بوالديه ان شاء الله


كل عام وانتي والاسرة الكريمه بخير
واقرب الي طاعه الله
وتقبل الله منكم صيامكم وقيامكم

تحياتي
نسألكم الدعاء

الباحث عن الحقيقة said...

ماشاء الله لا قوة إلا بالله
الواد زى القمر ..شيل الصوره احسن يتحسد
ربنا يخليه ويحميه
وكل سنه وانتم طيبين

أبوسويلم said...

كل سنة وانت طيب يا يوسف وعقبال مليون سنة ان شاء الله
مبارك ليوسف يا أخ يحيى
الف مبروك ليوسف يا اخت هبة
وان شاء الله يكبر ويكون ابن بار جدا
على فكرة يوسف امور جدا جدا
بس ده خط المترو الجديد
صح
زمضان كريم
والسلام

انتظار مؤقت said...

كل سنه و انتي طيبه و بعوده الايام يا ام يوسف و رمضان كريم تحياتي ليكي و للاسره الكريمه
تحياتي

Anonymous said...

تصدقي لولا رمضان كنت حطيتلك طوبة على باب المدونة عشان اشنكلك بيها
الناس كلها تعرف بعيد ميلاد يوسف الا انا عااااااااااااا انتي مش عارفة يوسف ده بالنسبة لي ايه طب كنتي سفريلي ... ماشي يلا رمضان كريم...

وبوسة كبيرة اووووووووووووووي ليوسف حبيبي كل سنة وهو طيب وربنا يحفظوا ويحميه

الله اكبر وما شاء الله لاقوة الا بالله عليه وان شاء الله ربنا يجعلو بار بيكي وبابوه

تحياتي ياام يوسف

Yahia said...

كل سنة وانت طيب يا يوسف .... بابا.

وللذكرى عايز افكرك بحاجة .... اليوم ده بالذات انا مش هنساه ابدا ان شاء الله عشان انا شوفتك بعيني وقلبي يوم ما شرفت الدنيا. هتسألني وتقولي ماما كانت فين؟ هقولك للأسف مكنتش معانا. بجد

كل سنه وانت طيب يا ابني

عصفور بلا أجنحة said...

جيت عشان اقول بس كل سنة وانتم طيبيين
ربنا يخليلك ابنك ويفرحك بة

3abdo me7tas said...

هبه
كل سنه ويوسف طيب وعيد ميلاد سعيد يا رب علينا جميعا
وكل سنه وانتى طيبه
ازيك وازى الأستاذ يحي ويوسف القمر
يا رب تكونو جميعا بخير يا رب
ربنا يخليلك يوسف يا رب
ويكبر كده بين ايديكى
ويبقى دكتور لالالا كلهم قاعدين على القهاوى
يبقى مهندس لالالالا
برضه قاعدين على القهاوى
هاتيهولى بس انتى وانا اخليه مهندس زراعى قد الدنيا وأشغله معايا فى البقر
ماله البقر على الأقل والله فى بعض الأحسان بيكون أحسن من بعض البشر
اتفقنا
وزى ما قلتلك شربيه لبن مضمون
وأكيد انا شرحت الموضوع ده قبل كده
رمضان كريم

Eric Matt said...


اللهم امين يا رب

كل عام وانتم بخير وصحة وسلامة والى الله أقرب ولطاعته أدوم

تحياتي لكم من ماناساس البلد

Ehab said...

كل سنه وانت طيب يا يوسف عقبال مليون سنه
ويارب تكبر وتحقق لماما وبابا حلمهم وتراعيهم وتحبهم وتكون بار بيهم وربنا يباركلك ويديك زي ما اعطى يوسف ملك مصر ويحفظك من الفتنه والأبتلاء اللي وقع فيهم يوسف عليه السلام وخليك فاكر انك لازم تكون راجل بجد وتساعد بابا وتاخد بالك من ماما ومش عايزك تلبس بنطلون ساقط ولا تعمل شعرك سبايكي ولا اقولك ابقى اعمل سبايكي ميضرش برده
ربنا يحفظك ويباركلك في بابا وماما

ثانيه واحده هو انتي يا هبه كنتي فين لما الواد شرف في الدنيا ولا يحي كان متبنيكي اصلا ولا ايه الموضوع
ايه اللخبطه دي
سلااااااااااااااااااااام

الشينيور said...

كل سنة وانت طيب يايوسف وعقبال 100 سنة

انا كنت عاوزك تيجي عندنا علشان العب معاك
الجبارة اختي اكبر منك ب6 ايام بس

حسن مشالي said...

كل عام وانت بخير
وكل عام ويوسف طيب وعقبال 100سنه
انا حاسس بفرحتك
وفعلا اغلى من الابن مفيش
والواحد مبيعرفش قيمة والديه
الا لما يبقى عنده اولاد
ربنا يباركلك فيه
ويجعله سيف من سيوف الاسلام

Ehab said...

نبأ هاااااام
هبه اختي هتنشر اول كتاب ليها في الأسواق يا ناس
والمفاجأه ان الكتاب هو السلسله اللي كانت بتنشرها في مجلة بص وطل
يوميات اتنين مخطوبين "عمر و ساره"
الموقع بتاع بص وطل نشر الخبر وحاطين الصوره وهي بتمضي العقد
استعدوا عشان تشتروا الكتاب
اهم حاجه ان الكتاب فيه بس اللي هي كتبته مش اللي الناس كتبوه
لأن الفكره ناس حاولت تستغلها وتكتب فيها اللي على مزاجهم

صدقوني هتعجبكم قوي
وممكن تقرأو ا الأجزاء الأولى من ارشيف مجلة بص وطل
والحاضر يعلم الغايب والغايب يسأل الحاضر

الشينيور said...

