Monday, February 25, 2008

هل أنت حقاً صديقى؟؟

تحديث
حبيبتى ولما اقول حبيبتى فده لانك حقيقى عارفة مقدار غلاوتك عندى عارفة انك بقراءتك لمدونتك من البداية وانك تمرى بلحظات الألم كلها من جديد وتسيبى نفسك للدموع والآهات مش بالساهل ده نوع من القهر النفسى الغير مستحب والغير محتمل كمان انا البوست اللى كتبته كتبته وانا متضايقة جدا لما قريت أنا آسفة وانك هتقفلى كل مرحلة سابقى لتبدأى بداية جديدة ولما رجعت للتحديث عرفت انك بتمرى بمرحلة ابشع يعنى بداية الله اعلم هتوديكى لفينخليتى افكارى واحاسيسى متناقضة للغايةمنهم خوف على اشتياق على قسوة على رعب على ان بنتى وحبيبتى الصغيرة فى مشاعرها وقلبها تعبانة ومجروحة مينفعشى لما تبقى تعبانة كده تقولى لا انا هسيب اصحابى وهمشى او اسيب احبابى وهمشىانا النهاردة دموعى نزلت كتير على كلمة حلوة قالوها ليكى من حبهم وشوقهم وتعاستهم لقرار بعدك عنهم وبصيت لنفسى لقيتنى متدمرة اضعاف لانى اعرفك عن قرب وبقيت جزء كبير منهاقسوة الكلام اللى اتكتب مكنتش ليكى كانت لناس كتير قرروا انهم يتعبونى انتى بس كان ليكى الجزء الأوللما سافرتى وقررتى انك تجيبى مشاعرك وتقعدى وسطينا ونحتضنك بدفء مشاعرنا احنا كمان اعتقد ان كلنا كنا فى منتهى السعادةمش قادرة اوصفلك قد ايه قلبى واجعنى عليكى لانى نفسى اتطمن انتى فيكى ايه وانى اكون معاكى لغاية لما تقفى على رجلك صح انتى غالية قوى يا كاميليا بجد غالية قوى وانتى عارفة كده كويس ودموعك غالية بكتير قووووووى اوعى تبعدى وتسيبى كل الناس اللى بتحبك دى وحتى لو الدنيا كلها قفلت ابوابها قدامك اعرفى ان مدام فيه كل الناس اللى بتعشقك دى وبتتمنى انك تكونى بخير يبقى متشيليش هم للدنيا ابدافى انتظارك دائما يا بنيتى الغاليةفى انتظار رجوعك وهدنتكفى انتظار هدوء روعتكفى انتظار بثك لنا اشعارك المرهقة والسعيدة فى آن واحدلكى منى كل الحب والشوق والخير
==
فى يوم من الأيام وانا بتصفح فى المدونات كالعادة لقيت مدونة غاية فى الروعة واللى بتكتب فيها دماغها جبارة وبتكتب كلمات معبرة للغاية وبتمس القلب جدا واعتقد انكم معايا لان معظمكم أصدقاءها وكل منكم كان له تأثير بشكل مباشر او غير مباشر عليها
زهرة الكاميليا
قريتلها شويتين وقربت منها كتير وابتدينا نتكلم فى حوارات مختلفة بشكل مباشر ولان قلبى كالمعتاد هو اللى بيتحكم فيا فملكت هى منه الكتير وبالفعل حسيتها بنتى واختى وصديقتى وبحسها حاجة غالية قوى عندى لنقاء روحها وبراءة نفسها وطهارة أخلاقها
واليوم أخدت قرارها بقفل مدونتها وبعثت لى ايميل تقول فيه أنا آسفة
بس نفسى اعرف على ايه
على انها ضحت بكيانها وبمستقبلها
ولا انها اخدت قرار بعدم الدخول فى حوارات معايا تانى
ولا انها هتبتدى بداية جديدة
ربنا العالم كان دعواتى ليها قد ايه علشان تبدأها صح
كلمة ليكى يا كاميليا
ياللى لمستى عندى كتير من الاوتار وخلتينى احبك قوى قوى ربنا يوفقك ويهديكى ويرفق بقلبك وعقلك وليكى كل أمنياتى بكل التوفيق
ولكن
احب فقط ان اقولك انك جرحتينى بغير قصد لانى ببساطة حسيت انك صديقتى الغالية وبنت جميلة رقيقة وشقية كانت فى حياتى واخدت قرارها بإنها تبعد بعيد
عذرا
ولكنك تعبتى قلبى قوى ووجعتينى قوى قوى بس مش هقدر اتمنالك غير كل الخير كعادتى مع أصدقائى ================
صديقك
==
من الصعب بل من المستحيل فى الوقت الحالى اننا نجد أصدقاء كثيرا ما نشعر معهم بالأمان ولا نخاف على أنفسنا منهم من غدر الزمان أو جرح بدون قصد، فإذا كنت حقاً صديق وودت من داخلك أن تبادل الشخص الآخر الصداقة وجدت فيه ما يتوافق مع شخصيتك ببناء علاقة ناجحة فلم فى لحظة ضعف أو ضيق أو لحظة عبث بها الشيطان بعقلك أن تخول لنفسك الحق فى أن تؤذى من كان لك فى نفسه حق العشرة والمودة والحب وتتكىء عليه ليشاركك أفراحك وأحزانك ويسعد بك وتحزن معك
==============
كثيرون يلومون على اننى عندما أحب أحدا أخلص له كثيراً على الرغم من عدم استحقاقه لهذا فى بعض الآحيان ولكنى أحيانا كثيرة أكون على صواب فى إختيار من يستحق صداقتى وعندما ينقلب بى الحال ويقوم من كان صديقى بفعل شىء مشين يسىء إلى ولمشاعرى على الرغم من معرفته الكاملة انه يؤذينى بتصرفه يتملكنى احساس بعدم الراحة والامان ولا أستطيع ان أصفى قلبى من غدره وسوء تصرفه
=========
أعلم ان الخطأ تابع لأنى شخص يتعامل مع الحياة بمشاعره ويؤثر بالسلب والإيجاب على كل تعاملاته وردود أفعاله ولكنها خلقتى وأحيانا أسعد بها وأوقات تضيق بى الحياة وفى المعتاد ألوم الآخرين لأنى لم أبدأ أبدا بالسوء معه وأرجع سوء تصرفه لنقص فى شخصيته أو عيب من سلوكياته
=========
هل أنا على صواب أم على خطأ
أفيدونى أفادكم الله
==
لا أستطيع أن أضع حداً فى تعاملاتى مع من أحبهم وهذا يرهقنى كثيرا ويعيينى الألم لمجرد ان من هو مقرب لقلبى به سوء فكيف أستطيع أن أغير من شىء تتسم به شخصيتى

