Tuesday, January 29, 2008

السلام والتحية

السلام عليكم ورحمة الله وبركاته
انا اسمحولى فى البداية اعتذر عن الرد على تعليقاتكم عن البوست اللى فات لانها كلها دعوات بالخير والسعادة وزيها انا كنت نفسى ابعت لكل واحد منكم منها لانى حقيقى بحبكم كلكم وكل واحد كتبلى كلمة طالعة من قلبه بدوام السعادة أسعدنى كثيراً كثيراً وكلما كتبت بضعة كلمات أجدنى أدعو لكم جميعا بالمزيد من دعواتكم ووجدت من الأفضل أن أجعلها دعوة للكل ولكم منى جميعا مثل ما دعوتم لى أضعافاً من خير وحب ودوام المحبة والسعادة والرضا والقرب من الله دائماً وأبدا
====
أوصيكم بالسلام وتحية الإسلام وكما قال الرسول عليه وعلى آله الصلاة والسلام
====
لا تدخلو الجنة إلا إذا تحاببتم
ألا أدلكم على شىء إذا فعلتموه تحاببتم
أفشوا السلام بينكم
==============
كل ما نبغيه أن نكون ممن يظلهم الله يوم لا ظل إلا ظله ومنهم إثنان تحابا فى الله
تحابوا
تآخوا
لعل الله يرضى عنا ويتقبل منا ويعيننا على التمسك بصالح أعمالنا
==
يوم الخميس بإذن الرحمن هنزلكم لغز قام به آينشتاين فى القرن الماضى ومن يستطيع حله على حسب مقوله آينشتاين فهو يعتبر من أذكى 2% فى العالم وسيتم نشر حل اللغز فى وقت لاحق
وختاماً
السلام عليكم

16 comments:

قلوب حائرة said...

ربنا يجعلنا ياهبة ممن يدعوهم الله اين المتحابين لوجهي يارب يارب وياترى ايه اللغز ده ايه هتجوزي يوسف ولا ايه

عصفور المدينة said...

ربنا يبارك فيك وفعلا انت مش مضطرة تردي على شخص شخص
وجزاك الله خيرا

shahy said...

السلام عليكم ورحمة الله وبركاتة ياست ام يوسف
اية رأيك انا حلوة كدة علشان افشيت السلام اهو

انا بحبك
بحبك
بحبك

كدة يبقى تحاببنا صح
يعني عداني العيب وقزح
ماتسأليش يعني اية هما بيقولوها كدة


هانستنى الفزورة

يلا سلام

الشنكوتي الكبير said...

عموما يعلم ربنا انا بعتز بحب كل المدونين اصحابي كأنهم اخواتي

وكتير منهم فعلا احسبهم من الصالحين
واتمنى نكون كلنا صحبه صالحه
الحمد لله

وبالنسبه بقى لللغز بتاع اينشتاين غريبه يعني انا كنت لسه قاعد معاه مقليش حاجه عن الموضوع ده يعني
عموما انا الحمد لله
واثق اني من اذكى 1% في بركة السبع كلها
فين بركة السبع دي
سلاااااااااااااااااااام

لماضة said...

اممممم
طيب انا هجهز عود القصب اللى هتسى فيه وانا بحل لغز ايناشتين ان شاء الله
ان ابحببببببببببببك يا حماتى
وبحب المدونين كلهم
وبحب مما اوباباواخواتي
وبحب اصحاب واصحاب اصحابى
بحب كل المصريين
بحب كل المسلمين
بحب كل الناس
ما يطلبه المستمعون
ياريت اغنية ياحبيبتى يا مصر يامصر

دوحة said...

ربنا يوفقك ياهبة ومستنيين يوم الخميس على احر من الجمر

همسات said...


يارب يارب يدوم عليكى حب الناس ياأجمل دوبا فى الدنيا

ومستنين اللغز على نار

الطائر الحزين said...

وعليكم السلام ورحمة الله

ربنا يكرمك

اااااه

هى ناقصة فعلا الالغاز

ابعتى يا ستى ربنا يكرمك



تحياتى

يوميات عيل مصري said...

السلام عليكم أم يوسف، سريعا جدا بس مريت أسلم على حضرتك وعلى يوسف وباباه

ام الابناء said...

السلام عليكم ورحمة الله وبركاته

يا ام يوسف
هذه اول زيارة لى ولن تكون الاخيرة ان شاء الله
ما شاء الله عليك مدونه رائعه حقا
وجميل ان نكون احباء فى الله فهو الفوز العظيم فى يوم لا ظل الا ظل الله سبحانه وتعالى
تقبلى حبى وتحياتى
وساعود اليك مع الموضوع الجديد ان شاء الله

mohand said...

السلام عليكم

بس انا عارف حل اللغز

انتي متعرفيش اني من اذكي 1% علي مستوي العالم



لا بجد انا شوفت اللغز قبل كده


تحياتي

فرنسا هانم said...

