Sunday, May 4, 2008

تحدى الأقوياء

تحدى الأقوياء
هل سبق لك ودخلت فى تحدى مع نفسك، أن تتحكم بها فى أوج غضبها وأن تحول جام غضبك لهدوء نسبى يجعلك تقلل من نسبة الخسائر المدوية التى ممكن تنتج من ردة الفعل الغاضبة
هل إستطعت أن تختلق لأخيك الأعذار قبل أن تنفجر فى وجهه باللوم والعتاب والصراخ أو حتى العقاب هل فى صباح يوم مشرق ركبت مع أحد السائقين الغاضبين بشدة وبدلا من أن يسيطر عليك الشيطان فى أن تنفتح بوجهه بكثير من الشتائم أو الصراخ أن تقنع نفسك بأنه ربما لديه طفلا أو أماً مسنة مريضة وهو يصارع حتى يريح آلامهم أو أياً كانت الأسباب
هل قررت أن تتحدى نفسك فى فعل الخير حتى وان كان كل ما بداخلك بغض وعدم راحة لمن حولك وأن تثقل نفسك بمقدار من المرونة فى التعامل يجعلك تسير بدربك فى هدوء نسبى بدلاً من الضوضاء المستمرة
بالطبع نستطيع تطبيق هذه الأشياء فى بعض الأحيان وفى أحيان آخرى تخور قوانا ولا نستطيع التحمل ونجد كل ما يسيطر على أنفسنا هو رغبة فى الإنفجار والصراخ الشديد
==========
جائنى يوماً أخ وصديق يدعى دكتور حر ويحمل فى يده هدية غالية ولا أستطيع أن ارفض هديته وخاصة أنى تهاديت بنفس الهدية من الغالية الصادقة زهرة الكاميليا فى أيام تليها ولا أجد مفر لغلاوتهم إلا القبول ولعلى بالرد على تساؤلات التاج البسيطة لن أفيدكم كثيرا فإنى أعلم جيدا أنكم تعرفونى جيدا، والتاج وأسئلته كما تعرفون كالآتى
أولا:اذكر عشرة أشياء عن نفسك
ثانيا:اختر خمس أشخاص تهدى لهم التاج
ثالثا:لا تهدى التاج لمن أهداه إليك
رابعا:عرف اللي بعتلك التاج انك نزلته عندك
========
أولا: أنا هبة 28 سنة زوجة لرجل يدعى يحيى أهيم به حباً وأعتز كثيراً بصداقته وبعقله ومرونته التى علمنى إياها خلال سنوات زواجنا وحبانى الله بنعمه من نعمه الجميلة بإبن جميل أسمه يوسف وهو البسمة الصادقة والنقاء الممتع والزهرة التى تضفى لحياتنا رونق جميل
ثانيا: بحب بيتى قوى وبحب الناس اللى فيه يكونو مرتاحين وسبل الراحة ليهم تكون موجودة، طبعا أكيد أوقات بنجح وأوقات بفشل وده للسبب الجاى
ثالثاً: أنا شخصية مودية للغاية، فأوقات تجدنى شخصية متفائلة للغاية ومهتمة بكل شىء حولى وبتفاصيله للغاية وأوقات آخرى أحب أن أنذوى بعيدة فى ركن خاص هادىء وفى هذه الأوقات لا يوجد لدى أدنى رغبة فى عمل شىء وكأنك فصلت جهازك للراحة بعض الوقت
رابعاً: أحب التفاؤل للغاية فلقد قابلت شخصية فى حياتى وقررت أن أتعلم منها خبراتها المفيدة لتعيننى على المضى قدماً للأمام دائما، أجبرتنى هذه الشخصية المحبة للحياة الراضية دائماً أن تجعلنى أرى بضعة نقاط هى غاية فى الأهمية على الرغم أننا نهملها دائما، فلقد حبانا الله بنعم كثيرة قلما نشكره عليها وكل نعمة من هذه النعم خلقت لتسعدنا للغاية ولكننا لا ندرى الكيفية، أصبحت أرى ان كل يوم هو مخطط بإرادة من الله وكل ما علينا هو أن نعيش هذا اليوم بسعادة نسبية أو براحة أو بمعنى أوضح أن نكون على رضا بأن ما يآتى إليك خلال هذه اليوم هو من عند الله، فأنت تصبح ولا تدرى المال الذى تملكه اليوم هو ملك لمن فى الغد ومال الآخرين ربما يؤوول إليك فى الغد أنت الآخر ولكن لكى ترضى للغاية بما يرزقك الله به يجب أن تتقيه، وتتقيه للغاية. فأصبحت ما يحدث لى مدار اليوم انا على علم انه كل الخير من ربى سبحانه، لك كل الحمد والشكر
خامساً: أنا شخصياً إنفعالاتى تسبقنى وما يدور بخاطرى تجده دائما أمامك فهو يظهر للغاية على تعبيرات وجهى، وكل ما ترغب بمعرفته من نظرة بسيطة تعرف كل الأشياء بدون إرهاق، تسبب لى هذه الخاصية كثير من المشكلات وخاصة فى عملى ولكننى لم أستطع للآن أن أتحكم فى أن تسبق إنفعالاتى تفكيرى. ولكننى أجاهد مع نفسى كثيراً
سادساً: أشعر أن لربى علاقة خاصة مع كل منا، فمننا من يدمن قراءة القرآن ومننا من يستطيع أن يتحدث مع ربه فى كل ما يدور بخلده، على الرغم من سعادتى حينما أشعر بلحظة نقاء أشعر من خلالها بأنى على استعداد للحديث مع ربى وإخراج كل ما يجول بخاطرى الا انها لا تتعدى لحظات واخاف كثيرا على الرغم من استمتاعى بهذه اللحظات للغاية ولكن يتملكنى الخوف ولكننى أحاول جاهدة أن تكثر هذه اللحظات
سابعاً: أحب أصدقائى للغاية وأحترم وجودهم فى حياتى لأنهم يتميزون بإضافة رونق فى غاية الجمال على حياتى ووجودى بين أحداث حياتهم يعطينى قوة داخلية عظيمة على الرغم من إرهاقى الشديد حينما تمر إحداهن بأزمة
ثامنا: مش عارفة ليه حاسة بقى انى رغاية جدا ومش لاقية حاجة تانى اقولها غير ان عالم التدوين بياخد منى أحلى ما عندى وأوحش ما عندى كمان، أوقات ببقى جاية لكم وجوايا حاجات كتير وحشة بس بلاقى بين سطوركم اللى ينفس عن اللى جوايا ويسعدنى ويخلينى أقرر ان اليوم النهاردة هيبقى احلى يوم
تاسعاً: كل أمنياتى أن أقدر أربى أبنى بشكل يكون محترم يرضى ربى وقلبى ويحفظه من كل شر
عاشرا: دمتم لى أسرة جميلة صادقة أحبها وأحترمها وكنت أود لو تحولتم لعالم الواقع بأكملكم فمصر دائما بكل خير طالما يوجد بها شخصيات لها قلوب مثل قلوبكم
التاج هيتمرر لمين..............تقريبا كل الناس جاوبوا عليه أو تم إهدائه إليهم
أتمنى لكم يوماً سعيد وتحدى قوى مع أنفسكم فى التغلب على اليوم بالمرور بكافة الضغوط وعدم السقوط فى دائرة الأحزان والتمسك بلحظات الفرح التى تهرب سريعاً
هبة