28 comments:

shahy said...

لما قلتيلي :شهيرة انا نزلت البوست
وماقلتيش شاهي ولا انتي يابت ولا بتعملي اية يامقصوفة الرقبة
عرفت اني هاتنكد لما اقرا البوست بتاعك

صديقتي واختي الجميلة هبة
انا حاسة بيكي كويس اوي وعارفة اد اية انتي زعلانة وماانكرش ان انا كمان زعلانة وكان المفروض على الاقل ان كاميليا كانت تكتب اي حاجة في الميل اللي بعتتة حتى علشان نطمن عليها
بس ارجع واقول الله اعلم بظروفها ويارب تكون بخير

انا بحبك كدة زي ماانتي
وماتقوليليش ياشهيرة تاني انا بحب اسمي بس شاهي بتطلع منك احلى

تحياتي يا اجدع واعقل واحن قلب

Anonymous said...

أختى الفاضلة / هبة
معك أنا فى كل ما عبرت به عن زهرة الكاميليا و أدعوا الله العلى القدير أن تكون بخير حال و أن تعود للكتابة و التحاور مرة ثانية و أطلب منها التعبير بالكتابة لانها خير و سيلة للتنفيس عما بداخلنا ،لك تحياتى و شكرى على مشاعرك النبيلة ..
أخيك أبو خالد

الطائر الحزين said...

اااااااااااه
معك حق
لكن صوت العقل ينادى بالوسطية

لكى لا تأسوا على ما فاتكم ولا تفرحوا بما آتاكم

ربنا يعزك ويبارك فيكى

تحياتى

Ehab said...