انا كتبت حاجة جديدة

باي

mesh2dra said...

السلام عليكم

كل سنة وانتى طيبة

وكل سنة ويوسف طيب
ربنا يكرمك يه ان شاء الله


سلاماتي:)

Rosa said...

كل سنه و الكميله الصغونتوطه دي جميله كدا و بتكبر دايما و ومفرحك بيه يا رب
و يجعله كما تحبي و ترضي و كما يحبه الله و يرضى
فرحنالك قوي و ربنا دايما يفرح قلبك على طول يا دوبا
و رمضان كريم

بوابة الحلوانى said...

كل سنة وانتى طيب
رمضان كريم

ما علينا said...

كل سنة وانت طيبة
والاستاذ يوسف طيب
ربنا يخليه ويحفظه ويصونه
ويجعله ذرية صالحة لك ولوالده
ربنا يسعدك ويفرح قلبك بيه يا رب


كل سنة وانتم جميعا طيبين

أُكتب بالرصاص said...

ربنا يبارك لك فيه
وتشوفيه ظابط قد الدنيا



إيه الدعوة دي؟؟

المهم
رمضان ويوسف كريم

Ahmed Mubarak said...

ياه ربنا يخلية..وكل سنة وهو طيب....واانتي طيبة

سندباد said...

جميل اوي المشاعر الرقيقة اللي جوه كل ام
ربنا يخليه ليكي ويخليكي ليه ورمضان كريم
تحياتي

Noony said...

كميلة ما شاء اللهلا قوة إلا بالله
ربنا يخليهولك ويحرسة ويحميه ويجعله من الذرية الصالحة يا رب

كل سنة وانتي طيبة يا أجمل دوبا في الدنيا
أنا عارفة إني اتأخرت عليكي...بس ظروف متلخبطة شوية..بس أنا كنت باجي أقرأ البوستات اللي فاتت ومكنتش بعرف اعلق لظروف ما

بس كدة عيب أوي بقى...قلت لازم أجي أقول ليوسف كل سنة وهو طيب..واقولك كل سنة وانتي أجمل أم يوسف في الدنيا

مضان كريم
متنسينيش من دعائك السنة دي
:)
نوني

دينا فهمي said...

كل سنة وهو طيب يا رب
ربنا يخليهولك وما يحرمكوش من بعض

الطائر الحزين said...

اللهم اجعل عمرة فى طاعه وساعاته عبادة

فعلا الاطفال نعمة ادامها الله عليك

كل عام انت الى الله اقرب وعلى طاعته أدوم

Doba said...

spyfun

تفتكر هعيش لغاية لما اشوفه فى المدرسة - بتكلم زى ماما - وبجد الاطفال احسن حاجة فى الوجود

يارب فعلا يكون صالح لدينه ولبلده
اشكرك

Doba said...

قلوب حائرة

هبهوب الكميلة ربنا يخليكى ليا يارب وعاوزين بقى بنوتة كده علشان اطلعها مجنونة حبتين ويارب بجد تتحقق امنيتك ويكون ابن بار بابويه

وعقباااااااااااالك
حاكم انا عارفة هتومتى وتتجوزى

عقبال يا حبيبتى يارب يارب
لولولولولولولى
سلام

Doba said...

فى القلب

يوسف بيشكرك شكر فظيع على البوسات والحركات - شكرا للمرور الكريم وعقبال الكل يارب

كل سنة وانتم بخير يارب دايما
تحياتى

Doba said...

شاهى

انتى يا بت يا ام الشينيور حبيبى
يارب كده عقبال متشوفى الواد شينيور فى الجامعة والبت الجبارة مطلعة عينك فى الثانوية

ياريت لو سمحتى تزودى الشيكولاتة البيضا - كأنها ليوسف - ششششش

متعليش صوتك لشاهى تسمع
بوسيلى الواد حودة حبيبى

تحياتى يا قمر

Doba said...

ولو

ربنا يخليك والله على المرور الكريم وكل سنة وانت بألف ألف خير يارب انت وكل الاسرة يارب

عقبال منفرح فيك
اقصد بيك

تحياتى واشكرك جدا

Doba said...

real love

شكرا شكرا شكرا جدا للمرور الكريم
وحقيقى مفيش احلى من احساس الامومة ويارب نفرح كلنا وانتى بتجربيه يارب عن قريب

انا هشترى تورتاية واجى ازور مدونتك واهو ناكل حاجة حلوة بالمرة

بس عليكى الحاجة الساقعة
تحياتى

Doba said...

Mohand

وعليكم السلام رحمة الله وبركاته
يا اهلين بمهند افندى - ربنا يبارك فيك ونفرح فيك واشوفك شادد شعرك من الآولاد

ربنا يكرمك يارب يا مهند ويرزقك بالذرية الصالحة وكل سنة وانت والاسرة بكل خير وسعادة

اشكرك لمرورك الكريم
تحياتى

Doba said...

الباحث عن الحقيقة

اشكرك لمرورك الكريم والحارس هو الله
وجميع اصدقاء المدونات اخوة فمتخافشى منهم - ربنا يبارك فيك وكل سنة وانت بخير وسعادة يارب

تحياتى وسلامى

Doba said...

أبو سويلم

شكرا شكرا يا عمو - ده من يوسف
الله يخليك والله ويبارك فيك يارب

اه هو فعلا الصورة انا مصوراها فى المترو الجديد - كل سنة وانت طيب وبخير وعقبال منفرح فيك يا بيه

تحياتى وسلامى

Doba said...