بصى بقى ولا مؤاحذه
انا اذكى واحده على الاطلاق فى الشقه بتاعتى
وعدد سكان الشقه واحد
اول ماتنزلى التدوينه
ابعاتيلى الحل بالاميل ومحدش هياخد باله
وابعتلك كوبايه نسكافيه سخنه
تحياتى يا هبه الحبوبه

كاميليا said...

كل ما نبغيه أن نكون ممن يظلهم الله يوم لا ظل إلا ظله

نحن وأنتم
أمين يارب

كلماتك تحمل كل السكينة والسلام
اكرمك الله وارضاكى

تحياتى
كاميليا

Doba said...

قلوب حائرة

أسعد الله وأرضاكى وأعطاكى من خيره كل ما تتمنيه

أصلح الله قلبك وعقلك دائما
تحياتى
============
عصفور المدينة

اشكرك لمرورك ولتعليقك لكريم
تحياتى وربنا يباركلى فيك
==========
shahy

حبيبة القلب
مهما اوصف انتى اد ايه ادخلتى السعادة فى قلبى امبارح مش هقدر اوفيكى حقك ومش قادرة اقولك غير ربنا يبارك فيكى ويرزقك دايما على قد نيتك الطيبة والنقية

على فكرة انا كمان بحبك جدا
وعلى فكرة تانى كل اللى عندى بيشكرو فى الكيكة جداااااااا

لكى منى كل الحب
والتقدير والاحترام

تحياتى
===========
الشنكوتى الكبير

اهلا اهلا باذكى واحد فى بركة السبع
اسكت يحيى حل اللغز امبارح وصاحى منشكح جدا وعاملى الحل باكجراوند عالديسكتوب فى الكمبيوتر

متجوزة نابغة يا اخواتى
يلا اشوفك بعد الحل

تحياتى
===========
لماضة

والآن مع أغنية يا حبيبتشى يا مصر يا مصر مطلوبة للأذاغة من البنوتة لماضة وبتشكر بيها ماما وبابا وسوسو وتوتو وفيفى ولولو

شكلك خلصتى بشلة القصب كلها يا داكتورة

نورتينى واسعدتينى
تحياتى
===========
دوحة

يلا ورينا الهمة انا عاوزة نجاحات فظيييييييييييعة مريعة بشعة

تحياتى
===========
همسات

وحشتينى يا وحشة
هجيبلك اللغز اهو وهستنى الحلول الفظيعة

تحياتى
===========
الطائر الحزين

والله هو حاجة فعلا محيرة جدا وعجبتنى جدا وقلت اشرككم فيها كالعادة

وهنتظر الاجابات بس مش عاوزين غش
متغشش من المدام ها

انا واقفة مراقبة هنا

تحياتى
==========
يوميات عيل مصرى

تصدق بالله
انا لما بلاقى تعليقك عند حد بفرح جدا وبقعد اقراه يمكن اتعلم حاجة جديدة

انت بدون قصد علمتنى حاجات وخلتنى اخد بالى من حاجات ربنا الاعلم بيها وربنا يباركلك عليها

فى انتظار مرورك دائما فى اى وقت
تحياتى لك وللأسرة وللمدام خاصة
==========
أم الأبناء

اهلا بيكى ضيفة عزيزة وغالية عالمدونة
نورتينى وشرفتينى

واهلا بيكى دائما
تحياتى
وسلام مخصوص للغاية هند
==========
mohand

اهلا اهلا باذكى واحد من الواحد فى المية فى العالم

انا هذيع فى الميكروفونات ان مهند يمتنع عن الاجابة لو يعرف الحل

انا بقولك اهو
ولا تنور يا عم فى اى وقت احنا نطول انك تشرفنا

تحياتى
==========
فرنسا هانم

اهلا بيكون اهلا بيكون
ياللى احنا كنا هنعيكون

ايوووووة جاااااااااى
وعندك واحد ايميل بالحل لفرنسا وصلحه يا عبده

ياعنى عند خيخة كنتى عاوزة تغشى وهنا كمان - عيب يا فرنسا ده انا قلت انتى اول واحدة هتبعت الحل الصحيح

فى انتظارك ها
من غير غش
يلا باى
تحياتى
===========
كاميليا

انا من موقعى هذا وقدام كل النناس بقولك انى زعلانة جدا

قوى
خالص
جدا

بجد بجد وحشتينى خالص ومفيش اى سؤال كده
روحى اللهى ربنا يراضيكى يا بت يا كامى رضا فظيييييع خالص مالص

نورتينى يا غالية
هبة

د/اجدع بنوته said...

يارب اللهم امين

وشكرا ع روحك الحلوه ودعواتك الطيبه دى

3ala asm masr said...

على فكره أنا حلته فى تلت ساعه ويمكن أقل
وسهل ومش صعب وهو نفس حل فرنسا هانم ودورت عالنت ولقيته صح متهيالى مفيش داعى أنى أكتب ألحل
المصريين كلهم ازكياء