89 comments:

klmat said...

هبه الجميله
انا حا اقولك اللى فى قلبى .انا بحب مدونتك جدا بحس فيها انك انسانه محبه للخير ولكل من حولها وبتخاف ربنا وقلبها طيب واجابتك بتأكد ده . حبيتك اكتر واتمنى
تكونى صديقه لى لأنى عندى نفس الأحاسيس
ربنا يخلى لك يوسف وتشوفيه رجل مشرف
وان شاء الله حايكون كده لان باباه وماماته على خلق ودين
سعدت جدا باجابتك ربنا يبارك فيكى ويحقق امانيكى يارب

الطائر الحزين said...

المقدمة تدوينة بمفردها

بارك الله لك فى زوجك وابنك

وجلعهما قرة عين لك

mohamed said...

التحدي دا علي طول الواحد عايش فيه والحمد لله بيكسبة علي طول

رحــــيـل said...

هبه
نورتى مدونتك ايه انتى فينك كده من زمان؟

بالنسبة للتحدى فعلا بيكون صعب قوى ان الواحد يتحكم فى غضبه انا اوقات كتير فعلا مش بعرف

اما بالنسبة للتاج
اعتقد ان موضوع انك انفعلاتك بتظهر عليكى فعلا مشكله انا كمان بعانى منها
لان اللى قدامك مش دايما بيقدر ده صح او يستغله صح

ربنا يخليلك زوجك ويوسف وتشوفى احسن واحد فى الدنيا

تحياتى وحبى لكى

كاميليا بهاء الدين said...

الحياه كصفحات الكتاب
وكل صفحة بها سطور
وكل سطر كلمات

وعلى قدر معرفتى بكى
ارى انك تنتقين كلمات سطور صفحاتك بعناية شديدة
ولاتضمين لهذه الصفحات الا من يستحق ان يكون ولو حرف فى كلمة بها.

