Tuesday, July 1, 2008

علامة ف حياتك

هى كانت هناك دائما وأبداً ترقبه و تتفحص تفاصيل ملامحه وتستمتع بالدخول داخل أعماق مشاعره لترى بوضوح مدى تغير مشاعره من خلال تعابير وجهه وحركه حاجبيه وهمساته إن كانت حانيه أم جادة أم عاتبه وقاسية فى أحيان آخرى
كانت تتللذ وهى تفكر فيما تصنعه لاحقاً لتضيف إلى وجهه بسمه جميلة وتجاهد عقلها لتتحايل على الأفكار حتى تخرج مكنون صدره من ضيق وألم وعتاب لآخرين يتسببو بتصرفاتهم خلال اليوم بأن يبثوا له الأفكار السلبية والتشاحنات التى تضيق هى بها دائماً
هى أختارت بنفسها أن تظل على هذا الحال، وأن دائماً وأبداً تظل تتفانى وتفكر وتجتهد لتبث إليه الراحة والأمان وهو يترك لمشاعره العابثة التمكن منه، لا يستطيع أن يتقبل أن يومه يأتى له برزقه، بسعادته وشقائه وأنه مكتوب له أن يواجهه لا محاله وظلت تحاول إقناعه أن يتمتع بكل يوم على حدى وإن أصابه شر يكون على يقين بأن الله وضعه فى طريقه ليتعلم شيئاً ما
هو كان هناك يحبها للغاية ويخشى عليها من أن تواجه أى ما كان يخدش مشاعرها الجميلة المرهفة، وكان دائم التفكير فى ما يسبب لها تلك الحالة الصافية من الرضا الجميل ليأخذ بيديها ويسيرا سويا عبر الزمن، يبثها الحنان منه ويعلمها كيف تكون الموده والحب، يعلمها كيف ترتشف من الحب بقطراته وأنواعه الممتعه، يعلمها كيف تكون الصلاة وتتعلم هى كيف تكون بكنفه فى كل الأوقات، كيف يسمتعا سوياً بأن يعبدا الله حقاً كما كتب لهم وليس كما يطلب المجتمع منهم، يبدآن سوياً ويملئهم الأمل فى آخرة يكتبها الله ولا تتفرق يداهم أبداً، دائما يكون موجود ليأخذ بيدها، وهى دائماً مطمئنة لأنها تعلم أنها حينما تشتاق لأحتضان يديه وعينيه سوف تجدهما
لكل منهم بصمة وعلامة فى حياة الآخر وكل منهم يدرك جيداً علامته وتأثيرها فى حياة الآخر، وكل منهم قرر أن تكون بصمته وعلامته علامه مميزة ومضمونة ومختومة برضا الله
من الممكن أن يؤثر هو وتؤثر هى فى حياة الآخرين، من الرائع أن تعلم جيداً أن لكل كلمة تخرج من عقلك وقلبك وشفتاك تأثير عميق فى نفوس الآخرين وأن ترى فى أعين الآخرين مدى إحتياجهم لكلمات إطمئنان أو مؤازرة أو حتى مداعبة وفكاهة، ولكن فلتتأكد أن لكلمتك بصمة وعلامة خاصة أيا ما كانت ولمن
وما يلفظ من قول إلا لديه رقيب عتيد
فلنرقب جيداً كلماتنا ولنجعل لكل من حولنا كلمات طيبة وحينما يتمكن منك الكلمات التى تضر بسمع الآخرين فأرجوك تحكم به ولتصمت حتى تتمكن من التحدث بما يطيب من خاطر الآخرين ومداواتهم وإعانتهم على المضى قدماً فى طريق الحياة

52 comments:

Ehab said...

يا سيدي يا سيدي صحيح بوست يستاهل نستناه كل الغياب ده حضرتك

سلمت يداكي
اولا انتي جبتي الفكره من اتجاهين العلامه اللي بنسيبها في حياة الناس بصفه عامه والعلامه اللي بنسيبها في حياة شريك الحياه

والأولى مع الناس عامة بتكون مقلقه قوي لأن لكل نفس طبعها وطريقه في التعامل معها ولازم يكون عندنا حسن تقدير للشخص هيتقبل الكلام ازاي
وايه الطريقه اللي اوصله فايده بيها من غير ما كرامته تنقح عليه ويرفض نصيحتي ومن غير ما يحس اني بفهمه انه حمار وانا بس اللي بفهم وحاجات كتير تانيه
والجميل رايك اننا لازم نراعي ان كل كلمه هنتحاسب عليها يعني قبل ما ننصح حد بحاجه نفتكر كويس اننا هنتحاسب على رأينا ده ورأينا ده امانه
ياريت كل واحد قبل ما ينصح صاحبه انه يروح الحته الفلانيه علشان فيها بنات روشه جدا يفترك ان ده في ميزان اعماله
وكل واحده بتنصح صاحبتها ازاي تلبس طقم جديد هيبين المواهب كلها ان ده في ميزان اعمالها هي كمان
وحاجات من دي كتير

اما عن العلامه في حياة من نحب وشريك حياتنا الحقيقي
مش عارف ارد عليكي غير ب حاجه واحده
جزاكي الله عنا كل خير

بس كفايه علشان مش ارغي كتير


سلاااااااااااااااااااااااااام
اخوكي ايهاب

shahy said...