ايه النكد ده كله يا بنت
بتحبيها وعرفنا
زعلانه وهتوحشك عرفنا
ايه كل اللي انتي عاملاه ده
يا عبيطه
مين قالك بس انها سابتك طيب ما انتي بتقولي بعتتلك رساله يعني انتي ليكي معزه في قلبها مخصوص
وبعدين يعني هي اول مره حد ينخ شويه
ما البنت خيخه نفسها ومكسوفه وفريده كلهم جت عليهم لحظات وقالوا جاااااااااااي
اخنا تعبنا وهنروح
انما رجعم تاني
يبقى انتي لازم تستني متبقيش متسرعه كده زي غ يا ساتر
وبعدين بتقولي انك مش بتقدري تزعلي من اللي يغدر بيكي
هو انتم كنتم كتبتم الكتاب مثلا يا بنت هي هتاخدلها يومين كده وهتروق انشاء الله
وحتى لو مش رجعت ما هي هتفضل صاحبتك
ولا يعني مينفعش صحوبيه من غير مدونه
افرضي انا قفلت المدونه بتاعتي مش هتعرفيني تاني
مش هاعزمك في فرحي
ده انتي عبيطه خالص
اصبري كده شويه
وربنا يجيب الخير
مش تخافي ادعيلها
وهي اكيد لما تبقى جاهزه هتكلمك

سلااااااااااااااااااام

Ehab said...

عصفور بيبكي جنب باب البيت
ميلت اسال ايه اللي جرحك وفين
قلبت فيه ملقيتش حاجه متعوره
ده قلبه من الخضه على صاحبه انكوى

سالته فين صاحبك اللي زعلك
صرخ وقالي سابني وحدي في السما
ونزل على غيط الدره المتنطوره
ونزلت الحق ابقى وياه في الغيطان
ملقتش غير ريشه نتشها الهوا
ولا شوفت وشه ولا سمعت حسه
ولا حتى عارف ايه اللي حرى
وسألت عنه كل اللي عدى من هنا
غراب يعدي اساله
عصافير تقولي ده لسه فايت من هنا
وفراخ تقولي عمره ما قرب هنا
وهو مش عايز يقولي هو فين وراح منين

صعب عليا قلت احاول اوجهه
خدته ورحنا على اول السكه نبص نشوف
ملقتش حد يدلني او يرحمه
كل اللي فايت قاله غور بقا من هنا
صاحبك طفش من خلقتك غور زهقتنا

---------------
والله يا دوبه انا كنت عايز اكتبلك بيتين حلوين اصبرك بيهم بس طلعت كده
ما علينا اهي تنفع ابقى اكتبها لحد تاني

سلاااااااااااااااااااام

Bella said...

انا ايضا اتابع مدونة غادة الكاميليا من فترة طويلة وإن كنت اتابعها في صمت
وازعجني جدا معرفتي برغبتها في غلق المدونة

عموما ممكن ترتاح قليلا بعيدا عن التدوين والتقاط الانفاس مفيد في بعض الاجيان وقد تعود لنا مرة اخرى

ارجو ذلك

بالنسبة للاصدقاء الذين يقررون منفردين ان يبتعدوا حتى لو لم يصدر منا مايضايقهم فحقيقي اتفق معك في الشعور بالألم لهذا الامر خصوصا انني مثلك ممن جربوا التعامل مع اصدقاء كثيرين اخلصت لصداقتي لهم ولم اقابل منهم الا بكل ماهو غريب

عموما تعلمت الا ارمي بكل مشاعري في اتجاه شخص ما حتى لو حدث منه مايزعجني كان الألم اخف

حاولي الا تكوني متطرفة في مشاعرك بمعني ان تغرقي في الحب والاخلاص مليون في المية في حين انه يمكنك التدرج في هذه المشاعر حتى تتأكدي من استحقاق الآخر لها وحتى لايكون الجرح كبيرا لان الألم يكون على قدر الحب

امر آخر وهو ان تتقبلي الناس كم هم

يعني تقبليهم بميزاتهم وعيوبهم حتى لو كانت عيوبهم تضايقك
فهكذا هم

والتحلي بقليل من الصبر مع من نحبهم واحتمال انفعالاتهم اللحظية قد يجعلنا نكسبهم اكثر ويعودون لنا افضل مما سبق

اقول لك هذا لاني بمرور الوقت ومن التعامل مع شخصيات مختلفة قابلت نوعيات من الناس تحب ان تكون بعيدة عن الناس وتعتزل التعامل المباشر عندما تكون في ازمة او عندها مشكلة
فربما تكون غادة الكاميليا من هذه النوعية من الناس

فاصبري عليها واحتمليها لان الحزن والمشاكل قد تجعلنا نقرر امر ما معتقدين انه الحل ونكتشف انه حل غير صائب

طولي بالك شوية

ارجو الا اكون قد اطلت عليكِ

تحياتي

Anonymous said...

