Wednesday, October 24, 2007

باقة من الحب لكل محب

رسالة حب من شاب بيوصف وبيحب حبيبته
================
بحب عينها وهي بتحضني من غير كلام بحب ضحكتهم لما ببص فيهم ====
بحبها لما تبقى غيرانه كده وهتتجنن عليا ====
بحبها لما تعمل حاجه عبيطه علشان تفرحني بحبها لما تكتبلي جواب زي العيال بتوع ثانوي وتقولي فيه مشاعرها بخط طفله عمرها خمس سنين ==== بحبها لما تكلمني عن احساسها ببراءه بحبها لما تبقى عايزه تتجنن معايا وتعمل كل اللي بتحلم بيه
====
بحبها لما تصارحني بحاجه خايفه منها قوي حبيت فيها شقاوتها وجرأتها حبيت فيها بساطتها الجميله حبيت فيها دلعها البريء ====
حبيتها قوي لما حسيتها هتتجنن من غبائي اني مش فاهم حبها حبيتها لما شجعتني اعمل كتير حبيتها لما صبرت معايا في مشاكل رخمه كتير
=====
حبيتها لما حسيت انها اقرب ليه من اي حد حبيتها لما ونستني في وقت كنت حاسس بالوحده قوي ====
حبيتها علشان شفت في عينها كلمة بحبك من غير ما تنطقها بحبها زي ما هي كده برغم اعتراضي على حاجات فيها بس مقدرتش محبهاش علشان بحس ان الحب الحقيقي هو اللي لما بيجي يخليك تحب الشخص كله على بعضه مينفعش اقسمه حتت
==== بحب فيها شقاوتها وجنانها ====
بحبها قوي لما اضحك عليها واخوفها عليا ولما اقولها اصلي هاتجوز عليكي وانا اصلا مش عارف اتجوزها هي يبقى اتجوز عليها ازاي واشوف في عينيها خوف عليه كأني كنز كبير عندها وخايفة ليضيع من بين ايديها
====
بحبها لما تمدحني وتجاملني حتى لو عارف انها بتبالغ علشان بتحبني بحبها لما اقولها كلام حلو واحس انها فرحانه بيه قوي وان كلامي اهم عندها من الدنيا كلها ====
بحبها لما تتخانق مع واحده بتهزر معايا او بتعاكسني من ايام الشقاوة ==== وبحبها قوي لما شفت في عيونها فرحه بأننا اخيرا هنتجوز
====
بحبها قوي لما شفت الخجل والكسوف ملخبطينها قدام مامتي كأنها في امتحان فظيع مع انها دايما جريئه وقويه ====
بحب فيها خفة دمها الفظيعه مع اني دايما بمنعها من التريقه على الناس بس انا نفسي مبقدرش امسك نفسي من الضحك على تعليقاتها الفظيعه بتنقد الناس بطريقه تموت من الضحك
====
بحبها وهي عايزه تستكردني علشان تعمل حاجه عاجباها وهي بتحايلني علشان اوافق ====
بحــــــب فيها كل ما فيها اصلها قمر قوي بحبك حبيبتى

50 comments:

قلوب حائرة said...

اااااااااااااااااه ياهوبة ياااااااااه لخصتي حاجات حلوة قوي لازم تكون جوانا جميل قوي البوست ده تسلم ايدك بس ايه رشة الرومانسية دي ي

الشنكوتي الكبير said...

يا ستي هو ده الكلام
الكلام اللي لازم يتقال
الكلام اللي جوه كل واحد بيحب
وبلدنا مليانه ناس بتحب
ربنا يوفق الجميع
ويسعد كل حبيبين

وانشاء الله هاكتب انا بقى اكتر بعد يوم الجمعه
سلااااام
بس خليها في سركم بقى
دي مفاجأه

Yahia said...

ايه المشاعر دي ... جميل قوي ان في ناس لسه عندها المشاعر دي .

