Sunday, March 15, 2009

طعم القهوة

أحيانا تمر الحياة على صاحبها مياه دافئة جميلة واحيانا قاسية عنيدة ساخنة

ولكن يتطلب من كل منا ان يمر بمجموعة من التجارب والخبطات ليستطيع أن يثقل تلك الموهبة فى اللعب مع المياة بأنواعها

اعتقد عن تجربة، يوجد من لديهم تلك المقدرة على التصدى للصعاب وقسوة الحياة ويتمسكون ببراثنهم فيها والتمتع بها حتى النهاية ، ويوجد آخرون ليست لديهم اى مواهب ف القتال وسريعا ما يسقطون ف دوامة الألم والآسى وتجدهم يستمتعون للغاية بمدى عذابهم وتألمهم وليست لديهم المقدرة او الرغبة على التصدى للحياة

بمعنى آخرهناك نوعان من البشرنوع يحب التمتع والاستمتاع وهؤلاء تجدهم يتغلبون على كل عواقب الحياة بابتسامة راجحة ورضا ويقين بقضاء الله

ونوع آخر يتذمر ويتألم لأى شىء مهما كان صغيرا ولديهم حب الاستمتاع بشفقة الآخرين

أرجو أن أكون تابعة لنكهة القهوة التى تترك رونقها ومذاقها الخاص حينما تتعامل مع تلك المياه الساخنة لاننى استمتع بمذاقها كثيراً

أمنياتى بكل التوفيق
إيحاء وأفكار تراكمت بعد قراءة هذه التدوينة
من تأليف

41 comments:

فاتيما said...

دوبا يا حبيبة قلبى
والميس بتاعتى ...
كالعادة كلامك حكم
ومتهيألى كل واحد هيلاقى روحه فى الأنماط اللى ذكرتيها ...
مرة يبقى كدا ومرة تانية يتحول
ساعات للأحسن
وساعات للأسوأ
بس إنتى عارفةاللى زى حالاتنا كييفة قهوة حتى الثمالة
ولو إنها بتفوق
ودى ميزة كبيرة للى نايم على روحه والعمر بيعدى جنبه ..
و مدام جبنا سيرة القهوة بقى
احب أقولك إنك بهتى عليا
حتى فى المزاج العالى ...
والحمد لله ربنا كرمنى و غيرت من النسكافيه لماكسويل هاوس
وكل ما أشرب فنجان ويظبطلى دماغى
ادعيلك يا دوبى
بوسيلى يسوفة العسل
و تسلملى كل حاجة فيكى من كل شر
بوسااااااااااات وحضوناااااااااااات

Ahmed said...

في ناس فعلا بتستمتع وتتلذذ بالألم
وتحب أوي تعيش أيام وسنين تحت ألم الجزن والشعور بالظلم

أنا بكره ده
لأنه ضعف
وأسوأ ما في الضعف اعلانه للآخرين واستثماره عشان نستدر بيه عطفهم وشفقتهم

بالنسبه ليا ده شئ مقرف فعلا

romansy said...

جميل كلامك بس اوقات كتير فيه صعوبات مش بنقدر عليها ولا نقدر نحلها ابدا
بس ممكن ابتسامه تهون علينا شويه
مش تحل
بس جميل اننا نفكر بهدوء

Ehab said...

عارفه كلامك صح
بس كالعاده البشر طباعهم مبتمشيش على وتيره واحده طول الوقت
عاملين زي نبضات القلب في المونيتور بتاع المستشفى بس لمريض حالته متدهوره شويه فوق قوي وشويه تحت قوي
فالشخص اللي في العاده بيقف مستسلم وبيشتكي بس بتيجي عليه لحظه ويقلب الموقف على الكل ويتحول لمجنون علشان كده بيقولك اتقي شر الحليم اذا غضب
وبرده الشخص العصبي المقاتل طول الوقت ساعات بيتعب من كتر الحرب طول الوقت ساعات بيحتاج يركن شويه يداوي الجرح او ياخد نفسه فتلاقيه فجأه بقى ساكت هادي

