Tuesday, February 5, 2008

أكرهك

هل وصل بك الأمر فى وقت أن تكره شخص وتبغضه للدرجة التى تأخذك وأن تصل بك لحافة الأنتقام أن تتلذذ وهو يتذوق من نفس الكأس الذى أسقاك منه فيما سبق عمداً

أن تجلس أنت والشيطان فى جلسة مغلقة وكل ما يجول بخاطركم هو كيفية ترتيب الأمور للإيقاع بمن سبق أن أوقع بكم فى دائرة البغض والكراهية وأن يأخذ الشيطان بيديك ويطير عالياً حتى تنتشى من كثرة التمتع بإستطاعتك أن تؤذى من آذاك وتنتقم منه حتى يصل لدرجة الأنفجار وأن لا يتحمل ويأتى إليك مكبلاً بالهموم والأثقال ويستشيرك فيما لديه وتشيره ولكنك من داخلك تتمتع برؤيتك له وهو يتمزق ألماً، وهو يتقطع من الخيوط المتشابكة التى إستطعت أنت بمهارة شديدة أن تحيكها من حوله ليقع فى قبضة الألم

وها أنت الآن تتمتع بلذة الأنتصار المغمسة فى كأس الإنتقام، تجلس منتعش ممتلىء بالسعادة والنشوة، وترتسم شفتيك إبتسامه هى قرب لضحكة شيطان إستطاع وبمهارة أن يلقى بك فى أحضان لإنتقام والألم الذى يعود بشكل أو بآخر على حياتك وتفكيرك وطريقة عيشتك لقد إستطعت فقط أن تزيد من مقدار الجرح بداخلك لا أن تساعد جرحك على الإلتآم

الكره صفه بغضاء غير صحية بالمرة للشخص الذى يكره فالحل الصحيح لمن يستحق كل هذا الكم من الكره والبغض هو الإهمال الاسقاط اهماله بعدم التفكير به مطلقا واسقاطه من العقل والقلب والحياة وإشعاره بانعدامه للأبد وانه ليس له أهمية تذكر، فمن يتعذب هو هذا الشخص الكاره وحده لان الكره يأكل جمال القلب ونور الروح وروعة الحياة فلنستمتع بكل لحظات الحياة فهذا الشخص ببساطة لا يستحق أن نضيع لحظات جميلة ألهمنا الله إليها لنضيعها فى جلسة شيطانية

ما أجمل أن تعفو وتسامح وتغفر ولتترك الله يأخذ من هذا الشخص ما آذاك به ولتأخذ ثواب العافيين عن الناس ولتعلم جيداً بأن الله يمهل ولا يهمل وأن الله لا يضيع أجر من أحسن عملاً وكله بثوابه فى الآخر

لكم منى كل أمنياتى بقضاء يوم ممتع فى صحبة أحد الأوفياء لصالحين ورسم إبتسامة صافية على شفاة كل منكم مليئة بكل الحب السعادة

71 comments:

Anonymous said...

طيب و اخذ الحق يا دوبا .. يعنى اذا حد اذاكى و ليكى عنده حق تسيبيه و تقولى ربنا يجيبلى حقى و لا تفضلى وراه بكل الطرق؟؟؟؟

Unknown said...

:(
بس الواحد بيزعل ان فيه حد ممكن يجرحه ويدايقه كده وهو عمره ما اذاه بالعكس كان بيتمناه كل خير
بس برضه عندك حق
وغصب عننا بنلاقى نفسنا بننسى اللى حصل زى ما يكون اتبرمجنا على المسامحه
ربنا يديمها علينا نعمه
ويفرحنا دايما

shahy said...

صباح الفل يا دوبة
بصي ياسيدتي الجميلة
انا في الاول قلت بس البنت دوبة اتجننت
اية كل الكرة دة واية الاحساس المنيل دة جابتة منين وياترى الشخص دة عمل فيها اية علشان تكرهة كل الكرة دة وبعدين ازاي اصاحب واحدة بالغباوة دي

وبعدين حمدت ربنا انك بتنصحينا وان الاحساس المهبب دة مش عندك خالص
والحمد لله ان عمري ماكرهت حد وان شاء الله عمري ماهكرة حد برضة

واخيرا احب اقولك اني سعيدة بجد بمعرفتك ياجميلة

وهابقى سعيدة اكتر لو جبتي يوسف يلعب مع العيال في اكتوبر

يالا هاستناكي

MerMaid said...

متالقة دوما يا قمر
بجد والله :)
ايه اخبارك ؟؟ فينك من زمان ؟؟
-------------------------
ساعات فعلا ببقي نفسي انتقم من اي حد زعلني او مش انتقم بالمعني المهم ان انا اشوفه متضايق وخلاص و هيطق من الضيق
بس فعلا ارجع في الاخر وملاقيش صفاء نفسي و راحة بالي الا في الغفران والمسامحة ...فعلا الغفران ده نعمة من ربنا علي الانسان وكذلك النسيان ونسيان الاساءة اللي بتحصل لنا

تحياتي ليكي يا جميلة و تشرفني زيارتك دايما

شيرين said...

والله ما في احسن من التسامح يادوبا .. واحنا بطبيعتنا شعب مسامح والايام بتنسي اي موقف يخليكي تكرهي البني ادم اللي اذاكي
وربنا يديم علينا التسامح

تحياتي ياقمر ليكي وليوسف حبيب قلبي
أيامنا الحلوة

AHMED SAMIR said...

فرق كبير قوي بين الكره والانتقام
الانتقام دة شيء معروف ومشروع
ولكم في القصاص حياة يا اولو الالباب
انما الكره لمجرد الكره دة مرض ومرض خطير كمان
تحياااتي

Soooo said...

طب والله العظيم انا اتخضيت
ادخل الاقي كره وشيطان وانتقام ومكر ودهاء
قلت تلاقي ام يوسف الاكاونت بتاعها اتسرق وده واحد بينتقم


بس على اخر البوست
قلت هي دي فعلا ام يوسف
اجدع اخت في الدنيا بجد




سلامووووووووووز

الطائر الحزين said...