تحياتي

Mirage said...

إيه الكلام البرىء الأمور ده له

جبتيه منين بس ؟

harmless said...

دوبا
متردد اكتب لك رأيى بصراحه
خصوصا بعد ما قريت تعليقات من سبقونى
وخصوصا ان دى اول مره اتواجد هنا وطبعا حريص على ان اكون مقبول عندك
وخصوصا انى مش عارف علاقتك بالكلام وقائله

لكن النت نت
ويارب تعدى على خير

رأيى يا عزيزتى ان كاتب هذا الكلام لم يحب فى حياته الا نفسه ولم يعرف ابدا معنى الحب ومعنى ان تحب حبيبا لذاته وليس لنفسك

ان الكلام الذى قاله لا يصلح تعبيرا عن محبه
ولكن يصلح تعبيرا عن انانيه مفرطه ونرجسيه غير مبرره ومحبه للنفس غير مقبوله

ازاى؟
ارجو ان تقرأى معى وستجدى كل كلامه كلام عن نفسه وكل محبته مشتقه من الانانيه والنرجسيه وكل ما يعجبه هو سلوك له علاقه بذاته وليس بذات الحبيبه
والحقيقه انه لم بخطئ مره واحده ويحب او يعجب باى شئ منفصل عن اعجابه بنفسه ابدا

اول جمله
بحب عينها وهى (تحتضنى)‏

تانى جمله
بحبها وهى حتتجنن (عليا)‏

تالت
عشان (تفرحنى)‏
الى اخر الجمله

رابع جمله
بحبها عايزه تتجنن (معايا)‏
الى اخر الكلام

خامس
بحبها لما (تصارحنى)‏

سادس
من (غبائ)‏ لما (شجعتنى)‏ لما صبرت (معايا)‏
ثم باقى الجمله مصيبه
حبيتها لما حسيت انها اقرب (ليا) من اى حد
حبيتها لما (ونستنى) فى وقت الوحده

اللى بعدها مصيبه كمان
حبيتها لم شوفت فى عينها كلمة باحبك
يا سلام على حب رد الحب

من غير ما اطول باقى الكلام كله على نفس المنوال
انانية فى انانية

لما اضحك عليها واقولها حاتجوز عليكى
لما فرحت اننا اخيرا حنتجوز
فى عنيها حب كبير ليا كانى كنز
فى عينيها خوف عليا
وهى بتحايلنى عشان اوافق

ياربىىىىىى
ما هذا الحب؟

اعتذر لكى وله وللقارئين
فليس هذا ذنب احد ولا ذنبى
وادعوكم لاعادة القراءه بعين فاحصه

هيه؟
صافى يا لبن؟

NeRmeeN said...

يا لهوى على كلامك يا دوبا....بجد حاسة فيه بشقاوة و ببراءة غير عادية .فى نفس الوقت


تسلم ايدك بجد

اسفة على غيابى الطويل
تحياتى

kikotalaat said...

مع اختلافي مع هارملس
بس أنا حاسس إن الكلام جميل جدا واللي كاتبه مش بيحب حبيبته وبس لأ ده بيموت فيها كمان
أنا بجد قريت الكلام واتأثرت جدا وحسيت إن أنا اللي بقوله لحبيبته علما إني بحبها أوي أوي أوي
لوك البلوج جامد جدا علي فكرة
كان معكم ..,
كيكووووووو

Noony said...

مين اللي كاتب الموضوع دة؟ وامتى؟

رقيقة أوي وبسيطة أوي ومعبرة أوي
وعجبتني


ومع احترامي لـ
harmless
أنا مش متفقة معاه

:)
نوني

ولــــــــــو said...

انا بصراحه تصورت ان الاستاذ جوزك هو اللي الكلام على لسانه
مش مهم ماهو انتوا واحد
ربنا يخليكوا لبعض
كلام حلو جدا

shahy said...

