Wednesday, June 27, 2007

الدنيا ربيع ---والجو بديع

طبعاً طبعاً انا فى منتهى الكدب الشديد لما بقول ان الدنيا ربيع والجو بديع --- ده الدنيا حر مووووووووووت الواحد مفرهد من الحر وعينيه نعسانة وعنده خمول وعمال يتاوب وكسلان حاجة صعبة على بشعة على خنيقة ومقززة فى آن الوقت
إليكم ومن موقعى هذا أحب أن أنوه اننى سأقوم بخيانتكم جميعاً وسأطير مع زوجى وأبنى الحبيب إلى الأسكندرية المارية وترابها الزعفراااااااااان -وأنتو لألألألألألألألألألألألألأ- متتخيلوش قد ايه نفسى بقالى كتير أروح بس أقف الساعة 5 الفجر قدام البحر وميبقاش أى حد هناك منى ليه كده والواحد ياخد من جواه ويرمى ويرمى ويرمى - قال يعنى بيرمى زبالة - لغااااااااااااااية لما الواحد يفضى ويرجع أنصع مالصينى بعد غسيله
هاروح أسكندرية هيييييييييييييييييييه - تصدقو بقالى ييجى حوالى كده 6 سنين مروحتش هناك غير يوم وارجع - بحب جدا أقف عند بير مسعود كده الصخرة اللى فوق والميه عماله تضرب فيها وأوقات بتغرق كل الحبيبة - أقصد اللى واقفين بس بتبقى تحفة - بيبقى نفسى جدا أقوم نطه جوه الميه - مبيبقاش نفسى غير أن أيدى تكون فى أيد حبيبى وجوزى وبس وأنا وهو والبحر والسما والصخور حوالينا والهوا الجيل مالى صدورنا والحب منور قلوبنا - يارب يارب تكون رحلة سعيدة
نفسى تكون رحلة مليانة حب وفرح وهنا وسرور وكل اللى معايا يستمتعو بوقتهم حاكم انتو عارفين فيه ناس غاوية نكد وقرف وملل وكآبة وبعيد عنكم أنا لما بكون مع حد كده أعصابى بتنهار
دعواتكم معايا ومش هنسى ألف وأدور وأجيبلكم من كل حتة بق مية مالحة وسمكاية وبسبوساية ورملايه وممكن حتة قنديل بحر لو حابيين ولو فيه يعنى طبعا مش هستخسره فيكم ده أنتو حبايبى
ها بقى قولولى أنا عن نفسى عاشقة للبحر وبير مسعود وصخرته تحديداً وبستمتع جدا ما بينهم - أنتم بقى بتستمتعو باييييييييييييييه - كل واحد يقول الحق واللى بينبسط حتى وهو بيلعب فى الشارع يقول ميتكسفشى مش هضرب المرة دى
بحبكو كلكوووووووووووووو قددددددددددددددددددد البحر والسما زى أبنى مبيقول
سلالالالالالالالالالالالالالالالالالالاموز
هبة

34 comments:

shahy said...

خيانة......خيانة
يا بختك ياست هبة اسكندرية مرة واحدة
الله عليها
مفيش حد في الدنيا مابيحبش اسكندرية
ماعدا ابويا بيحب مرسى مطروح
انا بحب اسكندرية قوي وكمان ليا زوجة عم اسكندرانية وعايشة هناك طبعا

اتمنى لك رحلة سعيدة فريدة جديدة لذيذة
وترجعي بالف سلامة

smraa alnil said...

انتي بتغظيني يعني ولا ايه

عادي مانا ممكن برضه اروح يوم وارجع

انا بحب اسكندرية اوي
انا بقي يا سيتي اي مكان يكون فيه خطيبي معايا بيبقي حلو وبستمتع بيه

المهم تروحي وتستمتعي وتكبري دماغك من اي مشاكل او متاعب ممكن تقابلك
اعملي عبيطة من الاخر

يارب يا هبة يسعدك ويبعد عنك المشاكل
واوعي تنهاري
ربنا يوفقك يارب وخلي بالك من ابنك وجوزك

الطائر الحزين said...

اسكندرية جاذبة كل القلوب
انا احبها فى الشتاء ايوة فى الشتاء بشوفها رائعه
تجتزة سعيدة وابعد الله عنك النكديين والنكديات والمكشرين والمكشراتومتنسيناش فى الهريسة والمكسرات
تحياتى

عصفور المدينة said...