عارفة
القصاص ده شىء جميل جدا

لا زيادة ولا نقصان

اللى قال لك كلمة ترد عليه نفس الكلمة ولا تزيد

لكن من عفا واصلح


اللهم املأ قلوبنا بالسكينة والحب


تحياتى

عصفور المدينة said...

أحيانا يكون الانتقام مطلوب فقط لرد هذا الظالم عن ظلمه ومنعه من تكراره مع الغير أما رغبة الانتقام والتشفي فهي أكيد متعبة للمنتقم أيضا وتتعب نفسيته

الـسـيـدة نـون said...

ايوة مرة حد اذانى واتمنيت انى ائذيه وانتقم منه
بس ماقدرتش لانى وسيلة الانتقام كانت ضد مبادئى
لكن ماقدرتش برضه اسامحه
كل اللى عملته انى اتقهرت من جوايا وخلاص على كدة
بس هو ليه البوست المؤلم ده
يا بت انتى بتقلقينى كدة
انا اعرف عنك انك متفائلة
ايييييييه
فيه ايييييييييييه يا بت يا دوبا
ارجعى عن اللى فى دماغك يا بت
ربنا يبعد عنك الشيطان
سلام
اختك خيخة

رحــــيـل said...

عزيزتى دوبا

فعلا مشاعر الكره دى صعبه فوى

وبتحرق صاحبها بس

صعب قوى ان احنا نتعامل مع ناس كده
ربنا يبعدهم عننا

تحياتى لكى

mohand said...

السلام عليكم

اوقات كتير بيحصل كده وبكون فعلا مش لاقي حل غير الانتقام
وبالفعل بنتقم

لاني انسان
ودا ببساطة صفة انسانية


بس مش برد القلم قلمين

هو نفس القلم يكفي

عشان بس احسسه باللي بيعمله في الناس

ويتحط في نفس الموقف دون تغيير

تحياتي

ناس هتحسن بلدها said...

يااااااااااااربى

لا الحمدلله مجربتش الاحساس ده

الانتقاااااام الرهيبىىىىى

بالمناسبه ..

حضرتك مدعوه لاضافة الميل ده بالقوه الجبريه

نظرا لاشتراكك معانا ف حملة هنروق مصر

smsmaa_7ekayat@yahoo.com

أحمد سلامــة said...

بداية البوست يا هبة وانا بقرأ كانت مع موسيقى فيلم
saw
وتصاعد مشاعر الكره مع لذة الإذاء والانتقام كانت مشاية مع البوست قوي
بس الحمد لله النص التاني من البوست كان انساني اكتر وعوض المعركة الدموية اللي كانت في الاول
اسعد الله ايامك

Noony said...

بارك الله فيكي وفي رجاحة عقلك

ربنا يكتر من أمثالك يا دوبا
:)
نوني

نفرتيتي said...

ربنا يزيدك ايمانا دايما يا دوبا وينور ليكي طريقمك ابقي زوريني وشوفي الجديد وقولي رايك

Ehab said...

اختي الغاليه

لما بحس بالظلم بقول حسبي الله ونعم الوكيل
بس اقولك على حاجه
من كتر ما شفت اثرها قوي ازاي لما بكون مظلوم
بقيت ساعات بخاف اقولها على حد ضايقني من خوفي عليه
لأنه بيبقى مش عارف ممكن يحصله ايه

بس لما بتظلم قوي بقولها وهو الجاني على نفسه
سبحان اللهالذي لا يرد دعاء مظلوم

سلاااااااااااااااااام

walaa said...

شكرا ليك على هذا البوست
العفو عند المقدره
انا معاكى مش لازم لما ننظلم من انسان نحاول ناخد بحقنا منه نسيبه لله عز وجل نشهد ربنا عليه مش قله حيله ولا ضعف وانكسار منا لا
بس زى ما قلتى الحياه لا تستاهل ان نضيع وقتنا مع انسان لايستحق حتى التفكييير فيه
تحياتى ولاء

http://kasperb4.blogspot.com/ said...

بتحصل فعلا
وما اصعب الشعور ده على قلب الانسان المخلص اللي مش بيعرفه يكره بس الظروف ومعاملة اللي ادامه بتجبره على كده

اللهم يا مؤلف بين الثلج والنار ألف بين قلوب المؤمنين

klmat said...

عزيزتى هبه
فعلا الكراهيه والانتقام مشاعر
سلبيه بتأذى صاحبها اكتر
مافيش اجمل من التسامح مع الحذر
والبعد عن الشخصيات اللى بطبيعتها
تميل للأيذاء نسامحها مع البعد عنها
مواضيعك كلها جميله جدا
تحياتى وسلامى

3abdo me7tas said...

مين طفا النور
ايه الحاجات اللى بتحصل دى يا ست هبه
أنا قلت أوبا الست هبه عملت الحاجات دى ازاى
بس قلت الحمد الله انها نصيحة لا اكتر
الحمد الله
بس ساعات بحس الإحساس ده وبعدين بحس انى غبى اوى اوى بجد بس ربنا يسامحك الجميع بقى
سلاموز

Omar... [ خروشات ] said...

..................



احيانا وسط التفاعل مع الانفعال بما حدث لنا، نفكر بشكل فطرى سريع فى رد الانتقام او نتخيل اننا سوف نستمتع كثيرا عندما نرى من جرحنا او ظلمنا او أذانا.... سوف نستمتع بأن نراه يتذوق نفس الكأس


ثم؟

عندما تسعيد الامور اماكنها الطبيعية و تأنس الى ما يناسبها من فعل

و تعود النفس على الطبيعة الخيرة التى فطر الله سبحانه و تعالى الناس عليها

عندها فقط، تختلف الرؤى و الافكار و من ثم، يختلف القرار ن وتهدىء النفس التى روعها اذى الاخرين

ننظر وراءنا فى تأمل ولا ننظر فى غضب، و نشعر بالسمو النبيل عندما نتعالى عن صغائر الاخرين، و ننظر امامنا بشوق و فرحة وليس فى تعجل لشىء قد يأتى و قد لا يأتى

- اول رئيس لامريكا يا سيدتى، يظل يرود نفسه لمدة ست سنوات... يرودها على كيفية كيف السمو على صغائر الامور و تفاهات الاخرين



باختصار؟
من يعرف رذيلة الضغينة و الكراهية، من يجد فى نفسه المقدرة على الفعل فعلا؟ وقتها فقط يا سيدتى ينحسر عن ثوب الادمية و الانسانية و يعود على غريزة الغاب


.....