ادام الله لك حروفك
وزين بها حياتك دوما

mostafa rayan said...

دمت انت ايضا بكل الخير
وربنا يباركلك في جوزك وابنك

Empress appy said...

حمد لله على السلامه
يا دبدوبه
وحشتينى ايه الاعترافات الليليه دى وحشتى بلوج سبوت
وجيرانه يا جمر
ربنا يخليى جوزك وابنك

حل وسط said...

انت جميلة قوي

انا هاخد التاج ده بعد اذنك

ياريت نبقى اصحاب

دكتور حر said...

تسلم الأيادي يا أم يوسف

انت من القلائل على النت
التي تعتنين بكلمات كتاباتك
حتى لا تحل كلمة محل أخرى
***

تحدي الأقوياء هو أن نعمل ما نعلم وقت أن ينفع
وكل المور بالتعود واتدريب تكون سهلى بإذن الله

***
مكاشفة النفس في التاج عالية
اكثر من استفاد منها هو انت نفسك
وغير هذا من صفاتك الكثير التي بالتأكيد قد تطرقت الى ذهنك
وأبصرت موضع نفسك
وهذا من قمة الفائده

***
أشكرك لاجابتك
ووفقك الله

صاحب المضيفة said...

اجابات جميلة ورايقة ومعبرة عن شخصية محترمة مثلك

أحسن حاجه قلتيها ان كل واحد فيكم له حاجه مميزة عن باقي اللي معاه


دمت بسعادة

جيفارا المصري said...

اجابات تحمل مضمون فلسفي وانساني راقي جدا
ربنا يوفقك

أبو خالد said...

أبنتى الغالية /هبه
إنطباعى عنك من أول يوم
دخلت فيه هذا العالم الساحر
هو ما سطرته يداك بعالية
إنسانة شفافة تحب الخير و تخشى الله
و تتقيه فى زوجها و أبنها و كل المحيطين بها قولت عنك يوما بنيتى إنك من زمن جميل لأجتماع كل هذه الصفات فيها
أدعوا الله العلى القدير
أن يبارك لك فى زوجك
و يبارك لك فى يوسف و يجعله من حملة القرآن
دمتى لى أبنة كريمة فاضلة

آخر العنقود said...

اولا حمد الله على سلامتك يادوبا
كلماتك حلوة جدا بجد
واجابتك صريحة وواضحة قوى
تنم عن شخصية جميلة
وربنا يارب يبارك لك فى يوسف وابو يوسف ويخليكوا لبعض
مش عارفة ليه حسيت اوى باجاباتك
انها اجابات دافية وهادية
ربنا يارب يكرمك ويعطيك ما تتمنيه وزيادة

دمتى فى حفظ الله

mohand said...

اهم شئ حمدلله علي سلامتك


ثانيا التاج جميل واجمل ما فيه صراحتك

ربنا يخليلك يوسف وابو يوسف ويديمها نعمة عليكي

تحياتي

صوت من مصر said...

ياه انتى كنتى مسافره ولا ايه تانى حاجه بجد وحشنا كلامك ومواضيعك

Anonymous said...

منورة يا دوبا
منورة مدونتك
ومنورة باجاباتك
ومنورة عالم التدوين

اختك خيخة

Miss. Sosa said...

اولا انا سعيدة اوي اني هنا على مدونتك وسعيدة اكتر انى جيت فى وقت بتتكلمى فيه عن نفسك
عارفة كل نقطة بقرأها من نقاطك العشرة اقوله اني هقولك اني زيك فيها الاقى النقطة اللي بعده برضو زيك فيها :)

انا كمان مودية وانفعالاتي بتبان علي وشي مش محتاجة اتكلم اصلا
وحتى لو فى التليفون صوتي بيبقي باين عليه .. الناس كلها صناديق سودا اعتقد انا صندوقى زجاج شفاف بيكشف كل اللي جوايه.

ربنا يسعدك يارب ويباركلك في ابنك
اعتبري مدونتى مدونتك .. مفيش بين الاخوات حدود ولا فواصل :)

cinderella said...

هبه الله عليكي
بجد عجبتيني ككلمات وافكار واخلاق كمان
انا مدونه جديده وكنت حابه اتعرف علي الجيران وحبيت مدونتك بجد
تحياتي لك

HERO said...

شخصية جميلة واسلوب رائع
وربنا يخليلك يوسف وتربيه زي ما انتي عايزة ان شاء الله

walaa said...