بصى يا هبة انا من واقع تجارب ليا كتير فى الموضوع دء فعلا ان الواحد لازم يحب يالمعقول لان فى ناس كتير جدا ميتقدرش الحب دء وبتستغله كويس جدا لمصلحتها لان فى ناس بتدى وبتدى ليهم حاجات كتير جدا وفى الاخر بتلاقيهم بيعينك فى لحظة او اساسا هما مكانوش بيبدلوكى المشاعر من اساسه وكانوا بيضحكوا عليكى انا فى كل مراحل عمرى اتعرضت للمواقف دى يمكن متلاقنيش ليا صديقة انتيم من زمان بل بالعكس كل اللى حبتهم وعملت علشانهم حاجات كتير قوى وفضلتهم على نفسى طلعوا فى الاخر ولا حاجة وكنت باخد البمبة التمام

بس عموما خلى بالك من مشاعرك شوية ومتنجرفيش قوى غير لاقرب الناس ليكى اللى انتى عارفهم كويس ومتاكدة منهم

Anonymous said...

انتى رقيقة اوى وحساسه اوى ياهبة.. اه والله
بس عاوزة اقوللك ان الحياة لا تسير على وتيرة واحدة والإنسان دايما" من حال لحال والله أعلم بحال كل واحد فينا وانه ممكن الواحد يوصل لحالة بتخليه يعمل حاجات كتير غصب عنه او على عينه انه يعملها وممكن ميبقاش حد فاهم هو عمل كده ليه والكل بيغلطه بس نرجع ونقول المشاعر ملهاش دعوة .... مش عاوزه اقوللك انك بتغلطى لما بتحبى حد للدرجة اللى انتى بتتكلمى عنها لأن الواحد مبيتحكمش فى مشاعرة والقلوب دى بتاعة ربنا يقلبها كيفما يشاء ومينفعش ربنا يرمى ف قلبنا حب حد واحنا نقول لاء كفايه عليه حبة صغننين...لكن اللى عاوزة اقولهولك " هونى على نفسك وحاولى تلتمسى للى قدامك عذر يخليكى ف المقام الاول مش متضايقة ولازعلانة بالشكل ده وكمان يقنعك انك متندميش على حبك ده....ده طبعا ف حالة الصداقة اللى احنا بنتكلم عليها لأن لكل مقام مقال.... ولا اية؟
روقى بقى وادعيلها وهى ان شاء الله هتبقى زى الفل وترجع احسن من الأول...يارب اكون قدرت اوصللك حاجة

سلااااااااام
مستــ ج ــدة

Unknown said...

دة دليل علي مدي اخلاصك لاصدقاءك وحبك ليهم
وانت انسانة حساسة وعندك انتماء وطبيعي تزعلي علي حاجة اتعودتي عليها وحبتيها
بالذات لو كان صديق
اتمني انها متغبش زي ما بتقول وهي فعلا مدونتها جميلة
ويابختها ان حد بيحبها كدا
شكرا
سلام

كاميليا بهاء الدين said...

((ولكن احب فقط ان اقولك انك جرحتينى بغير قصد لانى ببساطة حسيت انك صديقتى الغالية وبنت جميلة رقيقة وشقية كانت فى حياتى واخدت قرارها بإنها تبعد بعيد عذرا ولكنك تعبتى قلبى قوى ووجعتينى قوى قوى بس مش هقدر اتمنالك غير كل الخير كعادتى مع أصدقائى))

وليه مش تقولى ،، إن ممكن الإنسان يتجرح ويفضل يبعد بجرحه
أحسن ما ينزف أمام من احببهم ويؤلمهم؟

ليه مش تقولى إن البعد ليس أكثر من كاتم لصوت صرخة وجع؟

البوست وجعنى اوى
اوى
اوى

احترامى وتقديرى لكى

كاميليا

عصفور المدينة said...

قٌرأت لك هذه التدوينة عند شريف
عندما تكون شفافا
مرتبط جدا بكلامك عن الصداقة وليس تحديدا عن الصديقة المدونة التي قررت إغلاق مدونتها لأن هذا القرار يكون وقتيا أحيانا كثيرة ويحتاج الناس أحيانا أن يغلقوا على أنفسهم لفترة قد تقصر أو تطول

فرنسا هانم said...