الله عليكي ياهبة
رسمتي صورة مثالية حلوة للعلاقة بين الزوجين
بس الجملة دي

وكان دائم التفكير فى ما يسبب لها تلك الحالة الصافية من الرضا الجميل


هابقى اقولك رأيي فيها عبر الهاتف مع اني عارفة انك عارفة انا هاقولك اية ورأيي هايكون ازاي بس برضة هاقولك
غلاسة بقى تقولي اية

سلام ياجميلة

Empress appy said...

يا اختى عليها وعلى جملها ربنا ينعم علينا بالعقل والله يا بوب لو كل الناس تفهم ان دى العلاقه ما بين الاتنين وانها بتؤثر بشكل او بأخر هنحس بهدوء حلو قوى فى حياتنا بس بجد بلاقى يا ده كويس بيا دى كويسه نادر لما بلاقى الاتنين لو يبطلوا يكابروا
والله هتبقى بمبى
قال مبتعرفش تكتب قال
يا بنتى حرام والله اكتبى اكتر وعبرى كلامك حلو بجد جدا وعقلانى قوى ويا رب الناس تعمل بيه وانا اولهم مع الاحتفاظ بالجنان بتاعى هههههههههههههههه

كاميليا بهاء الدين said...

وهكذا تكون الحياه

التى تغلفها المودة والرحمة والحب

والاحترام والتفانى من أجل الاخر

الحياه ابسط كتير من تخيلنا

كل ما تحتاجه هو الرضا

الرضا بكل شئ

جميل كان او غير جميل


بوست حلو اوى
عاقل اوي
كما تعودنا منك


كل التحيات والحب

*,*AMY LEE*.* said...

ياااه
حسستني ان الدنيا جميله اوي
والحياه بسيطه ولذيذه
وان الناس كلها طيبه
بس يارتي كان كدا بجد

حنين القلب said...

حبيبتى دوبا
ايه الابداع ده كله
بجد بوست هايل بعد غيبه طويله
وصفتى العلاقه بين الزوج والزوجه بمنتهى الحب والتفاهم والنقاءاللى بيربط بينهم
بجد تسلم ايدى
سلام يا دوبا بوسيلى يوسف

Anonymous said...

هى كلمة سوزان عليوان

من احب انسانا .. احب الناس جميعا

اعجبنى ذلك الرباط الجميل الذى جعل لكل منهما بصمة فى حياة الآخر .. اعجبنى أكثر انها تعينه على الحياة .. حتى يحياها ويستمتع بها

Mohamed Hesham Safa said...

يا ريت نقدر

Yahia said...

سر الحياة لو تعرفي يا حببتي ..... سر الحياة أصل الحياة أنا وانتي.

مش عارف ليه بعد قرأت البوست ده كلمات أغنية منير جت في بالي على طول ... المهم بوست جميل قوي بيوصف مشاعر كتتتير جميله ، وزي ما دايما بقول ان كل حاجة ممكن نفسرها بشكل ايجابي أو سلبي على حسب المنظور اللي بنبصلها منه ، ويا سلام بقى لو نربط الكلام ده بالدين وأوامر ونواهي ربنا.

أكملك في البيت بقى

سلام

الطائر الحزين said...

كانت تتللذ وهى تفكر فيما تصنعه لاحقاً لتضيف إلى وجهه بسمه

ليس مجرد ادوار تؤدى
لابد من المتعه

اعزك الله

صاحب المضيفة said...

ربنا يكرمك على طرحك الرقيق وفكرتك الجميلة


الكلمة فعلا لها وقع السحر في حياتنا سواء بالخير او بالشر


دمت مبدعة

nigro said...