هبه
انا طبعا عرفتك من مدونة زهرة الكاميليا
وانا اعلم جيدا انكم اصدقاء جدا
واحب ان اقول لك ان الطيور على اشكالها تقع
يعنى زى ما عرفت اد ايه كاميليا انسانه رقيقه وحساسه وبتحب الخير لكل الناس
احب ان اقول لك من خلال قراتى للتاج بتاعك
انت ايضا انسانه رقيقه وشفافه
وربنا يخلى لك خالد وتربيه احسن تربيه وتشوفيه احسن واحد وكما تتمنى ان يكون ويخلى لك زوجك ويكون لك خيير عون وسند فى الدنيا
وتحققى كل ما تريدين

اسفه رغيييت على قلبك كتييير
ولاء

truelove said...

ازيك ياهوبة علشان خاطر عيونك ياجميلة نزلت بوست جديد اهو هو كلمتين وبس بس لاني اليومين دول معنديش اي طاقة يعني في حالة خمول بعد حالة نشاط بس اهي حال الدنيا على ده وده سلامي لااوسف ويحي

khobayb said...

إجابات جميلة وبسيطة

ربنا يحفظ يوسف

ويبارك فيه

يا أم يوسف

Anonymous said...

ربنا يسعد قلبك يادوبا انتي وزوجك وتحققي ما تتمنيه وتربي يوسف على الفضيلة ويكون ابنا بارا باامه وابيه

تحياتي

Tamer Nabil Moussa said...

السلام عليكم

اجابات رائعة

ربنا يكرمك ويكرم اسرتك الجميلة

تحياتى

Soooo said...

ربنا يارب يارب يا دوبا ياختي يديم عليكي نعمة التفاؤل وراحة البال

وربنا يباركلك في يوسف افندي ويباركلو فيكي ويكون ابن بار بيكي وبوالده يارب

ملحوظه
انا كنت استشفيت بعض الجوانب دي في حياتك من خلال مواضيعك وتعليقاتك



سلامووووووووووز

Yahia said...

يا أستاذة هبة .....

كلمات جميلة قوي ومرتبه بشكل يثير الإعجاب !!!! بس في كلمة واحده بس مش قادر ابلعها بالشكل المطلوب وهي "انك متزوجه بواحد يدعى يحيى" وخلاص كده !!! ليه يعني ؟؟ أنا فاهم ان ده تاج ليكي وعنك بس برده اديني المساحه بتعتي ..... مش كده يعني .... يلا سلام وحسابنا في البيت

سلام

موناليزا said...

التحدى انك تكون قده والحمد لله بكسبه دايما

(احمد سكر ) said...

ماشاء الله

كلامك عن نفسك

كما توقعته تماما

انسانه ودوده

حبوبه

حاابه للخير

جزاكى الله خيرا يااام يوسف

تقبلى مرورى المتواضع

احمد سكر

Eric Matt said...


يا رب تكونوا كلكم بخير

تحياتي

كلام على بلاطة said...

على فكرة يا هدى دوبا سابقا انا باعمل زيك بالضبط ومبدئى ان لم تتزوج ما تحب فحب ما تتزوج من اجل الاولاد والتعايش والله والوطن والمجتمع والناس
لكن اهيم حبا دى واسعة عليا شوية عموما حاحاول اعملها بس واسعة برضة
وفعلا باتحدى نفسى وغضبى وباحاول اكون كووول
وسلام

Anonymous said...

رقيقة .. واضحة .. صريحة وهذا أجمل ما فيها

هذه أول مرة أزور مدونتك .. واتمنى أن تزورى مدونتى

(( قيثارة الأحلام )) said...

كلماتك جميله وبتدخل القلب بسرعه بجد ربنا يوفقك

PrInCeSS BeRy said...

بصراحة يا مدام هبة مش عارفة اقلك اية اولا انتى خدتينى بكلامك والجزء التامن والتاسع من اجمل النقاط وربنا يخليلك زوجك وابنك

.:.-=- ELGaZaLy-=-.:. said...

قررت أن تتحدى نفسك فى فعل الخير حتى وان كان كل ما بداخلك بغض وعدم راحة لمن حولك وأن تثقل نفسك بمقدار من المرونة فى التعامل يجعلك تسير بدربك فى هدوء نسبى بدلاً من الضوضاء المستمرة


---------------------------


كتير اوى قررت وكتير انتصرت وكتير انهزمت

جميلة اوى اجاباتك وربنا يباركلك فى زوجك وصديقك ..ويكرمكم

shahy said...

حقيقي يادوبة مش عارفة اقولك اية ومش عارفة اعلق بولا كلمة
انتي فعلا جميلة ومن اول ماعرفتك وانا بقول عليكي جميلة
ربنا يحفظك يارب ويخليكي ليا ولكل حبايبك


بحبك ياجميلة

حسن ارابيسك said...