انتظار مؤقت

وانت طيب يا افندم واشكرك لمرورك ويارب تكون بخير

كل سنة وانت والاسرة بكل خير وسعادة دايما - تحياتى

Doba said...

أيامنا الحلوة

معلش يا برنسيسة انا راضيتك كتير بقى علشان مقلتلكيش على عيد ميلاد يوسف

معلش يا باشا عندنا دى - وعلشان تكونى مبسوطة يوسف باعتلك بوووووسة كبيرة وهدية كمان حلوة فانوس صغنون كده بمناسبة رمضان

كل سنة وانتى طيبة والسنة الجاية نكون فرحانين فيكى بإذنه ان شاء الله

تحياتى يا احلى ايام حلوة

Doba said...

Yahia

وانت طيب يا بابى

الا هو بمناسبة الذكرى - الا هو انا كنت فين لما يوسف اتولد - اه نسيت - تقريبا كنت بشترى الخضار من السوق مش كده

ماشى ماشى يا يحيى انا وانت والمدونيين والساحة فاضية وهقولهم كلهم واشهدهم عليك

ولا يلا الطيب احسن
حصل خير انشاء الله

ربنا يخليك لينا يا يحيى يارب يا احلى بابا فى الدنيا - بحبك

Doba said...

عصفور بلا أجنحة

اشكرك لمرورك الكريم وتنور فى اى وقت البيت بيتك يا استاذ ويا الف مراحب كمان

عقبالك يا افندم
تحياتى

Doba said...

عبده محتاس

اشكرك من كل قلبى لمرورك الجميل ووانت طيب والسنة الجاية نكون فرحانيين بيك ومنكونشى محتاس زى مانتا كده

ثم لما هو دكتور لا ومهندس لا انا شكلى هشغله تباع على ميكروباس عتبة قللى

ولا يلا مالهم البقر زى الفل حتى يجيبلنا حبة فيروسات كده اهو برده بدل مييجى بايده فاضية

والله بحاول فى موضوع اللبن ده مع انى نقلت للبودرة

تحياتى وسلامى

Doba said...

the groom

اهلا اهلا بالأخ عبد الله
كل سنة وانت طيب والاسرة كلها بخير
والسنة الجاية تكون منور بلدك ان شاء الله

تحياتى وسلامى

Doba said...

الشنكوتى الكبير

وانت طيب استاذ ويارب دعوتك تتحقق يا ايهاب ويطلع شخص بار ويعتمد عليه

حلوة قوى دعوتك بالحفظ من الابتلاء والفتنة وربنا يستر بقى على موضوع الجل والسبايكى والبنطلون الساقط - بس هما مالهم يعنى مهم موضة برده مش لازم الواد يطلع استايل هههههه

انا كنت بشترى الخضار من السوق لما يوسف اتولد - مكنتش موجودة - هو جه مع يحيى

من الآخر قالى معندوش وهو عنده جوه
يلا سلام بقى احسن اتلخبط اكتر من كده

تحياتى وعقبالك يا افندم

Doba said...

الشينيور

حوده حبيبى
وحشتنى يا عم

بقى لا تليفون ولا رسالة ولا حتى ايميل
ماشى ماشى - دى مش اصول صحوبية دى

وانت طيب يا حبيبى - يوسف باعتلك احلى بوسة وان شاء الله نيجلكم وتلعبو مع بعض - اوكيه

سلامى يا حبى

Doba said...

حسن مشالى

وانت بالصحة والسلامة يارب - وانا فعلا فرحانة جدا بيه وبغلاوتة اللى بتزيد فى قلبى وبجد مقدرتش امى بتتعب قد ايه غير لما جبت يوسف

تحياتى ودعوتك جميلة قوى
اشكرك لمرورك الكريم واتمنى متكونشى اخر زيارة

سلامى وكل سنة وانت والاسرة بخير

Doba said...

الشنكوتى الكبير

الف الف الف مبروك لهبة وبكلامك ده حسستنى او فكرتنى ب

ان الله لا يضيع اجر من احسن عملا

ربنا يوفقها يارب وياريت تبقى تتابعنا بالتفاصيل علشان نجيب الكتاب

سلملى عليها وبلغها تحياتى
سلام

Doba said...

الشينيور

حودة حبيبى تانى
اهلا اهلا

انا روحت يا استاذ وعلقتلك كمان
ابقى خلى ماما تكلمنى علشان اسمع صوتك

يلا باى

Doba said...

meshadra

اهلا اهلا - اول زيارة ومنورانى فى وقت جميل والله - كل سنة وانتى طيبة واشكرك لمرورك الكريم

تحياتى

Doba said...

rosa

روزا الجميلة
ربنا يخليكى ويبارك فيكى وافرح فيكى عن قريب ان شاء الله

والله بقيت فرحانة جدا بفرحكم ده وخلتونى فى منتهى السعادة

تحياتى يا قمرة والله اكرم

Doba said...

بوابة الحلوانى

بوابة الحلوانى جاية تعلقلى بنفسها
ده ايه الهنا اللى انا فيه ده

افرح يا واد يا يوسفخلاص هنشتهر
اشكركم جميعا يا احلى مجموعة عمل فى البوابة

تحياتى وكل عام وانتم جميعا طيبين
سلامى

Doba said...

ما علينا

منورانى بتعليقك بس انا متعودة لما بقرا تعليقاتك بلقيها طويييييييلة بتضحكى عليا بقى بسطرين وتجرى - هقطعك

وانتى طيبة دايما يارب وبخير وسعادة وربنا يسعد قلبك زى مبتسعدو قلبى دايما كده يارب

تحياتى وسلامى

Doba said...

