Thursday, March 6, 2008

شــــريط ستــــان

شريـط الساتـان بعد أن انتهتْ من أعمالها المنزلية المعتادة.. واطمأنت إلى نوم ملاكها الصغير في فراشه.. أسندت ظهرها إلى المقعد الوثير في غرفة نومها لم تكن قد استقرت بعد على اليوم الذي ستلتقطه لتستعيد كل تفاصيله كما اعتادت أن تفعل كل ليلة.. ووسط حيرتها وبحثها بين الأيام التي ملأت أعوامها الثلاثة معه.. وقعت عيناها على طرف ثوبها الساتان الأسود.. وكأنة أخرج رأسه من خزانة الملابس ليناديها... ويذكرها باليوم الذي رأته فيه لأول مرة... عندما عاد أغلى البشر من عمله متأخراً على غير عادته... ومسح بابتسامته آثار عتابها... وقال بصوته الحاني: غمضي عينيكي ******* أغمضت عينيها في سعادة تنتظر رؤية سبب تأخيره.. ولم تنتظر طويلاً وفتحت عينيها دون أن تنتظر أن يسمح لها.. فرأته يزهو في يده وكأنه يدرك مدى روعته منذ صغرها تعشق قماش الساتان الناعم الذي يعكس بهجة الأضواء من الخارج.. كما يعكس نشوة مرتديه من الداخل.. فهو مرتبط دائماً بملابس السهرة والمناسبات السعيدة .. وهي سعيدة فها هو زوجها يفاجئها بما تحب ويصر أن ترتديه ليقضيا السهرة في أحد الفنادق الفاخرة يالها من ليلة تجتمع فيها كل أسباب السعادة وتتمثل في نظرة من عينيه.. ويداه الدافئة تحتضن كفيها.. وكل ما فيه يقول ما تتمنى أي امرأة لو تنال بعضاً منه.. فهو يحبها.. ويعرف كيف يعبر عن حبه لها وهي تحبه.. وتعشقه.. و... ******* ثم يقفز أمامها فجأة يوم آخر... يمحو بقسوة الابتسامة التي لاحت على شفتيها... ويبعثر الذكريات الرقيقة لتتوارى في خجل خلف أكوام الحزن.. وتتبدل ذكرى صوته الهادي بذكرى نحيبها المتصل في لوعة.. يوم أن أمسكت بالمقص لتقتطع شريطاً من الثوب الأسود.. فقد أصرت أن يكون من هذا الثوب دون غيره.. فلن تحتاج إليه بعد ذلك اليوم.. فلم يعد أي شيء لديها يرتبط بالمناسبات السعيدة.. لأنه ببساطة لم تعد هناك مناسبات سعيدة ******* اكتفت بهذا القدر من الألم.. وأزاحت الأيام من أمامها.. وألقت نظرة حزينة على شريط الساتان الأسود وهو يحتضن أحد أركان صورة من كان يملأ أيامها.. واتجهت إلى الفراش لتحتضن وحدتها.. وتنام

46 comments:

عايز أتعلم said...

اول تعليق
هحجز بس وارجع اعلق

عايز أتعلم said...

ااسف ان كنت دخلت غلط
ولكن الموضوع شكله عاطفي وانا ماليش في العواطف قوي ...هههههه
جزيتي خيراً... وارجو تشريفك لمدونتي

أخو دكتور حر

الطائر الحزين said...

اكيد لو بحثت وفتشت ونقبت ستجد مناسبة سعيدة ولو حتى كلمة رقيقة

تحياتى

كاميليا said...

الخوف كل الخوف
من الشعور بالسعادة
والتمتع بلحظاتها
خوفا من ان تهرب وتتوارى بعيدا
ولا تبقى الا ذكرياتها
وغصات ألم انحسارها

كثيرا ما اخاف ان اعيش اللحظة
رغم انها تكاد ان تكون أجمل لحظة

مش كنت اعرف انك جامدة كده فى القصص
وكمان الاسلوب

دوبا
انتى جميلة اوى

بحبك اوى جدا خالص

د/اجدع بنوته said...

ااااااه انتى جايه ع الجرح

انا كمان كاتبه عن الموت والفراق

معرفش ليه حاسه بيهم الايام دى اوى

قصتك رائعه

وحسيت فيها بكمية الم

يااااااارب يقوينا ع فراق اللى بنحبهم

تحياتى

الشنكوتي الكبير said...