لم افزع فى بدية التدوينة لكن و لله الحق؟ ظننت ان شخص اخر سرق المدونة و يكتب بدلا منك، و لم اتأكد من هويتك الا مع اخر سطور التدوينة

نقطة تحسب لك، و متعة توقع تحسب لنا
....................
أطلت عليكى وكتبت تعليقى بلغة عربية رصينة كى لا ازلف الى العامية و تفسد متعتى بكتابة تعليق رصين بشكل استثنائى

الساعه كام دلوقتى؟.......... عايز اروح

عمر،


..

Unknown said...

انا كان في حد بكرهني قوي كدا ووالله معملتهوش حاجة مجرد حقد وانتهينا ممكن نقول كذا حد
واذوني كتيرررررررررر متعديش
وكنت بضايق جدا بس كنت بقول حسبي الله ونعم الوكيل وفي ربنا مطلع علي كل شئ ومش هضيع علي نفسي انتقام ربنا منهم لانة اقوي واشد من اي انتقام ومع ذالك لما بشوفهم صدفة مش بقدر غير اني ابتسم في وشهم ولو سلمو عليا ارد السلام ومش بقدر اخطط ولا ادبر لهم وبسيب المنتقم الجبار ياخدلي حقي لاني مهما عملت هتحول وابقي زيهم كدا بكره نفسي والدنيا والناس والحياة
اسلوبك حلو يادوبا وفعلا تصرفك سليم لاننا في حياتنا الدنيا ماهي الا محصل للاعمال وهنتحاسب علية في الاخر يبقي مفيش انسان يستاهل يناخد علية ذنوب احنا في غنا عنها
وكمان انا طمعانة ان ربنا يعفو عنة عن طريقي ويقولي مش هدخلة الجنة الا لما تسامحية
علشان اسامحة ويدخل الجنة مع اني في الدنيا مسمحاة بس بردة مش من قلبي قوي لان الناس دي جرحهم واذاهم كان قاصي اي حد سوري يعني اهبل ماكنش سكتلهم
يلا
سلامممم

خمسة فضفضة said...

السلام عليكم ورحمة الله وبركاته

مرات كتيره لما حد يظلمني بيجيلي الشعور ده

وفعلا باقعد انا والشيطان في جلسه مغلقه ، واقعد اقول انا هاسوي واعمل واتخيل بقي ايه اللي هايحصل للشخص ده وازاي هايدمر ويجيلي راكع ، وبعدين تخلص الجلسه المغلقه وماعملش اي حاجه بس باكون استريحت ونفست عن نفسي وانا قاعده اتخيل المصايب نازله ترف علي دماغ الشخص ده

بعد كده ارجع واقول حسبنا الله ونعم الوكيل
والمسامح كريم

Doaa Ebrahim Aaql said...

اكيد مرت عليا لحظات حسيت فيها بكده
خصوصا لما يبقى لسه الجرح جديد
من الشخص ده
لكن شعورى بالرغبة فى الانتقام
منه دايما بيطلع فى صورة احلام يقظة
عشان استريح نفسياً
ومأذيش حد

لدرجة انى كنت بشعر ساعات انى عندى انفصام
ازاى انتقم من شخص فى حلمى
وفى الواقع بسامحه

بس حتى لو انفصام

بستريح اوى لما بطلع اللى جوايا
حتى لو فى حلم
محدش يعرف عنه حاجة

.
.

ربنا يسعد الجميع
ومحدش يتجرح ابداً

0 said...

يابخت من قدر وعفى
اسلوبك حلو اوى فى الكتابة على فكرة
ياريت تزورى انتى كمان بلوجي وتقوليلي رأيك بصراحة يا دوبا
http://tayer-ya-hawa.blogspot.com

جهاد خالد said...

وما نار الانتقام إلا نار تأكل في القلب
وتلتهم أيام العمر
..

كلام ناضج
زادكِ الله من فضله

سندباد said...

ربنا يجزيكي خير ويجعله في ميزتم حسانتك بروست رائع
تحياتي

حسن ارابيسك said...

الحقيقة عندك حق في كل كلمة
وبالفعل حينما يتملك الشيطان من بني أدم أتخيل وقتها أن من هذا الشخص الذي يمشي على الأرض هو الشيطان ولكنه في صورة أدمية مثلما كنا نرى أحيانا بعض الأفلام الخيالية عندما تتقمص روح شريرة شخص ما وتتحرك من خلال جسده
تحياتي

كاميليا بهاء الدين said...

جامد اوي الكلام ده
مين يقدر يكره كده؟
وفين القلب اللى عنده القدرة على كده؟

قلبك جميل
ومسامح
يارب مش يعرف خالص ناس كده

مع كل الحب
يااجمل روح وانقى قلب

كاميليا

(احمد سكر ) said...