دوبة الجميلة
انا قاعدة بعيط وكلامك هو السبب مش عارفة لية
الكلام دة دخل قلبي بسرعة جدا يمكن علشان في احساس وصدق

تقبلي تحياتي وحبي

ومستنية اشوف ردك على harmless

سلاموز

أيامنا الحلوة said...

هوبه واللهي بجد بوست تحفة التعبير عن الحب فيه حلو اووووي وواقعي
طبعا انتي عارفاني ماليش في الرومانسية بس بصراحة اكتشتفت اني رومانسية شوية لما قريت البوست
تحياتي وتسلمي ياجميلة

A.SAMIR said...

ياسلاااااااااااام
على الرومانسية
مدونة جميلة

gannh said...

احلى حاجة يكون الانسان فاهم من غير كلام
والاحلى انه يكون حاسس من غير كلام

سى السيد said...

يا بخته انا بحسده
فين انا هطبع البوست تقراه جايز تتعلم
دوبا
انت بتعقدينى بالبوست دا
هو فيه كده
ناس لها
و
ناس لها
اوعدنا يارب

رئيس جمهوريه نفسى said...

رغم انى الكلام ده بيتقال كتير من اى واحد بيحب حبيبتو بس بصراحه انتى عملتى البوست بشكل هائيل جدا

Anonymous said...

وحشتيني ،، حلو الموضوع ده ،، الحب جميل
// بنت من شبرا //

My Hope$ said...

سلام عليكم
ازيك يا دوبا
كلام جامد جدا
والحب فعلا اجمل حاجة في الدنيا ونعمة يارب ربنا ميحرم حد منها
ابدااااااا
سلام

أبو سويلم said...

اولا
هو مين اللى كاتب الكلام ده؟
ثانيا
الكلام ده لمين؟
ثالثا
الكلام طبعا باين انه تعبير عن حب متقد للغاية
وكلام زى العسل
ربنا يوعدنا
اخيرا
الجمال اكتمل بمجموعة الصورة الجميلة جدا للاطفال اللى زى العسل
بصراحة بوست يبعث على التفاؤل
والسلام

mohand said...

السلام عليكم

انا لو مكانه هقولها بحبك كده من غير كل الشرح دا

بس فعلا كل ما في الحب جميل
علي الاقل في عين الحبيب

تحياتي

Doba said...

قلوب حائرة

اى خدمة يا افندم
حبة رومانسية فى الجون اهم

تحياتى يا قمر
==============
الشنكوتى الكبير

طبعا طبعا مهو لازم كل واحد يبقى جواه الاحساس ده بحبيبته وينميه ويكبره بس الشطارة بقى انه يقدر يحافظ على الحب ده لاخر العمر ودايما يتمسك بيه وميضيعهوش من ايديه

الجمعة عدت والف مبروك طبعا بس ها فين الجديد يا بيه

تحياتى
===============
Yahia

اشكرك يا زوجى العزيز وربنا يخليك ليا يا احن واجمل زوج فى الدنيا

تحياتى
=============
Mirage

أى خدمة يا استاذ بس انت هتاكل علينا باقى القصة بقى ولا ايه

ان مستنية المتفجرات
اشكرك يا صديقى
تحياتى
=================
Harmles

اشكرك لمرورك الكريم
انت دايما تكتب رايك بصراحة - البيت بيتك - وطبعا رايك قب معلق عليه سالت ناس كتير فى رايهم عليه وكان تعليقى وتعليقهم كالتالى

اولا: اللى كاتب الكلام ده شخص بيحب وفمنتهى الحب وبيوصف اللى بيحبه فى حبيبته بس لو جيت تسأل نفس السؤال للبنت هترض برده على السؤال بمنتهى الانانية لان كل واحد بيبص انا سعيدة مع الشخص ده ليه او فى ايه وايه اللى بيضيفه فى حياتى

الحب بيتطلب منتهى الحب من الطرف الآخر وانا مش بعتبر ده انانية دى مشاركة مشاعر واحاسيس حلوة