من الممكن أن يؤثر هو وتؤثر هى فى حياة
الآخرين، من الرائع أن تعلم جيداً أن لكل كلمة تخرج من عقلك وقلبك وشفتاك تأثير عميق فى نفوس الآخرين وأن ترى فى أعين الآخرين مدى إحتياجهم لكلمات اطمئنان أو مؤازرة أو حتى مداعبة وفكاهة، ولكن فلتتأكد أن لكلمتك بصمة وعلامة خاصة أيا ما كانت و لمن

______________________________
نيجرو

انا بحترمك جدا يا واد انت
ربنا ينجحك ويوفقك ويبارك فيك
تفكيرك محترم وآرائك بتعجبنى جدا
وان شاء الله 15/7 هيكون أحسن يوم فى حياتك

ربنا يبارك فيك
وبالتوفيق دايما
______________________________
فرنسا
والضاحكون
انا ليا طلب بسيط

لو سمحتى تضمى الأخ نيجرو للضاحكون لان طريقه عرضه حلوة قوى
______________________________



يا رب يا رب يا رب يجازيكي خير عن كل فرحة بسببك اترسمت جوا قبل ما تترسم بسببها ابتسامة على الوش

كنبت كلام كتير و مسحته تاني و ماكنتش عاوز أكتب أي حاجة زيادة على كلامك
بس لقيت نفسي محتاج قوي بجد إني أشكرك رغم إن أي كلمة شكر جنبك صغيرة قوي و مش قدك

ربنا يباركلك


يلا سلام

عايز أتعلم said...

جميل جدا البوست ...ربنا يكرمك

هو ده الاصل اصلا في القراان ..ان تكون العلاقة بين الزوجين علاقة موده ورحمة وسكن

اذاً الموضوع له تأصيل شرعي ويجب الالتزام به...قال تعالى( ومن ءاياته ان جعل لكم من انفسكم ازواجا لتسكنوا اليها وجعل بينكم موده ورحمة ) سورة الروم


وعندك حق فعلا ..يجب الالتزام بكل كلمة بنقولها ..مش مجرد اننا نسمعها حتى بتتقال من زمان يبقى نقولها وخلاص من غير مانستعمل عقلنا

وده برضو له تاصيل شرعي من احاديث الرسول ص
(وان الرجل ليتحدث بالكلمة لايلقي لها بالاً تهوي به في النار سبعين خريفاً)

اللهم اعذنا منهم


جزيتي خيراً .. وابقي شرفينا ..رجعت للمدونة....سلام

blue-wave said...

لأ بجد بوست رائع
ما اجمل ان نتعلم الكلام الطيب
ما اجمل ان نكن لبعضنا علامات فارقه الى الأفضل بالطبع
تحياتى

حاول تفتكرنى said...

موضوع ينطق بالاهمية
لو تعاملنا بهذه المثالية ، فى بيوتنا لما تحملنا عناء كبير فى استمرارها

تحياتي

فارس بلا جواد said...

فكره حلوه بجد
وبوست روعه
تحياتى

حبيبـــــــة القمـــــر said...

بوست هاااااااايل
قد ايه كلمه بسيطه ممكن تتقال تخلي الانسان يلغي عقله ويتصرف بطيش وتهور
ويحس بمرارة الدنيا كلها ومدى قسوتها

وكلمه بردو بتتقال تخلي الانسان يتصرف بقمة الهدوء والعقل ويحس وقتها ان الدنيا بخير

الكلمه بجد بتفرق كتير خصوصا لو اتقالت من القلب بتوصل بسرعه وتأثيرها بيبقى فوري

ربنا يبارك فيكي يارب

مواطن مصرى نايم said...

يا عينى يا عينى
ايه البوستات الجامده دى
لا بجد الله عليكى
بس الحاله اللى فى الموضوع ككل
حاسس ان وراها شئ غامض
حد بيبص من ورا ازاز مكسور
و بيبص على شئ معين
بس فيه تشويش عالمنظر
امممممممممممم
انا حاسس انى سوسه شويتن
تحياتى يا هبه
eslam

Miss. Sosa said...

من كان يؤمن بالله و اليوم الآخر فليقل خيرا أو ليصمت

تعقيبا علي خاتمة الموضوع بس

لكن محور الوضوع هو التأثير في الآخر

هى لو تفانت فى انتشاله من مستنقع الهموم وقعدت تفكر وتدبر ازاي تنظم له حياته وتجعله منه انجح انسان فى العالم واسعد رجل فى العالم

تبقى انسانية مثالية جدا ربنا يكثر من امثالها

هو لو معلمها وبوصلتها وملجأها اللي بتحتمي بيه من صراعات البشر وضجيجهم واليد الحانية التى تتوسدها عندما تغفو فيبقى رجل مثالي ربنا يكثر من امثاله

بس المفتاح السحري اللي بيفتح للمثالية ابوابها هو الحب
الحالة ديه من التفاني المتبادل مابتظهرش غير في ارقى انواع الحب واقواها

البعض بيبقى قدرهم انهم يسيبوا بصمات في حياة كتير اوي ودول ربنا يعينهم

كلمات عقلانية وهادية كصاحبتها

دمتى بكل خير وسعادة ورضا

الـسـيـدة نـون said...