بشرة خير
أعتقد أنني ساستريح قليلا الموسم القادم من التعليق على المدونات
ناس دماغها سايح من الحر والناس التانية في المصيف
تصبحوا على خير

انتظار مؤقت said...

هبه في الغربه هنا درجة الحراره من كام يوخم كانت 52 تخيلي و كمان مفيش اسكندريه و لسه باقي كتير على اجازتي ...صيفولي معاااااااااااااااااكو ..ممكن اعرف اسم ابنك
تحياتي من عاصمة جهنم بجد

Ehab said...

هييييييييييييييييييييييييييييييه
اسكندريه يعني اكيد انتي محضرالي مفاجأه وهتجيبيلي معاكي هريسه وبسبوسه من احمد حسنين وبلاش العصافيري لحسن بتبقى ناشفه قوي
وياسلام بقى لو شوية سمك وجمبري
ده انا كنت ادعيلك شوية دعوات
مبروك يا هبهوب على الرحله واتمنى ليكي اجازه سعيده تستريحي مننا شويه وتتلمي على الحبيب الغالي لوحدكوا شويه ربنا يسعدك ويوفقك يارب
اوعي يا هبهوب تنسي تروحي المنتزه الجناين والقصور والفناره والصخور والشاطئ كلهم تحفه صدقيني مش هتندمي انك رحتيه وفيه هناك اماكن تقعدوا فيها براحتكوا تتفرجوا على الغروب
فكرتيني يا شيخه بأسكندريه
عموما سلمولي عليها
سلااااااااااااااااااااااااااام

truelove said...

ان شاء الله تكون يارب اجازة سعيدة يتجدد فيها كل حاجة حلوة ما بينك انتي وزوجك يارب وترتاحوا شوية من هموم العمل وتبسطوا يوسف يارب تكون اجازة حلوة يابوب ومتنسيش الهريسة ليا ياقمرية

Doba said...

shahy

تومام يا باشا - والله مخنتكيش والله اتفضلى معانا

دى الدعوة عاااااااااامة وهتبقى لالالالالالالالامة وهيبقى ليا فى اسكندرية ونيييييس يا اولاد بلدنا

اسكندرية ولا مرسى مطروح الاتنين حلوين هو أينعم اسكندرية دائما وأبدا لمها مذاها المميز ولكن مرسى مطروح بقت تحفة دى كفاية عجيبة لوحدها بحس انى فى الجنة تبارك الله فيما خلق بجد

الله يسلمك وعقبالك عن قريب
أشكرك وتحياتى --- هبة
========================
smraa alnil

والله مش بغيظك خالص خالص مالص - هو انا بس مبسوطة حبتين

ويا سيدى عليك انت وخطيبك والامانكن اللى بتروحوها - ماشية معاك يا باشا - بس حقيقى كل مكان فعلا بيكون ليه ذكرى مميزة طول العمر - أكثرى من ذكرياتك وأماكنك المميزة

انا ناوية أعمل عبيطة عبيطة يعنى لو فيه نكد - ربنا يستر - وحاضر هخلى بالى من جوزى وابنى - مليش غيرهم هما حبايبى الغاليين

تحياتى وسلامى --- هبة

Doba said...

الطائر الحزين

أسكندرية بديعة فى الجمال فى الشتاء بتكطون أكتر من رائعة - انا روحتها مرة واحدة فى الشتا بس - لكن عمرى مبنساها جميلة حقيقى وهيه بتمطر كمان - حاكم انا عيلة قوى قدام المطرة

وعندك واحد هريسة بالمكسرات للبيه هنا
تحياتى يا طائر --- هبة
======================
عصفور المدينة

زعلان ليه بس من التعليقات - أنت شرف لكل المدونين بتعليقك الكريم - دائماً وابدا منور يا افندم

والواحد فعلا دماغه خلاص ساحت من الحر - أدعيلنا يا عصفور

تحياتى --- هبة
================
إنتظار مؤقت

بجد بجد الله يكون فى عونك - 52 درجة والله ربنا معاك فى عاصمة جهنم وأهو كله بثوابه - ابنى أسمه يوسف

ترجع بالسلامة يارب ومصيف سعيد مقدماً
تحياتى --- هبة

Doba said...