هرد بشىء بسيط كنت كاتبه
مجرد فضفضه

حين امر على تلك الكلمات

حين امر من هذه الجنبات

ارى انها بضع كلمات

لوقت مضى وفاااات

فيا ليت نشعر بصدق تلك التعبيرات

انت
انت

انت يا من عشقتك حتى الثماله

انت
انت

انت يا من قلت لك احبك

انت يا من هويتك وعشقتك

انت يا من فى لحظه بعت قلبك

لن اخجل حين اقولها نعم عشقتك

وتمنيت قربك وودك

مثلما ملات قلبى بحبك

مثلما اتمنى الان نساينك وكرهك

وحدك انت هزمتنى

وحدك انت اذللتنى

وحدك انت بعتنى

وحدك انت دمرتنى

ولكن هيهات حبى ان اضيع

هيهات قلبى ان ادمر

هيهات عشقى ان اذل

فقد مضى وقت البكاااء

وحان وقت الرحيل

الرحيل الذى اخترته

الرحيل الذى تهواه وتعشقه

فلست وحدى غادرت دنياه

قبلى ايضا انت غادرتهم

وتركتهم يعانون قربك وودك وحبك

لا لن ابكى لانى ما تعلمت من ممن سبقونى

لن ابكى انى الدرس كان امامى ولم اعييه وافهمه

ومرة اخرى

لا تظنى انك اخر المطاف

ولا تظنى انى ساظل ابكى

ولا تظنى انى سانظر مرة اخرى خلفى

انت اخترت ان تكون ماضى

انت اخترت ان تكون ذكرى

انت بيديك اخترت الطريق

وانت ايضا اخترت الرفيق

واعدك انى لن ابكى على الفراق

لقد مضى البكاء على الفراق

وانا سأبدا حياتى من جديد

فلن يشغل بالى فراقك

ولن يلتتفت قلبى لرحيلك

فانا لا ابكى على اناس الغدر طبعهم

لا ابكى على بشر بسهولة باعونا

وصدقنى لقد مضى وقت البكاااء





وعذرا على اطالتى عليكى
تقبلى مرورى
احمد

Anonymous said...

كتيير بحس انى سلبيه لما انسى الاساءة
لان فى وقتنا ده دلوقتى المؤدب المحترم الى بيسامح بيبقى عبيط وسهل استغلاله
بس محدش يعرف انه اقوى بكتييير منهم ومن اسائتهم لان ربنا معاه

بجد ربنا يكرمك يا جميله على الكلام الحلو ده
سلامى يا قمر
:))

مروة الزارع said...

كل ما اخش مدونة الاقىم بيهتفوا دوبة دوبة

اخش سيرش الاقيهم بيقولوا دوبة

امشى فى الشارع الاقى مظاهرات دوبة دوبة

افتح التليفزيون الاقى بنحب دوبا

قولت اخش اشوف اية الحكاية بقى

والظاهر انا كمان هقول دوبة دوبة

طلعتى عسل فعلا

اسفة على اكتشافى ليكى متأخر كدة

تحياتى الجامدة اوى

:))

الراقـــص مع الذئـــــاب said...

السلام عليكم

مش هخبي عليكي يا ام يسوف
كتير اوي انا بحس بكدا...بس احساسي بيكون افظع
يعني ببقي عاوز انتقم بأيدي....أثأر يعني

بس في الاخر التسامح اجمل واسمي من كل مشاعر البغضاء والانتقام

بس للأسف...بقي قليل جدا بينا


اللهم ارزقنا حسن الخلق


جزاكي الله خيرا علي هذه المعالجة الجميلة يا ام يوسف

ودمتي في خير

صوت من مصر said...

الكلام جميل كلام منطقى بس عايز تركيز

عابد الرحمن said...

مقال جميل بجد
جزاكي الله الجنة عليه
انا اوات في ناس بتجبرك انك تكرههم
لدرجة التشفي
بس المشكلة ان اول ما يصيبه مصيبه انت اللي بتحزن عليه وتحس انك انت السبب
شكرا يا دوبة

البِـئرُ والظمّأْ said...

الواحد اتاذى من ناس كتير قوي
بس عمره ما يقدر يوصل للمرحله دي من الكره و البغض





بس في بعض الاحيان
يفتكر تصرفاتهم مثلا
وبيبقتا مش قادر يسامحهم


قلب المواجع البوست يا هوبه
صحيح انا بقالي كتير مش بجبلك بس عشان ظروف النت
والحمد لله قدرت اجيلك لما النت رجع
لقيتك حاطه كزا بوست
منهم بوست اللغز
تقريبا كنت حليته
ف عايزة اعرف بقا ايه اللي صح
تحياتي يا قمر
و سلامي ل اوفس



زيزي

Rosa said...

ما أجمل أن تعفو وتسامح وتغفر ولتترك الله يأخذ من هذا الشخص ما آذاك به ولتأخذ ثواب العافيين عن الناس ولتعلم جيداً بأن الله يمهل ولا يهمل وأن الله لا يضيع أجر من أحسن عملاً وكله بثوابه فى الآخر
-----------
بوست في الجون يا دوبه
(تأثرا بكاس أفريقيا)
بس بجد تسلم ايدك بوست اكتر من رائع

3ala asm masr said...

فى واحد بكره اوى بجد وبدعى عليه ربنا ينتقم منه
كان نفسى انتقم منه واشوفه وهو بيتعذب بس معرفتش اعمل ايه عشان انتقم منه
فوت الامر فيه لله هو ياخدلى حقى منه
وبامانه مستنيه اشوفه وهو متعذب

قلبى اسود اوى صح؟؟؟

Anonymous said...

وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا (63) وَالَّذِينَ يَبِيتُونَ لِرَبِّهِمْ سُجَّدًا وَقِيَامًا (64) وَالَّذِينَ يَقُولُونَ رَبَّنَا اصْرِفْ عَنَّا عَذَابَ جَهَنَّمَ إِنَّ عَذَابَهَا كَانَ غَرَامًا (65) إِنَّهَا سَاءَتْ مُسْتَقَرًّا وَمُقَامًا (66) وَالَّذِينَ إِذَا أَنْفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَامًا (67)
أختى الكريمة لم أجد سوى كلام الله للتعبير عن ما أردت كتابته تعليقا على هذا البوست
أخيك أبو خالد

Yahia said...

انا مش هرغي كتتتتتير في الموضوع ده عشان اتكلمنا فيه بره بس برده حبيت اتواجد هنا

تحياتي

shahy said...