وطبعا تنور برده فى اى وقت واكتب كل اللى نفسك فيه

حليب يا قشطة
تحياتى
============
nermeen

لكل منا شقاوته الخاصة الداخلية
اشكرك يا صديقتى الغالية

وعود أحمد
تحياتى
==============
kikotalaat

انا معاك ان الكلام لواحد بيحب وبيموت فى حبيبته وانا لو منك ياريت تقوله لحبيبتك واوعى تسيب مشاعر حلوة جواك غير لما تشاركها فيها

اشكرك يا كيكوووووو
تحياتى
=============
noony

الحمد لله انه عاجبك كده
واشكرك لمرورك
تحياتى
=============
ولو

اشكرك والله والحمد لله ان الكلام عاجبك كده وعقبال مفرح فيك

تحياتى
=============
shahy

بتعيطى ليه يا ستى الواحد نفسه يفرحك مش يزعلك

تحياتى
اضربيلى شينيور لو سمحتى
=================
أيامنا الحلوة

ياااااااه اخيرا لقيت عندك حبة رومانسية انا كنت ابتديت افقد الامل

اشكرك وتحياتى
==============
a.Samir

اشكرك يا سيدى بس هو انا ليه حاسة انك بتنق يلا حصل خير وشكرا للمرور

تحياتى يا افندم
==============
gannh

اولا اسمك جميل قوى بس اكتبيه بالعربى هيبقى احلى

ثانيا قلتى كلمتين حلوين قوىان الانسان يكون فاهم وحاسس من غير كلام

بس مش تفتكرى ان الانسان من وقت للتانى بيبقى نفسه يستمع لمشاعر الطرف الآخر

تحياتى واشكرك لمرورك
==============
سى السيد

يا عم اتعلم انت بس الاول توضح مشاعرك وعلمها بعدين ازاى هيه تطلعلك مشاعرها

الناس اللى كده كتييييييييير
يارب يوعدك بس دور واختار كويس

تحياتى
============
رئيس جمهورية نفسى

اشكرك والحمد لله ان البوست عجبك
تحياتى
============
anonymous

قريبا انا عارفة انتى مين
الحمد لله ان الموضوع عجبك

تحياتى
=============
my hopes

وعليكم السلام يا افندم وطبعا احلى حاجة فى الدنيا الحب ربنا يديمها نعمة علينا

اشكرك لمرورك الكريم
تحياتى
=============
أبو سويلم

الحمد لله ان الكلام عجبك كده وانا بصراحة عجبونى الاطفال جدا فحبيت انهم يشاركونا الاحداث

تحياتى يا متفائل
واشكرك
=============
mohand

وعليكم السلام ونقول حمد الله عالسلامة ولا لسه - ويلا قولها بحبك كده على طول اوعى تستنى

اشكرك لمرورك وتحياتى
هبة

الشنكوتي الكبير said...

جاري تحضير البوست اللي فيه المفاجأه يا استاذه
بس استني لما اظبط هاقول ايه
عندي خبر هايل
عقبالكم جميعا
هشششششششش سلاااام

Mohamed_sobhy84 said...

للأسف مش هحب طول عمري

لماضة said...

الله عليكى
كتبتى اللى لسان حالنا نفسه ينطق بيه
نفس كل شاب يلاقى بنت كده
ونفس كل بنت تسمع الكلمتين الحلوين دول

3abdo me7tas said...

تعليقى فى كلمة واحده
أكتر من رائعة

princess dodo said...

خلتينى اتمنى أووووى
رسالة زى دى
او حتى أبسط واصغر منها


قمة الحب عزيزتى


تحياتى

جنة said...

