Thursday, January 31, 2008

لغز آينشتين

كل واحد يجيب حبة ورق واقلام ويعمل كوباية شاى ولا فنجان قهوة وييجى يقرا البوست ويحاول يحل واللى يخلص حل يقما ينشر الحل او يبعته عالايميل علشان الغش وعموما اللى هيحله صح هيعرف واللى هيحله غلط هيعرف لانها كله نقط متسلسلة ولما تترتب صح هتلاقيها مشيت مظبوط - اللى حل اللغز قبل كده او عارف الحل يمتنع لو سمحتو كلامى واضح
===========
كتب آينشتين هذا اللغز بنفسه فى القرن الماضى وقال أن 98% من سكان العالم لن يتمكنوا من حله
==
اللغز
==
توجد خمسة منازل لكل منها لون مختلف ويسكن كل منزل شخص من جنسية مختلفة وكل ساكن يفضل أن يشرب مشروب معين ويدخن سجائر من نوع معين ويحتفظ بحيوان أليف معين ولا أحد من الجيران الخمسة يشرب نفس الشراب أو يدخن نفس نوع السجائر أو لديه نفس الحيوان الأليف
======
- يسكن البريطانى فى المنزل الأحمر
- لدى السويدى كلب
- يحب الدنماركى شرب الشاى
- البيت الأخضر على الجانب الأيسر من البيت الأبيض
- مالك البيت الأخضر يشرب القهوة
- الشخص الذى يدخن سجائر نوع بال مال لديه طائر
- الرجل الذى يسكن فى البيت الأوسط يشرب الحليب
- مالك البيت الأصفر يدخن سجائر نوع دانهيل
- يسكن النرويجى فى المنزل الأول
- يسكن مدخن المارلبورو مجاورا لمن لديه قطة
- الرجل الذى لديه حصان يسكن مجاوراً لمن يدخن سجائر نوع دانهيل
- مدخن سجائر نوع وينفيلد يحب شرب شراب الشعير
- يسكن النرويجى مجاوراً للبيت الأزرق
- يدخن الألمانى سجائر نوع روثمانز
- مدخن سجائر نوع مارلبورو لديه جار يشرب الماء
======
المطلوب
===
1. تحديد لون المنزل
2. الجنسية
3. المشروب
4. الحيوان الأليف
5. نوع السجائر
لكل واحد مع توضيح من منهم حيوانه الأليف هو السمكة
لا توجد خدعة فى حل هذا اللغز ولكنه منطق صرف
ومن يعرف الأجابة سيكون من ضمن أذكى 2% فى العالم

22 comments:

mohand said...

السلام عليكم

انتي عارفه انا ممتنع بقي

بس هتابع من باب الفضول

ما انا من ال 2% دول

بت خيخة وأى كلام said...

يااااااااااااااااه
الامتحان ده قديم اوى
وماما مرة جابتهولى وقعدت احله
والحمد لله كنت من الناس اللى عندها شوية ذكاء
هو مش صعب على فكرة هو بس محتاج تركيز كبير ومحتاج شوية اورااااااااااااق كتييييييييييير
وفعلا مافيهوش خدعة هو بيعتمد على المعطيات اللى موجودة
بس هياخد وقت على فكرة
وركزوا كويس اوى

سلام
اختك خيخة

لماضة said...

احمدك يااااااااااااارب
كده انا اتاكدت انى انسانه طبيعيه من ضمن نسبة 98% من سكان العالم
طيب هجرب اجيب شاى بلبن واركز تانى

بت خيخة وأى كلام said...

هابعتلك الحل على الميل علشان محدش يغش منى

سلام
اختك خيخة

فرنسا هانم said...

ازيك يا هبه
عامله ايه ؟؟
شوفى ياستى

1 منزل اصفر يسكنه نرويجى يشرب ماء وسجائر دانهيل وعنده قطه

2 منزل ازرق يسكنه دنماركى يشرب شاى ومالبورو وعنده حصان

3 منزل احمر يسكنه بريطانى يشرب حليب وسجائر بال مال وعنده طائر

4 منزل اخضر يسكنه المانى يشرب قهوه وسجائر روثمان وهو الوحيد اللى معندهوش حيوان يبقى هو صاحب السمكه

5 منزل ابيض يسكنه سويدى يشرب شعير وسجائر وينفيلد وعنده كلب
صح ولا ؟؟؟؟؟

ولــــــــــو said...