ليه كده بس الحزن الفظيع ده يا هبه فكرتيني بأسلوب كامي
هي فكرتها تحفه قوي
النقله اللي عملتيها من الرومانسيه والذكريات الجميله
وبين اننا نتنقل معاها مره واحده لفكرة انه مش موجود او غدر بيها
هي جميله قوي لكن حزينه قوي
ومش عارف ليه اروع القصص دتيما عندنا بتكون الحزينه
عموما برافو عليكي
سلاااااااام

Doba said...

على فكرة مش انا اللى كاتبه القصة دى
القصة دى أثرت فيا جدا وتعبتنى جدا لما قريتها لانها كانت جايالى عالايميل

وكنت منزلاها اول منزلت البوستات ولكن احببت ان تشاركونى إياها للتمسك بلحظات الحب والاستمتاع بالوقت الراهن لعله فى لحظه يضيع ولا تعود اللحظة الجميلة مرة آخرى

اتمنى ان تستمتعو بالحب بأقصى درجاته
والتمسك بالعيشة الراضية على قدر الاستطاعة

تقبلوا جميعا حبى واحترامى وتقديرى
هبة

Yahia said...

قصه جميله وفيها معاني كتتتتير كويسه بس بجد قوليلي هو بكام متر الستان دلوقتي ؟

تحياتي

انسان بلا عنوان said...

طب كده طب نكاية فى الحزن اللى احنل فيه انا هجكيلك نكتة
بيقولك فى جماعة صعايدة هبل زى انا كده كانوا بيمصوا قصب وحاطين الشوم بتاعم على كوم القصب اللى بيمصوا فيه ..بعد ما خلصوا كوم القصب قاموا ملقوش الشوم
تحياتى
عمرو

Meekness !!! said...

قريتها القصه دي قبل كده و عجبتني جدا
مش فاكره لمين
بس من اول ما قريتها و هي معلمه قوي جوايا

حجات كتير ما بقاش ليها لزمه
لان دورها انتها





اختيار رائع يا دوبا
زيزي

raspoutine said...

جميل جداً يا دوبا
مدونتك من المدونات القليلة اللى بتصفحها كل ما اكون فاضى

تحياتى ليكى

Anonymous said...

أختى الفاضلة/دوبا
شعرت بحزن شديد لعدم ردك على التعليقات فى البوست السابق و لكنى قرأت تعليقك عند الأبنة العزيزة زهرة الكاميليا فذهب الحزن و حلت السعادة محله و أبكانى رأي حضرتك و طلبك منى عمل مدونة و صدقينى أختى أنى متشوق لعمل تلك المدونة و لكن فى الحقيقة الحاسوب الخاص بى محتاج أن يلقى قى سلة القمامة و تعليقاتى من على حسوب عملى لذا مجرد أن أشترى حاسوب جديد سوف أنشئ مدونة و ستكونوا جميعا نجوم الشرف بها ..و لعلم حضرتك أنا لا أدخل بتعليق إلا فى المدونات التى أحبها..دمتى سعيدة يا أجل و أرق إنسانة ,واحترامى الشديد لحضرتك
أبو خالد

فرنسا هانم said...

هبه حبيبتى ازيك
قصه جميله جدا
وذكريات تغشى كل منا فلا تفارقه
وما احلى الذكريات
احب اقولك
اطمنى على النسكافيه بتاعك
كل اللى قعدوا عندى فى الصالون
بيجيبوا مشاربهم
لغايه لما التلاجه عندى بقيت اغنى من تلاجه عم حسن بتاع السوبر ماركت
تحياتى الغاليه للغاليه

همسات دافئه said...

وتبقى الذكرى
.
.
القصه جميله اوى أحييكى على اختيارها
شيماء:)

خمسة فضفضة said...

السلام عليكم ورحمة الله وركاته

حلوه اوي و رومانسية اوي و حزينه اوي اوي اوي

ra7eel said...

دوبا
بجد قصه حلوه قوى

من لحظات حب ورومانسيه لموت وفراق

قد ايه صعب قوى الاحساس ده

خالص تحياتى وحبى

simple girl.. ..simple dream said...

ليه دايما كل ما اقرا بوست حلو ورومانسي الاقى فى الاخر ان نهايته مؤلمة

واضح ان دة طبع الحياة

الاول تدوقنا طعم الفرحة وبعد كدة تطلعها تانى من عينينا ومن قلوبنا باناملها القاسية كالحجارة

بت خيخة وأى كلام said...