السلام عليكم
طبعا حلو جدا ان الواحد يسمع الكلام الرومانسى بس بعد ما يعيش الحلم والحس وفجأة يصحى على صوت وسمع كلام من نوع تانى وساعتها الألم اكبر لكن لما يحس يمكن يفكر انه فهم غلط ويكون الأم اقل اصل يا عزيزتى الألم بعد الحب ده كله هيكون
وووووواو
وانت شكلك حبوبه ومحبوبة جامد ربنا يدوم عليكى
واتمنى تزرونى فى مدونتى المتواضعة
لك كل الحب

Ahmed Al-Sabbagh said...

نظرا لتميز مدونتكم فقد تمت اضافتها لدليل الصباغ للمدونات

===============================

شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة

لكن دعونا نذكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية


أحمد الصباغ

سكوت هنصوت said...

دوباه

يا ولد على الكلام الجامد

ولا صور البنات..حقيقي تحفة

مع انهم كلهم مش مصريين خالص...

إحنا ليه ولادنا مالهمش صور مالية النت زي ولاد الأجانب...مع إن ولادنا حلويين في عنينا قوي

عموما..الكلام شديد الحرارة...

و لا يخرج الا من إمرأة سرطان زيك كده

سعدت بشدة بالتعرف عليكي..وعلى مدونتك الرائعة والراقية

و عايزة كلام عاطشفي منده على طول

تحياتي

حسن مشالي said...

كلام جميل
واحاسيس راقية صوغتيها بشاعرية وتكثيف يليق برومانسيتها

تــــحـــيــاتـــى

sahr said...

جميل اوي الحب دا
ابدعتي

تامر حسين said...

ايه الحلاوه دي
في موضوع جديد مستنيكوم

Soooo said...

يالهوي
هو البتاع الحب ده حلو قوي كده ياجدعان؟؟؟؟؟
ليه كده يادوبا تفتحي عيني على حاجات ماكنتش واخد بالي منها ياشيخه

بس سيبك .. الموضوع حلو والتعبير عنه جميل وبجد حسيت فيه بالصدق .. وبالنسبه للاخ اللي قال ان الشخص ده نرجسي واناني
الحب اصلا نرجسيه وانانيه .. وفي نفس الوقت عطاء وتضحيه
وهي دي المعادله الصعبه
هو ده الحب





سلامووووووووز

ghalia said...

الله عليكى يا هوبا
ياريت يكون لسه فى ناس بتحب بعضها بالشكل ده
كلام كلو براءة وعفوية وتلقائية واحساس
مبسوطة انى تعرفت على مدونتك :)

sendbad said...

فعلا ابهار انك توصفي مشاعر رجل بيعشق وبيحب
لا حقيقي جميل جدا
رائع ياهبة
تحياتي

micheal said...

الصور تحفه بجد و راكبه ع الكلام بشكل جميل
تحياتي

ra7eel said...

باخبر على الحب والبرائه والشقاوه
ايه ده كله
ولا الصور بجد تحفه
ربنا يهنيكوا
يارب

دكتور كسلان said...

البوست اكتر من رائع

خصوصا صور الاطفال الصغيرين

ده غير الكلام الجميل اللى ابدعتيه


ممكن استلف شوية حلو من ده

سلاااااااااااااااااااااااااااام

كاميليا said...

باقة جميلة من الحب الجميل
وباقة رائعة فى اختيار الصور المعبرة

انتي فنانة

اشكرك علي تعليقك القوى وآتمنى انه يكون له تآثير على الطرف الاخر زي ما كان له تآثير قوى عليا

بحبك ياهبة
كاميليا

احساس لسه حى said...

عزيزتى
شوفى يا افندم فى حاجات بنحبها لما تكون موجود بس لما تزيد عن حدها بتضايق زى الغيرة ولما تبقى المشاعر رومانسيه اوى فى وقت بيكون الواقع وجعنا ومحتاجين حلول بجد فى حاجات
كلامك جميل بس الاجمل انه لو فى دنيا تانيه وبال رايق تانى بجد ده روقان خالص ويا ريت بس نصف الاحساس ده يتحقق بين الاحبه
ده ولا روميو وجوليت
تحياتى على احساسك
وتفتكرى فى امراه بالاحاسيس دى
سلااااااااااااااااااااااام

Hadota .. حدوتة said...