رغم عدم إهتمامي بقراءة التاجات تلك ولا أستسيغها لحديث الشخصية عن نفسها

إلا أنني احببت أن ابدي إعجابي بالبوست السابق
شريط ستان
الفكرة منتقاة
وتحدث كثيراً لأسباب طبيعية وأسباب غير طبيعية
لكن عجبني تناولك للموضوع ورموزك المصاحبة والمساعدة لمحور الحكاية
تسلمي
أرابيسك

mohamed said...

انتي في يوم هتعملي الميدنة الفاضله و يا ريت أعرف أعيش فيها

Omar... [ خروشات ] said...

الاخت العزيزة: هبة


تحدى الاقوياء نوع جميل من المصالحة و التصارح مع الذات


انا قريت البوست مرتين

اولا حسيت انى اتاخرت عليكى كالعادة

و ثانيا: اكتشفت اجزاء اعمق نبلا و اخلاقا فى شخصكم


ثالثا يمكن لما بتكتبى وانتى مبتسمة بيكون الكلام و المعانى مختلفة اكيد عن ما بتكتبى و انتى فى مود مختلف

فى الحالتين بقرا هبة بشكل جديد

رابعا: انا مع الاستاذ يحى انه كان لازم تقولى

ان يحى هوا:

مفتاح شخصيتك

و اشهر قارىء لافكارك

و امهر شخص فى محاورتك

و نصفك البديع

وكولكيعه الضمير لما تحتاجى حد ينغزك

و نسمة الهواء اللى بتهب فى البيت فبتقلبه مزيج من اجواء الارتياح بين البشر

ظلمتيه يا شيخة


معلشى يا عم يحى، هبة اكيد كانت عايزة تقول كل ده بس اتكسفت يمكن منك

ايه اللى بعمله ده؟

انا بكلم هبة والا بكلم يحى؟ لالالالا انا لخبطت الدنيا

نرجع لصاحبة البلوج احسن و نقولها:

ربنا وهيك نعمة يا استاذ يحى، و ايضا ربنا وهبك منحة ان تقتسم ايامك مع هذه السيدة الكريمة الطيبة

متزعلشى منها و تقولها الحساب فى البيت

قولها ربنا يخليكى لنا ملكة لهذا البيت

و اماً كريمة للسيد المبجل ولى عهد المدونتين الاستاذ يوسف

.............

ربنا يديم عليكم نعمته

و ربنا ما يحرمنا من سموكم الانسانى

و ربنا انا مكسوف انى بعلق متاخر هنا


هههههههههههههه

و السلام عليكم و رحمة الله

اخوكم

عمر،

harmless said...

هذا وصف فيه من الجمال اكثر مما فيه من الكلمات

ما اجمل السلام الذى فى كلامك وحياتك
وما احلى حياة يصحو فيها الانسان وهو فى سلام وينام وهو فى رضا

ما اجمل ان تكون الاساسيات صحيحه
الزوجان متكاملان يحبون ويقدرون ويعلمون قيمة كل طرف
والاولاد ضاحكون سالمون متنعمون فى محبة ابائهم

عندما تكون الاساسيات صحيحه تكون الحياة صحيحة
وجميلة
حتى مشاكلها تكون جميله
يستقبلها الانسان وهى يتخيل سعادته عندما يتغلب عليها

وعندما نفقد الاساسيات
لا شئ يبهج
ولا انتصار يفرح

دائما انا معجب بكى يا اختى العزيزة
واليوم انا معجب بكل اسرتك

حنين القلب said...

دوبا يا عسل حنين القلب وصلت
بصى يا ستى اجاباتك جميله وكلها تحسى منها انك قريبه جدا من ربنا وده شىء فى حد ذاته هيخليكى اهدا من كده وهيخليكى تكسبى التحدى اللى مع نفسك لان معاكى ربنا بيقوكى
المهم ربنا يحفظ ليكى زوجك ويوسف العسوله ويكرمك باخت حلوة ليه ان شاء الله وتربيهم احسن تربيه ويكرمك ويوفقك يا رب
سلام يا دوبا

Rosa said...

كتبتي شخصيتك تماما زي ماكونت متوقعه عنك
رقيقه محبه و تلقائيه
:)
دمتي بود وسعاده و حب
و ربنا يخليلك علاقتك المميزه بزوجه وصديقك و ربنا يدمها نعمه عليكي و دايما يقر عينك و قلبك بيوسف الجميل :)

mregypt7 said...

احيكى على البوست بتاعك
جميل اوى
ربنا يكرمك كمان
وتجيبى حاجات احلى من كده كمان
منتظر تشريفك لمدونتى
مع خالص تحياتى
الباش مهندس بوحميد

بنوته مصرية said...