اول مرة شفت اللغز ده كان من 3 سنين وقعدت ساعتها تقريبا 5 ايام مش باعمل اي اجه غير اني احاول احله لدرجه اني خسيت 5 كيلو
وبعدين قعدت احاول فيه على فترات والحمد لله بعد 36 شهر من المحاولات حليته وبعدها بيوم واحد كنت بألف على النت ولقيت اجابته موجوده ومش زي اللي انا حليته
طبعا صدمت لكن اللي اكتشفته ان مش هو ده اللي انا حليته
طلع الاستاذ اينشتاين عامل كام لغز وعمال يلفهم علينا بس احب اطمنك ان انا من بين ال 2 % دول والله العظيم بس اهم حاجه ان الموضوع مش يكن مرتبط بوقت انا باقولك حليته ف 3 سنين
طبعا مش هاعرف ابعتلك الحل دوقت علشان انا ف اقصى مدن مصر وف سيبر والساعة7.30 الصبح
لكن انا باكدلك اني بجد حليته
والله العظيم
ههههههههه

الراقص مع الذئاب said...

السلام عليكم
ازيك يا ام يوسف

انا اجي اسلم عليكي واقولك متعمليش حسابي في نسبة ال 2% ...بس خلاص

معلش غبت عليكي فترة بس الحمد لله رجعت لقيتك في احسن الاحوال بتقولي الغاز كمان


سلام

همسات دافئه said...

ايه ده الله بحب الأسئله الذكيه شوفى ياستى فى ظرف نصف ساعه جبتها
المنزل الأول -أصفر-نرويجى-يشرب ماء- يدخن دانهيل - قطه
المنزل التانى-أزرق - دنماركى -يشرب شاى -يدخن مارلبورو -حصان
المنزل الثالث -أحمر -بريطانى- يشرب حليب -يدخن بال مال- طائر
المنزل الرابع -أبيض سويدى -يشرب شعير يدخن ونفلد -كلب
المنزل الخامس- أخضر-ألمانى-يشرب قهوه -يدخن روثمانز -سمكه
ها قوليلى بقى؟

ra7eel said...

السلام عليكم
اخبارك ايه؟ ايه بس الالغاز دى
انا دخلت امبارح ونقلته عندى على الجهاز عشان لما النت يفصل اجرب فيه براحتى
ههههههههههههههه
بس شكلى اتجننت فعلا بس انا وراه لغايه لما احله بنفسى
انا حاسه ان الموضوع مش صعب بس عايز تركيز
خالص تحياتى

د/اجدع بنوته said...

ان شاء الل م بكره

مش هيبقى ورايا غيره

انا كتبت المعطيات والبراهين اهو

وم الصباح الباكر هبدأ حفلة الاستنتاجات

بس مبدئيا .. ف الغالب

مش هكون م ال 2% دول

انا م ال 2% اللى وراهم ع طول

تحياتى ياام يوسف

shayma said...

يااااااااا حلاوة
ههههههههه

طيب يا ستى انا هجرب وربنا يستر ده شكله بجد عايز تركيز

لو عرفت الحل هقولك
:)))))))))))
سلام

My Hope$ said...

هجرب وابعتلك ميل
هو شكلة عايز اكتر من تلات سنين علي راي توما
بس علي فكرة احتمال كبير احل قبل الفترة دي
متقلقيش
سلام

shayma said...

انا مجاليش نوم لحد ما حليته وهتقهر لو طلع غلط
:))
شوفى يا ستى

البيت الأول أصفر.. نرويجى..ماء..يدخن دانهيل .. عنده قطه
البيت التانى ..أزرق .. دنماركى .. شاى .. يدخن مارلبورو .. عنده حصان
المنزل الثالث ..أحمر .. بريطانى.. حليب .. يدخن بال مال عنده طائر
البيت الرابع .. أبيض .. سويدى .. شعير يدخن وينفيلد .. عنده كلب
البيت الخامس .. أخضر..ألمانى .. قهوه .. يدخن روثمانز .. سمكه

هااااااااا
قوليلى صح ولا ايه

اوعى
دانا سهرت ومجاليش نوم
وورق وجداول بقى
انا بقولك اهو

:))))))))))))))
سلامى يا قمر

Soooo said...

بسم الله الرحمن الرحيم
احمد سوووو الفرقه التالته
الاجابه .. شبين الكوم



------
واخده بالك من فرنسا وشيماء .. عالم دماغهم فيهم
هو انا فين؟؟؟؟؟




سلامووووووز

Doba said...

شيماء وفرنسا وهمسات دافئة

شاطرين يا اولاد
من ال 2% الأذكى فى العالم

بس للباقيين مش عاوزين غش وعاوزين الاجابات بسرعة بقى

فى انتظاركم
هبة

shayma said...

هيييييييييييييييييييييييه

هههههههههه
مش متخيله السعاده الى انا فيها انه طلع صح


ههههههههههههه

يظهر كنت فاكرة نفسى غبيه
ههههههههههههههههه

سلامى يا قمر وميرسى يا جميل

A.SAMIR said...