الشنكوتى الكبير

مين أحمد حسنين ده - السمك والجمبرى اه أعرفهم طشاش كده - ها مين --- حد بيندهلى - شكلى هعمل عبيطة من دلوقتى هههههه

من عينينا - وعندك واحد هريسة على بسبوسة على مكسرات ومجبنيهم واحدة سمك مع جمبريياية جامبو للأستاذ هنا وصاااااااااااية يا جدددددددددددع

انا مروحتش المنتزة قبل كده - هقترح على زوجى العزيز ولو عجبتنا هدعيلك من هناك يا شنكتكت - وسلام كبير هنا لأسكندرية - تيراتيرا تيرااااااااا

تحياتى يا بوب
هبة
=====================
truelove

يارب يارب تكون أجازة حلوة - وعقبالك يا أحلى عروسة لما تقضى كل أيامك فى حب وهنا وسعادة

هجيبلك هريسة وبسبوسة من عينيه
تحياتى يا بطوطة
هبة

warDaya said...

يااااااااااه مشاعرك رقيقه وصادقه وف منتهى الروعه واحلى حاجهان كلها تفائل وجمال مش زي كل المتجوزين اللي لما بيتكلموا على حاجه زي كده كلامهم بيبقى بيطق شرار
ربنا بجد بجد يكرمك انتي وزوجك وطفلك وتتمتعي هناك..ويخليهوملك كلهم ياااارب
ويارب لو حصل اي منغصات-هي دي الدنيا-تعرفي تتخطيها بسهوله وتعرفي تستمتعي بكل لحظه
ربنا يحفطكوووووووووووووووووووووا

Doba said...

ورداية

شكرا ياهدى على اهتماك الرقيق - انا عجبنى جدا برده احساسك العالى وردودك الهايلة- الجواز فى منتهى الجمال لما يكونو الاتنين متفقين انهم يعيشوا سعدا مهما كانت الظروف - ربنا يسترها هناك - دعواتكم

كلام فى سرك اصلى رايحة مع أهل زوجى الأعزاء فربنا يستر ومحدش يفرقع صواريخ او بمب او يرمى علينا حبة قنابل

ههههههههههههه

سلامى يا ياوردة وتكون لونها روز
هبة

Mirage said...

sorry ya heba walahy

mashghool ta7n fel shoghl,

da 7ata mesh 3aref 2a3od 3ala el gehaz elly 3aleh 3araby beta3y

modtar akteb el comment bel 7roof el english.

thanks for your care and i'll be back tomorrow inshallah
as i'm finishing my last post

hope you'll like it

3abdo me7tas said...

ايوا يا عم وقعده تتلم الغسكندرية بقى وما أدراك ما الإسكندرية أنا كمان كنت بفكر انى انزل الإسكندرية بس أنا كنت مواعد المدام بتاعتى انى اقابلها كمان يومين على ترعة أبو إسماعيل نتمشة شوية عليها هههه انا بهزر محدش يصدق انا مفيش حد فى حياتى من اساسه يلا فرصه مين عايز يتجوز العريس موجود اهو وهوديه الغسكندرية كمان مين قال هات ؟
تروحى وترجعى بالسلامة يا هبه
تحياتى

warDaya said...

امممممممممممم
والله يعني يا هبه ده بيعتمد على طبيعة اهل زوجك الاعزاء
ههههههههههه
ان شاء الله خير..
بس اعملي حسابك ان مافيش ذرة هاتخلي اللي رتبتيله يتغير بإذن الله
امتصي كل حاجه ممكنتبوظ الدنيا..
وان شاء الله ربنا هايسترها...

مش عارفه ليه جالي الاحساس ده..
مع اني اول مره ادخل مدونتك..
حاسه اكني اعرفك من مليون سنه...!!!سبحان الله

keda-sponsor said...

هييييييه
أنا مدون إسكندراني صغير السن وبفرح قوي لما أعرف أن الناس لسه بتحب الإسكندريه كنت بحسب الأستاذه شرم الشيخ والست غردقه أكلت من الإسكندريه الجو .... طبعا موضوع البحر الساعه خمسه الفجر أنا بقالي ست سنين بقف هناك كل يوم الصبح

عموما أهلا بيكي في الإسكندريه

سندباد said...

تروحي وتيجي بالسلامة استمتعي وعيشي حياتك وحبي جوزك وابنك اوي ربنا يخليكم لبعض
تحياتي ياسيدتي

sosoooo said...

مغبتيش عني لحظة والله بس كنت عارفة انك مشغولة ،، جاتلي فكرة اعرف اخبارك من هنا ،، ربنا يسعدك ويفرحك ،، موضوع رائع وتيجي بألف مليون سلامة..

