Wednesday, February 25, 2009

معنى الحياة

منقوووووووووووول

معنى جميل من معاني الحياة تقول إحدى الكاتبات رأيت اليوم فيديو قصير ولكنه ترك في نفسي أثراً كبيراً

كانت هذه الفتاة الصغيرة التي لا يتجاوز عمرها الست سنوات بائعة المناديل الورقية تسير حاملة بضاعتها على ذراعها الصغير فمرت على سيدة تبكي توقفت أمامها لحظة تتأملها فرفعت السيدة بصرها للفتاة والدموع تغرق وجهها فما كان من هذه الطفلة إلا أن أعطت للسيدة مناديل من بضاعتها
ومعها ابتسامة من أعماق قلبها المفعم بالبراءة وانصرفت عنها حتى قبل أن تتمكن السيدة من إعطائها ثمن علبة المناديل وبعد خطوات استدارت الصغيرة ملوحة للسيدة بيدها الصغيرة ومازالت ابتسامتها الرائعة تتجلى على محياها . عادت السيدة الباكية إلى إطراقها ثم أخرجت هاتفها الجوال وأرسلت رسالة آسفة ... حقك علي
وصلت هذه الرسالة إلى زوجها الجالس في المطعم مهموم حزين
فلما قرأها ابتسم وما كان منه إلا أنه أعطى الجرسون 50 جنيهاً مع أن حساب فاتورته 5 جنيهات فقط عندها فرح هذا العامل البسيط بهذا الرزق الذي لم يكن ينتظره فخرج من المطعم ذهب إلى سيدة فقيرة تفترش ناصية الشارع تبيع حلوى فاشترى منها بجنيه وترك لها 10 جنيهات صدقة وانصرف عنها سعيداً مبتسماً
تجمدت نظرات العجوز على الجنيهات فقامت بوجه مشرق وقلب يرقص فرحاً ولملمت فرشتها وبضاعتها المتواضعة و ذهبت للجزار تشتري منه قطعاً من اللحم ورجعت إلى بيتها لكي تطبخ طعاماً شهياً وتنتظر عودة حفيدتها وكل ما لها من الدنيا جهزت الطعام و على وجهها نفس الابتسامة التي كانت السبب في أنها ستتناول لحم
لحظات وانفتح الباب ودخل البيت الصغيرة بائعة المناديل متهللة الوجه وابتسامة رائعة تنير وجهها الجميل الطفو لي البريء يقول رسولنا الحبيب صلوات الله وسلامه عليه : تبسمك في وجه أخيك صدقة
ما رأيكم لو أن كل منا حاول أن يفعل كما فعلت هذه الطفلة الرااااااائعة ماذا لو حاولنا رسم ابتسامة من القلب على وجه مهموم لو حاولنا رسم بسمة بكلمة طيبة بلمسة حانية على كتف أم مجهدة ... أب مستهلك بمحاولة مسح دمعة انحدرت من قلب مثقل بالحزن بصدقة قليلة لمحتاج لا يجد ثمن رغيف الخبز بهدية بسيطة لمريض حبسه المرض برفع سماعة الهاتف للسؤال عن رحمك الذي لم تسأل عنهم منذ العيد بالمسح على رأس يتيم وجد نفسه كفرخ طير في مهب الريح هناك طرق كثيرة لا تعد ولا تحصى لرسم البسمة على وجوه الآخرين فقط لو خرجنا من أحزاننا ورسمنا البسمة على شغاف قلوبنا لو تذكرنا نعم الله تعالى التي أنعم بها علينا .. لو لم نسخط على ما فاتنا من حظوظ
لو رسمت بسمة على وجهك فسترى الدنيا مشرقة كن جميلاً ترى الوجود جميلاً

25 comments:

Punny_Punny said...

السلام عليكم
أنا قريت القصه دي قبل كده و أعجبت بها جدا
و ياريت كلنا نقدر نرسم بسمة علي وجوه بعض
لكن احنا دي الوقت كل واحد بيفكر في نفسه و بس للأسف

Yahia said...