حتى الناس اللي عايشه حياتها بتتفرج بس مالهاش اي دور لا حرب ولا سلم
بيجي وقت ويضطرهم الموقف انهم يبقى ليهم جانب يقفوا فيه ومفيش حياديه يا هنا يا هنا

عامة بوست هايل بيخليني افكر كتير
بس متبقيش تغيبي كتير كده

سلااااااااااااااااااااام
اخوكي ايهاب

الـسـيـدة نـون said...

يشاوروا عليها ويقولوا العبيطة اهى


انا عايزة الإذن منك علشان اعملك الفضيحة


علشان كلنا نشاور عليكى ونقول العبيطة أهى


نيهاهاهاهاهاع

نادراً عليا لاعملك يوم حريمى مخصوص علشان نشاور عليكى كلنا ونقول العبيطة اهى العبيطة اهى

وهيكون النشيد الوطنى ليكى
من هنا ورايح
كدة رضا
كدة رضا
كدة رضا

نيهاهاهاهاهاهاهاهاع

وش واحدة مدلدلة لسانها لحد ركبتها

الـسـيـدة نـون said...

نتكلم فى الجد بقى

انا عن نفسى ساعات بنكسر و بكون مثيرة للشفقة عن قصد ساعات او دون قصد ساعات
بيكون عقلى الباطن ساعتها عايز شوية اهتمام وحنية من اللى حواليا

وساعات تانى بنكسر وارجع اقوم كالنخل باصص للسما لسماااااااااااااااااا



بس خلاص
سلام
اختك خيخة

Unknown said...

علي حسب المشكلة وشخصيتك في ناس بتستوعب المشاكل باسلوب قوي
وناس لا
وعلي حسب قدرتنا علي الاستيعاب علي اد ما بنقدر نتغلب عليها


وحشاني يادوبا كتير كتير


سلامي ليوسف

سلام

قلب ينبض بالحب said...

مش عارفة ليه ياهبهوبة فكرني البوست ده بالمحنة الي كنت بمر بيها وكنت متماسكة وبضحك وعايشة الحياة الا والاقي كام حدبيقولولي هو انت عادي كده الدنيا بالنسبة لك على اساس اني اروح ادور على حتة وادفن نفسي فيها ، وفعلا الناس الالوان في منا الي بتالمه شكة ابرة وفي منه الي مش بتهده محنة سلامي لااوسف وبووووسه كبيرة ليه وليكي

الضاحكون said...

هاكلمك بصراحه والله يا هبه
احيانا اشعر انى صاحب الشخصيه القتاليه الاولى التى تنحت فى الصخر وتزلزل كل الصعاب وتتفوق دائما على عثرات الحياه مهما ذادت
واحيانا اشعر انى صاحب الشخصيه الثانيه الغير قتاليه التى تنهزم سريعا وتنتظر الشفقه ممن حولها
يبدو اننى لا استطيع تذوق طعم القهوه

عبده الرايق

الضاحكون said...

هبه العزيزه
لكى كل التقدير والاعتزاز منى ومن فريق العمل بمدونه الضاحكون على وقوفك المستمر والمشجع معنا
مع خالص امنياتى وتحياتى لكى
وسلامى للعزيز الغالى يوسف

حاول تفتكرنى said...

اسعدني قراءتها مرتين

وأؤكد أن سر الاستمتاع بالمذاق الفريد كوننا نحن من نصنعها

تحياتي

صاحب المضيفة said...

غالبا اللي بيحكم الموضوع ده الجناب الايماني في حياة الشخص

والباقي علىالمقومات الشخصية السلوكية

لكن يبقى التنوع أيضا كسمة اساسية في هذا الأمر


تحياتي

أحمد سلامــة said...