الكلمة الطيبة صدقة
ده اولا


ولو جينا للكلام
هنلاقى ان اغلبنا اذا ماكنش كلنا
بنتاثر بالكلام
باى كلمة حد بيقولهالنا اكيد بتأثر فينا
لو كلمة تشجيع هتلاقى الانسان بيحاول يشتغل اكتر والطالب بيذاكر احسن
علشان يكون عند حسن ظن اللى شجعه

ولو كلمة محبطة
هتلاقى البنى ادم من دول
يبقى عنده شعور داخلى
انه لو عمل زى لو ماعملش
وتلاقى همته بتهبط وعزيمته بتبقى فى النازل خالص


تعالى بقى للزوجين
الراجل جاى من برة الست تستقبله احسن استقبال
وتقوله وحشتنى

على العكس تماما واحد جاى من برة مراته تستقبله وتقوله جبت العيش معاك ولا برضه نسيته زى عوايدك


ولا واحد يرمى لمراته كلمة زى الدبش وقدام الناس كلها ويشهدهم عليها ويقول
شايفين بقت عاملة زى شوال البطاطس ازاى


وواحد تانى مراته تساله
شكلى وحش بعد الولادة وزيادة الوزن؟
يقولها انتى جميلة فى كل حالاتك


اااااااااااااااه

ياريت فعلا نخلى كلامنا طيب
وناخد بالنا ان ممكن جدا كلمة صغننة جدا
تجرح جامد جدا

وكلمة صغننة جدا
تخلى الواحد طاير فى سابع سما

تحياتى ليكى يا صاحبة الكلام الجميل المفيد اللى بيدخل القلب والعقل ومابيخرجش ابدا
لانه كلام طيب

اختك خيخة

klmat said...

حاله حب جميله كل منهم يود ان يرضى الآخر
والاجمل العمل غلى مرضاه ربنا سبحانه وتعالى ده لوحده كفيل بان يزيد ويبارك فى حبهم . دايما تدويناتك جميله فى المشاعر والمعنى ربنا يبارك لك
سلامى

سبهللة said...

دوبا
انا نزلت الصور بتاعنا فى بوست
تعالى شوفيها

عبده الرايق said...

حلوه يا هبه
احلى واجمل علاقه بين زوجين
ياريت الستات يقدروا يفكوا الخط ويقروا كلامك ده
كانت حياتنا تبقى حلوه
والرجاله كمان لازم تراعى ربنا فى نساءها
وتحافظ عليهن وعلى شعورهن
الف تحيه ليكى يا دوبه على البوست ده

Anonymous said...

انا بخير ياهوبة الحمد لله بس والله غصب عني الدنيا بقت صعبة والمسؤوليات سحباني بطريقة مش طبيعية واكيد انتي عارفة النوع بتاعنا بيبقى ازاي لما بيتحملها في حاجة غريبة في البوست ده حسيت لوهلة انك ممكن تكون بتتحدثي عن حد اعرفه الحد ده بيترك اثر كتير في الاخرين في الوقت الي نفسه بقى ربنا يجمعه بالي يسيب اثر في نفسه قوي يارب تكوني فهماني ياهوووووووووبة وحشاني قوي ووحشني قعدتي معاكم بس الحمد لله سلامي ليكي وليحي و لكل الي اعرفهم بحكم كلكم

•√أريـ السمر ـج√• said...

حقيقي لغة رقيقة و ناعمة في وصف الود بين شريكين و تاثيرهم المتبادل ..
ابدعتي بالبوست

دمتى بكل الخير

shaimaa samir said...

دوبا
اقسم لك
اننى كنت سانزل بوست
فيهالاية دى فقط
زى واحد كنت منزله فيه
كلا ان معى ربى سيهدين
بجد الاية دى بترعبنى
وبتخلينى اركز جدااا
دعواتك بجد ليا
ووحشتينى جدا

Ehab said...

Happy birth day to you
Happy birth day to you

كل سنه وانتي طيبه عقبال ميت سنه بصحه وهنا

سلاااااااااااااااااااااااااااام
اخوكي ايهاب

كاميليا بهاء الدين said...

عيد ميلاد سعيد يا دوبا
عيد ميلاااااااد سعييييييييد

كل سنة وانت الى الله أقرب
كل سنة وانت أطهر وبقلب اتقى

كل سنة وانت سعيدة
محقق كل آمالك

ويحفظ لك يوسف
وبابا يوسف
ويسعدكم ويبارك عليكم ويبارك لكم

عقبال مليوووووووووون سنة

كل سنة وانتى حبيبتى


بحبك اوى كتير كتير كتير
خالص جدا جامد
ااااخر حاجة


تحياتى وحبى

Wish I were a Butterfly ... said...