استاذ يحيى


لأ ارغي احنا عاوزين نسمع رأيك
اتفضل اتكلم براحتك وكلنا اذان صاغية

تحياتي

شقاوة شعب said...

البوست ده معمول صح قوى
بجد ما شاء الله
تدرجتى بينا من مشارع الكراهية قوى
حسبتك فى الاول بتشجعينا على ان تلذذ بمشاعر الكراهية
وفجأة كسرتيها جوانا

الواحد بيكون اقوى لما بيرفض فكرة الانتقام


تحياتى
شيماء بشرى

عروسة ننوسة said...

كلامك رائع بجد

son's egypt said...

السلام عليكم
الانتقام دايما لا يجدي بشئ
ولكن علشان اجيب حقي في طرق غير الانتقام واني اقعد متلذذ بالانتقام

لـــى لــــىِ said...

يالهوى

هو فيه قلوب كده؟

كره ايه وتلذذ بالاذى ايه

احنا ماشيين فى الدنيا مش عارفين لحد امتى
يعنى لازم القلوب تبقى صافيه

ربنا يبعد عننا النوع ده من البشر

الحمد لله
كل القلوب اللىحوالينا حلوه ونقية
كلها حب وود
وانتى منهم

سلاماتى
لى لى

فرنسا هانم said...

ربنا يجعلنا من العافين عن الناس
الانتقام عريزه فى كل البشر
ولكن تتفاوت من شخص الى اخر
والانتقام مولده الغضب
فمن يكظم غيظه
لاتقوى غريزه الانتقام بداخله

وانا عفيت خلاص عن ام دبوه
وعفيت عنكى بعد اصابه نصف سكان السويس بالكهرباء اللى كنتى موصلاها فى التلاجه علشان النسكافيه
تحياتى
وتقديرى
لكى
سلام يا هبه
اه
نسيت حاجه
وحشااااااااانى
جدا

Abd-Alrahman said...

والله بجد اول مرة اقرا كلام زي دة
بجد فكرة البوست غريبة

بس كلامك زي العسل
ربنا معاكي

عبدالرحمن

Omar... [ خروشات ] said...

اللهم اجعله خير

فينك يا هبة من اسبوع مختفية

يارب المانع خير ، قلقتينا عليكى

رئيس جمهوريه نفسى said...

بسم الله الرحمن الرحيم فمن عفا واصفح فاجره على الله
صدق الله العظيم

فرنسا هانم said...

لالالالالالالالالا
الظاهر اننا لازم نعلمك بحاجه دراعك
علشان كل ماتتاخرى ندور عليكى نلاقيكى
يا ستى طمنينا عليكى
احنا بنحبك

نفرتيتي said...

دوبا
وحشاني ايه كميه الكره اللي انت ذكراها في البوست ده امني انكي تزوريني بشان الموضوع انا كتبته في بوست ومستنية ردك
نفرتيتي

Anonymous said...

على رأى أختى فرنسا هانم أنتى فين يا أم يوسف دايما غايبة عسى أن يكون المانع عن التواصل خير.أبوخالد

القلم السكندري said...

هي دعوة ربما للمثالية

جزاكم الله خيرا

همسات دافئه said...

اسلوبك تحفه
دا اولا
ثانيا انا معاكى جدا الى مش بيسامح ده بيئذى نفسه مش الى عايز ينتقم منه
أحييكى بجد
شيماء

سكون الليل said...

السلام عليكم
انا الحمد لله عمرى ما يوصل بيا الحال انى اكره حد بالاسلوب اللى انتى بتتكلمى عنه بس لما بكون مظلومه بفتكر ربنا وبدعيه انه هو اللى ياخد ليا حقى لانى مش هعرف اخد حقى والحمد لله ربنا بيردى حقى لان ربنا عالم بعبادة
يا رب يبعد عنك الظلم والكره وتفضلى متفأله على طول

Unknown said...

السلام عليكم أم يوسف
ربنا بيقول
خذ العفو
وأمر بالعرف
وأعرض عن الجاهلين

العفو حلو يا ام يوسف
جيت أسلم بسرعة
أحمد

د/اجدع بنوته said...

ويتنج نيوو بوست

يارب تكونى بخير انتى ويوسف

raspoutine said...

الكره الحب الحياة الموت
بدون الكره لن يكون للحب قيمة
والموت هو ما يعطى للحياة قيمتها


تحياتى لاسلوبك

عبد الرحمن مدني said...

من كان يؤمن بالله و اليوم الاخر فليزور مدونه
اخوان ستايل ويفرج عن كرب اخوكم المسلم

Ehab said...

واخيرا وبعد طول انتظار

كتاب يوميات اتنين مخطوبين نزل يا رجاله في المكتبات والمحلات

متوافر بمكتبة عمر بوك ستور
مكتبة مدبولى
الديوان بالزمالك
مكتبة ساقية الصاوى

وكمان حفل توقيع في: عمر بوك ستور
15 شارع طلعت حرب فوق مطعم فلفله ( عند محطة مترو السادات
من الساعه 6 مساء الى الساعه 9 مساء
وذلك يوم الجمعه الموافق 22 فبراير 2008


وقناة OTV هتيجي تصور حفل توقيع الكتاب
والدعوه عامه وهنبقى لمه
تعالوا شرفونا واحضروا معانا اللحظه دي
كلكم مدعوين

Unknown said...

ربما لسنا نعيش في العالم المثالي
حيث كل الناس يحبون بعضهم البعض
والكل مخلص وامين ووفي تجاه الاخر
لكن يبقى الكره صفه حقيقي صعبه
الكره لا ينتهي
ليس له مدة صلاحيه
انه كالمتوالية الهندسيه
ما يلبث ان يزيد
وكلما مر الوقت كلما اصبح اكبر واعقد
ولا يمكن الرجع للوراء فيه ابدا
انه منحدر ما ان وطاته قدماك حتى تجد نفسك مندفعا بقوة ليس لها نهاية

ربنا يحمينا منه جميعا
خالص تحياتي

محمد العدوي said...