دوبااااااا
ايه العسل دا
مش ممكن
بجد فوق الفظييييييييييع

تحفة يابنتى


ممكن يا دوبا يا حبيبتى تسمحيلى انى اعمل عن البوست بتاعك دا بوست عندى

انا عجبنى لدرجة عاوزة كل البشر تقراه

جمييييييييل

ياريت تردى عليا يا قمر
واوعى متوافقيش

انا بقولك عشان حقو الملكية الفكرية والثقافية

يعنى الاترباح بالنص
ههههههههه

تحياتى
البوست يجنن بجد وبيوصف حاجات كتير وووواقع

:)

الشنكوتي الكبير said...

معلش يا ستي حبيت بس اعلق على هارمليس انا كمان
هو عمال يعيب على المحب علشان اناني ومش عارف ايه

طيب هو ايه عرفه هي بتحبه ازاي
ليه مفكرش ان الحبيب ده اكيد بيتكلم من وجهة نظرة الشخصيه بيحب ايه في حبيبته
يعني هي بتسعده ازاي
ايه التضحيات والمميزات اللي بتقدمها ليه
واكيد على الوجه الآخر هي كمان هتجاوب بصوره مشابهه
يعني لازم يفهم ان الكلام مش عن ايه هي صفاتها اللي الناس بتحبها فيها
او ايه هي مميزاتها بصفه عامه
الكلام عن مشاعره هو ناحيتها

وختاما بقى ياريت يا بنت يا هبهوب تكتبي مشاعر واحده بتحب بنفس الأسلوب
ونشوف من جهة البنت هتطلع ازاي

تحياتي

سلاااااااااااااااااااااام

doha said...

دى بجد المشاعر الدافئة على حقيقتها
كلام جميل
وسرحت معاه بجدوحسيته اوى
ماشاء الله الله على الرومانسية
مفيش بعد كدة
بجد تحياتى ليكى

coca said...

كلمات بسيطه اوي احساسها رائع
البوست فيه شويه صور كمان اختريها حلو اوي

darsh said...

بوست أكثر جمالا من أن أضيف كلمات أقل جمالا منه

غمض عينيك said...

مش هو دا الحب بردو؟

أوشــــــه said...

الجميله هبه
ايه الكلام الجميل ده
جماله في انك تحسي عفوي وممكن يحصل
احساسك عالي ورقيق
تحياتي يا قمر

ahmedmyangel said...

amazing

Doba said...

الشنكوتى الكبير

مهو الخبر اتعرف يااستاذ والف مبروك وربنا يجمعكم على كل خير

تحياتى
===============
Mohamed_sobhy84

والله براحتك بس اكيد انت اللى هتخسر اجمل مشاعر فى الدنيا

تحياتى
===============
لماضة

اهلا بست اللمضين
ربنا يرزقك باللى يقعد يزن فى ودنك بالكلام الحلو ده على طول

نورتينى يا احلى لمضة
تحياتى
=============
عبده محتاس

اشكرك يا افندم ويارب الاقيك بتقول الكلام ده لحد ونورتنى

رجعت من الجيش ولا لسه
تحياتى
============
princess dodo

اسعدنى مرورك واسعدتنى كلماتك
ويارب يرزقك باللى يسمع احلى من الكلام ده كله - بس تفتكرى هيقدر يباريكى فى الكلمات فانتى رائعة