اكتب بالرصاص

زيارة كريمة من اخ كريم لعلها لا تكون الاخيرة - يارب يبارك فيك ويسمع منك واوشفه ظابط بس يكون ظابط بحق يحافظ على بلده

الله يخليك وكل سنة وانت طيب
تحياتى وسلامى

Doba said...

ahmed mubarak

الله يخليك يا افندم ووانت طيب ونورتنى بزيارتك النهاردة ولعلها لا تكون الاخيرة

تحياتى وسلامى ورمضان كريم

Doba said...

sendbad

اشكرك لمروروك وانا بجد فرحانة جدا انك بقيت فى حالة من الحب لعلها تدوم بإذن الله - الله يخليك ويبارك فيك دايما يارب منورنى بزيارتك الغالية

كل سنة وانت والاسرة بكل خير وحب يارب
تحياتى وسلامى

Doba said...

noony

نونى العسل - انا بحس ان ممكن انتى ويوسف تبقو اصحاب

انتى تنورى فى اى وقت وتعلقى فى اى وقت تحبى - وجودك يثير بقلبى السعادة دايما

بس كده جاية ليوسف بايدك فاضية ده هيفضحك - لازم شيكولاتة وعصير يقما هيقولك انا زحلان منك

تحياتى وكل سنة وانتى بخير وطيبة
سلامى ليكى وللأسرة الغالية

Doba said...

أمرأة تقول الذى لا يقال

عاجبنى قوى اسمك - حاسة فيه بجرأة غريبة
ربنا يخليكى وسعيدة بزيارتك مدونتى المتواضعة - ربنا يخليكى ورمضان كريم

تحياتى وسلامى

Doba said...

الطائر الحزين

عود أحمد يا افندم - بقالك كتير منورتناش - بس وجودك يسعدنى دائما

الحمد لله على نعمة الاطفال اللهم ارزق الجميع بالذرية الصالحة يارب

اشكرك ودعوتك جميلة قوى
كل عام وانت والاسرة بكل الخير

تحياتى

Anonymous said...

بعد اسبوع هرد عليكى

ta5areef said...

كل سنة وانتى طيبة

رمضان كريم

Anonymous said...

هبة

شكلى جيت متأخرة المرة دى معلش بجد.. والله مشغولة جدا ف الكليهمعلش كمان مرة.

كل سنة و يوسف طيب و يارب كده تشوفيه أحسن واحد ف الدنيا.

ياسر مدني ...دينامو الإخوان said...

أدعوك وأدعو كل الزوار إنهم يلحقوا فوازير رمضان وكل اللي فاتوا فزوره ممكن يلحق يحلها عشان كل فزوره ممكن تلحأها خلال عشر أيام وإن فزورهأول يوم رمضان حنأفل باب الحل بعد يومين

وبفكركم بردوا إن الجوايز جامده ..وإن الوازير عباره عن خلق وصحابي

دكتور كسلان said...

كل سنة وانت طيبة

كل سنة ويوسف طيب

ربنا يبارك لك فيه



رمضاااااااااااااااااااااااااااااااااااااااان
كريييييييييييييييييييييييييييييييييييييييييييييم

Crazy Nemo said...

قولى ليوسف كل سنه وانت طيب هو زى القمر ما شاء الله
انا بعتله تورتايه افتحى اللينك و كلوها

http://img216.imageshack.us/img216/7638/122800litbirthdaycake5bzc9.jpg

Crazy Nemo said...

معلش \افتحيه تانى
http://img216.imageshack.us/img216/6297/birthdaycake2vd2jq7.jpg

همسات دافئه said...

هوبه
ما شاء الله عليه بجد ربنا يخليهولك ويحميه ويابخته بام ذى العسل ذيك كده
كل سنه وانتى طيبه:)

Anonymous said...

بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر

Anonymous said...

بيان هام جداااااااا
تابعوا أحداث الافطار الرمضانى الجامد جدا مع خالد الصاوى فى الساقيه
والتفاصيل على مدونتى الصغنونه
وماحدش يتأخر

hoda omran said...

عثل اوى ماشاء الله
ربنا يخلهولك يارب ويكرمه
ويبقى ابن صالح وبار بيكى وبأبوه
بس سكر بجد
:)
كل سنة وانتى طيبة ياهوبا

sahr said...

كل سنة انتي وويوسف بخير وبصحه وبسلامة
ما شاء الله ربنا يخليهولك ويباركلك فيه
وعقبال 199 سنة
رمضان كريم

horas said...

كل سنه وهو طيب

وربنا يخليهولك
ويخليكى ليه

Desert cat said...

كل سنة ويوسف طيب وبالف خير
وانتى كمان طيبة
وان شاء الله يبقا انسان محترم وجدير باحترام ومحبة الجميع
كل سنة وانت بالف خير وربنا يخلى لك يوسف

تامر حسين said...

كل سنه وهو وانتي بالف صحه وسلامه
تحياتي
مستنيكي في مدونتي متتأخريش

3abdo me7tas said...

كنت ماشى كده من جنبكم قلت أحود أشوف صورة الواد يوسف العسل ده وأطمن عليكم
يا رب تكونو بخير ابقى كده حودى على المدونة كاتب موضوع جامد هو جزء واحد بس اللى نزل بس لسه 3 وما ادراك بقى
كل سنه وانتو طيبين
الله أكرم

Mustafa Şenalp said...

very nice a blog.:)

warDaya said...