ايوة انا فاكرة البوست ده
وكنت كلمتك عنه وقلتلك انى لما قريته عيطت
انتى بتعيدى نشره تانى ليه

عجبنى تعليقك
استمتعوا بالحب بأقصى درجاته
والتمسك بالعيشة الراضية قدر الاستطاعة

شكرا على النصيحة يا دوبا
تحياتى ليكى
وسلامى ليوسف
اختك خيخة

مدحت محمد said...

كنت فاكرك انتى اللى كاتبة البوست وهقلك ايه الجمال والروعه دى
بس تعرفى
انا ضد مقولة عيش اللحظة
حتى لحظة السعادة
لاننا لازم نفكر دايما لبكرة
ازاى نقدر نصنع النهاردة وبكرة وكل يوم
سعادة جديدة
تحياتى

sendbad said...

اسف علي التقصير ومش لاقي كلام اعتذر بيه
بوست رائع
تحياتي

Soooo said...

ابقى كداب لو قلت اني فاهم حاجه
في حاجه غلط
في لحظات قطع غريبه
في حاجه مش فاهمها
مش عارف
في ايه
؟؟؟؟؟؟



سلاموووووووووووووز

Queen eraser said...

http://pencil-eraser.blogspot.com/2008/03/2.html

Doba said...

عايز أتعلم

اهلا بالسيد المبجل
صاحب اول وتانى عليق
ايوة خد التعليقات كلها كده ولا يهمك

هاجى اقطعك فى مدونتك من عينيه
وهستناك لما تقع فى العاطفى غصبن عنك لما تقابل فتاة الأحلام

تحياتى يا اخو دكتور حر
خليفة مش كده

نورتنى
وعاجبنى اسمك جدا
=============
الطائر الحزين

المناسبات السعيدة واللمات الرقيقة كتير قوى ولكن الواحد مش بيفتكر الا الكلمات المتعبة

ربنا يديم السعادة والحب
ودمت سعيدا انت واسترك الغالية
تحياتى
=============
كاميليا

لو الواحد هيفضل خايف لفيوم يتجرح ويتعب يبقى الايام كلها هتبقى فى منتهى السخافة - على العس لازم نستمتع ونستمتع قوى كمان علشان لما ييجى الحزن منندمش على لحظة حلوة ضاعت هباء

ششششششششششش

مش انا اللى كاتبه
دى جاتلى عالايميل
بس انا بحب اشارككم باللى بيعجبنى
علشان نكون مبسوطين
ونقدر اللى فى ايدينا

وانا كمان بحبك جدا قوى خالص
تحياتى يا قطتى
=========
د/أجدع بنوتة

الفراق صعب جدا طبعا بس اللى اقصده انا بطرحى للقصة هو اننا نستمتع باللحظات الحلوة مش نستنى اللحظات الوحشة

نورتينى يا اجدع دكتورة
واخف دم
تحياتى
=============
الشنكوتى الكبير

معاك حق لان القصص فعلا روعتها لما بتلمس قلوبنا قوى من جوه

وهيه بجد أثرت فيا قوى

نورتنى يا كبير
تحياتى
============
yahia

مش القصة حلوة فعلا بجد
وعد
وعد
وعد

هسألك المتر بتاع الستان بكام وهقولك
نورتنى يا افندم
تحياتى
=========
انسان بلا عنوان

ههههههههههههههه
مشكرين والله عالنكتة يا اساذى الفاضل
نورتنى
تحياتى
==========
meekness

اشكرك وجميل ان القصة كانت عجباكى وانها علمت عندك

نورتينى واسعدنى تعليقك
تحياتى
=========
raspoutine

اشكرك جزيلا لمتابعتك مدونتى البسيطة
دمت بكل الخير

تحياتى
========
أبو خالد

الفاضل
الكريم بعطاءه
فى انتظار مدونتك
وعدم تعليقى على البوست السابق كان لضيق الوقت فقط لا غير