اشكرك لمرورك
تحياتى
===========
جنة

طبعا اكيد ليكى زيارة باغتة لمدونتك عن قريب خالص

للأسف احنا اللى بنسيب مشاعرنا تتجرح مش الحب هو اللى بيجرحنا

اشكرك لمرورك
تحياتى
============
أحمد الصباغ

اشكرك لمرورك
============
سكوت هنصوت

مهااااااااا
اهلا بيكى يا احلى مها

انتى عاوزة كل حاجة يا بنت يا عفريتة تبقى مصرية - المهم انهم حلوين

وانا برده سعيدة جدا بتعرفنا على بعض وربنا يديم المحبة

سعدت كثيرا بمرورك
تحياتى
=========
حسن مشالى

اشكرك على كلماتك الجميلة وسعدت للغاية بمرورك

تحياتى
=========
sahr

اهلا بيكى ونورتينى
والحمد لله انه عجبك

تحياتى
==========
تامر حسين

اشكرك يا سى تامر وموضوعك تم التعليق عليه - تحياتى
==========
soooo

هو الحب حلو جدا طبعا - يلا افتح عيونك على وسعهم وشوف كويس

ومدامت عارف الحب يبقى يلا بقى بسرعة اقع فيه ده مفيش احلى منه

تحياتى
==========
ghalia

الحمد لله ان البوست عاجبك
واشكرك لمرورك الكريم

تحياتى
==========
sendbad

اشكرك ان البوست عاجبك
ومرورك اسعدنى

تحياتى وسلامى للغالية جيجى
==========
micheal

اشكرك لمرورك والحمد لله ان البوست عجبك
تحياتى
========
raheel

اشكرك لمرورك الكريم
الصور لوحدها بتتكلم اعمل ايه بس مقدرتش محطهمشى

تحياتى واسعدنى زيارتك
=========
دكتور كسلان

اشكرك كثيرا للمرور الكريم
اتفضل البوست والمدونة والله مش تغلى عليكم

تحياتى
========
كاميليا

المبدعة بآلامها موجودة معايا
يارب تكونى اسعد واجمل واحلى

امنياتى لكى بكل الحب
تحياتى
========
احساس لسه حى

الاعتدال فى كل شىء يحقق المعادلة الصعبة ويحطم الثير والكثير من الالام فى الطريق

اشكرك لمرورك
تحياتى
=========
حدوته

اشكرك اشكرك
انا سمحتلك خلاص عندك اللى انتى عاوزة تعمليه اتفضلى هتسعدينى دائما

تحياتى
=========
الشنكوتى الكبير

ردك وصل يا افندم ولهارمليس حق الرد اذا كان حابب

اشكرك يا صديقى
تحياتى
========
doha

اشكرك اشكرك والحمد لله انها عجبتك
مرورك اسعدنى

تحياتى
=======
coca

اشكر جزيلا والحمد لله انه عجبك
اسعدنى مرورك الكريم

تحياتى
=========
darsh

اشكرك وده كتير عليا والله
نرجو تكرار الزيارة

تحياتى
========
غمض عينيك

ايون هو ده الحب بعينه
بس فتح اننت عيونك بس عشان تشوفه كويس

اشكرك وتحياتى
========
أوشة

اشكرك والحمد لله انه عجبك
مرورك اسعدنى كثيرا

تحياتى
========
ahmedmyangel

اشكرك واشكرك مرورك الكريم

تحياتى
هبة

Sara said...

في الاول احب اسلم عليكي

وانا دخلت مدونتك لاول مرة لاني بعمل احصائية او تقرير معين عن المدونات هانزله قريب على مدونتي فكنت بقلب في البوستات ومش قادرة اقوك البوست ده شدني ازاي

بجد رااااااااائع وبسيط جدا وروعته في بساطته من غير كلام كبير ولا حاجة بيوصف اللى في القلب

اتمنى توافقى ني ابعته لصحابي على الفيس بوك وبالطبع هاذكر المصدر مع لينك المدونة لاني جربت قبل كده واتقرصت لما حد ينقل الكلام بدون اذن ولا حتى ذكر المصدر

عامة انا مش هاخد حاجة غير لما تاذنيلني

تحياااااااتي

will said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品