مش عارفه ليه...كل ما احس بشوق وحنين لولادي اللي ف علم الغيب..
افتكر البوست بتاعك اللي مريت عليه كذا مره...وف كل مره..الاقي عدد الكومنتات كبير...اقول خلاص بقى بلاش اسيب واحد ...لازمته ايه وسط دول كلهم...ولا ليه اي لازمه
اقوم ماشيه
ويرجع حنين وشوقي تاني..وارجع اعدي واشوف الكلام والاماني
واقول يارب..
ارزقني
امنية حياتي حقيقي
ان يبقى ليا خلف صالح
اعشقهم بجنون..
من زوج صالح ..
هو جنون العشق ذاته...بداخلي
يارب...يارب...ماتخذلنيش..

warDaya said...

اه نثيتك يا يوثف
انا اثفه والله
شوقي وحنيني غلبوني...زعلان مني؟..
طيب خلاص كل سنه وانت اجمل واحب واشقى واصلح وانجح واتقى واروع طفل -وراجل قريب جدا- ان شاء الله..
لما اشوفك ان شاء الله...هاجيبلك شوكلاته بكل اعياد ميلادك اللي فاتت..هههههههه اوعى تأجل مقابلتي ليك عشان تبقى طمعان في علبه هههههههه
ربنا يخليلك بابا وماما اصلح اب وام في الدنيا كلها..ويخليك ليهم اصلح ابن في الدنيا...آمين يارب

Doba said...

anonymous

مش فاهمة هترد عليا بعد اسبوع فى ايه - هو كشف ولا استشارة

عموما نوتنا
سلامى

Doba said...

تخاريف دكتور

وانت طيب
والله اكرم - وشكرا جزيلا لمرورك الكريم

تحياتى وكل سنة والاسرة بخير
سلامى

Doba said...

queen eraser

بما انك جيتى متأخرة فحكمنا عليكى بانك تجيب شيكولاتاية من الحجم الكبير الفاخر لسيدك يوسف وتيجى تزوريه علشان يرضى عنك

نورتينى يا قطة وربنا معاكى فى موال الكلية - الحمد لله خلعنا منها وعقبالك

كل سنة وانتى واسرتك بكل خير
سلامى وتحياتى

Doba said...

ياسر مدنى...دينامو الاخوان

انا جاااااااااى
فرافييييرووووو

بس هحاول احل فزورة ولا حاجة
بس الجوايز ايه؟؟

تحياتى

Doba said...

دكتور كسلان

وانت طيب يا استاذ
وربنا يبارك فيك يارب

وكل سنة وانت بخير
تحياتى وياريت تبطل كسل شوية بقى تعبتنا - يلا باى

Doba said...

nefertiti

وانتى طيبة وربنا يخليكى وشكرا جدا على التورتاية - يوسف هيفرح بيها جدااااااااا

اشكرك لمرورك الكريم
تحياتى

Doba said...

واحدة من الناس

الله يخليكى ويباركلى فيكى
انا ماما زى العسل - ياختشى انشالله يخليكى يارب

هيهيهيهيهيهي

عقبالك يا قمر لما افرح فيكى
يلا باى

Doba said...

وينكى

اهلا اهلا بالدعوات الرمضانية
ربنا يسهل كده لما نشوف الميزانية تسمح ولا لا

كل سنة وانتى طيبة
يلا سلاموز

Doba said...

همسات

الله يعثلك والله يا هدهود
ويارب يطلع ابن بار يارب

ادعى من المعاميق كمده وبضمير
ربنا يخليكى وكل سنة وانتى بكل خير وسعادة

تحياتى وسلامى يا رقة

Doba said...

sahr

اسمك جميل قوى يا سهر
وربنا يخليكى ويكرمك وافرح فيكى

بس اشمعنى 199 سنة ممكن نقفلهم الميتييييييين ولا ايه يا كابيرة

نورتينى ويارب دايما منورانى
سلامى وتحياتى

Doba said...

horas

كنت سعيدة لما لقيت تعليقك لانى عجبتنى جدا مدونتك - شخص له ابداعاته حقيقى

اشكرك لمرورك وكل سنة وانت طيب
تحياتى

Doba said...

desert cat

شكرا شكرا على المرور الكريم ولعله لا يكون الاخير

كل سنة وانت بخير وسعادة دائمة وعاوزة دعاوت كده من المعاميق لعل الله يستجاب لدعواتنا ويطلع ابن بار

تحياتى وسلامى

Doba said...

تامر حسين

وانت طيب يا تامر - انت والاسرة كلها يارب - انا روحت زورتك - جميل قوى فوزى طبعا

تحياتى ومتغيبش علينا كتير كده
سلامى

Doba said...

abdo mehtas

اهلا اهلا بالمحتاس دايما
بس ايه رايك فى يوسف افندى

انا حودت عندك وشفت حلقة الرعب والحمد لله ان خرجت سليم

ربنا يوفقك يا محمد دايما يارب
ورمضان كريم

تحياتى وسلامى ويارب السنة الجاية اكون فرحانة فيك

Doba said...

mustafa senalb

thanks for your visit to my small blog, it's realy nice to have your comment,

thanks again
see ya
Heba

Doba said...

wardaya

اشكرك حقيقى على تعليقك اللى بيدخل القلب بجد من اول متبصى فيه - واحب اقولك ان اللى جواها حب وشوق كده انها تكون ام بتكون احسن ام فى الدنيا

ربنا يرزقك بالزوج الصالح والابن البار

ثم المدونة بتاعتك ويشرفنى ويسعدنى تعليقك فى اى وقت ومع اى عدد المدونة مبتنورشى غير بتعليقاتك وملهاش اى قيمة من غير تشريفكم ليها

ربنا يباركلى فيكم
ويبارك فيكى يا احلى ورده

تحياتى وسلامى

Doba said...

wardaya

اه انا زعلان منك ولازم لازم تجيبيلى شيكولاتة وعصير لاحسن هفضحك على صفحات الانترنت

انا مستنى كل علب الشيكولاتة حاكم انا مدمن عليها

انا هبة تانى - وانا كمان بحب الشيكولاتة - ابقى اعملى حسابى معاكى

اشكرك جزيلا
وكل سنة وانتى باحسن حال

هبة

Unknown said...