تخيلي انه اختبار ؤائع
بس بيتطلب وقت طويل جدا وانا للاسف وقتي ضيق
مع اعترافي طبعا وتسليمي التام ان انا من اذكى 2%من سكان العام
وبدون اي اختبار طبعا
تحياااااتي

د/اجدع بنوته said...

سمحت لنفسى .. انى اقدملك تاجين هديه

هتقبليهم ..

النبى قبل الهديه ؟؟

ع العموم هما عندى .. شرفينى وخديهم

Doba said...

مهند

انا عارفة انك حليته قبل كده
برافو عليك

هو كده كده بيتحل بس هيه المشكلة انه كان لازم يكون مرتبط بوقت معين

اشكرك ياللى من اذكى اللى فى العالم
ماشية معاك يا عم

تحياتى
===========
بت خيخة وأى كلام

اهلا يا خوخة
والله يا اختاه هو جالى عالموبايل فى رسالة ومقريتش عليه قبل كده بس لما لقيتنى قعدت ومخمخت فيه وقلت لما اشارك المقربين

وشطورة الحل صح طبعا ووصلنى الايميل
بوسات كتير لشوريف بيه

تحياتى
=========
لماضة

يعنى خلصتى البشلة بتاعت القصب وخلصتى الشاى بلبن ولسه محلتيش كده عيب والله

يلا انا هستنى الحل برده

نورتينى يا مرات ابنى
تحياتى
=======
فرنسا هانم

برافووووووو
وعندك واحد عصير قصب كبير جامبو لخالتك فرنسا يا ولد احسن دى دبت المشوار بالعجلة وتعبت خالص خالص

هايلة والله يا فرنسا
الفين سلام وتحية

تحياتى
==========
ولو

نورتنى يا بمشهندس يا بعيييييييد خالص عننا اليومين دول بس نورتنا خالص

الله يكون فى عونك فى البرد ده وفسيبر بدرى كده الله معك

برافو انك حليته فى 3 سنين ده بيدل على ذكاء خارق فعلى

نورتنى
تحياتى
--------
الراقص مع الذئاب

نورت يا بيه وتنور فى اى وقت وتغيب براحتك وتعالى برده براحتك ده بيتك ومطرحك بس تجيب حاجة حلوة فى ايدك

هستنى الحل برده رغما عن انفك
تحياتى
========
همسات دافئة

برافوووووو همسات شطورة خالص
وعندك هنا واحد كمان عصير قصب من النوع الجامبو للبونتة اللى شقيت دى

تسلمى والله
شاورو عليها شاورو
وقولو عليها قولو

شطورة

تحياتى
=============
رحيل

ها كل ده يا هانم بتحلى
بسرعة يلا عاوزة الحل من غير غش
فاهمة ولا لا

فى انتظارك دائما يا رحيل
اسمك حلو قوى بجد

تحياتى
========
د/اجدع بنوتة

اهلا بالدكترة وخفة الدم والدماغ العالية - حلى يا دكتورة يا هرابة وتعالى هستتناكى

نورتينى
تحياتى
=========
shymaa

اهلا اهلا شيمو
نورتى وفى الانتظار اهو

تحياتى
==========
my hopes

بقالى يومين مستنية اللى هتيجى وفى ايديها الحل ونقول الناجح يرفع ايده بس الدنيا برد وتكتكت خلاص بقى

لو هتجيبى الحل ابقى هاتى كوباية كاكاو نتدفى واحنا بنقرا بقى

نورتينى
تحياتى
=========
shymaa

شطووووووووورة يا شيمو
عندك واحد قصب كبير يا ولد بسرعة واضرب معاه واحد نيسكافيه علشان سهرانة طول الليل

برافو يا قمر
نورتينى واسعدتينى
تحياتى
=========
soooo

اهلا بالطخين اللى بيكبر دماغه مع انه عنده احلى واكبر دماغ

براحتك يا بخيل

نورتنى
تحياتى
========
a.samir

هايل والله واهلا بيك بس الحل لو سمحت علشان نديلك الجايزة بس من غير غش

سامعنى
انا شايفة

تحياتى
===========
د/اجدع بنوتة

اسعدتينى بالتاجات مع انى كنت رغاية فى المجلس بس مش مشكلة ماحنا اتطردنا بقى وهاخد التاجين وهحلهم من عيونى بس لما ييجى وقتهم

نورتينى
تحياتى
========
اشكركم جميعا كثيرا كثيرا
هبة

أماني said...

كنت بقلب في مدونتك لأني أول مرة أزورها و شدني جدا اللغز لحد ما حليته
ميرسي إنك إديتيني عشر دقايق شيقين كده

شروق ..مدونة تحت العشرين said...

حليته من زمان
و أخويا كمان حله

بس حكية ال2% شكلها مش أكيدة

mimi said...
This comment has been removed by the author.