انا ياما ياما رميت فلوس في بير مسعود وكلت كباب من عند بلبع واتمشيت في خالد بن الوليد ، وكلت ايس كريم من عند سلطانة ، يااااااااه ذكريات جميلة ..جميلة بجد ،،
الفريسكا يا بندق والقهاوي وأم الخلول وكل حاجة في اسكندرية جميلة ،،
انا بعشق اسكندرية ونفسي اسافر ... شجعتيني ،، هسافر ان شاء الله ...
تنوري اسكندرية وتنري القاهرة
تحياتي

Anonymous said...

هاللو ياجميله
تروحي و ترجعلنا بالسلامه و يارب تستمتعي بالجو هناك و يكون رحمه عن القاهره
استمتعي يابنتي بكل لحظه في اسكندريه و هاتي معاكي مخزون من الهوا الجميل من هناك
فعلا مفيش احسن من ان الواحده تصحي بدري من الفجر و تقف عند البحر و مايكونش فيه حد و تستمتع بالهوا النقي
حموت و اطلعلي يومين في اي حته ربنا يسهل حكم انا بتخنق من الجو الحر ده و الرطوبه
بيعصبوني
المهم ياجميل حتوحشينا و لما ترجعي ابقي طمنينا عليكي و رحله سعيده و جميله ليكي و لجوزك و ابنك الامور
:))

طهقان said...

يا بختك
تروحي وترجعي بالسلامة

بس ايه بير مسعود دا؟
انا اعرف بئر سبع
بتاع اسعاد يونس وسعيد صالح

شيرين said...

مفيش حد أحسن من حد هاهاها

أنا رايحة مرسى مطررووووح رايجة عجيبة وهبقى اشقر كمان على شاطئ الغرام عند ليلى مراد

تحياتي ومصيف سعيدة يارب

حقى اهرتل said...

عندما تظلم الحياه دائما ما نتكلم عن الحر والحب والندويموت الاتحاد على شئ دونها
سعات بفتكر اسكندريه

semsem said...

رحله سعيده

3abdo me7tas said...

أنا شايف ان الرحلة طولت شوية
ربنا يسعدك يا رب وابقى سليميلى على الواد يوسف

Dalia said...

انا كمان يا هبهوبه مكانى المفضل هو بير مسعود
انا كنت هناك امبارح و الموج بيضرب و يطلع فووووووووق شكله تحفه
بس اللى قاعدين ماكنوش حبيبه للاسف كانو شباب صوبيان و ماكنتش عارفه اقف

عاااااااااااااااااااا

انا لو كنت اعرف انك فى اسكندريه من زمان كنت قابلتك .. بصى انتى لو لسه هناك ابعتى لى نمرتك
يلا سلام يا جميل

shahy said...

يا بنتي هاترجعي امتى بقى
انتي ماقلتيش المدة

على العموم رحلة سعيدة

shahy said...

وحشتيني

وحشتيني

Ahmed said...

كل ده فى الاسكندريه يا بنت الايه وكمان سعيدة ومبسوووووووووطة
وكمان جوزك وابنك معاكى
هههههههههههههههههه
يا رب يديمها عليكى نعمة يا دوبا
سسلميلى على يوسف ويا رب ترجعى بالسلامة ويخليلك يحيى يا رب
سلااام

Rosa said...

يا بختك يا عمممممم
حقد حقد حقد
هههههههههههه
لا تروحي و تتبسطي و تفضي و ترجعي لينا بالف سلامه يا رب
:)
واتفسيلي و النبي امانه بقالي كتير مارحتش الكس
بس يلا كلها اسبوعين و اروح مرسى مطروح و اشوف صخرة الملطقى
:D وليلى مراد و الحوارات دي
ترجعي بالف سلامه
have fun :)

3abdo me7tas said...

إيه ده انتى لسه مرجعتش مش انتى قلتى اسبوع واحد بس
يا رب تكونى بخير طمنينا عليكي

Mirage said...

انتى رحتى فين !!!!!!!!!!!!!!!

اوعى تكونى غرقتى فى البحر ولا حاجة

وحشتينا
ياللا ارجعى بقى

Doba said...

عدناااااااااا

Anonymous said...

telephone service seo promotion backlink service how to get backlinks

Anonymous said...

You are so cool! I do not believe I've read through a single thing like this before. So wonderful to find somebody with original thoughts on this subject matter. Seriously.. thanks for starting this up. This web site is one thing that is needed on the web, someone with a little originality!

[url=http://truebluepokies4u.com]click here[/url]