شكرا لك .

simple girl.. ..simple dream said...

كان غى حديث مش فاكرة نصة كان بيقول
يدخل الجنة كل من نام وقلبه ليس به حقد لاحد
ياريت نفهم دينا صح ونتمسك بيه
عشان الدنيا تكون احلى

سلوى said...

أؤيدك جدا جدا

أنا عن نفسي
ومن زمان أوى

مش بكره ولا حاجه
كل اللي بعمله إني ببعد إلى أبعد مدى
وكأن هذا الشخص لم يكن

فأنا أتوافق مع مقوله
معاتبه الندل إجتنابه

بوستك جميل جدا
تحياااااااااتي

صالح سعيد said...

ايه الجمال ده
بصراحه اسلوبك حلو
ربنا يزيدك ويوفقك
اما عن التسامح فهو لغة الاقوياء
واؤيدك فى كل كلمة فى بوستك الجميل

Anonymous said...

أختى دوبا
سيدتى الفاضلة / تحياتى و أحترامى و استئذنك فى كتابة تلك الكلمات البسيطة للرقيقة /زهرة الكاميليا فلقد أغلقت مدونتها و أنا حزين للغاية من هذا التصرف و أعتبره قرار جائر منها فهى ابنة عزيزة و كنت أطمئن عليها من خلال كلماتها الرقيقة
عودى يا زهرة الكاميليا من أجل القدس و غزة عودى من أجل فلسطين ،ومن أجل سيدنا محمد صلى الله عليه و سلم و من أجل كل معنى جميل أو خاطرة صادفتك فى مدونتك الغالية عودى من أجل أصدقائك و أحبائك ..أبو خالد

Anonymous said...

السلام عليكم ورحمة الله وبركاته

اختى فى الله هبه وانه اسم عزيز على قلبى

الكره والبغض صفه فيمن له قلب اسود ولكن احيانا من كثرة الظلم الذى يقع علينا ومن شدة هذا الظلم يتمنى الانسان ان يثائر لنفسه ولكن هناك احيانا جزء من الخير بداخلهينهاه عن الانتقام
اما عن نفسى
فعندما اشعر بالظلم من احد
اتوجه الى السميع العليم وادعوه
حسبى الله ونعم الوكيل انت المنتقم الجبار يا رب فوضت الامر اليك يا صاحب الامر
لله الامر من قبل ومن بعد
وعندها يتملكنى يقين ان ربى لن يخذلنى وسياخذ لى حقى
ومن كان امره الى الله فلا يحزن
تحياتى لك كثيرا
اصبتى بيت القصيد

Doba said...

Koko

والله هو على حسب الموقف يعنى لو ينفع انك تسيبى الموقف وتستعوضى امرك لله فيبقى فضله أفضل

العافيين عن الناس يا اختاه
نورتينى
===========
لماضة

دايما الصفة البشرية فيها نقاط ضعف وحاجات سيئة بيدخله منها الشطان ويلعب براحته

الحمد لله على النعمة دى وربنا يديمها علينا ونفتكرها دايما

تحياتى
============
shahy

انا الحمد لله لسه بكامل قوايا العقلية ومعنديش تلك المهارة فى أذية البشر ولو كانت عندى صدقينى مكنتش اقدر استخدمها برده

عبيطة انا وخايبة
طالعالك
وش مطلع لسانه

نورتينى يا بطة
========
mermaid

نورتينى واسعدتينى ويارب دايما مشرقة وسعيدة وتعفى وتغفرى من قلبك

تحياتى
=========
شيرين

شوشو

والله وحشتينى
والواد يوسف عمال يقول فين البت ام كاميرا - يلا تعالى نورينا بقى

التسامح مفيش احلى منه بس عاوز ارادة قوية

تحياتى
=========
a.samir

بس القصاص بيكون فى حالات محددة ولكن لو حد أذى مشاعرك ومينفعشى تقتص منه يبقى تفكر تقتص ولا تعفى وتسامح

نورتنى يا افندم
تحياتى
============
soooo

ايوة انا اتسرقت وهنتقم شر انتقام
عوووووووووووووو

الله يخليك والله
وانت برده من الاخوة الغاليين
ربنا يبارك فيك
وطمنى على والدك

تحياتى
=========
الطائر الحزين

انك تأذى حد ده شىء سهل قوى لكن انك تعفى وتسامح ده صعب بس المهم الارادة

تحياتى
========
عصفور المدينة

انا بشعر ان الانتقام ده حاجة بشعة ومقززة بس يمكن لان الواحد متحطش فى موقف بشع للدرجة دى

نورتنى يا افندم
تحياتى
========
بت خيخة وأى كلام

انا زى الفل يا باشا الحمد لله
انا اديت التمام اهو

بس انتى ازيك
بوسيلى شريف
وخليكى خيخة كده احلى

نورتينى
=========
raheel

بالظبط
المشاعر بتأذى وبتدمر صاحبها لما تكون سيئة ومدمرة

ربنا يبارك فيكى
تحياتى
=========
mohand

تقدر تقولى لما بتنتقم هل حقيقى بتكون مبسوط ومرتاح ولا بتضايق بعديها؟؟

شكلك برج العقرب يا مهند ماللى بيرد القلم ابقى قولى انت برج ايه؟

نورتنى يا افندم
تحياتى
========
ناس هتحسن بلدها

حضرتك انا حطيت الايميل وضيفته بس محدش عبرنى ابقى ابعتيلى ايميل اعرف ايه النظام

تحياتى
========
احمد سلامة

على فكرة فيلم سوو ده جامد جد ا وانا عمرى متابعت فيلم اد متابعت الفيلم ده ومش عارفة ليه بس انا مع الراجل اللى بيعذب الناس علشان تقدر حياتها بس طبعا مش بالشكل الدموى ده للنهاية