طبعا فكره جميله وياريت كلنا نعملها بس الحكاية دي محتاجة قوة من الشخص عشان يعمل كده وعلى الرغم من ان البنت الصغيرة دي .... صغيرة .... وبائعة مناديل بس فيها قوة عشان صغيرة. المهم نحاول نعمل كده وده هينعكس علينا اكيد

سلام

الطائر الحزين said...

من خفف عن مؤمن من كرب الدنيا خفف الله عنه كربه من كرب يوم القيامة
كيف حالك

واحدة مفروسة said...

حلو اوي القصة يا دوبا
هيه ديه سماحة الاسلام و الاديان السماوية كلها على فكرة
البسمة فى وش اخيك صدقة
و الوش العابس و الحث على النرفزة و الغضب تقولى عليهم ايه
و برضه ركزي فى القصة كده حتلاقى الحسنة بعشر امثالها
البنت اديتها كيس منديل حيكون بكام يعنى ب50 قرش
و اهو رجع لهم ب 9 جنيه كاملين
سبحان الله
ربنا بيرزق العبد و بيبقى عارف الرزق حيروح من مين لمين
سبحان الله

شوفتى الحفيدة الجميلة اللى بتشتغل بتبيع مناديل
و هيه ممكن ابسط حاجةانها تمد ايدها للشحاتة

انا الناس اللى زي كده بحبهم اوي
و بدعيلهم
ربنا يرزهقها و يغنيها عن البشر اجمعين

تحياتي
و مرسي ليكي انتى شاركتينا معاكي فى الاستمتاع بالقصة الجميلة ديه

ليلى فى عالم ادم said...

plz visit my new blog d tell me what u think

http://lailavsadam.blogspot.com/

Eng. Ahmed Abo El-Ella said...

الرساله جميله جدا
احنا ساعات بنرفض نعمل الأشياء البسيطه لاننا بنعتقد انه مستحيل انها تأثر في حياتنا

الشنكوتي الكبير said...

مره شفت فيلم من فتره اجنبي هو
عن طفل صغير في مدرسته فكر في فكره وعرضها على المدرس بتاعه
والمدرس عجبته الفكره قوي
الفكره كانت ان كل واحد لازم يعمل 3 خدمات لأي حد يعرفه او ميعرفهوش غريب قريب مش مهم كويس او وحش مش مهم
وفعلا بتلف احداث الفيلم حوالين كده وبتشوفي تأثير الفكره على الناس المؤسف ان الطفل بيموت
والناس برده بتفضل تنفذ الفكره ويفتكروه بيها كان فيلم حلو قوي
ياريت فعلا نفكر كدهونعلم ولادنا كده
سلااااااااااااااااام
اخوكي ايهاب

dodda said...

الله
انا كنت من فتره مريت بمدونتك
ولا قيت البةست اللى فات بتاريخ قديم اوى
وكمان عن الشر
معلقتش ومشيت
وده لان ربنا كلتبلى اول تعليق ليا يكون على بوست الخير مش الشر

البوست حلو اوىىىىىىى
وانا فعلا بعمل كده بس ناس كتير مش بتتقبل ايتسامتك اللى مافيشمنها اى غرض
يظهر انهم زعلانين اوى او محتاجين اكتر من الابتسامه!!!!

قلب ينبض بالحب said...

عارفة ياهوبة وانا بقرا البوست جه في دماغي حديث نبينا الكريم الي فيما معناه الديان لايموت والذنب لايبلى ربنا يسعد قلبك وياريت مش تغيبي تحياتي ليحي ويوسف المجرم موووووواه ليكم

حاول تفتكرنى said...

لا شك أن القصة معبرة جدا ، ولا شك أنها وصلتنا جميعا بلا أستثناء وكلنا إيمان بان مجرد الابتسام يريح القلب ويزيل الهم ، ويدعو الآخرين لمثل ما نحن فيه

هناك أناس اعتادوا الابتسام ، فنجدهم فى أحلك المواقف يعبرون بسهولة ، ويتغلبون على جيوش الأم ، وهناك آخرين يحاولون ، وآخرون يحلمون أن يكونوا مثلهم

نتمني أن نكون ممن يستطيعون الأبتسام خاصة فى المواقف التي ينتظر فيها آخرون أن نبكي

تحياتي

قوس قزح said...