كل سنة ويوسف طيب يارب
وبالف خير
ويارب عقبال البوست اللي تقولي فيةا نة اتخرج
ويفرحك بية ويجعلة ابن بار بيكي
ويخليكم لية
سلام ياجميل

Mohamed Hesham Safa said...

ربنا يخليهولك ويباركلك فيه ...

ورمضان كريم ...

Anonymous said...

الله يحفظه لك، و يحفطك له

bastokka طهقانة said...

عسووول خالص ربنا يحميك و يبارك فيه و يفرح قلبك دايما


اوروفوار

juliet2m said...

ربنا يباركلك فيه ياااااارب
مرسي يا قمر علي اهتمامك وزيارتك

وياريت تزوريني وتقوليلي رايك في الجديد


سلامااااااااااتي

http://kasperb4.blogspot.com/ said...

ما شاء الله لا قوة الا بالله
ربنا يبارك لك فيه ويجعله ذرية صالحة وتشوفيه احسن واحد في الدنيا كها

أحمد سلامــة said...

كل سنة وانتي ويسوف طيبين
ورمضان كريم عليكم كلكم
هو بيصوم ولا لاء
:)

Noony said...

اقولك سر؟
من أحد أسمائي: أم العيال

عشان بحب أقعد ألعب مع الأطفال وبانسى نفسي معاهم خالص..وبابقى أعيل واحدة فيهم كلهم
بس طول ما هم كويسين وبيضحكوا...لما بيبتدي الزنن باقلب الوش التاني الشرير :)

سلميلي على يويو صديقي وهو يؤمر بس..ليه في أفلام الكرتون؟ عندي مجموعة جميلة ;)

تسلمي يا كميلة
نوني

غمض عينيك said...

كل سنة وهو طيب ياهبه وانتي كمان طيبة

ويارب كده تشوفيه وهو 20 سنة

وتجوزية وتلعبي مع ولاده وتجوزي ولاده وتلعبي مع احفاده وتجوزيهم كمان

وكفايه عليكيك ده

: ) : )

Unknown said...

بسم الله ما شاء الله
ربنا يخليهولك ويحفظهولك يا هبه يارب ويبارك فيه
ويكبر كمان وكمان ويبقى داكتووور قد الدنيا زى حلاتى
او بشمهندس ملو هدومه زى لمض
ربنا يحميه يارب
كل سنه وانتى طيبه

3abdo me7tas said...

والنبى يا حاجة يا ام يوسف
عايز 3 عنكبوت من النوع المتوسط واتوصى شوية

ههههههههههههههه
انتى فين يا ستى ازيك وازى يوسف وابو يوسف
طمنينا عليكم
وكل سنه وانتو طيبين

Echo Of Silence said...

كل سنة وانت طيب يا يوسف وعقبال كدة لما اشوفك مدون اد الدنيا - ربنا يحميهولك وتشوفية زى ما تتمني راجل ملو هدومة مفيد لاهلة ولبلدة
تحياتى ليكي وليوسف ولابو يوسف

Doba said...

my hopes

اشكرك بشدة عالكلام الجميل ده يوسف هينبسط جدا جدا - يااااه هعيش لنا الاقيه متخرج

كل سنة وانت بخير وبسعادة دايما يارب
تحياتى

Doba said...

mohamed hesham

الله يخليك ويبارك فيك
والله اكرم وشكرا للمرور الكريم

وابقى تعا دايمن كيده
تحياتى

Doba said...

tazart

ربنا يخليك ويبارك فيك يارب
واشكرك لاول مرور لمدونتى

تحياتى وكل سنة وانت بخير

Doba said...

طهقانة

ربنا يخليكى ويبارك فيكى ويارب دعوتك تستجاب ويفرح قلبى بدل مهو مطلع عينى كده

اورفوار ورحمة الله
متغيبيش بقى

روحى وتعالى بسرعة ها
يلا باى

Doba said...

julieeet

اهلا بجولييت الرومانسية الحانية
ربنا يبارك فيكى وتكونى فرحة والديكى وانا زورتك على فكرة

سلاموز يا قطة

Doba said...

آلام وآمال

الله يبارك فيك وعقبال مفرح فيك عن قريب باذن الله ويطلع عينك بالشيكولاتة والعصير

مستنياك دايما
تحياتى

Doba said...

احمد سلامة

وانت طيب وبخير وبسعادة دايما يارب
طبعا بيصوم ده انا مطلعة عينه بس هو بيصوم لغاية الساعة 9 الصبح ينفع؟؟

مليش دعوة انا عاوزة فنجان قهوة يا مستر كوفى

تحياتى

Doba said...

noony

انا ودنى اهى يلا قوليلى السر بشويش عشان محدش يسمع

ام العيال مرة وااااااااااااحدة
اللى جابلك يخليلك

يلا هاتيله حبة كرتون بس متنيش الشيكولاتة والعصير لاحسن ممكن ميعبركيش اساسا وتعالو العبو مع بعض بس اللى هيعمل حاجة روونج هيتعمله بانش عالنووتى تشير

لما تحلى الطلاسم دى ابقى قوليلى
باى

Doba said...