المهم الموسيقى فى الجزء التانى كانت ايه
نورتنى
تحياتى
=========
noony

وربنا يبارك فيكى ويحققلك كل اللى تتمنية - نورتينى

تحياتى
=========
نفرتيتى

انا جيتلك وقريت واستنيتك ومفيش صباح ولا مسا

وعموما اتمنى تطمنينى عليكى
فاهمة يا استاذة

تحياتى
=========
الشنكوتى الكبير

انا فعلا بخاف قوى من الكلمة دى بتاعت حسبى الله ونعم الوكيل وكأنك اترجيت ربنا انه ياخدلك حقك وكده كده هيتاخد وبحسه هيبقى عقاب قاسى قوى للشخص ده

ربك كريم قوى ولازم نتعلم من كرمه
ونسامح ونغفر

تحياتى
==========
walaa

ونضيع ليه وقت فى نكد وقرف فى حين اننا ممكن نقضيه فرحانيين ومبسوطين واللى قدامنها هو اللى هيطق وهيتغاظ لما يلاقى انه مش على بالنا اصلا

نورتينى يا قطة
=========
آلام وآمال

بيعجبنى جدا اسمك
بيجمع ما بين نقيضين
الم متعب مميت
وامل جميل منور

يارب دايما تكون الامال احسن واكتر وارحم من الآلام

تحياتى
============
klmat

التسامح مع الحذر
تصدقى نفسى اتعلمها
لانى بسامح بس بتلسع تانى
يمكن غباء
يمكن طيبة

مش عارف
بس المهم انى مبسوطة

نورتينى واسعدتينى
تحياتى
=========
عبده محتاس

عادى يا محمد مجرد افكار بتيجى لشخص من آن لآخر ويحاول يقاومها واوقات يستمتع بيها

تحياتى

Doba said...

خروشات عمر

بيعجبنى جداتنظيمك لافكارك وقدرتك على التفسير المنظم للموقف او الموضوع المطروح حتى لو بسيط

بحترم دماغك وتفكيرك
وطريقتك فى الحديث

نورتنى وسلامى للأسرة
===
على فكرة احنا بنشتغل فى مجال الورق برده وعلشان كده مديرى كان فى المعرض
===
بالتوفيق دائما يا افندم
اللغة العربية حلوة جدا ومعبرة للغاية
==============
my hopes

جميلة طريقة تفكيرك ولكننى استسمحك فى ان تبثيها وتشاركيها للآخرين حتى يتعلموا ان يتحكمو فى المشاعر السيئة

ربك كريم ويمهل ولا يهمل
تحياتى
===========
خمسة فضفضة

اعتقد اللى ذكرتيه نوع برده من التفكير السوى لانك طلعتى الشحنات السيئة والسلبية فى افكار ولكنك اكتفيت بها كأفكار وعيشتى حياتك بطبيعية مرة اخرى

دمتى بكل الخير
=========
princess dodo

اهلا بعبقرية الكلمات
الموضوع مش انفصام بقدر ما هو تأرجح بين كفتى الخير والشر داخل العقل الانسانى ولكنك طالما آثرتى الخير فكفته أثقل وأنقى

تحياتى
==========
tayer_ya_hawa

اهلا بالضيفة الجديدة لمدونتى المتواضعة
وهاجى ازور واهنى وهقول رأيى بصراحة وهقطعك

وش بيضحك

نورتينى
===========
النجمة الصامدة

كلماتك جميلة قوى والمشاعر السلبية بحق تقتل كل ما هو جميل

لكى تحياتى وامنياتى بكل الخير
نورتينى
==========
sendbad

بقيت بتغيب كتير ونعتب على شغلك طبعا ربنا يكون فى العون

اشكرك على وجودك ودعوتك الكريمة
نورتينى
==========
حسن أرابيسك

جميل قوى تشبيهك بالروح الشريرة اللى بتملك الانسان وبتسيطر على انفعالاته السيئة

نورتنى واتمنى لك كل الخير والود
تحياتى
=========
كاميليا

انا زعلانة منك قوى وبجد مش قادرة ارد على تعليقك

سامحينى
ووحشتينى
========
سكر

جميلة فضفضاتك وجميل تعليقك
وكلماتك احلى منهم
نورتنى يا سكر زيادة

تحياتى
========
shayma

مش لازم الامور تاخد الانسان لدرجة البلاهة والعبط سهل انك توقفى اللى قدامك عند حده لكن متأذيهوش فده بيحتاج لمنتهى القوة

نورتينى
تحياتى
=========
مروة الزارع

اشكرك لكلماتك الجميلة اللتى اسعدتنى كثيرا كثيرا واضحكتنى اكثر

ربنا يبارك فيكى فالكل يشكر فى سلاطتك الجميلة وانا هاجى اخد شوية

تحياتى
=========
الراقص مع الذئاب

محمد افندى
اهلا وسهلا

تصدق انا مكنتش مستنية تعليقك لان دماغك زى الفل وعاجبنى تفكيرك جدا

ربنا يبارك فيك
تحياتى
===========
صوت من مصر

ركز ومعمق التفكير وتعالى
نورتنى واسعدتنى
تحياتى
=========
عابد الرحمن

هو ممكن قلبك يقلب على حد ومينفعشى يدخله تانى لكن انا بتكلم ان الواحد ينتقم فدى صفة بشعة

نورتنى يا افندم
تحياتى
=======
mekness

زيزى الكميلة
اوعى تخلى حاجة ترجعك خطوة للخلف مهما كانت سيئة

دايما بصى لقدام ونورى طريقك وسمى بسم الله

تحياتى
==========
rosa

اشكرك يا احلى وردة على تعليقك وكلامك الجميل

نورتينى
تحياتى
========
ala asm masr

بما انك عارفة ان قلبك اسود يبقى اختارى العفو والسماح والمغفرة وفوضى امرك لله

تحياتى
=========
ابو خالد

الآية اللى ذكرتها من اجمل ما تكون
لك تقديرى واحترامى

تحياتى
=========
yahia

كان نفسى تكتب رأيك لنستفيد منه جميعا ولككن كما تشاء

نورتنى واسعدتنى
تحياتى
========
shahy

اهلا بيكون والله
الناقة هتبتدى اهى
احوش انا عن مين ولا مين

يلا انا هسيبكم تصتفو وامشى
سلاموز

Doba said...