انها حقا صديقتك
بدليل ارسالها رساله لكى
وكلنا بنحب كاميليا
وانا قد تأثرت جدا لاغلاقها مدونتها
وكتبت تحديث عندى اسألها لماذا ياكاميليا ؟؟؟؟؟؟

انا مبسوطه جدا ان هبه حبيبه قلبى نزلت تدوينه جديده حتى لو كانت حزينه
عايزه اقولك حاجه
انتى قلبك كبير يا هبه
والدليل على كلامى
سؤالك عنى صباحا ومساء ايام وقوعى من السلم
فكنتى انتى من اكثر الباس سؤلا عنى
تحياتى لمشاعرك النبيله
ودعوتى لكاميليا بالرجوع الى عالمها
فنحن نحبها

3ala asm masr said...

للاسف مش قادره اقولك تتغلبى على المشكله دى ازاى لانى تقريبا زيك بتعلق بناس وبتبقى قريبه من قلبى بسرعه ولما يبعدوا نتوجع عشانهم
دى حاجه فينا منقدرش نغيرها

الجنوبى said...

لكى كل الحق ان تنجرحى من كاميليا
لكن حق كاميليا ان تلتمسى لها العذر
تحياتى
عمرو

Anonymous said...

أختى العظيمة المحترمة /هبة
تملكين قلب كبير ,اقسم لك بالله أن ردك عند زهرة الكاميليا أبكانى أنت إنسانة فاضلة و أحترمك من قلبى ..
أخيك أبو خالد

arsenalwy said...

الموضوع مش انتى صح ولا غلط انتى على طبيعتك وعلى حقيقتك

انسانة تعطى بدون ان تنتظر المقابل ولا تحسبها كتير لكن المشكلة ان فى ناس مبتقدرش الكلام دة

وبالنسبة لحكاية انك تلاقة صاحب هو صعب علشان احنا حتى مع اصحابنا بنتكلف ومبنكنش على طبيعتنا

واى شئ مش على طبيعتة هييجى يوم ولازم لازم ينتهى


وشكرا وعلى راحتى

klmat said...

عزيزتى هبه
كل كلمه كتبتها مكتوبه بمشاعرك
وبتعبر عن شخصيتك الجميله المحبه للناس
والصدق والاخلاص وكل المعانى الجميله
انا كمان بفترض دايما حس النيه وبحب
واخلص من قلبى وده سبب لى كتير من الصدمات
حاليا مش اقدر اقول انى اتغيرت بس بقيت
احرص شويه بس الطبيعه غلابه
كلامك عن كاميليا اثر فيا لأنك
قلتى نفس احساسى
بس انا شعورى ان كاميليا عندها
ضغوط مع شعور عميق بافتقاد والدتها
منبع الحنان واعاده قرأه مدونتها
زاد آلامها لاسترجعها كل الذكريات
والحمد لله انها قررت تخليها اجازه
لانها حسيت بحبنا لها
ربنا يوفقك ويسعدك وتكونى دايما مساهمه
فى سعاده من حولك وربنا يصلح حالنا جميعا كلامك جميل وصادق
مع حبى وتقديرى

صوت من مصر said...

بوست هايل بجد

ولــــــــــو said...

ايه ده
ايه الرقه والاحساس ده
بس تصدقي والله تستاهل كل كلمة كتبتيها عليها
انتي بصراحة خلتيني اكتشف اني لسه ممكن اتأثر بكلام رقيق
لكن لازم برضه يكون طالع من القلب زي كلامك كده
انا بجد بأحييكي على مشاعرك

محمد العدوي said...

انتو هتخلوني اعيط يا ولاد .. قصدي يا بنات .

انا بس عندي كلماية .. لا نجعل حبنا لأشخاص قيد لهم يمنعهم عن أشياء يحتاجونها في الحياة .. يعني مثلا اذا شفت حد بتحبه بيعيط بلاش ياكلك قلبك عليه قوي وتكتم على نفسه وتحرمه هذه النعمة . سيبه يعيط براحته ولما ينتهي ابقى طبط عليه ..




رغم اني مش فاهم ايه الموضوع بالظبط لكن الاحساس دا هو اللي جاني ..


كونوا جميعا أحبة .
كل الود
محمد

Soooo said...