غمض عينيك

ولما نقول غمض عينيك يبقى احلى شكرة واحلى موبايلات يعنى فودافون واسمع سلام مهما العمر يطووووووول هنا يا اولاد

كح كح كح بقى كده نقيت عليا - شكلى لا هشوف الواد بيتجوز ولا عياله ولا عيال عياله

يلا حصل خير ان شاء الله
تحياتى وشكرا لمرورك

Doba said...

لماضة

اهلا اهلا بلمضة هانم واخوها لمض افندى

هيبقى داكتور قد الدنيا زيك كده - بس انا شوفتك عاملة للدكاترة اعلان وشوفتك وانتى بتلميلهم تبرعات مليش دعوة انا هطلعه سريح على ميكروباص كده هيبقى مقامه اعلى

ولا انتى شايفة ايه
العوض على الله فى الواد

ربنا يخليكو انتى ولمض ويحفظكو لوالديكو وتكونو فخر ليهم
تحياتى

Doba said...

عبده محتاس

وعندك 3 عنكبوت هنا من النوع المفتخر للاستاذ محمد العشرى بس يكونو من النوع الجامبو

احنا بخير بس فى بيات شتوى صيفى لحين انتاء رمضان والاعياد وكل سنة وانت طيب والاسرة بخير

والسنة الجاية اكون فرحانة فيك
تحياتى ومستنية الجزء التانى من مذكراتك
وكل سنة وانت بخير يارب

هبة

Doba said...

Echo Of Silence

اهلا بالزيارة الكريمة بسقولى ايه النعامة اللى قطعت نفسها من الجرى دى

كل سنة وانت طيب ورمضان كريم
تحياتى

هبة

مدحت محمد said...

ربنا يخليهولك
على فكرة انا بحب اسم يوسف جدا
اسم روعه
وربنا يحفظه وتشوفيه فى احسن المراكز

3abdo me7tas said...

أنا عايز افهم فرحانة فيا ازاى يعنى
انا اعرف ان اسمها فرحانك بيك مش فيك
:P

klmat said...

هبه
كل سنه وانت طيبه
وربنا سخلى لك يوسف ويبارك فيه
ويكون قره عين لك ولباباه
وتشوفيه ناجح فى حياته وتشيللى اولاده كلامك من القلب
كل سنه وانتم طيبيين

على باب الله said...

ربنا يخليهولك يا رب

و عقبال ما نشرب شربات الشهادة الكبيرة

Anonymous said...

ربنا يخليلك يوسف يا هبهوب
انتى بتفكرنى بالشعور اللى باحس بيه
لما باشوف مازن
واروى
اولاد
اخواتى
-------------------------------
انا لسه ما اتجوزتش بس
باحس انهم اولادى
ربنا يخليهم
-------------------------------
انا دخلت مدونتك صدفىة بس
عجبتنى اوى
وباتمنى يكون في بين وبين مدونتى تواصل

Anonymous said...

عقبال ماتفرحى بيه وهو فى الكوشه وجنبو عروسه زى القمر ان شاء الله ربنا يخليه ليكى ويبارك ليكى فيه يارب

قضية عم أحمد Ahmed Case said...

ما شاء الله ايه العسل ده ::))))

ربنا يبارك لك فيه وبكبر بسرعة ونشوفك وات قاعده نعيطى وهو على الكوشة ....

كل سنة وانت اطيب

Soooo said...

بسم الله ماشاء الله

ربنا يفرحك بيه وتشوفيه وهو متجوز ومخلف وتفرحي بولاده وولاد ولاده ان شاء الله

mohand said...

السلام عليكم

كل عام وانتم بخير وإعاد الله عليكم الشهر الكريم بالخير واليمن والبركات

وجعل ايامكم كلها اعياد وافراح اللهم أمين

تحياتي

هموم الناس قدرى said...

ربنا يخليه ويطول فى عمره لحدمايبقى اللى هو عايزه ويحقق كل الامانى

Anonymous said...

كل سنة و انتي طيبة و ينعاد عليكي بخير و بركة يا رب و تشوفي يوسف أحسن من كدة بكتير و يبقى ابنك سندك يا رب

قضية عم أحمد Ahmed Case said...

بكرة العيد
كل سنة وانت طيبة اوي

قطوف said...

كل سنه وإتا طيبه
عيد سعيد

ولــــــــــو said...

كل سنه وانتي بألف خير
كل سنه والاستاذ يحيي بألف خير
كل سنه ويوسف مليون بخير
كل سنه وشارعكم بخير
كل سنه والدنيا كلها بألف خير

سندباد said...

كل سنة وانتي طيبة عيد سعيد
تحياتي

Ahmed said...

يوميات اتنين مخطوبتين دى انتى الى كاتباها؟
مش كنتى تقولى كانت بتوصلنى على الايميل ومبفتحهاش حتى
انتى طلعتى موهوبة اهوة
انهاردة تانى يوم العيد كل سنه وانتى طيبة
وكمان يوسف ويحيى طيبيين
عاوز اطلب منك طلب بس زى منتى بتحبى يوسف كده
حاولى متزعليهوش ابدا
سلام

أبوسويلم said...

عيدك مبارك يا هبة

الشينيور said...

ياجماعة محد يقول حاجة

الراقـــص مع الذئـــــاب said...