اشكرك لاهتمامك ومتابعتك الغالية
تحياتى
============
فرنسا هانم

فرنسيتى حبيبتى
انا حقيقى فى انتظار حكاوى صالونك
افتقدته للغاية

نورتينى
تعالى هنا

مليتى التلاجة قبل متمشى ولا لا
يلا افراج بكفالة مائة بوووسة

سلام يا امورتى يا حلوة
تحياتى
============
همسات دافئة

اشكرك يا شيماء وسعيدة ان اختيارى عجبكم ونورتينى كالعادة

تحياتى
=========
خمسة فضفضة

اشكرك يا فضفضتى يا حلوة
والحمد لله ان اختيارى عجبك

نورتينى
تحياتى
=========
raheel

هو صعب بس لازم دايما يكون فى الحسبان
اسعدتنى زيارتك ويارب دايما سعيدة

تحياتى
===========
simple girl.. ..simple dream

لان دى طبيعة الحياة
لازم نمر بالمر علشان نستمتع بطعم الحلو

وهكذا تدور دائرة الحياة
نورتينى
تحياتى
=========
بت خيخة واى كلام

انا فعلا يا خوخة كنت اقصد كلامى وان فعلا نستمتع بالحب لاقص درجاته لانه مش بيرجع تانى لما بيمشى

نورتينى يا امورة
حضرتى النيسكافيه للزيارة ولا ايه
بوسات كتير لشريف
========
مدحت محمد

جميل مبدأك اننا ازاى نصنع السعادة للنهاردة وبكرة ولو كل واحد إتخذ ده هدف هيبقى ما اسعدنا

ربنا يبارك فيك
واشكرك لزيارتك الجميلة
تحياتى
=========
sendbad

نورتنى يا افندم وكان الله فى العون وتنور فى اى وقت واشكرك

تحياتى
========
soooo

ليه مش فاهم حاجة
ازاى متفهمشى يعنى
ده حتى تبقى عيبة يا ولدى

واحدة وبتحب جوزها قوى واهداها فستان من الساتان وامضو لحظات جميلة ولكن هذه اللحظات انقضت بوفاة الشخص واكتفت المرأة بوضع قطعة من الفستان الساتان حول صورته

فخمتو
ولا اجيب العصاية
ياللى بتوقع البليلاية

نورتنى
سلاموز
===========
queen eraser

نورتينى وبقالى كتير مختفية
انا هاجى على طول اهو
تحياتى
هبة

الشموع السوداء said...

الموضوع جميل فعلا..فيه احساس الحزن والفراق والفرح بين وذكريات جميله احساس قماش الستان الرقيق وبين اللون الاسود..بجد تحياتى على مدونتك واسلوبك ومنتظرين المزيد وياريت تزورينى

سكوت هنصوت said...

وحشتيني يا دوبا

اللؤلؤة المكنونة said...

استمتعوا بالحب بأقصى درجاته
وتمسكو بالعيشة الراضية قدر الاستطاعة

أنا بحس ان احنا بنفرط بسهولة فى لحظات أو مشاعر ربما لن تتكرر كثيرا
يمكن لجهلنا بقيمتها
أو لعدم ادراكنا الجيد ان اللحظة اللى بتفوت ما بترجعش تانى



نقل ممتع ومفيد
تقبلى مرورى

Soooo said...

طب ولو الواحده دي هي اللي ماتت .. هل جوزها هيجيب حته من جلابيته الكستور ويعلقها في صورتها؟؟؟؟؟؟

3abdo me7tas said...

لا اله الا الله
انا فى اول البوست قلت خلاص ايه الحب ده كله والكلام الجامد ده
ومرة واحده وقعت كلإنى واقع من برج 65 دور على الأرض
طيب عايز اعرف انتى ليه قفلتيها كده
طيب ما كنتى تخليها بالصورة دى
كلنا عايزينها كده
ولا لازم ننهيها كده يعنى
هو الشعب المصرى كده
ممكن سؤال بقى
؟؟؟؟؟؟؟؟؟
إيه هو الستان ده
8-)

غربة وطن said...

أنت
يا سارقة ياء النداء من حروفي
لماذا أنتِ مرتبكة ؟
نعم أعنيك أنت
ادعوك للإنضمام للفكرة
فانتِ وحدك .. تلك التي لم تأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املئي الدنيا بالضجيج
نظرة على اسرار اون لاين لن تضيرك
و مشاركتك تأكدي انها مصدر سعادة لنا
http://asraronline.com/vb/

صوت من مصر said...

بجد بوست هايل ؟
اريد ان اكون زائر دائم

الربان said...

تحياتي

موضوع يلمس شغاف القلب و يداعب الروح.

الحمد لله انها عاشت اياما جميلة...فغيرها
لم يذق طعم السعادة و لم تعرف هي طريقا
الي قلبه...