كلماتك بسيطة و سلسة جدا بس عبرت عن حاجات كتيييير ناس كتير بتفتقدها فعلا في حياتها

أكتر حاجة عجبتني جملة إن العلامة المميزة و القول اللي الواحد بيقوله يكون "مختوم برضا الله". بجد رائعة كلماتك،و بتوضح شخصيتك العقلانية أوي

انت صح... زي ما الحزن بالعدوى، الضحك كمان و الفرح بالعدوى... فأكيد لازم نسيب تأثير حلو في أي حد نشوفه

دوبا... مش عارفة هتصدقيني ولا لأ بس على الأقل أتمنى :). كنت عايزة أقوللك إني كنت بحبك أوي، وبقيت بحبك أكتر وأكتر وأكتر بعد ماشفتك :). كنت كمان بحب فيكي أوي عقلك وطريقة تفكيرك بس مش حسيت بجوانب تانية من شخصيتك غيرلما شفتك :) بجد فرحت جدااا إني شفتك إنت وفاتيما وكلكم

ربنا يسعدك و يباركلك في كل حياتك يا جميلة

nigro said...

كل سنة و انت طيبة و بألف خير و سعادة و هنا
كل لحظة و كل حد بتحبيه .. جنبك

انا طبعاً جاي متأخر بس أكيد عاذراني .. ولا إيه؟
أنا خلصت يا هبة
ناقشت خلاص
و خلصت خلاص
دعوتك و دعوات كل حد دعالي كانت جنبي
و كان يوم حلو قوي

بس إيه ده؟
لو غيابي هيخليني أشوفلك تعليقين كده خبطة واحدة عندي
أنا مستعد أغيب علطول
و أقضيها غياب

كل سنة و انت بألف خير
ربنا يسعد قلبك يا رب


يلا سلام

Anonymous said...

دوب+ا يا روحى واحشانى كتيييير
ووحشتنى كل كلمه فى مدونتك العوله يا سكر
حلو قوى قوى البوست ده

bedo said...

بجد بوست محترم لحد بيعرف يكتب
بارك الله فيكي

بيدو

حنين.. said...

فلنرقب جيداً كلماتنا ولنجعل لكل من حولنا كلمات طيبة وحينما يتمكن منك الكلمات التى تضر بسمع الآخرين فأرجوك تحكم به ولتصمت حتى تتمكن من التحدث بما يطيب من خاطر الآخرين ومداواتهم وإعانتهم على المضى قدماً فى طريق الحياة ......... نفسى كل الناس قبل ما تتكلم مع اى حد يتفكروا السطور دى............. بجد انتى دخلتينى فى عالم تانى... هو اسمه ايه العالم دا, دوبا هو الكلام دا فى حياتنا , بينا وبين بعضينا بنعمل كدا. يمكن.. اوعى تفتكرى انى بتريق لا والله العظيم. انا بستعجب على حالنا, وبتمنى اننا نكون كدا .

Lyssandra said...

جميل جدا

ياريتنا فعلا نفكر في كلامنا قبل مانجرح بيه حد حتي لو مانقصدش

ممكن نقول كلام لا نعني به الأذي
لكنه يؤلم من حولنا

الكلمه وقت ماخرجت ماينفعش التراجع بعدها
ولا ألف اعتذار ممكن يمحيها
انتهت ..

ياريت فعلا نقدر نراعي اللي حوالينا ونفكر قبل مانرمي كلامنا في وجوه الآخرين

تحياتي
تقبلي مروري

lyssandra

mohamed ghalia said...

أعتقد إنى الموضوع مرتبط بحسن المعاملة
قال الإمام الشافعى
أحسن إلى الناس تستعبد قلوبهمو .......لطالما ملك الإنسان إحسان
تحياتى

فى القلب said...

هوفيه كده بجد
ولا ده محض خيال فى خيال

عموماً لوحقيقه لازمن وحتمن ولابد نمسك فيه بأدينا و سننا
ويارب كل إلى كده ربنا يعزه و يخليه

دعاء مواجهات said...

انا من مؤيدى العلامات بشكل عام

خاصة العلامات النفسية

والشخصة زى ما انتى وضحتى كدة

كلااامك مرهف ورقيق اوى

بحييك ع البوست الجاامد بجد

بييس

همس الاحباب said...

بسم الله
ماشاء الله
بوست رائع
تحفة رائعة بجد
بوست هايل جدا
فى تصوير العلاقة السوية بين الزوجين
نعم الكلمة الطيبة صدقة
والايثار فى المعاملة شىء رائع بين الزوجين
تسلم ايديكى بجد
تحياتى وتقديرى
خالد

Ahmed Kamal said...