السلام عليكم
ازيك يا ام يوسف
بارك الله لكي في يوسف إن شاء الله
بسم الله ماشاء الله
عقبال كدا ما يبقي عنده 25 سنة وتتخنقي معاه عشان يتجوز وهو مش راضي..وتقوليلوا يا واد نفسي افرح بيك واشوف عيالك مليين عليا البيت
وهو يكون بقي باشمهندس اد الدنيا او دكتور ويقولك لا لسا شوية....انا طمحوي اكبر بكتير من الجواز
تعملي ايه بقي يا ستي...جيل اخر زمن

ربنا يبالركلك فيه

كل سنة وانتي طيبة ويوسف ابو يوسف طيبين وبخير وصحة وسلامة إن شاء الله

مدحت محمد said...

ربنا يخلهولك وتشوفى فى اعلى المناصب

Doba said...

moslim

اشكرك لمرورك الكريم
انا كمان كنت بحب اسم يوسف جدا

وربنا يسمع منك واشوفه فى احسن المراكز

تحياتى

Doba said...

abdo mehtas

طبعا هفرح فيك يوم مالاقيك فى الكوشة كده وبعدها معاك تلت اربع عيال مطلعين عينيك

وطبعا هبقى فرحانة بيك وانت بتشد فى شعرك - شفت معزة وود اكتر من كده؟؟

تحياتى يا محمد وكل سنة وانت طيب

Doba said...

klmat

الله يخليكى ويبارك فيكى ويسمع منك يارب واشوفه من احسن الناس

كل سنة وانتى بخير وسعادة

تحياتى

Doba said...

على باب الله

اشكرك لمرورك الكريم
وتعالى اشرب الشربات من دلوقتى هتنورنى

تحياتى

Doba said...

حازم ربيع

ربنا يبارك فى مازن وأروى ويرزقك بالزرية الصالحة

اللى جواه حب للأطفال بيبقى جواه اكبر منه بكتير لاولاده

هزور مدونتك حالا وانشاء الله يكون فى تواصل مستمر

تحياتى

Doba said...

رئيس جمهورية نفسى

يارب افح بيه واشوفه فى الكوشة - بس ده انا هبقى حماة صعبة جدا وهطلع عينيها

هههههههههه

ربنا يبارك فيك ويباركلك فى جمهوريتك
تحياتى واشكرك لمرورك الكريم

Doba said...

أحمد رفعت

الف مبروك يا سيدى الخطوبة وعقبال منفرح بيكو انتو الاتنين ان شاء الله ومعاكم المولود السعيد

كل سنة وانت بخير انت وعروستك الغالية
تحياتى

Doba said...

soooo

اشكرك لمرورك الكريم وربنا يبارك ويسعدك يارب

هو انا هعيش لولاد ولاده يلا حسن الختام كح كح كح

تحياتى

Doba said...

mohand

وعليكم السلام ورحمة الله
كل سنة وانت طيب وبخير انت والاسرة كلها ويارب تكون قضيت اجازة سعيدة ومفرحة

تحياتى

Doba said...

المستقبل

الله يخليك ويبارك فيك ويارب يسمع دعوتك قول امين

اشكرك للمرور الكريم
تحياتى

Doba said...

محمد فوزى آل ربيع

وانت طيب وبخير وسعادة ويارب يباركلك ويبارك فيك

واشكرك للمرور الكريم ولعله لا يكون الاخير

تحياتى

Doba said...

أحمد رفعت

هو العيد عدى طبعا بس كل سنة وانت طيب

فرقعت صواريخ انت وخطيبتك ولا لا
اقصد فرقعتها بالبمب ولا هيه اللى فرقعت فيك

تحياتى

Doba said...

سى السيد

كل سنة وانت طيب وشكرا انك افتركتنى بس اوعى تروح بقى لزبيدة ولا اى حد من الناس دى أمينة أولى ولا انت ايه رايك

تحياتى

Doba said...

ولو

كلماتك وصلالى انها طالعة من جوه قلبك دعوة مليانة بكل الخير

اشكرك ويارب يبارك فيك ويسعدك دايما زى مانا شايفة السعادة فى عينيك

تحياتى

Doba said...

sendbad

الملك وسط الملوك - من أحب هو من ملك الدنيا وانت الآن ملك الملوك

كل سنة وانت طيب والسنة الجاية نكون فرحانين بيك انت وجوهينة هانم التى لديها الخبر اليقين

تحياتى وكل سنة وانت سعيد

Doba said...

ahmedmyangel

مش انا اللى كاتبة يويمات اتنين مخطوبين دى هبة تانية اخت شنكوتى

هحاول مزعلشى يوسف زى مقلت بس ده مش بالساهل على فكرة التربية صعبة والله

كل سنة وانت طيب ويارب كل احلامك تتحقق يا احمد

تحياتى

Doba said...

أبو سويلم

كيفك يا افندم
كل سنة وانت طيب وبعودة الايام

تحياتى

Doba said...

الشينيور

كل سنة وانت طيب
فرقعت صواريخ ولا لا

انا يوسف عاوز يروح العيد علشان يفرقع الصراويخ

يلا تعالى وفرقعو سوا بسرعة
بوسلى ماما

Doba said...

الراقص مع الذئاب

وعليكم السلام واهلا بيك ويارب تكون خلصت ايام جيشك على خير

ثم ازاى يتجوز وهو 25 سنة بس انا هبقى حماة بشعة فممكن يستنى لما اموت ويعملها

هههههه

عقبال مفرح بيك وبيه يارب ويرزقكم بالشخصية الجيدة اللى تزود طموحكم وتبنى معاكو المستقبل صح

تحياتى وكل سنة وانت بخير

Doba said...

doha

لاول وهلة افتركتك دوبا زيى وكنت هقطعك
ههههه

كل سنة اونتى بخير ويارب يحققلك كل اللى بتتمنيه

تحياتى واشكرك للمرور الكريم
هبة