منورة يا ام يوسف

ربنا يسعدك ويخليلك ابنك وجوزك

ادام الله عليكي السعاده
تحياتي

Ehab said...

هبه اختنا كلنا
ام يوسف
ربنا يسعد ايامك
بس المشكله انك من الشخصيات الواضحين جدا يعني مش محتاجه تاج نجبرك بيه على النطق
انتي من الشخصيات الصريح جدا ومن تعليقاتك وكامك اعتقد كل الناس فهمتك وعلشان كده ليكي شعبيه كبيره في المدونين برغم انك كسليه زي حالاتي ومبتكتبيش تدوينات كتير

ربنا يحفظك انتي وزوجك وولدك ويبارك لكم

سلاااااااااااااااااااااااام
اخوكي ايهاب

ولــــــــــو said...

ابتسامة رضا على حالة وصلتلها بعد ما قريت التدوينه دي وامتنان ليكي علشان كنتي السبب ف الحاله دي
ربنا يوفقك ويخليلك يوسف

Ehab said...

نزلت بوست جديد في شنكوتي

أبو خالد said...

أبنتى الغالية /هبه
كان نفسى أشوفك فى حفل توقيع أول عدد من مدونة مصرية للجيب أنتى و أبنى الغالى يحيي و الأمور يوسف
خيرها فى غيرها
دمتى أطيب قلب

سندباد said...

جيت متاخر كالعادة معلش
ربنا يبارك فيكي ويجزيك خير ويديم علكي الرضا والهدوء وراحة البال
لكي تحياتي

freedom said...

مقدار احب اللي ي مدونتك صدمني.. انا كل مرة بحاول اكتب في مدزنتي عن شيء سعيد بلاقي حالي بكتب عن اشي تعيس و انا مش حاسة.ز اما عن طولة البال و اعطاء الاخرين كم مجنون الاعذار

حنين القلب said...

دوبا انا ضيفتك بس انا ياهو وانتى هوت ميل يمكن علشان كده كلامك مش وصلنى بس انا كنت عايزة اتعرف عليكى ولو عندك اميل على الياهو ضيفينى
اتمنى نكون اصحاب انا فى مدونتك لو هترد انا مستنياكى
سلام

Unknown said...

تحدي صعب
ميقدرش عليه غير الانسان القوي
القوي اللي يقدر يتحكم في نفسه
...
ربنا يكرمك
ويعينك على تربية ابنك التربيه اللي تتمنيها
وينعم عليك بالسعاده و الامان في بيتك
تحياتي

زيزو الشقى said...

اولا السلام عليكم

كتبت تدوينة جديدة ومنتظر رأيق

عز

سلااااام

Anonymous said...

يشرفنى أن تزورى مدونتى

وأرجو الا تعتذرى بلطف

Unknown said...

هل تسمحين لفضولي أن يدعوكي لزيارة مدونتي المتواضعة هنا
http://kanyatklam.blogspot.com/
تحيتي

Ehab said...

عايزين تعليق يا افندم في السريع

ادم المصرى said...

بجد المونده بتعتك لزيزه جدا ودا الى اقضر اعلق عليه ليكى واتمنا لو شرفتينى فى مدونتى استفيد من تعبيراتك الجميله

Unknown said...

اجابات جميلة
جدا يا دوبا
وبجد
ربنا يوفقك يارب وتخلي يوسف احسن حد في الدنيا وان شاء الله هتقدري تعملي كدا
لانك ام فعلا منتجة
ويارب يخليكي ليوسف وليحيي وميحرمهمش منك ابدا يارب ولا يحرمك منهم ويرزقك بالخير دايما حيث كان
سلام

المـــفـــــــقــــــــوعـــــة مــرارتـهــا said...

ربنا يسعد أيامك ويملي حياتك كلها حب في حب

عبده الرايق said...

اجابتك على التاج تلقائيه
واول كمره اعرف انكى زوجه مدون
وقد حفظت مدونته عندى حتى اتعرف عليه
تحياتى ليوسف
ولابو يوسف
ولاختنا فى الله هبه

فرنسا هانم said...

تسجيل حضور وسلام

Asmaa mahaba said...

حرام عليكى يا دوبا انا طول عمرى بكره الامتحانات كره العمى لا يا ستى افراج انا مش حجاوب
بس هى
على فكره والله البدايه جميله جداااا
وانا كنت زمان ممكن اتحدى دلوقت باخد بالقديمه وبس...
بس اسئله نجاوبها تانى لع والف لع انا واخده اجازه اسئله شهرين كدا
تحياتى ليكى سومه_87

أحمد بكر said...