قصة جميلة اوى و مؤثرة
ياريت فعلا كلنا نعمل الخير لوجه الله بدون مقابل
و اكيد ربنا هيرده لنا تانى سواء فى الدنيا او فى الاخر

المهم النية

ليلى فى عالم ادم said...

plz check out my new post and tell me what you think

funckydoctor said...

قصة رائعة فعلا
فهل جزاء الإحسان إلا الإحسان
ومن الإحيان التبسم
تحياتى

شخـا بيــط مـحـجـوب said...

جزاك الله كل خير

بجد تسلم ايدك
مدونتك رائعة

تحياتى ليكى

شخابيط mahgoub

ميرام said...

مدونتك جميله
واختيارك رائع ..
فعلا سعيدة بمرروري
أنتظر جديدك
تحيــــــــاتي

Me2 said...

hello
You visited my blog ladies whispers b4 & made a comment
& because i closed it
I'd like to invite you to join my group on facebook,, with the same idea plus more & it's for ladies only

http://www.facebook.com/group.php?gid=51106467065

فاتيما said...

مش هقولك القصة حلوة
و لا الفكرة احلى
هقولك إنك نفذتيها بحذافيرها
لما مسحتى على قلبى الحزين بكل دفعة قوة و حنان بشوفها منك كل ما أشوفك او أقرى تعليقك عندى
و مش بس كدا
لأ ... هل تكتفي بذلك و فقط ؟!!
كمان تبعتيلى مع خيخة كم حب لا يوصف فى كلمات مهما حاولت أوصفه ...
ربنا يخليكى ليا
و متحرمشى منك
هحتفظ بالرقم و اول ما تيجى اللحظة المناسبة إن شاء الله
مش هتردد فى إستخدامه ...ربنا يباركلى فى عمرك و فى قلبك الحلو يا دوبا
و عقبال ما أشوف يسوفك احسن واحد فى الدنيا يا رب
بوسات و حضوناااااااااااات كتير
لحد ما اشوفك فى اللقاء الحريمى و يلا حدودا معاد مع خيخة بس يكون مناسب ليكى و لشاهى فى الأول ...
خالص حبى يا حبيبة قلبى

blue-wave said...

حلوة القصه بجد

ياسر حسين said...

موضوع جميل
في انتظار المزيد
:)
خالص التحية

mohamed ghalia said...

كم تمتلك مفعول السحر تلك البسمة البسيطة
ليتنا نحافظ عليها

Anonymous said...

مش غريب عليا أختيارك لمواضيعك ، علي العموم وحشتيني موت
"بنت من شبرا"
عرفتيني ولا ايه؟؟؟

Doba said...

Punny_Punny

انا كنت اول مرة اقراها وعجبتنى للغاية محتواها وحبيت اشارك اللى بعزهم معايا فى رسم ابتسامه بسيطة

اشكرك لمرورك واتمنى تعلمى البسمة للآخرين

*************
Yahia

على الرغم ان الموضوع محتاج قوة الا اننا ممكن كلنا نساعد بعض او اللى حوالينا على اضيق الحدود

اشكرك
************
الطائر الحزين

أوجزت وانجزت كالعادة
انا الحمد لله بخير
مقلة فقط لا غير
ظروف الحياة

اشكرك
************
واحدة مفروسة

قلبك كبير ومليان بالخير دوما يا مفروستى
وعلى الرغم من ان اللى بيفرسك كتير بس بتحبى الخير اكتر بكتير

بوسة لقلبك الطيب
تحياتى
************
ليلى فى عالم آدم

هزورك حاضر بإذن الله
اشكرك
************
Eng.Ahmed Abo El-Ella

الاعتقاد بانها مش كفاية مش اكتر من عوائق احنا اللى بنحطها ف طريقنا ولو كل واحد فكر بشكل او بآآخر انه يحطم العوائق دى مش هيكون فيه احسن منا