نسعد و نفرح حين تأتينا الفرصة...و نعلم في نفس الوقت ان الدنيا دار ابتلاء...و اختبارات... يعني سنواجه
صعوبات و نٌحرم ممن و مما نحب...
ساعة اسعادة نشكر و نعيشها.., وساعة الالم نشكر و ندعوا الله ان يلهمنا صبرا
لاننا نكون في امتحان و ابتلاء من الله.


تحياتي و تقديري.......

kikooooooooo said...

سلامووووووووووووو عليكوووووووو
وحشتني جدا المدونة ولما جيت لاقيت اللي فاتني كتييير أوي من البوستات بس ظروف الدراسة اللعينة ربنا يخلصنا من الكلية ديه على خير

وبجد البوست هايل وكنت هايلة في اختيارك والبوست في أوله عايشني احساس جميل جدا ويارتني فعلا ما كملوتش لحد الآخر لأن بجد إحساس الحب ده ما بقاش موجود وبقى نادر

تحياتي ليكي بجد لاختيارتك

كان معكم ..,
كيكوووووووو

عــــــدنـــــــــــان المـــصــــرى . said...

السلام عليكم ورحمة الله وبركاتة

قصه جميله جدااا وفيها معانى كتير

بس الفراق كتير صعب
تحياتى

Anonymous said...

أختى العزيزة
كل عام و حضرتك و الأستاذ يحيى و الأستاذ يوسف بخير و بصحة جيدة
أبو خالد

عبده الرايق said...

انا بحب جدا ذا لاف ستورز
وعجبتنى جدا قصتك
وعرفت من ردك على التعليقات انها كانت نازله على الميل
عموما
اشكرك جدا
على تلك القصه
وياريت مسس رايق تيسبها من غسيل المواعين وغسل شعرها بالجاز وتفليه البرنسيسات الصغيرين
وتقراء قصه حب زى كده
يمكن تتحول الى برنسيسه
مدونتك ممتازه جدا
فرى فرى جود

Eric Matt said...


لا إجابة ... أو لنقل إن الإجابة هي عمر كامل

تحياتي

monaliza said...

مش معقول تسجن نفسها بارادتها كده الحياة لم تنتهى بعد

ياسر حسين said...

عمل أدبي معبر
وإن كان اللون الأسود يعبر أحيانا
عن العمق

خالص تحياتي

الطائر الحزين said...

كيف حال حضرتك

تحياتى

امين سر said...

أنتِ
نعم اعنيكِ انتِ
لماذا لم تأتِ بعد .. ؟
هذا طريق لا يعرفه الساسة
و لا الحكام
و لا الاصدقاء و لا الاعداء
هذا طريق لا يعرفه أحد
ولا يعرف أحد
طريق لم تعرفه أقدام المارّة ،
ولم تدنّسه من قبل عجلات سيارة فارهة تملأ خزان وقودها من عرقي ، وعرق الأغبياء
الذين يقفون في طابور طويل
يريدون خبزاً قبل أن ترتفع أسعار القمح
تعالي .. لماذا انتِ مرتبكة ؟
و لماذا ارتضيتِ ان تتدثرين في حزن مغشوش ؟
دع العالم يسمع صوتك
و إن لم يفعل .. !
فتأكدي انني انتظرك لتشتركين معنا في اسرار اون لاين
على الرابط ادناه
حتى اسمعك
http://asraronline.com/vb/register.php?referrerid=2

أنا إنسان said...

يمكن تلاقي مناسبه سعيده
لو فضلت مخلصه ليه
وقابلته في الجنه

زى الهوا said...

يااااه على كمية الألم , الذكريات ديما بتوجع حتى لو كانت جميلة للأسف , المطلوب مننا اننا نقفل مخنا باين ونتناسى كل القدبم علشان نعرف نعيش

ولــــــــــو said...

فظييييييييييييييعه
بالرغم من الصدمة اللي فاجأتنا ف الاخر بس بصراحة احييكي جدا على الكلام الجميل ده

الغائبون ربما اختفوا بأجسادهم لكنهم معنا طوال الوقت يعتنوا بنا كما كانوا دوما يفعلون

انا مقتنع جدا بكده

klmat said...