ربنا يحققلك احلامك و المدونه عجبتنى اوى
تحياتى

Nostor Azzuro said...

صباح العبث
مجهود رائع
يا
DODA
وتقبلى زيارتى
ــــــــــــــــــ
NEO

سمية said...

دوبا
انا نزلت بوست جديد
يهمنى اعرف تعليقك عليه

فاتيما said...

دوباااااااااا
ازيك يا حبيبتى
أنا جاية أسلم عليكى و أقولك أنا سعيدة إنى قابلتك و اتعرفت عليكى
اتمنى دايما اليوم دا يتعمل تانى و تانى
بوسيلى القمر الصغنن العسول

شفـقــة و إحســــان said...

مبروك...بجد عجبنى تقديمك لنفسك ولزوجك ربنا يخلهولك

صحفية روشة said...

النهاردة عيد ميلادى تعالو على مدونتى وسمعونى احلى هابى بيرث داى تو يووووووووو

كلاكيت تانى وتانى said...

هبة ملحقتش اقعد معاكى كتير بس بجد اهتمامك بية خلانى نفسى اقابلك تانى وانتى فعلا مكدبتيش انتى بتحاولى توزعى الاهتمام بالتساوى واثبتى ان الانسان العاقل والمتزن بيبان فتصرفاتة حب وتفهم كبير
يارب انتىوابنك وجوزك بخير
لسة مكلمانى اختى بتقولى ادعيلك بأية فالروضة اصلها عايشة فمدينة الرسوا ص قلتلها يرزقنى بواحد زى جوزك اخر الرجال المحترمين
قالتلى لا دة كان اخر انتاج المصنع
لما توصل هقولها ان فية نسخة تانية جوزك يمكن تصدق وتدعيلى بقلبها
مش هتيجى الفيس بوك تشوفى الجروب بتاعى عن المطلقات
http://www.facebook.com/group.php?gid=24205381223
ولنك مدونة نعم مطلقة ولا اخجل ورا على بروفيل كلاكيت
http://motalaka-with-out-fear.blogspot.com/

كلاكيت تانى وتانى said...

هبة ملحقتش اقعد معاكى كتير بس بجد اهتمامك بية خلانى نفسى اقابلك تانى وانتى فعلا مكدبتيش انتى بتحاولى توزعى الاهتمام بالتساوى واثبتى ان الانسان العاقل والمتزن بيبان فتصرفاتة حب وتفهم كبير
يارب انتىوابنك وجوزك بخير
لسة مكلمانى اختى بتقولى ادعيلك بأية فالروضة اصلها عايشة فمدينة الرسوا ص قلتلها يرزقنى بواحد زى جوزك اخر الرجال المحترمين
قالتلى لا دة كان اخر انتاج المصنع
لما توصل هقولها ان فية نسخة تانية جوزك يمكن تصدق وتدعيلى بقلبها
مش هتيجى الفيس بوك تشوفى الجروب بتاعى عن المطلقات
http://www.facebook.com/group.php?gid=24205381223
ولنك مدونة نعم مطلقة ولا اخجل ورا على بروفيل كلاكيت
http://motalaka-with-out-fear.blogspot.com/

أبو خالد said...

أبنتى الغالية / هبة
أنا الحمد بخير و فى نعمة من الله و فضل
وسعيد من قلبى بمتابعتك و أهتمامك
دمتى لى أبنة غالية تشعرنى أنه لازال فى دنيانا خير

snohe said...

ربنا يوفقك

شفـقــة و إحســــان said...

مبروك على التاج....بس بقولك ايه خديه شويه وابقى اديهولى حبه

(احمد سكر ) said...

طمنينا عليكى

احمد

حنين.. said...

اجاباتك طيبه اوووى وكل كلا مك طيب. او والله. وربنا يخلييلك زوجك وابنك يا رب وتشوفيه لما يكبر . وفققك الله لما يحبه ويرضاه. تحياتى

Miss. Sosa said...

السلام عليكم

فينك يا هبة مختفية ليه؟

ماتغبيش علينا اوي كدا

يارب تكوني في احسن صحة وحال

تقبلي تحياتي ومروري

Ehab said...

كل سنه وانتي طيبه

عيد ميلاد سعيد يا هبه

ربنا يسعد ايامك

سلاااااااااااااااااااااااااااام

أمل فتحى عزت said...

اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)

shaimaa samir said...

حبيبتى
تاخرت كثيرا عليكى
ولكنك تعلمين امتحاناتى
وقدانتهيت
ولكن دعواتك الكثيرة لابد لها من الاستمرار
لكم اثلجتى قلبى بكلماتك الرقيقة
احبك فى الله
وعايزة رايك فى المدونة عندى فى المووضع الاخيرضرورى

ادم المصرى said...