اكيد يا دوبا التباين ده موجود
بصورة كبيرة جدا
بس دايما بيجي السؤال
امتى
امتي يجي الوقت اللي الانسان يحس انه متماسك وقادر انه يوظف خبراته في الحياه فيلاقي مردود جيد للخبرة دي
امتى يجي وقت والاخطاء متحصلش
الكمال لله وحده
بس مقالب الحياة لاتنتهى والخبرات مهما تضاعفت بردو صحابها من وقت للتاي يكتشف انه لسه صغير قوي
--
افكار متميزة تستحق الثناء
دمتي بود

mohamed emera said...

السلام عليكم
بوست جميل وتناول رائع لموضوع هام جدا
بالرضا واليقين تكون الابتسامه وبالابتسامه يكون العمل والقوة
وبالتذمر يكون الالم وهو حقا يستحق الشفقه
فكل منهم يستحق ما يناله
من يبتسم ويرضى يستحق الابتسامه والراحة
ومن يتذمر ويتالم فقط يستحق الشفقه
رائع ما كتبتى اسعدنى قراءته
تحيتى وسلامى
اشوفك بين حروفك
سلاااااااااام

كاميليا بهاء الدين said...

صباح الفل يا جميلة

حروف تحمل بين دفتيها ارتواء للفكر ..

فنجان من القهوة ..
على قدر صلابة حبوب القهوة
إلا أنها بعد مرورها بالحياه المعتادة بالنسبة لها من تعرض للنار حد قرب الاحتراق .. ثم مرحلة الطحن لتصبح مسحوق أو مسحوقة طحنا .. حتى تصل الى المياه الساخنة فتذوب فيها .. إلا أنهاورغم كل هذا ورغم ما واجهتهه .. تحتفظ بقوتها وبقائها ..
أتعلمين كيف؟

هو تغير لون الماء
تجبره ان يتلون بلونها
ويغير اسمه .. فيصبح اسم المشروب قهوووووة

هكذا مقاتلى الحياة من البشر
مهما تعرضوا خلال حياتهم إلى محاولات هدم او نفى .. إلا أنهم فى النهاية .. يعلنون إنتصار بقائهم
وليس بقاء بالقوة او الغصب
بل بقاء بالحـــــــــــب
والصبر
والايمان بان فرج الله قريب


احنا صباحنا فل ولا حاجة؟
ههههههههههههه

بحبك يا سيدة المدونات
فى فن الحيــاة

mimi said...

AS USUAL PERFECT 10/10

Unknown said...

بوست جميل جداً تسلمى عليه
بجد جميل جداً وكلمات رائعة
تحياتى

david santos said...

Wonderful!!!!
Happy Day!!!

Resala said...

طبعا انا اقل من انى اعلق على الكلام الجميل ده
بس بجد تحليل واقعى ورائع جدا
وانا معاكى ان الناس نوعين نوع حابب يتصدى للحياه ونوع بيتمتع بشفقه الاخرين وضعيف
بس بجد التصدى للمتاعب لذه اجمل بكتير من الضعف ده
تقبلى مرورى
اخوكى جيمى
(اسمحيلى اكون ضيف دائم عندك
واضيف مدونتك عندى)
سلااااااااااااااحف

3aziz 3eni said...

التجارب تصنع الانسان وحضارته
وبحسب شخصيته يستطيع ان يتعايش مع ظروفه ويتغلب علي تجربته الخاصه منها يمكنه ان يستفيد او ان ينسي مستقبله معها فبدون ماضي لا يمكن ان يذكر مستقبل فهو ثمرة الماضي وتاثره به والماضي ما هو الا مجموعة تجارب يرسم بها شخصيته التي تظهر في نتائج تجاربه

من منا يريد ان يكون بلا مستقبل..فعليه ان يبكي حاله وينام مبللا فراشه بدموعه

واما يقف ويتحدي نفسه ويتغلب علي صعوبات تجربته ويرسم مستقبله بل ويحفره في الصخر

إيمان قنديل said...