يااااه يادوبا
ما اصعب فراق الأحباب
لكن دى سنه الحياه لديها الذكرى الحلوه
تساعدها على قسوه الفراق
كالعاده اسلوبك جميل وسلس وقصه
تمس القلب
ياريت كل منا يعرف انه ممكن
يكون ذكرى فى اى وقت فيعمل ويقول
كل ماهوجميل
خالص تحياتى وتقديرى

Doba said...

الشموع السوداء

جميلة مدونتك وطريقتك
واشكرك لزيارتك الجميلة وكلماتك الرقيقة

تحياتى
============
سكون هنصوت

والله يا مها وحشتينى جدا
وبتكسف قوى اتصل بيى لتكونى مشغولة

هكلمك ارخم عليكى لما اخلص تعليقات
فى حفظ الله دايما
============
اللؤلؤة المكنونة

اهلا اهلا بخطيبة الدكتور الحر
نورتى المدونة
واسعدتينى بزيارتك الكريمة

تمسكى جيدا بلحظات الحب والفرح فانها للأسف لا تدوم

امنياتى بكل الخير
===========
soooo

ممكن والله فكرة يا واد يا احمد
يجيب حتة جلابية كستور ويعلقها على صورتها

ماشى ماشى
هنفتن عليك لذات القلب الابيض اللى هتقع فى جنابك

شرفت يا بيه
=============
عبده محتاس

مش انا اللى مقلفاهااااااااااا
انا بس عجبتنى فقلت اشارككم

الستان ده نوع اكل بيتباع فى المطاعم
تحياتى
==========
غربة وطن

اهلا وسهلا بيك
تحياتى
==========
صوت من مصر

اهلا وسهلا بيك
تنورنى فى اى وقت

تحياتى
==========
الربان

اهلا وسهلا
غيبة طويلة
وعودا حميدا

نورتنى يا افندم بالزيارة بعد طول غياب واهلا وسهلا بيك
===========
kikoooooooooo

اهلين وسهلين ومراحب كمان
نورتنى واهلا برجوعك مرة تانية
وربنا يوفقك فى كليتك وتخلص على كل خير

تحياتى
========
عدنان المصرى

وعليكم السلام
اهلا بيك وبزيارتك
واشكرك على كلماتك وبالفعل الفراق بيبقى صعب قوى

شرفتنى يا افندم
تحياتى
===========

أبو خالد

كل سنة وانت بألف خير انت واسترك الكريمة وانا والله انضميت لكاميليا بالدعاء لأغلى الناس لقلبك

ارجوك حقيقى انو تقوم بفتح مدونة خاصة للإستفادة من صالح خبراتك

شرفتنى ودمت بكل الخير والسعادة
تحياتى
=============
عبده الرايق

اعمل انت بس دماغ حلوة لمسسز رايق وهيه تبقى فلة وبطل تقولها يا متخلفة

فاهم
اشكرك
جوود نايت
=========
eric matt

ان كان العمر تسبب فى ماضيك فمستقبلك احق بأن يتم بناءه بشكل سووى وانت المسؤل عنه بشكل كامل

لا تخطىء كالآخرين
تحياتى
=========
monaliza

اوقات الفراق بيبقى اقوى بكتير من حب الحياة ولكن لابد من الاستمرارية

نورتينى
========
ياسر حسين

اللون الاسود بكل ما فيه من حزن يعبر عن كل المشاعر - دمت بكل خير

شرفتنى
تحياتى
========
الطائر الحزين

اهلا وسهلا بزيارتك واعتذر لعدم توادى بس انا هاجى فورا

سلامى لزوجتك الغالية ام الابناء
تحياتى
=========
أمين سر

متشكرين للزيارة وربنا يوفقك
تحياتى
=========
انا انسان

يمكن اه
ويمكن لا
بس الاحساس نفسه لن يتكرر
والله اعلم

تحياتى واهلا باول زيارة
==========
زى الهوا

مينفعشى ننسى
لازم ناخد من اللى فات حلوه علشان نقدر نمشى لقدام

تحياتى
=========
ولو

التواجد اكيد موجود ولكن تبقى الذكرى تؤثر طول العمر

تحياتى
========
klmat

فراق الاحباب بيوجع قوى وبيتعب قوى قوى بس لازم من تانى نقف ونعيش ونبص لبكرة

دمتى بكل خير
هبة

ojg said...

رغم اني برضو قريتها قبل كده،، إلا إني تاني بكيت
خايفة بجد مش من الموت بس من غدر الدنيا عموما
انهاتخطف سعادتنا وقت ما نطمن ليها