الهما باركلك فيهم ويخليهم ليكى ويخليكى ليهم الهما بورك فيكم اتمنالك حياه سعيده اختى واتمنا زيرتك

blue-wave said...

مدونه جميله تستحق دائما الزيارة

حبيبـــــــة القمـــــر said...

السلام عليكم
تنقلت كثيرا في مدونتك مابين القديم والحديث من البوستات الرائعه
اللي كتبتيها
وللحق زعلت جدا من نفسي اني مزورتش مدونتك قبل كده
لأني حرمت نفسي من الجمال والروعه الموجوده في كتاباتك واللي بينت قد ايه انتي انسانه جميله

واسمحيلي هجيب الكرسي واعد في المدونه ومش هتحرك لحد ما اكمل باقي الموضوعات

ربنا يبارك فيكي ياهبه
دمتى جميله كما انتى

حاول تفتكرنى said...

يستحق أن يطلق - على هذا المدلول - لفظ التحدي

ليس لصعوبته
بل ليسره وبساطته ، ولكن فى الغالب لا نفعل
ليس كرها ، ولا نقما ، ولا عصيانا ، ولا عميانا

بل تحدي لأننا مقتنعين تمام الاقتناع بأننا نحب أن نفعل
ويجب علينا أن نفعل
ولا نفعل
وإن فعلنا
لا نستمر فى الفعل
ولا نتذكر حتى نجد دعوة كتلك
نريد شىء داخلنا يولد ، ليصبح هذا التحدي من مكوناتنا ، فلا نفعل إلا ما يجب علينا فعله

أما عن التاج
فتحياتي

Abd Al-Rahman said...

اختى الفاضلة هبة
كلامك عن تحدى النفس أحسست أنه موجه لى شخصيا ، وكان كلامك رسالة أراد الله عز وجل أن يوقظنى بها ، فأنا قرأت كلامك وأن مكتئب قليلا مع ان الاكتئاب ليس من عاداتى ، الا أننى أشعر انى أصبحت فى بلد غريب ، لم يعد أحد يتحكم فى غضبه على الاطلاق ، تجدى مشاجرات عنيفة جدا تحدث لاسباب تافهة وكان الكل أصبح كقنبلة يكفى عود ثقاب صغير أن يفجرها ، لا أعلم هل سأصبر وأنجح فى كبت غضبى وتحدى نفسى أم أنى سأنفجر مثل الآخرين ، أسأل الله لى ولك ولكل المسلمين الثبات لان الدنيا لا تستحق أن نغضب من أجلها

تحياتى لك أختى الفاضلة
وسعيد بزيارة مدونتك الرائعة

الطائر الحزين said...

دوبا كيف حالك
تأتى لك دعوة وترفضى توكلى على الله وادخلى بايدك قصدى برجلك اليمين

فاتيما said...

إين أنت يا دوبا ؟؟
فين البوست الجديد بقى
وحشتينا

tarek alghnam said...

هبه
سعيد بدخولى مدونتك الرائعة
ربنا يحقق كل اكالك واحلامك
عجبنى كلامك جدا وتحيه لزوجك
ودمتى بحفظ الله
ادعوكى لزيارة مدونتى المتواضعة
ودمتى بود

Doba said...

احترت كثيراً فى الرد على كل منكم على حدى ولكن تعلمون جميعاً ضيق الوقت الذى يتسبب فيه عملى

أعتذر لكم بشده ولكل منكم أقول

أحبكم كثيراً فى الله وأتابع مدوناتكم على القدر الذى أستطيعه وأشكركم للسؤال عنى ومتابعتى ومرة آخرى انا أجد متعتى فى التجول بين سطوركم

أشكركم على كلماتك الرقيقة لى فى كل تعليق جديد كان قلبى يتعلق بكم أكثر وأكثر

لكم منى كل الحب
والأمنيات بكل الأمل
والتوفيق دائماً

هبة

طهقان said...

على فكرة انا سعيد جدا اني اتعرفت على شخصيتك عن قرب
تحياتي لك وللعائلة
وللرفيق يوسف

care olders said...

قدمنا في دار رعاية المسنين الخدمة الاكبر و الانسب للرعاية الشاملة و العناية المتكاملة و ايضا نعمل في دار مسنين بمصر الجديدة علي تقديم شكل فعال من الاهتمام عن طريق جليسة مسنين التي تتجه دائما الي توفير خدمة ذات فعالية لراحة كبار السن و بالتالي دار مسنين بمدينة نصر و من يعمل في دار مسنين بالمعادي يتبعوا اساليب فعالة لراحتك