نحن بشر، ونحن جميعا لدينا نفس الصفات مع بعض الإختلافات البسيطه، فأحيانا نكون راضين قانعين، وأحيانا اخرى متذمرين غاضبين، وكثيرا نتمني ان ينظر الينا الآخرون بعين العطف والشفقه، تلك هي التركيبة الإنسانية

Dr. Kafy said...

فعلا من المهم التصدى للعقبات حتى تكون الحياة جيدة

فاتيما said...

دوبا
وحشتينى قوى
انتى فيييييييين ؟؟
عاملة إيه و غطسانة فين كل دا ؟
مشتاقة لتعليقاتك و كلامك
و دروس الحياة الممتعة
إعملولنا لقاء حريمى يا إخواننا مينفعشى كدا
الواحد ادمن الأيام الحلوة دى
و دماغه بتوش زى كييف القهوة اللى بقاله يومين مشربهاش
دوقونا طعم القهوة الجميلة من قلوبكم بوسيلى يسوفة العسل

فاتيما said...

هبهوب
انا فرحاااااااااانة جدااااااااا
جداااااااا
متتصوريش أزاى
ربنا يباركلك و يتمم لك على ألف خير
مش عارفة أوصفلك سعادتى
يا ريتنى كنت سبت تعليق عندك من بدرى عشان أعرف الاخبار الحلوة دى من بدرى
دنا هسيب تعليق كل يوم بقى
ألف مبروك يا حبيبتى
ألف مليون مبروك
ب ح ب ك

mimi said...

قلبي دليلي بيقوللي فيه حاجة جديدة في حياتك
يا تري ايه؟؟؟؟؟؟
قطة جديدة في العيلة ؟؟؟
ياااارب
وحشتيني
انا غيرت أميلي ابعتيلي علي الميل الجديد

... amr said...

ألف مبروك و ان شاء الله يكون - تكون - أحسن واحد - واحدة - في الدنيا

سبهللة said...

انا داخلة اقولك الف مبروك على الحمل وربنا يتم لك بألف خير
ويرزقك باللى تتمنيه
ويرزقك بالذرية الصالحة
ويكونوا ان شاء الله باريين بيكى وبابوهم
تقومى بالسلامة ان شاء الله يا دوبا يا حبيبة الكل

هندسة وصفية said...

انا شايف اننا لازم نسيب نفسنا نحزن مش علي اي حاجة يعني بس مينفعشي اننا نقاوم الحزن
اعتقد انه بيضاعف الاثار الجانبية
و ساعات الحزن علي فكرة بيبقاله نكهة جميلة
زي ما بنشرب القهوة مرة و نستمتع بيها
و لو محزناش قوي مش بنفرح قوي

همس الاحباب said...

الف مبروك
الحمل
وربنا يتمم بخير
تحياتى

micheal said...

كلام جميل وكلام معقول مقدرش أقول حاجة عنه

Yasmine Adel Fouad said...

هو ده اللى انا محتاجه اسمعه
عارفه انا المفروض فرحى كمان شهر و كام يوم و بدات احس بقلق نفسى و ضغط فظيع ، عارفه ان كل بنت بتحس بده قبل جوازها و بتاع بس بقيت طول اليوم بفكر انا اقدر اواجه الحياة و للا لا

شكرا ليكى

daktara said...

بمعنى آخرهناك نوعان من البشرنوع يحب التمتع والاستمتاع وهؤلاء تجدهم يتغلبون على كل عواقب الحياة بابتسامة راجحة ورضا ويقين بقضاء الله

ارجو ان اكون دائما من هذا النوع
الموضوع شيق وهادف
وتحليليك النفسي رائع

شكلها باظت
انظر حولك
د. خالد عزب

nigro said...