شقاوة شعب

حلو قوى الاسم
الشعب بيتشاقى

نورتينى يا مشمشة بتعليقك والله
تحياتى
===========
gannah

مبروك مدونتك ومشكرين عالكلمتين الحلوين دول

تحياتى
==========
son's Egypt

مقولتلناش ليه بقى الطرق دى وازاى ننفذها ليه
مش تشاركنا فيها بقى

عموما مشكرين على وجودك وتعليقك

نورتنا يا افندم
تحياتى
=============
لى لى

انا مش فاهمة انتى كمان قفلتى مدونتك ليه - يعنى الواحد مصدق يلاقى ناس محترمة ودماغهم كويسة جدا تقومو تمشو كده

الله يسامحكم
تحياتى
===========
فرنسا هانم

فرنسيتى
العسل
ام قلب دهب
وعقل الماظ
الا انتى برج ايه يا بت يا فرنسا علشان احللك وافحصك وامحصك

انطقى بدل ماجيب السلك
نورتينى يا قطة
==========
abd-alrahman & Nour

اشكرك يا عبد الرحمن على تعليقك الجميل
والله انا معرف انا كتبته ازاى بس هو مشاعر ملخبطة وبتطلع كده

الا هيه مين نور
ها
مين

تحياتى
===========
خروشات عمر

انا هنا يا سيدى ولكننى كنت أمر بفترة مرهقة مع العمل

اشكرك لسؤالك وزيارتى التى تسعدنى دائما

تحياتى لك ولاسرتك الغالية
============
رئيس جمهورية نفسى

العفو والتسامح ما احلاه واجمله
نورتنى يا سيادة الريس

تحياتى
==========
فرنسا هانم

فعلا انا محتاجة اى علامة او بطحة فى وشى علشان تجيبونى بسرعة

والله وانا كمان بحبكم جدا وبفتقدكم جدا ولكن الشغل وما باليد حيلة

الا ممكن ميدو يجيبلى عيش معاكى؟؟
وش بيضحك

تحياتى
==============
نفرتيتى

نقول كمان
انا زورتك وملقيتشى اى رد
فى انتظار ردود

تحياتى
========
ابو خالد

اشكرك سيدى على سؤالك المستمر على من تعتز بهم وانت احد من اعتز بهم بوجودهم داخل مدونتى المتواضعة
دمت بكل خير
========
القلم السكندرى

يمكن اكون بحاول اطالب بالمثالية ولككنا نعمل جميعا اننا لن نصل اليها ولكن يكفينا شرف المحاولة

تحياتى
=========
همسات دافئة

جميل تعليقك قوى يا شيمو واسعدنى كتير ولو سمحتى متغيبيش عننا كتير كده

تحياتى
===========
سكون الليل

بس حضرتك عندك دعوة لما بتقوليها بتخلى اللى قدامك يدخل فى الحيطة ولا انا غلطانة يا هانم

نورتى عالم التدوين ويسعدنى وجودك دايما
اشكرك وتحياتى
==========
يوميات عيل مصرى

سعدت كثيرا بكلماتك
سعدت اكثر برؤية صورتك
وسعدت كثيرا كثيرا بزيارتك الكريمة

دمت بكل خير
دمت بكل ود

انت وكل عائلتك
خالص سلامى وتحياتى
============
د/اجدع بنوتة

انا الحمد لله بخير
والنيو بوست نزل

نورتينى
==========
raspoutine

اسمك عاجبنى قوى ومن زمان وكل لما اجيليك امشى من غير معلق

قلت كلمتين فيهم الفايدة وبيكملو بعض
اشكرك لمرورك ولتعليقك الكريم

تحياتى
==========
عبد الرحمن مدنى

مشكرين عالدعوة يا افندم بس بلاش تهريج بالاحاديث
==========
الشنكوتى الكبير

الف مليون مبروك لهبة ويارب يبارك فيها ويديها على قد نيتها وقلبها الابيض

نورتنى واسعدتنى
تحياتى
============
دمعاتى

لكن لابد من قوة رادعة لمنع الزيادة وكبر المآساة لازم حبة خير علشان الدنيا تمشى بتعادل

نورتنى واسعدتنى بتعليقك
تحياتى
==========
محمد العدوى

العفو يا افندم
بس على ايه
البوست
ولا المدونة
ولا انت بتسلم وخلاص

نورتنى
==========
simple girl....simple dream

تفتكرى ممكن الواحد ينام من غير حقد او كره - يبقى ما احلاها نومه وراحة ضمير

نورتينى يا احلى جيرل
تحياتى
==============
salwa

حلو قوى معاتبه الندل إجتنابه دى
ما احلاكى واعقلك وربنا يبارك فيكى

اشكرك لمرورك ولتعليقك
تحياتى
============
صالح سعيد

التسامح بالفعل هو لغة الأقوياء
اشكرك لتعليقك الجميل ولمرورك

تحياتى
==========
أبو خالد

اذا ما كنت زعلت على غلق كاميليا مدونتها فقد آلمنى كثيرا قرارها بعدم الحديث معى واختيارها البعد عن الجميع بالرغم من حبهم لها فلقد ضحت بالكثيرين مقابل ان تبقى بوحدتها بعيدا عنا

لا يسعنا الا ان نبثها حبنا وان نبلغها مدى سعادتنا اذا تراجعت عن قرارها وقررت البقاء

تحياتى
==========
أم الأبناء

اشكرك لوجودك بين سطورى
جميل جدا دعائك واتمنى ان تشاركيه للآخرين

وبالفعل

لله الأمر من قبل ومن بعد
لكى كل تحياتى وتقديرى
وتحياتى للأسرة
وللغالية ابنتك
هبة