جميلة جدا الفكرة ، و واضح إني فاتني كتير لأني أول مرة أدخل المدونة .

أحييكي ، و بارك الله لك في زوجك و أسرتك .

حسن حنفى said...

بوست مميز ومعلق علي نفسه
no camment
تقبلوا مروري

.:.-=- ELGaZaLy-=-.:. said...

فلنرقب جيداً كلماتنا ولنجعل لكل من حولنا كلمات طيبة وحينما يتمكن منك الكلمات التى تضر بسمع الآخرين فأرجوك تحكم به ولتصمت حتى تتمكن من التحدث بما يطيب من خاطر الآخرين ومداواتهم وإعانتهم على المضى قدماً فى طريق الحياة
----------------------------------
نصيحة ام عتاب... ام تفكير بصوت مرتفع!!

كلامك يستاهل يبقى زى الهلال بنستناة كل اول شهر...

بجد جميل اوى...

بس تفتكرتى ممكن نقدر!!

بنوته مصرية said...

الله الله بجد بوست راائع وجميل

عجبني اووي حاله الرضا بين الزوجين

بجد احنا مفتقدين ده في حياتنا

ربنا يدوم عليكي العقل والرضا

كلام عقلاني اووي يا دوبا

كل سنه وانتي طيبه يا قمر
واعبال 100 سنه وتفرجي بي يوسف ان شاء الله

تحياتي

Yahia said...

هي ايه الحكاية ؟!! مفيش رد على تعلقتنا ليه ؟؟؟ هو انا كل يوم والتاني هدخل عشان اشوف الرد وبرده ملقيش .... يا استاذه لو مش هتردي قولي عشان منتعبش في المتابعه


سلام

mostafarayan said...

صح لو كلنا عملنا كدة كانت الحياة بقت جنة والله
تحياتي ليكي

shaimaa samir said...

الحبيبة دوبا
ازيك يا جميلتى
جاية اعزمك على حفلة التوقيع بتاعة الديوان
بجددددددد اوعى مش تيجى
فاتيما جاية
تعالو كلكوبلييييييييز

التفاصيل عندى
وبجدعايزة اشوفكم

دعواتك

samo said...

هو

دائما كان ينتظر نظرتها اليه
دائما ما كان يختلس النظر اليها

كثيرا ما كانت مشاعره تفضحه

كثيرا ما كان ينظر الى عينيها
كثيرا ما كان يذوب فى تنهداتها

احب معها الاشعار
عشق بها الرومانسيه

وفجأه كلمها

مرأه جميله لروح مشروخه
غلاف جميل لكتاب تافه

هل حقا احبها
هل حقا كانت منى اماله

وعادت حياه كما كانت
فقط يتمتع بنظراتها له
ويقول الناس (هو وهى) ؟؟


حبيت ارد بس على كلماتك الرائعه
ودى الكلمات اللى اوحى بها خيالى ووحى اللحظه

اهنيكى على موضوعك الرائع

وبجد لك خالص تحياتى

nigro said...

كان نفسي أشوف حضرتك قوي يوم التبرع
ملحوقة إن شاء الله
خيرها في غيرها
اللي يا رب يكون قريب إن شاء الله


يلا سلام

كلام على بلاطة said...

بوست جميل
فعلا دوبه
تحياتى

Doba said...

الشنكوتى الكبير

الحياة كلها بصمات يا إيهاب بس احنا اللى مش بهتم، المهم اننا نوصل بصمتنا صح

ربنا يبارك فيك وفى غاليتك
تحياتى واشكرك
*****************
شاهى

جميلة هى شخصيتك وقلبك الكريم الجميل
دمتى دائما بكل الحب والخير
وفى تألق مستمر
تحياتى
****************
Appy

والله يا بنتى كل الأفكار عندى بحسها ليست ذات قيمة وعلشان كده مش بكتب وكفاية أقرالكم

دمتم قريبين للغاية من قلبىواوعى تضحى بجنانك دده اهم حاجة فى الدنيا
تحياتى
************
كاميليا

السعادة
منتهى السعادة فى الرضا
بس صعب قوى الوصول إليه
بس أهو بنحاول

ربنا يخليكى ليا
تحياتى
*************
amy lee

الحياة حلوة قوى
جميلة جدا
بس احنا نحاول نحق ده
هتلاقى الدنيا احلى من السكر
تحياتى
*************
حنين القلب

الزواج وعلاقة الزواج من أهم وأحلى العلاقات بس احنا اللى مش بنعرف نقدرها ونتعامل بيها صح وبيخدعنا الظروف والماديات