هبة هانم المستخبية
إزي الصحة و إزي الحال
مش زي الفل كده و الحمد لله عال العال
و إيه أخبار البامبينو ؟
شاف النور وشم الهوا ولا لسه ؟
هو بصراحة كده مش عارف الدعوة اللي المفروض تتقال في المواقف اللي زي دي
بس أنا هادعيلك ربنا يعملك كل حاجة حلوة تفرحك ياااااا رب

كل سنة وانت طيبة يا افندم
وعقبال يارب سنين كتتتتتتتير كده بأتم صحة و أسعد حال

أقولك على حاجة
يوم عيد ميلادك هو نفس يوم عيد ميلاد مامتي


يلا سلام

محمد العدوي said...

بصبح بس لأنه مضى زمن لم ازر فيه المدونة .ز


ازيك

Anonymous said...

بوست جميل

بس فى نوع تالت..نوع ممكن يصمد لفترة و بعدين يقع و ميستحملش..بس بيبقى اسمه حاول


تحياتى على البوست و المدونة كلها

فاتيما said...

الأول كل سنة و إنتى طيبة يا دوبى
زعلانة منى ..صح ؟
و الله حاولت اكتر من مرة ادكتب تعليق عندك من نت الشغل و فشلت فشل ذريييييييييع مريييييييييييع
بس دا مش عذر لتأخرى ..أنا أسفة و أرجو أن تقبلى إعتذارى
وحشتينى قوى
النونة عاملة إيه و يسوفى حبيبى ؟!!
يا رب تكونوا فى أتم صحة و حال
لسه النت متصلح النهاردة عندى ف البيت بس بعد معاناة و يا دوب لحقت أكتب بوست جديد و أسيب عندك تعليق
أنا بخير بس الشغل مجننى شويتين ..
المدير هايل لأنه قريبى و صابر عليا جدا فى بطىء بس لأنه واسطتى فباقى الناس ف الشغل مش طايقينى و نظرات عينيهم و تعلياتهم الباردة مبينة مشاعرهم جدا ..
بحاول أبعد عنهم قدر الامكان لغاية ما أتمكن من قدراتى و بعدين أعرف أتعامل معاهم ..لكن لحد دلوقتى بقعد السبع ساعات قصاد الجهاز أتعلم و أتدرب على الكتابة و أجيب ورق قديم و اكتبه و أعمل ستوب وتش و أشوف التحسن شكله عامل أزاى
و يعنى فيه تحسن كويس و جارى تحسينه أكتر و اكتر إن شاء الله
يوسف ؟!!
كلمته مرتين يا دوبا ... تصورى !!
هرد بالتفصيل فى بوست جاى
بس الحمدلله الوضع مبشر و أنا خايفة اديكو امل و تفرحو معايا قوى و بعدين يجيلكو احباط ...
هكتب بوست اطمنك إن شاء الله مدام النت إتصلح
بوسة و حضوناااااااات
و كل سنة و إنتى طيبة و بالف خير يا حبيبتى و بوسيلى يسوفة و النونا

mimi said...

لسة طعم القهوة

دي كده بقت بن خالص

فاتيما said...

إنتى فين يا دوبا
انا متوغوشة عليكى
مبقتيش تعلقى عندى و لا عند حد
يا رب تكونى بخير
حبى الخالص يا حبيبتى

سبهللة said...

هبة
كل سنة وانتى طيب
رمضان قرب وحبيت اكون اول واحدة

د/ أحمد لاشين said...

رمضان كريم يا ستي
بس ياريت تطمنينا عليكي
في انتظاااااااااااااار جديدك

فاتيما said...

كل سنة و إنتى بألف خير يا دوبى
وحشتينى كالعادة
و فرحانة إنى هشوفك يوم السبت إن شاء الله
لأ و إيه كمان
هشوف سى عمر من وراء حجاب
بوسة و حضونة لحد ما أشوفك