اشكرك لمرورك
تحياتى
**************
الشنكوتى الكبير

اتحكالى الفيلم يا ايهاب وقلبى وجعنى على الولد ولكن فكرة ممتازة ان الواحد يقوم الصبح ويعمل 3 خدمات لاى حد من غير يعرفه وبدون مقابل

ده احنا هنبقى زى الفل بالشكل ده
اشكرك كتييييييييير
*************
dodda

لما اللى يقابلك ميعجبهوش ابتسامتك تأكدى ان العيب عنده هو مش عندك ولا فيكى

احنا لما نبتسم بنحاول نغير اللى ف قلوبنا احنا وصدقينى مش اى حد عنده القوة او القدرة دى

سعيدة بمرورك
واشكرك
**************
قلب بينبض بالحب

مكنتش اعرف انك بدرية غير لما قريت تعليقات منك

ربنا يسعد قلبك ويوفقك دوما
اشكرك
*************
حاول تفتكرنى

اشكرك لكلماتك التى دوما تأخد بيدى للكتابة بشكل متفاءل فحقاً انت من لديهم القدرة على البناء والدفع بالشخاص للأمام

اشكرك جزيلاً
تحياتى العميقة
*************
قوس قزح

انتى تملكين قلبا نابضا بحب الآخرين ولديك القدرة على المساعدة والأخذ باآخرين لضفة الأمان أرجو التمسك بتلك المقدرة دوما

تحياتى
وربنا يتقبل نواياكى الحسنة
*************
ليلى فى عالم آدم

حاضر من عيونى
تحياتى
***********
funckydoctor

اشكرك لكماتك الموجزة والمعبرة فى نفس الوقت وامنياتى بحياة مليئة بالابتسام
***********
شخابيط بطوط

اشكرك جزيلا لكماتك الرقيقة
تحياتى
**********
ميرام

اشكرك جزيلا لمرورك ولكلماتك الجميلة
فى انتظارك دوما
تحياتى
*********
Me2

انا من المتابعين لمدونتك وسأكون من المتابعين باذن الله

اشكرك لاعلامى
تحياتى
**********
فاتيما

كل الكلام اللى فى الدنيا مش ممكن يوصف انتى ايه ليا او معزتك ف قلبى ازاى

مش عارفة ليه بس لاقيه اى كلام اقوله لانى عارفة وواثقة انك عارفة وشايفة انا عاوزة اقولك ايه

اللى ف القلب ف القلب
بوسات كتير
اشكرك لدعمك المستمر
***********
Blue-Wave

الحمد لله انها عجبتك
شكرا
***********
ياسر حسين

اهلا يا فنان
اشكرك لكلماتك وزيارتك

تحياتى
**********
Mohamed ghalia

بالطبع هى داء لكل دواء
جربها وهتلاقى مفعول هااااااااايل

اشكرك لرورك
***********
بنت من شبرا

متشكرين يا باشا على الكلام الحلو ده كله
هنرد الجمايل ازاى بس

تحياتى
*********

اشكركم لمشاركتكم الرقيقة
هبة

انا مذنب said...

داما ما يعجبني اسلوبك المنتظم في التحليل

اقدر فيكي عقلك الهادئ برغم احساسي انك لست بشخصيه هادئة ابدا

لكي مني كل التحيه

ندا said...

اول مرة اسمع القصة دى يا دوبا
لا بجد دخلت على قلبى سرور وفرحة بجد كنت محتاجاها
على فكرة انا كنت بفكر فى موضوع الابتسامه وتاثيرها فى القلوب يبقى الموضوع القادم فى مدونتى والقصة دى شجعتنى اكتر انى اختار الموضوع ده
وبنصح الجميع ارتدى الابتسامة فى كل وقت ان لم تكن سعيد ستجعلك سعيد
تقبلى مرورى وادعوكى لزيارة مدونتى

Saso said...

دوبا
القصه دى رائعه