دمتى بكل الحب والسعادة
ورزقك الله من ذريته ما يقر عينيكى

نفسى نتواصل أكتر
تحياتى
************
cairocomputer

اشكرك على التنوية
تحياتى
************
sherif

كلها بصمات يا شريف بس احنا نهتم انها تكون بصمات مميزة ولما تزرع حب أكيد هتحصد حب

تحياتى
************
mohamed hesham

أكيد هنقدر بس على الأقل نبتدى بنفسنا وبمن حولنا وسنستطيع بعون الله

تحياتى
***********
yahia

لو تعلم أن الحب كل الحب يأتى منك ويتكون ليكون بكامله لك وحدك

فأنت كل كل الحب
أنت الأمل
أنت الحياة
أنت المستقبل الجميل
أنت بمشيئة الله رفيق الآخرة
دمت لى بكل الخير
وحقق الله لك كل ما تتمناه

بحبك يا حبيبى
****************
الطائر الحزين

بالطبع لابد من الاستمتاع وإلا كانت مجرد آلة فى الحياة وإلا لم ذكر ان الزواج مودة ورحمة من كل طرف للآخر

تحياتى
***************
صاحب المضيفة

اشكرك على تعليقك الجميل وربنا يباركلنا فيكم يا ذوى الأفكار الناضجة

تحياتى
***************
nigro

ان كنت تدعو لى بالفرحة ففرحتى تتمثل بوجود شباب ناضج واعى يملك فكراً ناضج وقلباً نابضاً خاشعاً لله

دمت هذا الشاب
دمت بكل الخير
تحياتى
***************
عايز أتعلم

كلماتك كلها فى التعليق وصفت ما أريد تبليغه ولكن بشكل غير مباشر

أشكرك جزيلاً لإضافتك
وعوداُحميداً
تحياتى
***************
blue-wave

بالطبع كل كلمة صادقة طيبة لها مفعول طيب فى نفوس الآخرين فلنستخدمها ونصر على وجودها بين تعبيراتنا

اشكرك وتحياتى
***************
حاول تفتكرنى

من المفترض ألا تمثل العلاقة الزوجية أى نوع من المعاناة بل هى من المفرتض ان تكون الملاذ للطرفين ليضمد كل منهم جراح الاخر

تحياتى لسعة قلبك ورجاحة عقلك
***************
فارس بلا جواد

اشكرك لكلماتك الجميلة ولمرورك
تحياتى
*************
حبيبة القمر

أشكرك كثيرا لكلماتك الجميلة ويارب أكون قدرت أوصل انا بقصد ايه ولابد من اننا نغير ما بأنفسنا فى البداية

دمتى بكل الخير
تحياتى
*************
مواطن مصرى نايم

لا الحمد لله مش فيه أى حاجة ومش فيه أزاز مكسور وبتمنى ميكونش لأى حد ازاز مكسور

ويارب تصحى من النوم بقى يا مواطن
عاوزين المصريين صاحيين مش ناييمين

كفاية نوم بقى
تحياتى
************
miss.sosa

العلاقة المثالية تأتى من مرونة كل طرف ومدى رغبته فى إرضاء الطرف الآخر ولتحقق ذلك لابد من اتفاق الرغبتين

دمتى ذات عقل راجحج دائما
تحياتى
**********
بت خيخة وأى كلام

لما قلتلك اقرى البوست كان لمعرفتى الصادقة بمدى تأثير كلماتك فى الآخرين و
أحببت ان تختارى ما تعرضيه ليؤثر بشكل أعمق

بحبك يا سكرة
يا احلى خوخة
***********
klmat

اشكرك لكلماتك الجميلة وكل ما ارغب به هو توصيل رسايل بسيطة تحث القلب على العمل مع العقل لإنتاج علاقة ناجحة

تحياتى
***********
سبهللة

كان يوم تحفة والصور جميلة
دمتى بكل الخير
**********
عبده الرايق

اه يا راجل يا طيب
لك مقدار من الغلاوة لطبيعتك الجميلة الساخرة ولكلماتك التى تجعل البسمة تفر لتسطع على الوجه

أثابك الله بما تزرعه بقلوب الآخرين من السعادة والضحكة النقية الممتعة

تحياتى
***************
قلوب حائرة

يارب الدنيا تعطى إبيكى بكل ما به الخير لكى ولمن حولك وأسعدك الله دوما

تحياتى
**************
أريج السمر

أشكرك لكلماتك الرقيقة ودمتى بكل الخير
تحياتى
***********
shaimaa samir

يارب يحققلك يا شيماء كل ما بتتمنيه لنقاء قلبك وطهارة نفسك

بارك الله فيكى
تحياتى
***********
الشنكوتى الكبير

ثانك يو
ثانك يو

شكرا
شكرا

ميرسى
ميرسى

ربنا يخليك ليا يا صديقى العزيز
فين التورتة؟؟؟
بجد أشكرك وربنا يباركلى فيك
*************
كاميليا