ايه بس يا ام يوسف
في ايه يابنتي
روقي كده امال
هو احنا هنلاقيها من مين ومن مين يا جرعان؟؟
هو كل شويه الواحد يحلق على حد من هنا وبعدها بثانيه يلاقي نفسه بيحلق على حد من هنا؟؟؟

طب والله احنا اتحسدنا
اه وكتاب الله
انا هروح لراجل دجال اعرفه بس ايه .. كداب قوي وفشار قوي .. دجال دجال يعني
اروحلو واقوللو اعمللي عملين لاخواتي البنات .. دوبا وكاميليا
-------
دايما في الطب النفسي .. الدكتور نفسه بيحتاج يروح لدكتور تاني عشان يفضي الشحنه اللي بياخدها من المرضى اللي بيعالجهم .. او بدل مايروح لدكتور نفسي تاني .. يسافرلو قد اربع خمس تيام وينسى كل حاجه

انا من رأيي .. تاخدي ابو يوسف ويوسف وتروحو تغيرولكم جو قد يومين تلاته


سلميلي على يوسف افندي



سلاموووووووووووووز

نفرتيتي said...

دوبا العزيزة الغالية علي قلبي دي احلي حاجة ان الانسان يتعامل مع الناس بكل احاسيسه ومشاعره الداخليه ده بيدل علي شخصية رقيقة هي بتتعب احيانا لكن جميلة جدا وبتقرب ناس كتير منك وبالنسبة لكامليا ربنا يوقفك واحنا مش نعرف ظروفها ايه بس اللي نقدر نعمله ان احنا ندعيلها ان ربنا يصلح احوالها واتمنيانك تكوني كويسة دلوقتي

Yahia said...

يا أستاذه هبة من فترة طويله واحنا بنتاقش في موضوعات ومواقف ذي اللي بتحصل دي، واحب أقولك (تاني) أن مش عيب ان الواحد يسيب مشاعره تحركه على طبيعتها بس بيكون صعب ان المشاعر تتحرك من غير عقل يرشدها. فمثلا موضوع كاميليا أنا شايفه من منظور تاني خااااالص أنا شايف ان ده حقها وهي اكيد مبسوطه كده ومش كل فراق بيكون وحش بالعكس ممكن يكون الفراق هو الحل المريح ليها اللي هيخليها سعيده في حياتها وذي ما انت بتقولي انها صدقتك وبتحبيها فالمفروض انك تحبلها الساعده في كل صورها واشكلها حتى لو احنا مش مقتنعين بيها او مش فاهمين المهم ان الطرف اللي بنحبه يكون سعيد.

واخيرا للأخ شنكوتي بلاش موضوع الشتيمه ده حتى لو بتهريج.

تحياتي

عابد الرحمن said...

عندك حق في كل كلمة
وكامليا خسارة كبيرررررة بجد لينا كلنا لو بطلت
الحمد لله عادت إلى رشدها وهتكمل
على فكرة انتي مدونتك من المدونات المحترمة اللي بحب ادخلها

Ehab said...

الى الأخ يحي

ايه ده انت زعلت من كلامي

خلاص انا اسف

سلاااااااااااااااااااام

son's egypt said...

السلام عليكم
فعلا من النادر ان نجد اصدقاء مخلصين جدا في هذه الايام التي نحيا بها
ولكن اذا فارفطنا كل حبنا تجاة شخص معين فماذا لو لم يكن يستحق هذا الحب والاخلاص
وايضا لا يجب انا نعامل الناس بمقياس الحب والكراهية فقط
لاننا لو عملنهاهم بهذا الشكل سيكون الحكم خاطي جدا

د/اجدع بنوته said...

الحمدلله ان كامليا رجعت

بس واضح انها مرت بمأزق كبير

انها تحذف كل اللى كتبته

صعبه اوى

وسببها ان المشاعر دى كانت بتمثل نقطة ضعفها

الصراحه مقتنعتش بيه كسبب

بس ربنا يقويها يارب

وربنا يديم بينكم المعروف

وانا كمان زيك ياهبه لما بتعلق بحد اوى والظروف تحرمنى منه

بيسيب خرم كبير اوى ف حياتى

ولذلك مبعلقش نفسى بحد بسرعه

علشان عارفه اللى هيحصلى بعدين

بس انا متوقعش كامليا كانت هتسيب
اصحابها مع قرار اغلاق المدونه

مش بمواصفات بنت بالطيبه والبرائه دى

انها تعمل كده

ع العموم

تحياتى ليكى ولكامليا

ولكل اصحاب بيحبوا بعض

Anonymous said...

السلام عليكم
هي الزياره الاولى لي هنا
اتمنى انها ليست الاخيره
والمهم انك انتي وكاميليا ونحن والجميع هنا
وكفى

دمت رقيقه

روري