اشكرك لكل دعوة دعيتيلى بيها ولكى لها بالمثل يارب

دمتى قريبة لقلبى دائما يا بنوتى يا غالية قووووووووى

بحبك يا بنت الأيه
*************
Wish i were a butterfly

تعجز كلماتى أمام كل هذا الحب لاننى أشك دوما بأنى أستحق كل هذا الحب

ربنا يبارك فيكى وأحبك الله الذى فيه أحببتينى وتحياتى لرقة قلبك
***********
nigro

الحمد لله وربنا يحققلك كل ما تتمنى
ودمت بكل الخير
**********
وينكى

شكرا وبالفعل ليكى وحشة كبيرة يا ست البنات وربنا يبارك فيى ويحققلك ما تسعين لتحقيقه

تحياتى
***********
bedo

أشكرك لكلماتك الرقيقة
وربنا يبارك فيك
تحياتى
***********
حنين

الكلام ده موجود فى كل حياتنا بس احنا اللى بنقفل عقلنا وقلبنا بايدينا

اسمك جميل قوى وبحبه قوى قوى
اشكرك لكلماتك ويارب تخلقى العالم ده حواليكى
**********
lyssandra

مرورك أسعدنى لسعادتى بشخك وتفكيرك
واتمنى تكرارها دوما
تحياتى
*********
mohamed ghalia

حلو قوى أحسن الى الناس تستعبد قلوبهم
اشكرك لأنها لخصت كل حاجة ودمت بكل الخير
*********
فى القلب

أوشة القمر
مختفية فين كل ده
بقى بتعلمينا الحب وتجرى تختفى
يارب تكونى بخير
*********
دعاء مواجهات

اشكرك على كلماتك الرقيقة ومرورك الكريم

تحياتى
*********
همس الأحباب

خالد
الذوق والأخلاق الكريمة
ربنا يباركلك فى همس وتفرح بيها يارب
واشكرك لكلماتك الرقيقة

تحياتى
*********
أحمد كمال

أشكرك لدعوتك الجميلة ولكلماتك الرقيقة ودمت بكل الخير

تحياتى
********
حسن حنفى

اشكرك وكنا نتمنى كومنت طويل مفسر بس المهم يكون وصلك صح

تحياتى
*********
elgazaly

هى نصيحة وعتاب فى آن واحد
نصيحة لكل شخص بأن يتمسك بمميزات حياته ويدافع عنها بإستماته
وعتاب لكل من ضحى بمميزاته

وبالطبع نقدر نحافظ ونحقق ده
احنا عندنا إرادة فولاذية
ولا أيه

تحياتى
**********
بنوتة مصرية

كل واحد لديه المقدرة والقدرة على تحقيق ده فى حياته وبالبع كل شىء فى بدايته صعبة وتكاد تكون مستحيلة بس بإرادة هتتحقق

تحياتى
وبوسة لنور
***********
Yahia

انا رديت اهو يا افندم وكل طلبات سيادتك أوامر بس انت تؤمر وانا منفذشى أى أمر

نيهاهاهااهع
ثم انت تقدر متتابعشى ولا ايه
الساطور فى البيت
وعليك انت الأكياس بقى
هع ميييييييين هناك
************
mostafarayan

بالطبع هتكون جنة ربنا فى الأرض بس احنا نتحكم فى الشر اللى فى قلوبنا

اشكرك وتحياتى
************
Shaimaa samir

والله كان نفسى جدا آجى بس ظروفى منعتنى بس انا واثقة من نجاحك لانك تملكين ما يآخذ بيديك ويطير عالياً

ربنا يبارك فيكى يا شيمو
***********
samo

جميل ردك بكلمات آخرى تعبر عن موقف آخر
أشكرك لردك الجميل
ودمت بكل الخير

تحياتى
**********
Nigro

كان نفسى والله أكون من ضمن الحضور ولكن الحكومة منعت وقالت لالالا ينكن وخيرها فى غيرها وربنا يتقبل منكم

تحياتى
**********
كلام على بلاطة

اشكرك على تعليقك وكلماتك
تحياتى
***********

دمتم جميعا بكل الخير والود والحب
هبة

حسن ارابيسك said...

انتي محقه بالطبع
الكلمة
تفعل الكثير والكثير
تبني وتهد تحيي وتميت
أحيانا أشياء كثيرة في حياتنا تتوقف على كلمة فهي ليست بالسهل الهين
تحياتي
حسن ارابيسك

وحـــــــــــى القلم said...

جزاكى الله خيرا بوست رائع

mimi said...

كلهم بيقولوا الهادية الراسية العاقلة ... ميعرفوش اللي فيها
ولا إيه!!!!